جامعة البحرين يصفها البعض بأنها كهف مظلم والأخر يصفها جميله؟؟ماذا نفعل

[أوراد]

ولا في ناس مره وحده في الوجه يعطونها الوحده.............(مشي بوزش اتواصلين دام معدلش في الثمانين)

ويش هالتفكير
خيووو في الجامعة الا معدلها 99 والا معدلها 70 يقعدون على نفس الكرسي
تعرفين يعني شنو نفس الكرسي ...؟ يعني انتين وهي مثل المستوى
وياما ناس عندهم بعثات ماقدروا يواصلون الجامعة وناس معدلهم في ال70 تخرجوا وبدرجات ترفع الراس بعد
هادي أكيد دخلت الجامعة وماقدرت تواصل او مو داخلتنها بالاساس

الدراسة بشكل عام بتكون صعبة اذا الطالب ما حط على روحه ((مع انه في ناس جدوا على روحهم عدل لكن للأسف ماقدروا يكملون))
وجامعة البحرين معروفة ان هي تظلم الطلاب وفيها حظوظ لكن هذا مو معناته انش مو قدها
وفيها دكاتره زينين وفيها الا مو زينين
اهم شي تدخلين تخصص رغبتش وتدرسين اول بأول
والله يوفقش

 

[Ali Hassan]

نفس ما قالوا الأعضاء و أهلا و سهلا بك ويانا
​

 

[5alil]

ذكرتينا على ايام المدرسة

اقول بدخل علمي

كل من يقول صعب وبتنقل تجاري
ولكن قدرنا نتخرج بمعدل يمشي العزا

والجامعة مثل الشي

لكن اذا تبين محد يقدر يمنعكم.

 

[بســــــكوتــــــة!]

مشكلة هالاوادم كله يحبطون انه نفس الشي وقلت انه نو وي ادش هالجامعة وانقبلت فجامعة ثانية لكن يت اهني ومادري ليش اول كورس طاحو فجبدي دكاترة نصهم اوكي ونصهم لا ولا ادري في شي يسمونه حذف واضافة ما كنت اعرف ولا شي صج ايام
لكن صج هالجامعة كبرت عقلي وعقلتني شوي بذمتكم ما تحسون نفسكم مثقفين وانتو تدرسون فهالجامعة؟ :sly:

 

[sanabsy 15]

المشكلة مو في شنو الشخص يقول، المشكلة في من الي قال، فيه ناس أول كورس لهم في التخصص حتى قبل ما يقدم امتحانات نهائية يطلع!! ويمشي ويقول جامعة البحرين صعبة والدكاترة مو زينين وغيره وغيره وغيره! انزين شلون حكمت انت ؟! أعرف ناس بهالطريقة يعني مو من عندي الكلام

يعني واحد هو مو حاب يدرس بجهد، متعود على المدرسة 30 أعمال و20 منتصف وينجح ويبي جي في الجامعة أو غير جي يصير صعب! مو كلام هذا

هناك عوامل بحكم تجربتي، أنا بعد جتني فترة كنت أفكر في هالكلام، بس توصلت لسبب وهو أنا شخصيًا، يعني مادة الكل يقول بايخة وسهلة وأنا أجوفها من أكره وأصعب ما يكون، هل هالشي مني أو من الجامعة ؟! أكيد مني

أنا عندي قناعة، السوق ما يمدحه الا الي رابح فيه، وما يذمه الا الي خسران فيه، مثل الدكاترة اذا أحد يسأل عن دكتور معين، الي يجيب عن الدكتور درجة تعجبه بيمدح الدكتور حتى لو الدكتور زفت، والي يجيب عنده درجة مو زينة بيذم في الدكتور حتى لو كان أفضل دكتور في العالم!!

عيشي تجربة جامعة البحرين، مرات بيجيش الهم ومرات بتستانسين، وما تحسين بطعم الحلاوة الا اذا ذقتين المرارة، يعني جامعة البحرين لا هي جنة الله في أرضه ولا هي جحيمه ​

 

[sanabsy 15]

مشكلة هالاوادم كله يحبطون انه نفس الشي وقلت انه نو وي ادش هالجامعة وانقبلت فجامعة ثانية لكن يت اهني ومادري ليش اول كورس طاحو فجبدي دكاترة نصهم اوكي ونصهم لا ولا ادري في شي يسمونه حذف واضافة ما كنت اعرف ولا شي صج ايام
لكن صج هالجامعة كبرت عقلي وعقلتني شوي بذمتكم ما تحسون نفسكم مثقفين وانتو تدرسون فهالجامعة؟ :sly:

فعلًا طالب جامعة البحرين غير عن باقي طلاب الجامعات، صح يمرمرونه بس اذا تخرج ينقال انه تخرج بشكل صحيح! ​

 

[ITCS Student]

مشكلة هالاوادم كله يحبطون انه نفس الشي وقلت انه نو وي ادش هالجامعة وانقبلت فجامعة ثانية لكن يت اهني ومادري ليش اول كورس طاحو فجبدي دكاترة نصهم اوكي ونصهم لا ولا ادري في شي يسمونه حذف واضافة ما كنت اعرف ولا شي صج ايام
لكن صج هالجامعة كبرت عقلي وعقلتني شوي بذمتكم ما تحسون نفسكم مثقفين وانتو تدرسون فهالجامعة؟ :sly:

+1

 

[qassoomy]

الاعضاء كفوا و وفوا
بس بقيت اعطيج نصيحة
حاولي تدخلين تخصص ترغبين الية
و بحثي عنة في النت و حصلي معلومات كثيرة علية
و دشي بالتخصص بقوة

و الله يوفق الجميع

 

[m.g.s]

الجامعه صعبه عدل

ما تقدرين اتواصلين

الأغلب ينسحب ويطلع

الي ينسحبون اكثر من الي يتخرجون

اذا ييتي الجامعة بتعرفين ليش ينسحبون

هياته طول الوقت و غالبا في مجمع المطاعم و غياب و ماينتبهون و كله في البيبي و السوالف

و اخرتها يبون ينجحون و معدلات عالية

صح انا اسوي كل هالشغلات لكن باعتدال و دراسة معتدلة بعد و حاب التخصص و حمدلله درجاتي اوكي

و بالنسبة حق الدراسة 4 ساعات >>> اسبوع بكبره مادرس هالوقت

و الانسحاب تره وايد من ربعي انسحبو من الجامعة لان ماكان عندهم فكرة عن التخصص قبل لايسجلون فيه و في النهاية يحطون السالفة على الجامعة مع ان الجامعة قالو لنا في يوم التهيئة اشياء وايد عن التخصص
​

 

[AL alawia]

حاولي ماتسمعين اي كلام وبذات المحبطين الجامعه قدرات واجتهاد وحظ , ناس في السبعين مشين والحمدالله وناس تفوق ما قدرو يكملون

 

[رحيق ورد]

صراحة بدون مجـــاملة ولا مبـــــــــــــالغة
الي يدرس في جامعة البحرين ويعرف ليها
يحس نفسه انسان ثاني
ويكون مختلف عن غيره
صدق صدق انسان مميز بمعـــــنى الكلمة
مو غرور ولا شي
تصدقون وحشتني بطاقتي الجامعية
متى الكورس الجاي
I MISS UOB

 

[m.g.s]

صراحة بدون مجـــاملة ولا مبـــــــــــــالغة
الي يدرس في جامعة البحرين ويعرف ليها
يحس نفسه انسان ثاني
ويكون مختلف عن غيره
صدق صدق انسان مميز بمعـــــنى الكلمة
مو غرور ولا شي
تصدقون وحشتني بطاقتي الجامعية
متى الكورس الجاي
I MISS UOB

اي تره حدددها فن الجامعة بس وايد مايحسون بهالشي
​

 

[yagmur]

العفووو و لو حاضررين لج

 

[Miss Noni]

هههه اذكر كلمة طلاب سنة ثانية - ثالثة يقولونها لي ,,
انسي شي اسمه full mark و الـ A

يا كثر الـ full mark و الـ A اللي عندي ,, الحمدلله رب العالمين ,,
ابتعدي عن هالاوادم حق لا يأثرون عليش ,,

 

[x0x0x]

ما خليتو لنآ شي نقوله

ههههههههههه امزح هع
مثل مآ قالو لج اخواني واخواتي كلآمهم كفى ووفى
وبقولج مثل ما قال اخوي قسوم دشي تخصص تحبينه انتي
مب لانج مثلا علمي تدشي تخصص يخص العلمي او تجاري يخص التجآري
مثلآ شوفي
انا علمي ودآش محآسبة لان احب المحآسبة وهالسوآلف
رفيجي علمي داش اعلام
رفيجي ادبي دآش IT
ولله الحمدمشين امورنآ ودرجآتنا زينه نسبيآ ولله الحمد

فجوفي شنو تبي تدخلية انتي هاي نقطة نقطة ثانية
ما انكر في بعض الدكآترة ما احترآمي لهم اشتغرب شلون محصلين دكتورآة
اخلاق زفت ودرجآت زفت وشكلهم انهم كانو طلبة وحالتهم نفسنآ
لذا ادخلي تخصص تحبينه + ابتعدي عن بعض الدكآترة + اهتمي بنفسج لان كل شيء بتشويه هو لنفسج



وشكرآ

 

[وينك يا حنون]

انا بظري التخصص يحكم

يعني في تخصص لو بتسألين الكل بيقول لش صعب مثلآ الهندسة الاغلبية تقول ان صعب

اختيارج للدكتور يلعب دور

اول شي علمتني اياه جامعة البحرين ان كل اسأل

ساعات والله اشياء تافهة اسئل عنها مابي اضيع

سألي عن التخصص اللي اخترتينة شنو المواد فهم لو حفظ

في اشياء ما تندرس ذاتي احنة في الحقوق في اشياء تقدر ندرسها ذاتي في اشياء لا والله لازم احد فاهم المادة يشرحها

فمهم تعرفين مواد تخصصش من اي نوعية

و نصيحة اخرى لا تخافين من جامعة البحرين بالعكس شيلي هالافكار السودة من بالش

دخلي جامعة البحرين و من اول لحظة حطي في بالش ان هالمكان بيحول ليي حلمي الى حقيقة بس هالشي ما بجي بالساهل لازم ادرس اول اول و اي شي ما فهمتة اسأل ما اخاف و لا اتردد

ما حصلتين اجابات تعالي هني المنتدى و سألي و ان شاء الله محد بيقصر معاج

سامحيني واجد تكلمت بس اني كنت مثلش في يوم من الايام و مقبلة على حياة جديدة و متخوفة منها من جذي افهم اللي تحسين فيه

اهم شي ما تخوفين روحش و تكونين المشجع الاول لنفسج

و الله يوفقج ​

 

[alialmulla]

أختي الجامعة تعتمد على الطالب نفسه ..
أنا طالب دفعة 2011 و قبل ما ندش الجامعة نفس الموقف قالوا لنا أن الجامعة مثل جهنم و الجامعة صعبة و بتنضغط و و و و ...
لكن و بعد فصلين في الجامعة عرفت أن الجامعة الي يعرف ليها صح يقدر يجيب A بالسهولة ..
أهم شي في الجامعة تنظيم الوقت و المذاكرة الدائمة و أن ما توقفين على حدود الدكتور اذا ما فهمتين شي اسألي أي واحد أهم شي المعلومة توصل ...
بالتوفيق أختي لكل خير ..​

 

[zannopo]

شكرا اعزائي ما تقصرون.........

تمنياتي لكم بالتوفيق والنجاح

 

[math lover]

الاخوان والاخوات ما قصروا

احنا بعد يوم بندخل الجامعة الكل كان يقول لينا صعبة وصعبة وما بتتخرجون ومن هالكلام بس ماعليش منهم
اصلا يعني مستحيل طالب يحصل شهادة معتمده بدون تعب وجهد يعني احنا ما بنجي ونلمع صورة الجامعة هي فيها صعوبة ولازم تواجه الطالب صعوبات بس مو للدرجة اللي يوصفونها لينا

اني كانت رغبتي الرياضيات والكل يقول ليي صعب وش ليش ما بتتخرجين و...... من هالكلام لكن كانوا امي وابوي يشجعوني
والحمد لله دخلت التخصص وحابته وواجهتني صعوبات لكن مشيناها الحمد لله

يعني باختصار مافي طالب جامعي يتخرج ويحصل شهادة بدون ما ينضغط وتواجها صعوبات لان هذا شئ عادي بس المهم والاهم ان شلون يتصرف ويقدر يواجه ويتغلب على هالصعوبات وهذا الشئ يحدده التخصص والطالب نفسه يعني بعض التخصصات مثل تخصصات العلوم والايتي تحتاج دراسة اول باول وعلى طول عشان يجيب الدرجة اللي يبيها اما حزة الحزة مستحيل ينجح ( اتكلم عن تخصصي ) .

ومن خبرتي 3 سنوات اول سنتين المواد كانت اوكي وحليوه وخصوصا مواد اول سنة كلها نفس المدرسة مع اضافات قليلة والفرق انها بالانج فكنت كله اقول وين اللي يقولون صعب وصعب لكن مواد سنة ثالثة صراحة بدت الصعوبة العدلة لكن بعد هذا شئ طبيعي لان اطورنا وكبرنا ومايصير يعطونا كل شئ سهل لازم الواحد يتعب على روحه عشان يفيد نفسه في مجال العمل مستقبلا

بالنسبة للدكاترة في كل جامعات العالم فيه الزين والشين يعني نفس المدرسة معلمات زينين وشرح بيرفكت ومعلمات ما يعرفون يوصلون المعلومة حتى في الجامعة جذي وبالنسبة للظلم ما بقول ليش مافي لكن مو كلهم معظم الدكاترة يعطون الطالب حقه لان الله سبحانه ما يضيع تعب احد لكن في نفس الوقت في بعض الدكاترة اللي عانينا من ظلمهم ندخل الفاينل ب 60 من 60 ونسوي زين في الفاينل ونقول ال A مضمونه وننصدم ب B واني شخصيا تعاملت مع هالدكاترة لكن الله عليهم بس لازم ما تحطين في بالش هذا الشئ لان مثل ماقلت هذلين فئة قليلة وان شاء الله ما يواجهونش في دراستش الجامعية

بالتوفيق خيو

 

[M3lem_Al_7ta]

من تجربة شخصية : رضاء الناس غاية لا تدرك حتى وان كانوا في اكبر جامعات العالم..!