عبآية رآس

[Dam3at Malak]

سلام بنات

بغيتكم بنات و طلبتكم طلبه .. ابي نوع العباية ( عباية رآس ) اللي ما تتكرفس و لا تبهت و لا تنسل .... ،، لأنه عندي 3 عبايات و كل وحده فيها علة من العلل و بغيت اخذ وحده تريحني هالفصل ..
و بكون لكم من الشآكرين

تحيآتي
​

 

[حُسيْنيّ النّبْضِ قَلبي]

والله بصراحة الحرير أني ما أحبّه كلّش . . قرماطي وغساله أذيّة
أني ما آخذ إلا نوع واحد وهو السّفير . . طول عمري من أوّل ما لبست دفّة من ابتدائي لحّين ما أفصّل إلا منّه
مريح وخفيف وعلى ما أعتقد فيه أنواع منها الخفيف والثّقيل بس أني آخذ الخفيفة
وطبعًا ما أقول إلش ما يتقرمط لأنّ ما في دفّة ما تتقرمط
بس بصراحة قراميطها أهون من الحرير بواجد بالنّسبة إليّي
​

 

[نجمة تشرين]

شوفي
انا غربلوني مرة قالوا اخذي بالحرير لعيد اخذتها و ندمت
يا زعم كشخه
لكن لاعت جبدي تعالي كله غسليها ع ايدش و بماي حلو
و لازم كوايه بخار و كله معلقه في مكان منشورة بكبرها
و الا تتكرفس
و بس اغسلها تصير تلوع الجبد معلوجه تعلوج
صدق خفيفة و لين مكويه مرتبه عدل بس تغربل كل طلعة يبى ليش كواي


لكن انا من زمان لحين ما اخذ الا السفيير بلمعه يقولون لمعه لكن ما تبرق يعني هههه بس الا بدون لمعه ثقيله و تطيح الراس
المهم هذي زينه وش خلاتها من سنيين و اني ما اخذ غيرها
و تشد حتى للجامعه الا تعفس الدفيف عفاس كاهي تشدني بس بعد اعدمها شوي
لكن الا اخليها لطلعه و مشاويير تم جديدة تبين لفترة
و تغسلينها بالغساله عادي و تكوينها بالكوايه العادية و ترجع كأنها جديدة
انصحش ابها

 

[Dam3at Malak]

السفير خفيفة ؟؟ انه مافيني عرض و اذا انزل الدفه على جتفي لخفاف يطيحون بسرعة

 

[نجمة تشرين]

اقصد مو تطيير خفيفة ان ما تعور راسش مو ان تنزلق عرفت قصدش في دفيف يطيحون مو جذي قصدت
في دفيف كأنهم طابوقه يطيحون الراس من ثقلهم هذي عكس هالحجي بس ما تنزلق

 

[Dam3at Malak]

خالتي تمدح اللكزس ،، عندكم خبره فيها ؟

 

[حُسيْنيّ النّبْضِ قَلبي]

أقصد خفيفة بحيث إنها ما تطبق على الرّاس وما تحسّين بثقل على راسش . .


اللكزس . . ما أعرفها
​

 

[نجمة تشرين]

خالتي تمدح اللكزس ،، عندكم خبره فيها ؟

سمعت عنها بس ما اتذكر جربتها


جربت وحدة اسمها الجوهرة السوداء مادري ويش ورديت سويت ليي وحدة لهالعييد نفسها يعني للاماكن المحترمه
زينه يعني بس اني ذي استعملها بس لطلعه بروح مكان ناس يعني مو بيوت خواتي او سوق او جذي لا في سيارة يعني ما عليها شغل
ما جربتها لجامعه
اتوقعها بتسلل لكن لو لجامعه لان ناعمة و الدفاتر تغربل اقصد النوتات فيهم حركات تخريب الدفه

بس بعد ارتاح للسفيير لمشاويري و روحاتي و جياتي
للجامعه هالمرة فصلت لي دفه الا تجي فيها نص يد و تكون ساكة يعني الايد نفس السواعد تقريبا لان استملييت من الشنطة و من السواعد الا يخلسون هذي بتجودهم و حتى لو خلسوا بيتم مغطى ما انشغل كل دقيقتين اغطي و اعدل لكن خلقها ما اعرفه امي اختارته عشان تشد اقرب للدفه السعوديه بس مو سعوديه ما اعرف اشرح
لان غربلتها و اني اعدم الدفيف

 

[غصن شوك]

حتى اني انصح بالسفير عجيبة احسن من الحرير الي تتقرمط ><

 

[Dam3at Malak]

نجمة ترى انه اعدمها من اول يوم حالتي عويصة ويه الدفيف
​

 

[نجمة تشرين]

لا السفيير بتشد جربتها اكثر وحدة تم من غيرها
ههههههه
ترى اني مثلش
و امي كل مرة تدور ليي حلول
بجرب ذي الجديدة اللحين و ان شاءالله اوكي

 

[asairy]

اني عندي عباية اللكزس ..
بصراحه وايد زينه وماتتكرفس بسرعه ..

 

[Dam3at Malak]

^^ نفس مواصفات السفير اللي قالوها ؟؟

 

[لحظات انتظار]

السفير و الشيخة فاطمة .. زينين

بس اني استخدم حرير مكة ..احسن شي حرير يبين ليي

 

[asairy]

^^ نفس مواصفات السفير اللي قالوها ؟؟

مادري ولله .. لأن مالبس عبايه راس وايد بس اللي جربتها اللكزس من خذيتها للحين مرتاحه فيها يعني

 

[PeaCe RoSe]

زين خيو.فتحتين الموضوع حق نستفيد
اني من فترة قلت امبي اشتري ليي دفة
لان اللي عندي طابوقة واأجد ثقيلة
كل ما اسحبها على قدام ترد تروح ورى وتسحب الحجاب وياها


يلا بما ان كلكم تمدحون في السفير بناخدها

بس بسألكم تشد عدلل يعني ماتتسلل
لاني اعدم الدفيف عدلل

 

[أوراد]

خالتي تمدح اللكزس ،، عندكم خبره فيها ؟

اني علطول استخدم اللكزس
وااجد حليوة .. صدق انها تحتاج كواي ومافي دفة مايبي ليها كواي
وفيها لمعة خفيفة بس وااجد اوكي
بس السنة غيرتها ...
سويت لي عبااية خلقة سعودي بس تفصال بحريني
تعرفينها الا اجي ابها الجامعة
هذي بعد اووكي بس الصراحة وااجد ثقيلة بالخبنة
اذا بسوينها بدون خبنة تصير خفيفة (تفصال سعودي)

نجمة +حسينية من وين تاخذون عباياتكم
الخواجة ...؟

 

[أشواق الروح]

تقدرين تروحين الخواجة وتشوفين
اللكزس من الخواجه تمام
<< استخدامي لدفة الراس مو واجد, احس الدفيف تبقى عندي بس خربت دفتي بالشمع
​

 

[أمواج]

الحرير جربته الكورس الي راح " حرير مكة 19 " خفيف و زين .. بس عيبه يعتفس بسرعة

اللكزز جربته قبل و كان بالنسبة لي أفضل من السفير مع انه يشبهه شوي

السفير هالمرة خذيت لي

 

[أمواج]

لان اللي عندي طابوقة واأجد ثقيلة
كل ما اسحبها على قدام ترد تروح ورى وتسحب الحجاب وياها

السفير جدي بس ما تسحب الحجاب .. مع انها مو ثقيلة
بس بعد الخلق مالها ما ادري شلون ينسحب احيانا