أبغي نظام رجيم قاسي ! مضمون وموثوق ونتايجه فعّالة ، تفيدوني ؟

[S p y e r]

سلام عليكم

شخباركم شعب ؟ إن شاء الله كويسين ؟
طبعاً أنا حاب أسوي رجيم إبتداءاً من اليوم أو بكرا
فمادري هل عندكم نظام رجيم تنصحون فيه ؟
أو نظام غذائي لتخفيف الوزن أو أي شيئ من هالقبيل
شخصياً ما أميل لممارسة الرياضة ، أفضّل تخفيف كمية الأكل بشكل كبير على الرياضة

خبركم الحين بدت الكرشة شوي تكبر وأحس بعض البوانطلين ما ينصكون بالراحة
صرت تقريباً نفس هذا :

أستغفر الله الطنازة مو زينة بس عشان تفهمون القصد أن الوضع صار مو مريح وجدي
فأبغي أبدل الوضع إلى :

مو لهالدرجة يعني بس أبغي الكرشة تنقلع
فـ فيدوني رحم الله والدينكم إذا كان عندكم شي يفيد ​

 

[ولد القمر]

عليكم السلام والرحمة ..
تماام الحمدلله .. شخبارك سباير .. عساك بخير؟

اترك العيش والخبز الابيض .. وتناول ما يحلو لكَ من الطعام

والرياضة ليها اثر كبيير .. جت ليي فترة قبل الازمة .. امشي يومياً ساعتين .. على الدوارات .. من دوار 19 إلى دوار 13 و انا نازل المالجية وراجع لـ ديرتنا "شهركان" ..
لاحظت ان جسمي صار انشط وأخف ..

الحين ما امشي زين ..​

 

[حُسيْنيّ النّبْضِ قَلبي]

أسمع برجيم دكتور دشتي ينصحون به ويقولون زين
تقدر تبحث عنّه وتچوفه إن عجبك ..



​

 

[قمَر]

على فكرة المشي أفضل بـ واجد من الرجيم
+
بيبسي لا تشرب يطلع كرشة
+
خفف الأشياء اللي فيها دهون زيادة وسكريات
+
أكرر الرياضة أفضل حق اللياقة بعد مو بس شكل الجسم ​

 

[حُسيْنيّ النّبْضِ قَلبي]

http://forum.hawahome.com/t45617.html

تفضّل خيّي, بحثت إلك عنّه وچفت هاي الرّابط
​

 

[x0x0x]

العيش والخبز انسسساه

اكل خبز اسمر اوكي حلو

ونصيحة عليك بالتمر

 

[ضجه عقل]

شنورجيم قاسي؟؟
الرجيم اللي يناسب غيرك مومعناه يناسبك انت بعد
اسهل شيءانت تخفف اكلك وثاتيا تبتعدعن اللي تحبه اقصدهالاشباس وهالعيش وجميع الكربوهيدرات الضار عاد
كله اشرب شاي اخضردله كامله باليووم
وكله استعمل الليموون ع الاكل
اني مريت بحالتك من قبل
وصرت اموت برياضه المشي امشي ساعه
كامله من تركت كربوهيدرات البي موزينه ضعفت عدل
وبعدشلون الارياضه وووتخفيف اكل

عندي نصايح واجدبس ماظن تقدرتطبقهم

 

[ضجه عقل]

ولدالقمر
انت تمشي ساعتين متواصلين مرة وحده
ولاتقسمهم ع فترات
مرة صبح ساعه
وساعه عصر
وشلون تقدرتمشي ساعتين متواصلين والله اتت بطل بعد

 

[ولد القمر]

ولدالقمر
انت تمشي ساعتين متواصلين مرة وحده
ولاتقسمهم ع فترات
مرة صبح ساعه
وساعه عصر
وشلون تقدرتمشي ساعتين متواصلين والله اتت بطل بعد

ساعتين وراء بعض ..
امشي بعد صلاة المغربين ..

ساعات انوي على مشي اكثر من ساعتين .. بس جو البحرين ما يساعد .. رطووبة واجد ..

اهم شي الارادة ​

 

[نجمة تشرين]

أسمع برجيم دكتور دشتي ينصحون به ويقولون زين
تقدر تبحث عنّه وتچوفه إن عجبك ..



​

اكثر الا سووه و اعرفهم شخصيا
صادتهم مشاكل في المريء و الجهاز الهضمي ...


امم
اقطع عيش و روتي ابتعد عنه نهائيا

لازم اول ما تقعد من النوم تحاول تنام على الارض و حاول تشد بطنك لداخل مده 5 دقايق و كل مرة طول المده
و لا تسوي تمارين ضغط بطن لان من تقطعهم يرجع الوضع اخس من الا قبل لان العضلات ترتخي

انزين عقب هذا التمرين ساعه كامله لا تاكل شي
اشرب ماي دافي و كميه كبيرة على طول
لازم تاكل ريوق و شوف كورن فلكس مع حليب بدون سكر
يفضل لو تاكل برتقال الصبح او تعصر برتقاله و تشربها مع الشي الا بتاكله
اي شي يصلح بدون ما تاكل روتي

اكل مشاوي و + اشياء مفيوحه و شوربات
و حدد وقت مناسب تنتظم فيه للاكل
لازم تاكل سلطه باستمرار مع كل وجبه

كلما تحس نفسك جوعان اكل خيار ..تنسد نفسك منه + ما وراه سعرات


في العصر تقدر تشرب مشروبات بدون سكر
اقطه السكر و الكاكو و الحلويات بشكل نهائي

حاول تمشي و اذا ما تقدر نط حبل في اليوم العصر افضل وقت 50 نطه
اذا تعب عليك ابدا ب30 و عقب زيد لين ما تاخذ لياقه

امم هذا مو رجيم
هذا نظام غذائي
و مفيد جدا و بتلاحظ وزنك يروح في فتره معقوله

اي نسيت اقول لمده يوم في الشهر هذا يسمونه يوم الصدمه بس وقت الظهر كل روتي او عيش او الو مفيوح المعده تنصدم بالبروتين و تهضم بشكل اسرع و تساعد لانقاص الشحوم اللي مو مرغوب فيها


و تبي نصيحتي بلا رجيم بلا خرابيط
صوم و هو عباده و هو بتحصل فايده

 

[alialmulla]

و عليكم السلام و رحمة الله و بركاته
أخي نصيحة مباشرة و بدون لف و دوران
لا تسوي ريجيم أبدا أبدا بدون استشارة طبية
لا تودي روحك في داهية لأن أنا اعرف ناس من الأهل سوو ريجيم قاسي على كيفهم و تأذوا عدل
بدون الاستشارة احتمال تجيك أمراض احيانا تأتي بعد الريجيم على الناحية النفسية و الجسدية كفاك الله الشر
فالاستشارة مهمة
بالتوفيق ​

 

[حُسيْنيّ النّبْضِ قَلبي]

اكثر الا سووه و اعرفهم شخصيا
صادتهم مشاكل في المريء و الجهاز الهضمي ...

صدق :mellow:
أني أعرف ناس سوّوه بس الحمدلله ما صادهم شي, يمكن خيّوو من جسم لجسم يختلف
ناس أجسامهم ما تتقبّل كل شي ..

وهو أحسن شي الواحد يخفّف من أكله ويبتعد عن النّشويّات ويمارس الرّياضة بلا رجيمات وبلا هرار
أني لا أحب هالرّجيمات ولا شي, لأنّ الواحد لمتى بيظل متقيّد بأكل معيّن؟ بتچز نفسه له
​

 

[التماس دعا]

للعلم ..انا بعد نفسك..
ابي اقصف البطن شوي..



الوالدة ايران...فقلت قبل ماتجي انسوي رجيم ..
لأن لين جت ..ماتخلي الواحد مايبلع....لازم تبلع لاااازم


فأول يوم رحت اركض 1 دقيقة ..جفت مافي فايدة ..رجعت البيت..رحت عقب المغرب اركض 5 دقايق..جفت بعد نفس الشي...
يوم الي بعده عقب الصلاة رحت 8 دقايق اركض

ومن داك اليوم للحين مارحت ...

بس رجيمي = مابلع شي الا شوووي حدد

ادري غلط هالشي..لكن احسن من ابلع واجد

 

[أبو حسين]

عندي برنامجين
ما يأذون ولا يسببون امراض ولا شي من الي قالوه
+ التزم بالمشي بدون جري اطلع مشية رياضية بس
ادا حبيت اكتب لك الرجيم وبتلتزم فيه قول
مو قاسي ولا يعور الراس يحتاج التزام وبتشوف النتيجة

 

[أوراد]

الرجيم ما منه فايدة
لانه اذا تركته بعدين تصير امتن من قبل
خخف من اكل العيش واكل خبز أسمر .. لا تاكل مجابيس ولا بحاري بس عيش أبيض بدون دهن
كثر من اكل الخضروات والفواكه ( الموز والبرتقال يمتنون .. التفاح والهمبا والاناناس اوكي يحرقون)
لا تشرب أثناء الاكل .. أشرب بعد الغدا او العشاء على الاقل ساعة
واهم شي المشي .. كل يوم العصر اتمشى ساعة الا ربع او ساعة (مشية رياضية مثل ماقال الاخ ابو حسين)

 

[warm snow]

خصص لك ساعتين بالمشي < ينسق الجسم
هرول على درج بيتكم ربع ساعه كل يوم .. مو تمشي هرول << يخفي الكرش
ابتعد عن المشروبات الغازيه
ابتعد عن العيوش والنشويات<< اكل كميه صغيره بس
كل اي شي تبيه بس بكميات قليله

بث

 

[زهر الخريف]

صوموا تصحوا
الله ينولك اللي ببالك

زهر الخريف

 

[التماس دعا]

الصيام بنية الرجيم باطل

 

[أزهار الخلود]

شنورجيم قاسي؟؟
الرجيم اللي يناسب غيرك مومعناه يناسبك انت بعد
اسهل شيءانت تخفف اكلك وثاتيا تبتعدعن اللي تحبه اقصدهالاشباس وهالعيش وجميع الكربوهيدرات الضار عاد
كله اشرب شاي اخضردله كامله باليووم
وكله استعمل الليموون ع الاكل
اني مريت بحالتك من قبل
وصرت اموت برياضه المشي امشي ساعه
كامله من تركت كربوهيدرات البي موزينه ضعفت عدل
وبعدشلون الارياضه وووتخفيف اكل

عندي نصايح واجدبس ماظن تقدرتطبقهم

لا مب زين الليمون وايد ع الأكل امي نقصت 7 كيلو
من المشي اتبعت نظام غذائي معين
وقالت ليها دكتورة كله اكلي سبنت واعصري ليمون
وصادتها حموضة من هالشي
لازم ما تسوي رجيم قاسي وايد -شوي شوي
حبة حبة لأن دفعة وحدة يضر بالجسم
اهي ف البداية كانت تمشي نص ساعة
ف اليوم وعقب ساعة كل يوم وعقب ساعتين
تالي راحت نادي ونقصت جم كيلو بعد

 

[أمواج]

شوف لك جدول السعرات الحرارية بالأكل
اكل كل شي لكن التزم بعدد معين من السعرات الحرارية باليوم
شوي شوي بعدين بتصير متعود على كمية معينة و لا حتى تحتاج تحسب جم سعرات