عبآية رآس

[أوراد]

من وين تاخذون عباياتكم
الخواجة الا في سوق واقف لو المنامة
بداية شهر الله رحت الا في سوق واقف
ما عجبوووني كلش
وكل المحلات الا هناك عندهم مثل الشي ( سفير ... لكزس .. وبعد وحدة نسيت اسمها)
فما ادري ويش آخذ هالمرة

 

[أمواج]

من وين تاخذون عباياتكم
الخواجة الا في سوق واقف لو المنامة
بداية شهر الله رحت الا في سوق واقف
ما عجبوووني كلش
وكل المحلات الا هناك عندهم مثل الشي ( سفير ... لكزس .. وبعد وحدة نسيت اسمها)
فما ادري ويش آخذ هالمرة

خذيت السفير من سوق واقف
أكثر شي آخذ من اهناك

 

[rayoom]

اختي اخذت لها عبايه ونوعيتها حلوووه بعد ومو حرير بس تجرفس هذي العيب
اذكر خذيت لي عبايه راس حرير اوووف شنو كرهت الحرير حست واني امشي العبايه بصوووب واني بصووب واطير وحاله ... كرهت روووحي....<<<<< وترى حتى عبايه الكتف الحرير يغربلون ويتلصقون بالجسم
بس ماعندي خبره الصراااحه فيهم ....
مابيقصرون الاخوات بيفيدونش اكيد....

 

[rayoom]

خذيت السفير من سوق واقف
أكثر شي آخذ من اهناك

عمومت سوق واقف ماخذ منهم لان غااالي وماحس لاهناك ...
صج اني مالبس عبايه راس بس بشكل عام ماتعامل مع عبايات سوق واقف...
جد علي تمام ...

 

[قمَر]

اني فصلت ليي دفة امس ، بس ما اعرف لـ انواع الخلق عدل
طالعت الخلق واللي حسيته حليو اخترته
واظن ، اذا ما خانتني الذاكرة انها السفير ​

 

[MaloOoL]

خالتي تمدح اللكزس ،، عندكم خبره فيها ؟

انا مالبس كللش عباية راس

بس امي هالمرة شرت لها لكزس تقول عنها اوكي

مفصلتها في المحرق الجوهرة السوداء

 

[نجمة تشرين]

جمة +حسينية من وين تاخذون عباياتكم
الخواجة ...

من مكانيين
اكثر ما ناخذ احنا من زمااان للحين من دكان صغيير في المنامه مو ذاكرة اسمه يمكن الخواجه بعد لو ال ابراهييم بس هو صغيير حدة و الهندي الا فيه هذا هو ما تغيير دفيفه صدق صدق شغل عدل و ما يتغيرون و خبانه زين و خياطه


بس ساعات المنامه درب طوييل وش يودينا هناك فناخذ من الخواجه سوق واقف لكن مو اللي صاير في الزاويه لان هذا يخرب
ادري و لا تبخس الناس اشيائهم يعني بس احنا ناخذ من نفس الفرع و صوبه ترى هو قباله و زين شغله لكن اللي في الزاويه مو شي

 

[حُسيْنيّ النّبْضِ قَلبي]

نجمة +حسينية من وين تاخذون عباياتكم
الخواجة ...؟

عادةً آخذها من الخواجة في الّي في المنامة . .
وجرّبت مرّة عبايات آل إبراهيم وكان أوكّي ممتاز مثل الخواجة وجرّبت عبايات اليوسف بس الخلق ما عجبني كلّش
مع إنها السّفير بس ثقيلة واجد مو مثل الخواجة وآل إبراهيم
​

 

[Dam3at Malak]

ويلي عليج نجمة طلعتين مثلي حتى نفس المحلات الللي اروحهم ،، الوالد يقول لهم جيبوا دفيف و انه اطالع و اختار وحده و امشي ع السريع ،، بس النتيجة ينعدمون بسرعة هل المرة بدقق و بخليهم يطلعون لي بالاسم طلع لهم قرون
​

 

[أوراد]

نجمة
سوق واقف وااجد فيه محلات للخواجة
اي واحد تقصدين ...؟
اني رحت الا صاير صوب الشويخ واحسه مو لهناك
شكلي بعد العيد بروح المنامة وبفصل لي وحدة

 

[نجمة تشرين]

نجمة
سوق واقف وااجد فيه محلات للخواجة
اي واحد تقصدين ...؟
اني رحت الا صاير صوب الشويخ واحسه مو لهناك
شكلي بعد العيد بروح المنامة وبفصل لي وحدة

اللي في صفه الشويخ هذا قلت ليش ما يعجبني يخرب
اقصد اني اللي مقابلنهم

و المنامه لكن افضل

 

[A.H]

ماعندي فكره ..
بس سمعت عن البلاكبيري .. لعبايات الكتف ..
عباية الشيخة فاطمة حق راس ..

 

[c o d e]

سؤال : يعني ويش " خبنة " ؟

 

[درازية]

اني مالبس دفه راس
بس اشوف انه امي ادا تلبس قطعه حرير تتجفس بسرعه عكس العاديه

من رايي اني تاخدين قطعه عاديه لانه الحرير يبي له مكواة

 

[غصن شوك]

خبنة يعني تخبنين الشيء مثلاً لو كانت العباية طويلة بدل مايقصون منها يجفسونها ويخيطونها اتمنى فهمتي شنو اقصد

 

[قرآن الغرام]

اني عن نفسي ما اقدر افيدكم
لأني ما البس الا الحرير صدق تتكرفس وااااجد بس واجد خفيفة

 

[Jouan7]

روحي هناك و قولي ليهم ابي نوع جدي زين بيعطونش