فيدووني بإقتراحاتكم ...

[ام حسين2]

ساعدوني - تخصص علاج طبيعي

ابي فكره عن تخصص علاج طبيعي في جامعه البحرين

 

[ام حسين2]

محد عنده فكره عن هذا تخصص

 

[c o d e]

كل اللي اعرفه انه توه جديد , وعلى ما سمعت الطلبة ليما ألحين ما عندهم مقر !

 

[براءة حلم~]

اقدر اضيف شي الي عرفته
انهم لحين ما عندهم خطة دراسية واضحة
اول مقررات ياخذونه فيز106 وكالكولاس
بس ما قدموه معانا ما ادري اذا في فرق يمكن بينه وبينهم وعندهم
مادة اختيارية اعتقد عرب 110 ومقرر بيو بس ما اعرف رمزه
صراحة هذا الي اعرفه اممممم اكيد طلبة العلاج الطبيعي بيفدونج اكثر
بالتوفيق..//~​

 

[zxc]

رفيجتي تخخصها علاج طبيعي .. طبعا اهم ماعندهم مبنى خاص فيهم ولا عندهم خطة ثابتة لحد الآن
نزلوا اليهم الجامعه اول كورس .. فزكس خاص فيهم + كلكولاس 121 + بيلوجي + عرب 110 + هيستوري ​

 

[ايمان الراوي]

انا بعد ابي اعرف عن هذا التخصص يعني هو مفتوح احين ؟؟
وشلون نروح نسجل فيه ..

بلييييييييييز الي عنده خلفية بالموضوع لا يبخل علينا فيها

 

[زمـــرد]

شكراً للأخت براءة حلم الي نبهتني للموضوع

\

بالنسبة للعلاج الطبيعي ، فنحنا اول دفعة للتخصص في جامعة البحرين
تابعين لكلية التربية (التربية الرياضية والعلاج الطبيعي)
للحين ما في خطة ثابتة للتخصص
شفنا الخطة المبدئية ، بس للحين ما اعتمدتها الجامعة بشكل رسمي
(بس المواد بشكل عام أغلبيتها بيولوجي وعلاج طبيعي)
الكورس الأول نزلوا لينا خمس مواد :
(هستوري وعربي وفزكس 104 وكالكولاس 121 وبيو 171 )
>> الفزكس نفس 101 تقريباً

التخصص كان مفتوح للبعثات فقط
وكانت 15 بعثة والي حصلوها كلهم بنات
قالوا لينا ان الفصل الجاي بزيد العدد
يمكن يفتحون المجال لتحويل طلبة من كليات أخرى

بالنسبة لمواد العلاج الطبيعي
فهالكورس بتكون اول مادة ناخدها
قالوا ان كل مقرر بكون عبارة عن 3 أجزاء
جزء نظري وجزء عملي في الجامعة وجزء عملي في مستشفى

هذي نبذة بسيطة عن التخصص في جامعة البحرين
أي سؤال او استفساار .. حاضرين
​

 

[براءة حلم~]

العفو خيتو زمرد والشكر لج
انا قمت افتي من عندي صار لي شخبطة فوق تحت برموز المقررات ههههـ
عساج على القوة والحمد الله انج موجودة وان شاء الله
يستفيدون منج الي حابين التخصص ^^
كل الود..//~​

 

[مزاهير]

مشكوررة اختي ام حسين2 .. اني بعد بغيت اغير تخصصي الى علاج طبيعي
وعندي استفسارات واااجد وياريت القى احد يساعدني .... قبل لا يفوت عليي

اني طالبة اول سنة وتخصصي علوم حاسوب (cs) وبغيت اغير تخصصي الى علاج طبيعي
بس اول كورس الا اهو الاورينتيشنن ضفت بعد مادة الاساميات ... وسمعت انه اذا ابغي اغير التخصص يصير الكورس الجاي
الا اهو هذا الكورس واني كنت مسافرة وبدا التسجيل وكمل .. ومنزلين الي في جدولي خمس مواد واهي

ENG 154
PHYSIC 101 .... مو متاكدة من الرقم
HIS 121
ITCS 103
MATH 101

وسمعت اني لازم اجتاز 12 ساعة او ساعات ما تقل عن 45 ساعة بس اني ما اعرف الى عدد الساعات ...
واني محتارة اقول اذا اخذت كل هالمواد يمكن يصير عدد الساعات ازيد وبعدين ما يصير ادخل الى تخصص علاج طبيعي...
واذا يكون ازيد احذف اي مادة ؟؟؟؟ وهل مادة الاسلاميات تنحسب في عدد الساعات مالت تغيير التخصص او لا ؟؟؟؟
وهذي المواد الا عندي اياها ياخذونها في العلاج طبيعي او لا ؟؟؟ واذا لا ابي حل واي مواد اهم ياخذونها ؟؟؟؟

يا ريت تساعدوني وتنصحوني وتفيدوووني باسرع وقت .... محتاجة الى مساعدتكم
ومسامحة على التطويل في المووووضوع .... وشكرااا

 

[انتظركم تسموني]

عآآآآجل وبقوووة .. علاج طبيعي !

أبي أعررررف .. تخصص علاج طبيعي في في جآمعة البحرين ؟!!!!!

 

[M!Ss Chemistry]

اي في
فتحوه من الفصل اللي طاف

 

[سيما]

موجود بس التخصص بعده جديييد

يعني صعبه تحصلين معلومات كافيه عنه

 

[نبض الأمل]

اي فيه
اول دفعة كانت 15 طالبة
وكله بعثات
قالوا بيسمحون الى الا يبى يغير تخصصه بس بشرط المعدل قوي و فيه مقابلة
الدفعة الثانية المفترض وفقا لعدد البعثات 20 بعثة

 

[Mystro]

والله زين هالتخصص موجود في جامعة البحرين


​

 

[زولية وردية]

توني ادري
والله زين
بالتوفيق ان شاء الله​

 

[estrilla]

استفسار حول تخصص علاج طبيعي.

امبي احول الى علاج طبيعي وعندي بعض الأسئلة حوله..
1-كم سنة الدراسة ؟
2- هل ان دراسة التخصص في جامعة البحرين نفسها في الأردن او الجامعة الأهليه ؟ يعني دراسته مضمونة في الجامعة؟
3- شنو ايجابيات التخصص وسلبياته ؟ و شنو الصعوبات الي تواجهونها في دراسته؟
4- بالنسبة الى المواد شنو طبيعتها ؟؟
تنصحوني ان احول اليه
اتمنى طلاب التخصص يجاوبني على هالاسئلة .... ومشكورين مقدما

 

[estrilla]

محد يقدر يجاوب على الأسئلة .. او يفيدني بشيء

 

[وردة البحر]

تخصص علاج طبيعي !!

الســــــــــــــــــــــــــلام عليكم ...

أيام دفعتنا 2010 النحس ما كان في تخصصات زينة (فيزياء طبية- علاج طبيعي)
مثلا انا كنت ابي فيزياء طبية بس كان مو موجود ويا باقي التخصصات

حاليا افكر احول من بيولوجي لتخصص علاج طبيعي

لوووووو سمحتوا ابي كل شي تعرفونه عن هالتخصص ؟؟
وهل يحسبون لي ساعات البيولوجي اللي اجتزتها لأن سمعت أن اغلب مواد العلاج الطبيعي ((بيولوجي)) ؟؟
https://www.uob-bh.com/forum/showthread.php?t=12228&

انا اجتزت 30 ساعة ومن شروط التحويل أن ما تزيد الساعات المجتازة عن 46 وعقب يومين التسجيل وانا بسجل 16 ساعة يعني ما يصير احول ؟؟؟؟؟؟؟؟

رجـــــــــــــــــــــــــــــــــــــــــــــــــــــــــــــــــاءا اي احد عنده فكرة عن الموضوع يرد ولا يطنش

في انتظار الرد ~~



​

 

[estrilla]

على ما أظن عادي الحين اتحولين بداية الفصل >>> وانتين اجتزتين 30 ساعة و 16 الساعة انتينه ما اجتزينهم توش بتاخذينهم هالفصل
اسألي التسجيل أحسن ليش

 

[وردة البحر]

يعطيج العافية اختي

انتظر الرد من باقي الأعضاء