الأسئلة المحرجة او المنفرة في المقابلات الزوجيه

[غصن شوك]

السلام عليكم ورحمه الله وبركاته

شخباركم ؟

واني افتر مني مناك شفت هالموضوع
بس غيرت اسم الموضوع شوي

المهم ان اني بقت الفكرة ههه

يعني احنا في سن زواج .. مقبلين ع هالشيء
وبعضنا يمكن خاطب او مخطوبة او معرسين بعد

شنو الاسئلة الي مريتون فيها في مقابلاتكم ؟
ممكن بعد اذا مادخلتون تقولون شنو الاشياء
الي ممكن تحرجكم او تنفركم


اذا كان الموضوع مكرر احذفوه واسترو علينا ​

 

[غصن شوك]

طبعا ً اني قريت ردود واااجد في ذاك المنتدى
بس جذبني سؤال بنت حق اخو وحده من العضوات

(واخوي دخل مقابلة مع وحدة سألته:


وش أعديت لنصرة الأمام المهدي ؟


قاليها : فلاتيتين ومنتوف


اما هاذي بعد غير نمونة وش دخل الزواج في نصرة الأمام الحجة ؟!!!! )

كان جذيه كاتبه
والكل ان يقول صج ليش هي سئله هالسؤال شكلها متدينه وانها بريئة ومن هالقبيل
وبالنسبة حقي اني اعتبرت الي حاطة المشاركه انسانه تفكيرها سطحي جداً جداً
بس جاء رد برد جبدي من احد الاخوان الله يجزيه خير

لين سالت هالسؤال تضحكين ليش؟؟


هدا سؤال جميل و عجز الشخص عن الجواب عنه مو تضحكين!!


واذا انتين عجزتين عن الرد ما يستهزأون


و جوابه وش اعديت تدرين وش بجاوبها بقوليها سؤالش على راسي واضح انش انسانه متطوره و فاهمة
و محترمة و متداركة مصيرها و لله الحمد


و مشتاقه لسيدنا صاحب العصر الزمان عليه السلام جوابه : التمسك بالولاية و محاسبة النفس و الارتباط بمؤمنة
تساعدني بتربية الاطفال تربية متمسكة بالله و باهل البيت عليهم السلام و الدعاء له بتعجيل الفرج
بالعكس شي جميل الا قالته
.. الامام المهدي عليه السلام


عنده كتاب يضم اعمال كل انسان يعني وش موقفش لما ضحكتين ؟؟
بس اتكلم جد انتي لما ضحكتين غلط !! و ظلمتين نفسش امام الله بدل الضحك قولي نفس كلام مبرمج او سكتي
ليش الضحك!! بس سمعيني


لا تعترضين لان الامام موكل من الله


لين قلتين وش دخل بالزواج .. عجل ليش احنه عايشين حق نسرح و نمرح و نزوج حق المتعه فقط ؟؟؟؟


لا من قالش ترى احنه اذا نوالي اهل البيت عليهم السلام ننتظر صاحب العصر و الزمان عجل الله فرجه الشريف


حلو لما اهي سألت لان عارفه موقعها ..


و هدا بأمر إلهي شكو ملتوف و مادري شتقولين الله يهديش أقرأي عن الامام المهدي عليه السلام قبل لا تنطقين عن جهل
لان انتين ما تعديتين على شخص عادي !!


ان التعجيل للامام المهدي عليه السلاااام هو سلاح المؤمن .. الزواج نصف الدين الايمان الاعمال الصالحه
هدي اهي نصرة الامام المهدي عليه السلام .. و الامام بيظهر بسيف و تؤيده الملائكة و سيكون له انصار للاسف قليلون
لكن سينتصر وسيسرف في القتل من شدة المعارضين و المخالفين و الظالمين والجاحدين

 

[sanabsy 15]

السلام عليكم،

طبعًا أنا أعدُّ المقابلة أمرًا أساسيًا لرؤية الطرفين لبعضهم البعض، وليس لاكتشاف الشخصية أو ما شابه ذلك، يعني بالعامي احنا لما نجوف أحد سبحان الله من أول نظرة يا نرتاح أو نحس بنفور، وهذا الأساس من المقابلة + الصبي ينظر النظرة الشرعية للبنية وكذلك البنية تجوفه طويل متين ضعيف قصلة جحتلة، أما غير هذا فالأهل يتكفلون بالبحث والتنقيب عن أخلاق البنية أو الصبي

​

 

[غصن شوك]

السلام عليكم،

طبعًا أنا أعدُّ المقابلة أمرًا أساسيًا لرؤية الطرفين لبعضهم البعض، وليس لاكتشاف الشخصية أو ما شابه ذلك، يعني بالعامي احنا لما نجوف أحد سبحان الله من أول نظرة يا نرتاح أو نحس بنفور، وهذا الأساس من المقابلة + الصبي ينظر النظرة الشرعية للبنية وكذلك البنية تجوفه طويل متين ضعيف قصلة جحتلة، أما غير هذا فالأهل يتكفلون بالبحث والتنقيب عن أخلاق البنية أو الصبي

مااختلف وياك على المبدأ ان المقابلة علشان نشوف الارتياح بين الطرفين
بس مهم ان نعرف شخصية هالشخص وطريقه تفكيره ..

يعني ممكن ارتاح لأحد بس شخصيته ماقدر اتأقلم وياها اني اعيش معاها بقية عمري صح او لا ؟

 

[sanabsy 15]

مااختلف وياك على المبدأ ان المقابلة علشان نشوف الارتياح بين الطرفين
بس مهم ان نعرف شخصية هالشخص وطريقه تفكيره ..

يعني ممكن ارتاح لأحد بس شخصيته ماقدر اتأقلم وياها اني اعيش معاها بقية عمري صح او لا ؟

هل من الممكن معرفة شخصية شخص من خلال بعض الأسئلة في وقت قصير ؟ مستحيل، يعني أحس الامور الي تنقال معروفة، مو أسئلة بقدر ما هي تعريف بحياة الشخص للطرف الآخر أقوليها أنا على قد حالي، أو البعض يقوليها أنا أبيش تلبسين دفة ومن هالأمور، هذا لا يعني إن المقابلة ما منها فايدة بالعكس لكن مو الفائدة مو شرط تتحقق، عادي الوحدة تكتشف إن الصبي معقّد أو تفكيره متعصب مثلًا لو قال ليها أنا ما أبيش تدرسين أو تشتغلين، بس أقصد إن مستحيل تتعرف على شخصية الفرد من كل النواحي ​

 

[um-hamoodi]

اشوة عرست و افتكيت

سوال منفر مافي ببالي ..ز بس من احلى الاساله شنو هدفش من هالزواج ؟

 

[القمر المضيء]

بسم الله الرحمن الرحيم

عرفت المكان اللي اخذتين منه الموضوع و غالبا وجهات نظر بعضهم ما تعجبني احس انها تميل الى الانغلاق او السطحية
اما بالنسبة لموضوع الاسئلة المحرجة فأني اتقبل كل الاسئلة اللي يسألني الشخص فيهآ
لأنها اكيد بتكون مهمة بالنسبة ليه و ليه هدف من سؤالها
و اتفق مع اخوي سنابسي ان المقابلة الشخصية ما تحدد الا الارتياح من عدمه
و بعض الاشخاص في المقابلة الشخصية ما يتصرفون على طبيعتهم واغلب البنات يتغلب عليهم الخجل و الربكة
في النهاية مقابلة مدتها قصيرة ما تكفي ان نحكم على شخصية الطرف المقابل سواء بالسلب او الايجاب ​

 

[قمَر]

مادري وش أقول
بس أعتبروني متابعة بـ صمت ​

 

[sanabsy 15]

و بعض الاشخاص في المقابلة الشخصية ما يتصرفون على طبيعتهم

عبارة جميلة جدًا وصحيحة جدًا في نفس الوقت​

 

[غصن شوك]

مادري وش أقول
بس أعتبروني متابعة بـ صمت

تشرفينا

 

[غصن شوك]

بسم الله الرحمن الرحيم

عرفت المكان اللي اخذتين منه الموضوع و غالبا وجهات نظر بعضهم ما تعجبني احس انها تميل الى الانغلاق او السطحية
اما بالنسبة لموضوع الاسئلة المحرجة فأني اتقبل كل الاسئلة اللي يسألني الشخص فيهآ
لأنها اكيد بتكون مهمة بالنسبة ليه و ليه هدف من سؤالها
و اتفق مع اخوي سنابسي ان المقابلة الشخصية ما تحدد الا الارتياح من عدمه
و بعض الاشخاص في المقابلة الشخصية ما يتصرفون على طبيعتهم واغلب البنات يتغلب عليهم الخجل و الربكة
في النهاية مقابلة مدتها قصيرة ما تكفي ان نحكم على شخصية الطرف المقابل سواء بالسلب او الايجاب

صح في بعض الاشخاص تتصنع << والله لا يحطنا في موقف مع هالاشخاص
واذا في رأيش المقابلة وقته قصير .. وارتحتين حق الشخص .. ماحس فيها شيء لو طلبتين مقابلة ثانية .. تحددون اشلون بتسيرون حياتكم تتعرفون ع بعض

الله يرزقكم الزوج الصالح

 

[غصن شوك]

اشوة عرست و افتكيت

سوال منفر مافي ببالي ..ز بس من احلى الاساله شنو هدفش من هالزواج ؟

مبروك

يعجبني الشخص الي مايسئل اسئل لان الكل يسئلها
حلاته الشخص يسئل الاسئلة الي تعنيه ويبي يعرف اجابتها
ومن خلالها يحدد هالانسانه الي قبالي نظرتها لزواج والحياة تتوافق مع رؤيتي او لا

 

[التماس دعا]

اللهم ارزقني صم بكم عمي عاجزه صلعاء

 

[UOB-BH]

من الطبيعي ان كل شخص بيحاول يظهر بشخصية متكاملة بلا عيوب خلال علاقة النصف ساعة، الأمر نادرا ما يخلو من الاجابات المثالية
الاجابات الدبلوماسية والمثالية ماتعتبر خداع من وجهة نظري، فشخصية الانسان تميل بطبيعتها لترك أثر ايجابي في العلاقات المحدودة أو ذات العمر القصير، معظم السلبيات وتفاصيل الشخصية مايقدر الانسان يكتشفها خلال ساعة.

اذا كان الطرفين مايعرفون بعض بشكل نهائي فالمقابلة غالبا ستتركز حول خطوط عريضة أهمها الارتياح للجانب الجمالي، المستوى المادي، الالتزام الديني، وبعض التفاصيل الرئيسية في الشخصية وطريقة التفكير. هل تكفي لأن نتخذ من خلالها قرارا للاستمرار مع هذا الشخص إلى الأبد؟ الاجابة تعتمد على قناعات الطرفين والوسط المحيط بهما وعوامل كثيرة.

أعجبني طرح الموضوع

 

[غصن شوك]

اللهم ارزقني صم بكم عمي عاجزه صلعاء

وعلى نياتكم ترزقون

اسئل الله ان يرزقك فتاة متدينه خلوقة ولا تهمها المظاهر << بس ان شاء الله ماتطيح ع ردودك هذول

 

[غصن شوك]

من الطبيعي ان كل شخص بيحاول يظهر بشخصية متكاملة بلا عيوب خلال علاقة النصف ساعة، الأمر نادرا ما يخلو من الاجابات المثالية
الاجابات الدبلوماسية والمثالية ماتعتبر خداع من وجهة نظري، فشخصية الانسان تميل بطبيعتها لترك أثر ايجابي في العلاقات المحدودة أو ذات العمر القصير، معظم السلبيات وتفاصيل الشخصية مايقدر الانسان يكتشفها خلال ساعة.

اذا كان الطرفين مايعرفون بعض بشكل نهائي فالمقابلة غالبا ستتركز حول خطوط عريضة أهمها الارتياح للجانب الجمالي، المستوى المادي، وبعض التفاصيل الرئيسية في الشخصية وطريقة التفكير. هل تكفي لأن نتخذ من خلالها قرارا للاستمرار مع هذا الشخص إلى الأبد؟ الاجابة تعتمد على قناعات الطرفين والوسط المحيط بهما وعوامل كثيرة.

أعجبني طرح الموضوع

شيء حلو ان اترك اثر ايجابي لدى الشخص الي اقابله
بس نفاق ان اقول لها شيء مغاير عن قناعاتي وعقب العقد اراويه شخصيتي الثانية !

شاكرة مرورك مديرنا

 

[ندآآء السمآآء]

المقابلة عامةً مو كل شي .. يعني كل واحد يبي يظهر نفسه ملاك و مافي احد نفسه
خلنا واقعيين .. لما يجي واحد يسألني السؤال اللي ورد في اقتباس وحدة من البنات : ماذا اعديتي لـ لقاء الإمام المهدي !!
هل هذا له علاقة بالزواااج !؟ هاذي حياتها الدينيه الخااصة .. من الممكن تكون اعدت مالا تستطيع انت ان تفهمه او تصل إليه
بس مو شرط تكون عارفة ترد عليك ! و البعض ما يحب يتكلم في هالأمور بشكل واضح إلا مع ربه !
اعتقد هالسؤال المفروض ما ينقال ! يعني تبي تعرف دينا و مذهبنا و حالتها .. ما تعرفها عدل إلا لين انصك عليكم باب واحد
حتى مو في الخطوبة .. لأن هم في الخطوبة كل واحد بيظهر احسن ما عنده و يبي يستانس .. و لكن الواحد يكون منطقي في المقابلة شوي
يعني اسولف وياه اكلمه اسأله يسألني بس اشياء معقولة .. يعني مو تروح تقوليه كلمت بنات من قبل !؟
ولا يسألها على ان هو آية الله العظمى : هل مستعدة للموت في أي لحظة !!
ولا سؤال ثاني دارج هالأيام بقوله بعفوية طبعاً مااقصد في شي مع احترامي للكل يعني بس السؤال !!!! لا تعليق : اطلعين مسيرات !؟ شرايش في الثورة !؟
وش ده !! زواج لو شغل في وزارة الداخلية ! ولا اللي بتسأل اسئلة دينيه اللي يقول الحين بتشغله في حوزة !!
يعني الواحد يكون شوي عقلاني منطقي جااد بلا اسألة سخيفة !! المقابلة صايرة حلاوة اقعد و اسولف و اسألني و اسألك و آخر شي والله ما عرفت يجاوب على سؤالي الفلاني
بصراحة ما احب رجال جذي .. و اللي يقول والله هاذي ما تعرف تطبخ ما تعرف ماادري ما تعرف شنو مابيها .. ! انزين اللي ما يعرف ما يتعلم ..! اللي ما جاوب على اسئلة الدين
الحوزوية ما يتزوج ! خصوصاً امور الدين الواحد ما يحب يتكلم عن علاقته مع ربه عند أي احد طبعاً علاقته بربه بشكل مباشر أو بأهل البيت سلام الله عليهم .. يعني شوي نكون
عقلااانييين ... و بالنسبة للسؤال المطروح في صلب الموضوع عن الاسئلة المحرجة فـ ماادري لأني ما دخلت أي مقابلة .. <<< توها الناس

و الله يعرسكم كلكم
​

 

[UOB-BH]

شيء حلو ان اترك اثر ايجابي لدى الشخص الي اقابله
بس نفاق ان اقول لها شيء مغاير عن قناعاتي وعقب العقد اراويه شخصيتي الثانية !

شاكرة مرورك مديرنا

أختلف معاج في الرأي

للتوضيح، سأفترض أنني في مقابلة مع فتاة وهي بصدد توجيه بعض الأسئلة، سأكتب مثالين لسؤالين ولنرى ماهي اجاباتي

س1: الفتاة: هل عندك مانع لو أخذت الليست وصار عندي سيارة؟
صادق: بالعكس، أنا أشجع المرأة انها تاخذ ليسن وتسوق سيارة وتكون لها حياتها.

س2: الفتاة: لو شفتني في أحد الأيام مع رجل في أحد الاماكن العامة .. ماهي ردت فعلك؟
صادق: راح أترك المكان واذا رجعتين بسألج من؟ اذا طلع شخص ما تعرفينه فممكن أسوي مشكلة.

السؤال الأول لا يحتمل التحليل، سؤال الفتاة واضح، نعم ام لا؟ وانا أجبت نعم، لو بعدين منعتها تاخذ الليسن فهذا يعتبر خداع وكذب، وأنا كنت أحاول أظهر أمامها بمثالية حتى توافق << مو هذا النوع اللي كنت أقصده لما قلت ان كل شخص يسعى للظهور بمثالية.

السؤال الثاني يحتمل التحليل والشخصية، ممكن أنا نفسي ماعرف ردة فعلي لكنّي حاولت أختار اجابة متزنة ومثالية، لو حدث هالموقف اللي سألتني عنه بعد الزواج وفرضا رحت عصّبت عليها في المكان العام وتطور للضرب وتفاقمت الأمور فهل هذا يعني انّي كنت كاذب ومخادع لما اجبتها على السؤال في المقابلة؟ من رأيي لا، الامر يعتمد على عوامل عديدة ويعود لشخصية الرجل، في المقابلة لم أكن أتخيل الموقف فأجبت بمثالية في ظل المرحلة والظروف المحيطة، أما الآن ومع شخصيتي العصبية التي اتضحت لها كان التصرف جدا مختلف عن تلك الاجابة. الموقف نفسه كان يحتمل الايجابية والسلبية وفق عوامل عديدة وظروف كثيرة، في المقابلة من الطبيعي أنني ساتعامل معه بالايجابية وسأبتعد عن التعاطي السلبي معه.

السؤال الثاني هو نوع الأسئلة اللي أقصدها بأن كل شخص يحاول تجميل اجابتها، أما الأسئلة المادية والملموسة (دراسة / وظيفة / سياقة / سكن / .....) فالاجابة المثالية فيها تعني كذب ونفاق وخداع سيدفع ثمنه الطرفين في المستقبل.

وجهة نظر

 

[غصن شوك]

المقابلة عامةً مو كل شي .. يعني كل واحد يبي يظهر نفسه ملاك و مافي احد نفسه
خلنا واقعيين .. لما يجي واحد يسألني السؤال اللي ورد في اقتباس وحدة من البنات : ماذا اعديتي لـ لقاء الإمام المهدي !!
هل هذا له علاقة بالزواااج !؟ هاذي حياتها الدينيه الخااصة .. من الممكن تكون اعدت مالا تستطيع انت ان تفهمه او تصل إليه
بس مو شرط تكون عارفة ترد عليك ! و البعض ما يحب يتكلم في هالأمور بشكل واضح إلا مع ربه !
اعتقد هالسؤال المفروض ما ينقال ! يعني تبي تعرف دينا و مذهبنا و حالتها .. ما تعرفها عدل إلا لين انصك عليكم باب واحد
حتى مو في الخطوبة .. لأن هم في الخطوبة كل واحد بيظهر احسن ما عنده و يبي يستانس .. و لكن الواحد يكون منطقي في المقابلة شوي
يعني اسولف وياه اكلمه اسأله يسألني بس اشياء معقولة .. يعني مو تروح تقوليه كلمت بنات من قبل !؟
ولا يسألها على ان هو آية الله العظمى : هل مستعدة للموت في أي لحظة !!
ولا سؤال ثاني دارج هالأيام بقوله بعفوية طبعاً مااقصد في شي مع احترامي للكل يعني بس السؤال !!!! لا تعليق : اطلعين مسيرات !؟ شرايش في الثورة !؟
وش ده !! زواج لو شغل في وزارة الداخلية ! ولا اللي بتسأل اسئلة دينيه اللي يقول الحين بتشغله في حوزة !!
يعني الواحد يكون شوي عقلاني منطقي جااد بلا اسألة سخيفة !! المقابلة صايرة حلاوة اقعد و اسولف و اسألني و اسألك و آخر شي والله ما عرفت يجاوب على سؤالي الفلاني
بصراحة ما احب رجال جذي .. و اللي يقول والله هاذي ما تعرف تطبخ ما تعرف ماادري ما تعرف شنو مابيها .. ! انزين اللي ما يعرف ما يتعلم ..! اللي ما جاوب على اسئلة الدين
الحوزوية ما يتزوج ! خصوصاً امور الدين الواحد ما يحب يتكلم عن علاقته مع ربه عند أي احد طبعاً علاقته بربه بشكل مباشر أو بأهل البيت سلام الله عليهم .. يعني شوي نكون
عقلااانييين ... و بالنسبة للسؤال المطروح في صلب الموضوع عن الاسئلة المحرجة فـ ماادري لأني ما دخلت أي مقابلة .. <<< توها الناس

و الله يعرسكم كلكم

اذا واحد سئل شنو اعددتين لنصرة الحجه << بالنسبة ليي سؤال غير مباشر هل في ارتباط بينش وبين الحجه ؟ هل انتين تنظرين لزواجنا ان ممكن يكون شيء لنصرة الحجه ؟ السؤال عميق جداً ترى ..

اما سؤال هل تحس نفسك مستعد للموت .. كل شخص بيقول لا ! بيجذب على نفسه لين قال اي

من حقه يسئل ان اذا انتين تطلعين مساير او لا ! يمكن هو مايبي وحده جذيه !!! او يمكن هي تسئله لان هي موقف مغاير ليه ان هي لزمن تطلع وهي رؤيتها جذيه

اما اذا ماسئلوا هالاسئلة ممكن يكون تصادم هناك بعد العقد وبعد الزواج ممكن يؤدي لطلاق
تسوى ؟!
يعني هو غريب و هي غريبة اذا ماتكلموا عن نفسهم اشلون بيعرفون الطرف الاخر انهم مايبون هالشيء او مايبون هالشيء !
يعني مخلين مقابلات ع الطل ؟ بالعكس المفروض تنثقف بموضوع المقابلات هذي علشان نقلل نسبة المشاكل الي بتصير و نقلل نسبة الطلاق في المجتمع !

 

[غصن شوك]

السؤال الثاني هو نوع الأسئلة اللي أقصدها بأن كل شخص يحاول تجميل اجابتها، أما الأسئلة المادية والملموسة (دراسة / وظيفة / سياقة / سكن / .....) فالاجابة المثالية فيها تعني كذب ونفاق وخداع سيدفع ثمنه الطرفين في المستقبل.

وجهة نظر

اني كنت اقصد هالنوع من هالاسئله
يعني ممكن يقول لها انا انسان متفتح وأأيد المرأة تشتغل وتدرس و تسوق
ومن يعقد عليها يقول لها لا مافي ماعندنا نسوان يطلعون برع البيت !

قمه المادري شنو !

اما في مثالك السؤال الي لو شافها في مكان مع احد
بالنسبة لي لو هو سئلني هالسؤال لو اني شفته في مكان مع وحده
بيكون ردي ليه اني ماحب العصبية ولا اسوي مشاكل .. بس طبعاً ماقدر الحين اجاوبك جواب مباشر على سؤالك لان مادري شنو بتكون الظروف وشنو بيصير تالي !