جامعة البحرين يصفها البعض بأنها كهف مظلم والأخر يصفها جميله؟؟ماذا نفعل

[zannopo]

بما اننا طلبة مقبلون على مرحله جامعيه كثير ما يتراود في ذهننا اسئله عن الجامعة وهي جامعة البحرين ..........

نذهب طبعا للطلبة الذين يدرسون في الجامعة ...نسالهم البعض يجعلك تتفائل والأخر يجعلك تنحبط.....

ومن الأجوبه المحبطه:::::::::::::::::..

الجامعه صعبه عدل

ما تقدرين اتواصلين

الأغلب ينسحب ويطلع

الي ينسحبون اكثر من الي يتخرجون

لازم تراجعين كل يوم 4 ساعات يلا تنجحين على الحافه

غالبية الدكاتره نحيسين ولا هم زينين

ولا في ناس مره وحده في الوجه يعطونها الوحده.............(مشي بوزش اتواصلين دام معدلش في الثمانين)

والوحده في نفس الوقت ما تقدر الاتدخل الجامعه لأنه اقوى شهاده والجامعات الباقي ما تسوى......(وتعرفون الأوضاع في الديره الحين)

لوسمحتون اخواني الزملاء نبغي اتوضحون لينا الصورة الصحيحه عن الجامعه

​

 

[بلوس]

بما اننا طلبة مقبلون على مرحله جامعيه كثير ما يتراود في ذهننا اسئله عن الجامعة وهي جامعة البحرين ..........

نذهب طبعا للطلبة الذين يدرسون في الجامعة ...نسالهم البعض يجعلك تتفائل والأخر يجعلك تنحبط.....

ومن الأجوبه المحبطه:::::::::::::::::..

الجامعه صعبه عدل

اللي سألته هل هو مال دراسه اصلا او مال لعبة ؟ اذا مال دراسه اكيد يا مو فاهم الى التخصص او مو رغبته او مو عارف شلون يدرس .. اما مال لعبة فشي طبيعي بكون صعب عليه كلشي

ما تقدرين اتواصلين

على إي اساس ماتقدرين تواصلين .. انتين تجوفين ناس واجد يتخرجون من الجامعه

الأغلب ينسحب ويطلع

اللي ينسحب الانه مو عارف الى الجامعه والحياة الجامعية بشكل عام مو عارف شلون يتأقلم مع الوضع .. ويطلع اللي ينطرد اللي مايراجع

الي ينسحبون اكثر من الي يتخرجون

لازم تراجعين كل يوم 4 ساعات يلا تنجحين على الحافه

من قال انا مااراجع 4 ساعات قبل الامتحان باسبوع ابدي ودرجاتي عاجبيني

غالبية الدكاتره نحيسين ولا هم زينين

في الشين وفيه زين

ولا في ناس مره وحده في الوجه يعطونها الوحده.............(مشي بوزش اتواصلين دام معدلش في الثمانين)

اكو انا معدلي على ايام الثانوي مو في الثمانين واحين معدلي اللي في الجامعه اكثر من الثنوي

والوحده في نفس الوقت ما تقدر الاتدخل الجامعه لأنه اقوى شهاده والجامعات الباقي ما تسوى......(وتعرفون الأوضاع في الديره الحين)

لوسمحتون اخواني الزملاء نبغي اتوضحون لينا الصورة الصحيحه عن الجامعه

​

بالتوفيق

 

[أمواج]

لا تحطين في بالش هالامور

حتى لو فيها نسبة من الصحة لكن بدون هالمبالغات

اني احس الدراسة بالجامعة مثل الدراسة بأي مكان في العالم

و الكلام الي يحبط باعديه عنش

مثل ما في المدرسة يصيدش معلمة ما تفهمين ليها مثل الشي الجامعة

مثل ما المدرسة لازم تدرسين و اصير ضغط عليش .. اصير بالجامعة

ادرسي اول باول و باعدي هالافكار السلبية و كل شي بيمشي تمام ان شاء الله​

 

[Ali Hassan]

إجاباتي نفس إجابات بلوس
​

 

[yagmur]

كلام محبط..

شعليج منهم ..

صج الجامعة صعبة بس ( مــــــــــــؤو صعبـــــــــــــــــــــة صعبة لدررجـة انج ماتقدرين عليـهإأ )
فيهإأ ظلم ...
بس مو على ولطول .. وفيها سلبياإأـ بس بعد الحمدلله وايد ناس تخرجـؤوإ منهإأ
و وإأيد نإأس بيتخرجون منـهإ ....

 

[yagmur]

الدكاترة .. فيــــــه زيينـــين وفيه مو زينـــين ..

كل الجامعات اتوقع جيي .. ومافي شيء بيـــــــرفكت 100 %

ادا انتي حابة تدرسين بالجامعة ماعتقد كلام الناس مهم .. شعليج منهم
الكلام ما بفيدج ترى ... و النإأس تضيع
واللي يقولون لج لا تروحين جامعة البحرين او ما بيدرسون فيهإأ .. للإسف تلآقينهم إأؤول النـــــــــإأس ( شيء مجرب )



الله يوفقج

 

[the life]

هو شي واحد وحطيه في بالش اذا سمعتين هالكلام
قولي اللي تخرجو منها شكثر ؟ و في شنو هم احسن مني عشان يتخرجون واني لا ؟
احنا قدهـآ

لا تسمعين كلام اي واحد
احضري وحطي ع روحش وتعبش اكيد ما بيضيع
لا الامتحانات من المريخ ولا احنا في حرب عشان تخافين هالكثر
فيها صعوبه ما نقول مافيها لكن الشي اذا ما جا بصعوبه ما تحسين بطعمه
لا تنظرون للجانب السيء من الموضوع ع طول ، ناس تتمسك بالشي ولو كان فيه بصيص امل
وانتون للحين ما دخلتون ـ، لا تدخلون ونفسيتكم متحطمة جذي
وفي النهاية كل شي قسمة ونصيب اذا الله كاتب لهالشخص يخلص بيخلص ​

 

[red❤heart]

طبعا الواحد اول ما يقول بدش الجامعة تلاقي في ناس تسم بدنه وتحبطه ههه واني سمعت هالحجي صراحة قبل لا ادش الجامعة
طبعا كل مكان فيه الدكاترة الزينة والشينة بس انتين اذا عندش طموح وحابة تخصصش تعطين فيه وما تحسينه صعب عليش​

 

[هائمة]

كله شلخ

انا عقب ما دخلت الجامعة ما شفت ولا شي من هل الامور

الدكاتره عادلين اذا تشتغلي وتدرسي تحصل الدرجة الكاملة

كله على جهد الطالب
والدكاتره مالهم دخل في الدرجات

 

[zanooob]

الحكم الوحيد في اللعبه هو "" انت ""

لا يمكن الحكم من كلام الناس او توقع المستقبل

هو نجح يمكن ان افشل انا ، هو فشل يمكن ان انجح انا

لا يوجد ماهناك سهل في هذه الحياه ولا يوجد ماهو مستحيل !!


يبقى الامر عاد على الشخص نفسه وهو الحكم الفاصل بين التجربه الناجحه و التجربه الفاشله ولكل منا اسبابه ..

​

 

[عآفك الخآطر]

بغض النظر عن صعوبة الجامعة من سهولتها ,
انا اعتقد ان الدراسه في مكان غير جامعة البحرين يتيح فرصة للتخرج أسرع ..

يعني انه ربعي الا يدرسون بره في جامعات ثانيه او بره البحرين الحين اهم على وشك تخرج
وانا للحين باقي لي

المشكلة مو في مستواي الدراسي مثلا , أو صعوبة جامعة البحرين لا
المشكلة في المواد اللي تنزل كل فصل , واضطر اخد مواد اقل من المعدل المطلوب .
يعني هذي وحده من المشاكل الموجوده في الجامعه ..

بس يعني مومعناته الجامعه سيئه

 

[نجمة تشرين]

اذا ليش رغبه في التخصص و تحبينه
بتمشيين
و لازم في كل هالحياة مو بس الجامعه في الظلم و في الخيير

حياش الجامعة و موفقه

 

[estrilla]

ذكرتين بأول كورس لي
يوم نزلوا لي الجدول الجامعة سألت بنات عن جدولي زين لو أغير فيه
أغلب الي سألتهم قالوا لي لا تاخذين هالمواد أول كورس بينزل معدلش وكلام إحباط عدل
قلت يلا بتوكل على الله وبخلي الجدول كما هو
وأخيرشي خلصت الكورس ومعدلي أعلى من3.5
نصيحه لا تسمعين كلام الناس
لان كلش بحبطونش
الي اتخرجوا في شنو أحسن منش
حالنا من حالهم
صح الجامعة تعب وخصوصا ( جامعة البحرين ) بس احليوة
كلشي يعتمد عليش ( إنتيه الي بتحديدين مصيرش في الجامعة )
دشي الجامعة وتوكلي على الله

 

[Miss Noni]

كلهم قالوا اللي جيت بقوله ,,
بس نصيحة ابتعدي عن الاوادم اللي يحبطونش ,, وارمي كلامهم بعرض الحائط ,,
مروا علي ناس اشكثر ,, محبطين ويحبطون ,, وحتى لو اهم مستواهم زين بعد يحبون يحبطون الغير ,,
اتركي كلام الناس عنش ,, ولا تحكمين ع الشي قبل لا تجربينه ,,
ترى للحين في ناس تحبطني وتقولي توش في البداية ومادري شنو ,, بس اطنش ,, واعرف اني افضل منهم ,, وبتخرج وبمعدل مرتفع ,,
حطي على روحش عدل ,, وحضري اول بأول ,, ولا تقصرين في حق الدراسة ,, لأن درجاتش في ايدش ,,
اما اللي بيلعب وبيطنش المحاظرات ويجي يتفلسف يقول صعب وما يفهم ويتحلطم لا تعبرينه ,,

كل التوفيق ,,

 

[yagmur]

إأنه سمعت وايدوايد كلام قبل لآ دخل

بس ماهتمـي لكلامهم .. اهلي كانوا يقولون لي درسي فيهإأ
وإنه قلت يإأ جامعة البحرين او الاردن اوالصين

بس الله كــــــــتتب لي جامعة البحرين بالنسبة لي ...

صج فييهإ شغلات مإأ تعجبني وادا ما عندي برنامج اتمللل ... و امشي

بس بعد الدراسة قوية ... و فيهإأ شغلآت حلوة ,, و إأحسن من بعض من الجإأمعات

 

[zannopo]

مشكورين على ردودكم ما تقصرون ..........

الصراحه صدق في ناس كله تحبط الأخرين

لكن اني الحمدالله بتوكل على الله وبادش جامعة البحرين

 

[..أتومآ..]

الدراسه في جامعة البحرين تعتمد 90% على المجهود و 10% على الحظ ،

لما كنت بدخل الجامعه ، سمعت هالنوع من الكلام ،،
بس بصراحه جفت مستوى الجامعه عادي بالنسبه إنها جامعه ،
يعني الصعوبه أكيد لازم تكون موجوده مو معقوله أحد بياخذ شهاده جامعيه بسهوله ..!

صعوبة جامعة البحرين ولا شي بالنسبه للجامعات العالميه ، قارني من هالناحيه عشان يسهل عليش مستوى الجامعه ،
الجامعه إللا يمشي وياها عدل تمشي وياه عدل ،

أني بصراحه أعترف إني مهمله في الدراسه ومو من النوع إللي يتعب روحه مثل الأكثريه ،
دراستي دراسة إهمال ، أدرس حزة الإمتحان قبل بيوم أو يومين وما كون دارسه من قبل شي
يعني من النوع إلا يتعب روحه مره وحده بس ، والحمد لله راضيه عن درجاتي لأني أعرف مستوى دراستي ،
ما أشجعش على الإهمال طبعاً ! بس تأكدي إن كل واحد يحصل على قد تعبه ،،

إللي طول الكورس يدرس غير عن إللي يدرس حزة الحزه ،

ما عليش من كلام أحد ، الجامعه طبيعيه حالها حال الجامعات بس يمكن قوانينها شوي صارمه
لأنها حكوميه مو خاصه ،،

مع الأيام بتحبين الجامعه وما بتقدرين تستغنين عنها ، بتحسينها جزء منش ومن ذكرياتش

بالتوفيق خيه ​

 

[النجم الاحمر]

الدراسه في جامعة البحرين تعتمد 90% على المجهود و 10% على الحظ ،

لما كنت بدخل الجامعه ، سمعت هالنوع من الكلام ،،
بس بصراحه جفت مستوى الجامعه عادي بالنسبه إنها جامعه ،
يعني الصعوبه أكيد لازم تكون موجوده مو معقوله أحد بياخذ شهاده جامعيه بسهوله ..!

صعوبة جامعة البحرين ولا شي بالنسبه للجامعات العالميه ، قارني من هالناحيه عشان يسهل عليش مستوى الجامعه ،
الجامعه إللا يمشي وياها عدل تمشي وياه عدل ،

أني بصراحه أعترف إني مهمله في الدراسه ومو من النوع إللي يتعب روحه مثل الأكثريه ،
دراستي دراسة إهمال ، أدرس حزة الإمتحان قبل بيوم أو يومين وما كون دارسه من قبل شي
يعني من النوع إلا يتعب روحه مره وحده بس ، والحمد لله راضيه عن درجاتي لأني أعرف مستوى دراستي ،
ما أشجعش على الإهمال طبعاً ! بس تأكدي إن كل واحد يحصل على قد تعبه ،،

إللي طول الكورس يدرس غير عن إللي يدرس حزة الحزه ،

ما عليش من كلام أحد ، الجامعه طبيعيه حالها حال الجامعات بس يمكن قوانينها شوي صارمه
لأنها حكوميه مو خاصه ،،

مع الأيام بتحبين الجامعه وما بتقدرين تستغنين عنها ، بتحسينها جزء منش ومن ذكرياتش

بالتوفيق خيه ​

اللي بيتعب ما ينسحب وبيحب الدراسه في ناس واجد ينسحبون لانهم مو متاقلمين مع الجامعه وهكذا وربما كان التخصص الللي اخذه محتار فيه او مو رغبه فيه فيفضل تدرسون شيئ تعرفون ليه ومتاكدين انكم بتبدعون فيه
والعكس ... ومعروف انا تخصصي تاريخ ومرتاح فيه ودرجاتنا تمام واحنا نراجع حزة الحزة ونحصل درجات زينه ومعدلاتنا هم زينه
في تخصصات تمشي فيها بسرعه وفي تخصصات يكرفونك فيها وكل واحد وتعبه في تخصصات فعلا صعبه الاي تي والفيزياء والهندسه ( يعني كليه الاي تي والعلوم والهندسه بكبرها ) هي منوجهة نظر الاغلبيه العظمى

اذا بزنس او في الاداب تمشي في الدراسه

 

[ITCS Student]

صباح الخير

باختصار شديد .. رغم كل الصعوبات اللي نسمع بها في جامعة البحرين
الا انها تعتبر جامعة قوية في دراستها ..
تبين السهولة والتخرج بسرعه .. روحي من هالجامعات اللي نسمع عنها تاخذ فلووس وتعطي شهاده بدون تعب
لكن في النهايه صعب التوظيف لان سمعتهم مو اوكيه ولو توظف الطالب شلون بيقدر يطبق عملياً اللي درسه ؟
هو اوردي مايدري شسالفة تخصصه اصلاً يعرف يدفع وتمشي اموره

توكلي على الله ودخلي

 

[موتو]