عبارات قديمة

[روؤحي فاطمية]

من الالعاب القديمة :

يسوون داائرة فيها تقريبا 10 بنات او 8 او 7 .. ما علينا

ووحدة تقوم وتدور على هالدائرة وتكول :

والثعلب فار فار ..
نسيتها بس كنا دائما نلعبها ..

وبعدين تقوم بنية وتلحقها

واللعبه الثانية الا تكول :
طق طق من في الباب
انا الديب وش تبي
ابي علبة الوان
اي لون ؟
وجذية يعنو ... ​

 

[Dr.Hakim]

الله ..

من وين مطلعة هالتحفةة

الي يغني يشبه: الي يغني سنورة سنورة مال السنابس

 

[أمواج]

ووحدة تقوم وتدور على هالدائرة وتكول :

والثعلب فار فار ..

والثعلب فات فات
والديلوب سبع لفات
و القطة قاعدة في البيت
صاحبها صاحب طيب
أبلي أبلي أبليتو
طاح مني جكليتو
هيّا دي ؟ لا موش دي

لهجتها مصرية ما ادري سورية
المهم .. توني يوم اكتبها اكتشف ان
والديلوب = ودو يلف = وده يلف = يبغي يلف
<< تحريف احنا

 

[نجمة تشرين]

والثعلب فات فات
والديلوب سبع لفات
و القطة قاعدة في البيت
صاحبها صاحب طيب
أبلي أبلي أبليتو
طاح مني جكليتو
هيّا دي ؟ لا موش دي

لهجتها مصرية ما ادري سورية
المهم .. توني يوم اكتبها اكتشف ان
والديلوب = ودو يلف = وده يلف = يبغي يلف
<< تحريف احنا

مو جذي كنه نقول
الثعلب فات فات
و بديلو سبع لفات ...يعني ديل الثعلب ملفوف سبع لفات
و صاحبها صاحب خنزير ههههههه ما قلنا طيب من قبل
و الباقي نفسه

 

[روؤحي فاطمية]

صاحبها صاحب طيب

ما كنا نكول طيب نكول صاحبها صاحب خنززير
ابلي ابلي ابليتووه

 

[رَحِيــلْ ،]

ما كنا نكول طيب نكول صاحبها صاحب خنززير
ابلي ابلي ابليتووه

احنا بعد كنا نقولها صاحب خنزير هههه
يعني على ديرة أهل أمي
بس في ديرتنا هني، صار وإني رافقت بنيّة من الديرة..
وإذا تجي نلعب وي بعض عادي نلعب هالألعاب
واتعودنـا على طيب بدل خنزير


​

 

[علي البلادي]

حمامة نودي نودي سلمي على سيودي
سيودي راح مكة ما ادري وينه

 

[روؤحي فاطمية]

حمامة نودي نودي سلمي على سيودي
سيودي راح مكة ما ادري وينه

حمامة نودي نودي
سلمي على سيودي
سيودي راح مكة
يجيب عيش حقة
ويحطة في صندوقي
صندوقي مالة مفتاح
والمفتاح عن الحداد
والحداد يبي الفلوس
والفلوس عند العروس
والعروس تبي رجل
والرجل يبي ولد
والولد يبي حليب
والحليب من عند البقر
والبقر يبي حشيش
والحشيش يبي مطر
والمطر من عند الله

لا إلة الا الله
محمد رسول الله ..

وما زلت اغني هذي لولد عمي العبسي

 

[رَحِيــلْ ،]

ساعات هالأناشيد تدق في راسي أغنيهم للجهال، إذا أقعد قعدة مُطوَّلة وياهم
أحس نظراتهم.. واااااو هذي من وينه جايبتنهم؟؟!
​

 

[Dam3at Malak]

هالأيام ما أدري وش فيي بس أنبش في الغبار...!!


انزين المهم، بذكر جم شي،
لفيت عالموضوع على السريع ما قريت كل شي بس شسمه ..

- قولي ربية.
* ربية
- امش محلية، أو ساعات أمش حلوة وذهبية ( يعني هي ودقاتها ههههه )

- قولي نص
* نص
- أبوش مشنص ( كانت تنبط جبدي ما أرضى على أبويي )


- قولي أربعانات
* أربعانات
- في بوزش أربع دبانات

^ يا دافع البلا


- قولي ماني
* ماني
- خطبش عماني، وطلقش يوم ثاني



فيه لعبة بعد للحين نلعبها ويّ الجهالو ساعات
فارة يا فارة
مش محتارة
سرعي ودخلي خيمتنا
سي سي سي سي
نو نو نو نو
هيا نقبض على قطتنا المسكينة
سمبوسة
محبوسة
فييي القفـــص..



وفيه لعبة بعد نلعبها أتذكر فيها ينقسمون الناس لفريقين
ويسحبون حبل أو شي، وكل واحد يسحب في اللي قدامه هههههه

ولعبة غير، ما أذكر بدايتها بس فيها يجندسون، واثنينه يتفقون واحد بيضرب أو يفلص >> تعذيب كانوا يجيبون الرّعب ليي
ويسألونه تالي يقومونه، منهو ضربك؟ أو منهو فلصك.. ويجاوب، وما يصححون ليه..
بعدين لين خلصوا الجهالو، هالاثنين يسحبون جاهل جاهل، يعني هو في الوسطة ويمرجحونه قدام ورا وهم يقولون : جنة، نار ، جنة ، نار...
إذا إجابته كانت صح يدزونه يفلتونه عند الجنة، وإذا غلط في جهة النّار ههههههه
وتالي اللي في الجنة يسوون ليه كرسي من الأيادي
يشبكون الاثنينه أياديهم على شكل × ويركبون الجاهل على أياديهم،
ويجود أكتافهم وبعدين يرفعونه ويناقزونه وهم يقولون : أبحلسوا أبحلسوا أبحلسوا ويمد لسانه يعيب على اللَ في النار !!!!


هاللعبة أحين نلعبها وي الجهال بس مو بكل تفاصيلها.. يعني بس جزئية الكرسي وما نعلمهم على آخر شي ، أو نغني ليهم شي فاني هههههه

وعلى طاري التمرجح، كان أبويي يشيلنا من أيادينا ورجايلنا ويسويي لينا مرجحانة..
كنت أستانس عجيييييب، وبعض النّاس كانوا يخافوون..


وبعد فيه وحدة ما كنت حافظتنها وللحين ، ههههه
بس فيها جديي:
أزهار في الرّبيع... أمطار في الشّتاء..
ما أدري غيوم في الشّتاء..

المهم يعني


والألعاب اللي فيها كفك بالإيد وصفقة وساعات الأصعب اللي فيها الأيادي تقابل بعض من فوق وتحت تالي حركة كفك وصفقة يعني 3 حركات .. هههه
أحين سويناها صفقتين ويصيرون 4 حركات يصير اللحن تن تن...

المهم، وحدة منهم كنت أحبها، كان يعجبني اللحن، وتعجبني الكلمات عفر ..

بدر وأنيس .. في الأوتوبيس
صاحَ بدرُ.. وَضَحَكَ أنيس
قرَّرَ البوليس.. بحبسِ أنيس
يومَ الجمعَة.. ويومَ الخميس
قالَ الجبن..مانه جبن.. لأنَّ الفأرَ يأكلنِي
قالَ الفأر.. مانه فأر.. لأنَّ القطَّ يلاحقني
قالَ القط.. مانه قِط.. لأنَّ الكلبَ يطاردني
قالَ الكلب.. مانه كلب.. لأنَّ العصا تضربني
قالَتِ العَصا.. ماني عصا.. لأنَّ النارَ تحرقني
قالتِ النار.. ماني نار.. لأنَّ الماءَ يُطفِئنِي
قالَ الماء.. مانه ماء.. لأنَّ الإنسانَ يشربنِي
قالَ الإنسان.. مانه إنسان.. لأنَّ إبليسَ يوسوسُ لي
قالَ إبليس.. مانه إبليس.. لأنَّ الله يُعذبنِي

هههه أستغفر الله..



وغيرها..
فيه نجار يبي يبني باب الدّار.. جم مفتاح يبني إبه باب الدّار .؟
( جنه جدي ما أذكر الجملة عدل بس فيها جديي ونحزر الرّقم، والليي يحزر يطلع ما يكون هو الصّياد هههههه )




​

زمن الطيبين الأجاويد