ترحيب لدفعة 2012 في [ كلية الآداب ] ~

[حوراء فضل]

بما انيي توني جديدة في دفعة 2012
عندي كم استفسار ..
- لما بنروح نثبت القبول شنو اودي وياي؟ غير رسالة القبول والبطاقة السكانية
- وفي المقابلة الا رد بسونها حقنا يخلونا انترجم صحيفة او شي؟؟ اني لان كلش مو قوية في الانج

 

[دمعة غزال]

وفي المقابلة الا رد بسونها حقنا يخلونا انترجم صحيفة او شي؟؟ اني لان كلش مو قوية في الانج

السنوات اللي قبل كانت مقابلة بس اللعام كان امتحان , لايقصون عليكم ويقولون ليكم كلكم مقبولين بس هذا تحديد مستوى مثل ماقالوا لينا ~

كان الامتحان جم سؤال الا هم اذكري 5 صحف بحرينية وصحيفتين عربيتين وصحيفة عالمية ,
ومنهو نائب الامم المتحدة :mellow:
وشنو هي اخر خطوة سواها محمود عباس تبع فلسطين
و أهم سؤالين تعبير بالعربي وتعبير بالانجليزي

 

[حوراء فضل]

ههههههع اووكيي مشكورة خيو

 

[دموع الحُرية]

أهلاً بكم .. مجددًا
فِ سَاحة تجمُع العِلم
و أهلاً بكِم ..
فِ سَاححة مَواضِيع العِلم ..


موفقيييين أحبائِي

 

[قيثارة الروح]

ويلي اسمي يبرق في تخصص الاعلام احم احم
وشكرا ع ترحيبكم

 

[السراج]

أهـلا وسـهـلا بجمـيـع الزمـلاء
زملاء الجامعة .. والكلية .. والتخصص بالتأكيد
حـيـاة دراسية مليئة بالعلم .. والمعرفة .. وبعض التعب إن شاء الله

شكرًا لك قسومي على اللفتة الجميلة ...

.. موفقـيـن جمـيـعًــا ..
دمـتـم بـعـيـن الله ،،​

 

[s.y.h]

بتنور الجامعة بوجودي

 

[غِيابْ . .]

يُسعدني أن أَكون جزء من سَماء كلية الآداب [ أعلام] ..
شِكرا عَلى الإستقبال ..


بس عندي إستفسار بسيط
أَفكر آخذ ويا التمهيدي اسلامك وعرب
ممكن أَعرف أحسن الدكاترة ​

 

[السراج]

مرحـبًـا بـكِ غِيابْ ،،
أولا .. عـفـوًا !!

شخصيًا درست مقرر الإسلاميات عند الدكتور عبد الرحمن الحامد
وهو جيد في الشرح .. ومتعاون .. ويقدر ظروف الطلبة

أما العربي فمن خلال الأسماء الموجودة الآن

يمدح عادة: د. جنات علي ، د. شيخة الدوسري ، د. مهدية شرف ( إذا ما تقاعدت ) ، أ. د. عبد الكريم حسن
وربمــا غيرهــم​

كذلك د. خليفة بن عربي

وإن شـاء الله يفيدونكم بقية الزملاء أكثر
دمـتـم بـعـيـن الله ،،​

 

[غِيابْ . .]

اذا كان التسجيل الكتروني
يوم الدوام ندفع او قبل ؟

شكرا مرة ثانية
​

 

[s.y.h]

عندي سؤال
احين باجر ان شاء الله التثبيت والتسجيل في اي مبنى بيكون؟؟

 

[عآفك الخآطر]

منورررين طلاب الاداب ,,


بالنسبة للتسجيل , انا اليوم كنت في الجامعة كان التسجيل في s18
وعموما من تدخلون من البوابه , السكيورتي راح يخبركم وين تروحون بالضبط


اللي سأل عن المواد اللي راح ياخدها مع مقرر الاورينتيشن
خذها نصيحة مني ,, لانك طالب اعلام ,,
انسى المواد المشتركه ولاتغلط مثل الغلط اللي احنا غلطناه
يعني انه راح ادخل على سنه رابعه وخلصت المواد المشتركه تقريبا وراح عليي الصيفي ..

وعموووما أفضل انك تبدأ بمادتين اعلام مثلا :
اعلام 110
واسلامك
أو
اعلام 110
واعلام 130 - 120

 

[عآفك الخآطر]

بالنسبة للمقابلة : احنا على ايامنا كان فيه اسئله بس
وكانت عباره عن من هو رئيس قطر ؟؟
من هي وزيرة الاعلام ؟
اقرى فقره انقلينزيه وقول عن شنو تتكلم ..
يعني كان سهل , واتوقع عباره عن يجوفون قدرتك على الحديث وجذي ..

طبعا اهم قالوا بخبرونه عن القبول عقب يومين , وماجفنا شي
لكن لما طبعنا الجدول كان مكتوب فيه التخصص

 

[غِيابْ . .]

ماقدر اخذ مواد الاعلام
لان لازم ادخل مقابلة او امتحان ف مادري يدخلوني التخصص او لا !
​

 

[عآفك الخآطر]

امممم ,
الظاهر مقابلتكم راح تكون في الفصل نفسه صح ؟؟
احنا اذكر كانت قبل ماتبدي الجامعة..

عموووما حاليا دكاترة الاعلام للحين ماداوموا ,
وعلى حسب اخر الاخبار ان الدكتوره اللي راح تسوي المقابلات راح تتأخر جم يوم عن الدوام.
الا اذا احد غيرها أخد هالمهمه ..

اذا جذي اخذي المواد المشتركه مثل العربي والدين
لكن لاتاخدين عند أي دكتور ..

وممكن تفكرين في الهستوري عند دكتور فؤاد أو طاهر العميد اذا داوم الكورس الجاي
لان اهو مسوي عملية وموو أكيد يداوم ..

 

[غِيابْ . .]

اي .. اغلب الظن اثناء الدوام
من الاسماء الي تكررت للعرب :
- محمد عبدالله
- جنات علي
- مهدية
- خليفة

اسلامك : احمد العطاوي , باسم عمار

بس الهستوري نصحوني اخذه صيفي .. مادري ​

 

[عآفك الخآطر]

امممم , الهستوري ممكن محتواه كبير ويقل في الصيفي , خليه حق الصيف

بالنسبة للاسلامك , ينصحون بـ عمر العاني ..
أنا خديته عند أحمد العطاوي , بصراااحه الدكتور 100% بالنسبة لي
لكنه يتطلب أزيد من باقي الدكاتره , يعني لازم تكونين حاضره في السكشن ويحتاج مشاركه
واحنا طلب من عندنا تسميع سوره الكورس اللي فات ..

بالنسبه للعربي خديته عند عاشييير انه , وكان مومنصف في الدرجات صراحه
أعتقد إسم مهدية تكرر واجد بالنسبة للعربي واعتقد ماراح يكون خيار سيئ يعني

بس يعني اذا تبين المعدل فوق من البداية بدي بالسهل
عندكم مادة ITBIS105 هي مجرد تعلم - الوورد - البوربوينت - الاكسل ..

ومن جهة ثانيه حاولي ماتأجلين مواد العربي والانج
لانهم يفتحون مواد تخصص عقب ,,

 

[غِيابْ . .]

تسميع سور !! :mellow:
شلون آخذها وهم سامحين ب عرب وهستوري و اسلاميات
قصدك بعد التخصص ؟ ​

 

[عآفك الخآطر]

ايه يعني في البداية ,,
اممممم دام هم سامحين بهالمواد
يعني مثل ماقلتي
الاسلامك والعرب افضل شي

والكورس اللي بعده ان شاء الله يصير خير عليه ,,
بس لاتتسرعون في اختيار المواد وتمشون ع كلام كل من مثلنا

 

[غِيابْ . .]

كنت ما باخذ مواد بس نصحوني حق يرتفع المعدل من البداية
على خير ان شاء الله
شكرا ​