الأسئلة المحرجة او المنفرة في المقابلات الزوجيه

[Waffa]

عقب العز ويا الوالدة يبون يأكلونه كله من المطاعم ,
هذا اللي ناقص الوالدة تسوي لينا كلشي وهم بيخلونه بالجوع
أظل طول عمري في بيت الوالدة معزز مكرم ولا أعيش ويا وحدة
كل يوم تخليني أتنطط علشان هالوجبة.

نوع إلا لا تنسى هي بعد طول عمرها معززة مكرمة في بيت ابوها لا تغسل اقمصة احد وتاكل احلى اكل من ايد امها مفيش حد احسن من حد

 

[Jouan7]

اول ما قريت الموضوع ..
اول كلمة جت عل بالي
(( مسسكين ))

ما سالني شي محرج ولا شي ..
و اني الي كنت اسال ,, و هو اي شي اقوله موافق عليه *-*
و بس كل الي كان يقوله (( ويش بعد تبين تعرفين عني ؟ ))

بس الخوف خلاني اخليه يتيسر

 

[فتاه الامل]

یعنئ ححبیت الموضوع و واجد استفدت منه
و انئ اقرآ ف الردود هم استفدت و هم ضحکت و هم ... مشکوره اللئ طرحت الموضوع

صح طاف علیه واجد و م زمان بس لان انئ توئ الیوم و صصدفه لقیته و صرت اتابعه ف یاریت تکملون و تواصلون فیه لان یستاهل
و بالتوفیق للجمیع

 

[أمواج]

عن نفسي ما اتذكر ان اتعرضت لسؤال ما اتقبلته او احرجني .. لان الاسئلة الي مرت عليي اغلبها روتينية أو عادية

لكن اتعرضت لمواقف محرجة .. أحد المواقف: احد الاشخاص في المقابلة يقول ليي "بس هدرة" .. نفترض ما عجبتك او أسئلتي ما اتقبلتها او مليت من مقابلتي .. فيه اساليب ألطف لانهاء المقابلة : )

البعض التمست انزعاجهم او استغرابهم او عدم تقبلهم لبعض الاسئلة رغم ان ما احس في السؤال شي غلط .. مثلا مم أتذكره:
* شنو هدفك من الزواج ؟ .. يعترض عالسؤال بحجة ان الهدف معروف وهو يستغرب من طرح السؤال ! بس الحمد لله اقتنع ان فيه هدف من السؤال
* شنو الصفات السلبية الي تشوفها بشخصيتك ؟ .. يعصب من السؤال كأن غلطت عليه !
* برايك شنو افضل الطرق لتربية الابناء؟ .. يستغرب من السؤال !
* يقول ليي هو كل سنة يروح الاربعين، اسأله يعني عندك علاقة روحية مع الامام الحسين ع ؟ .. تتغير ملامحه وينصدم من السؤال و يجاوب اي وهو متلعثم

ما ادري اسئلتي هذي فيها غلط ؟

بشكل عام بالمقابلات احاول اجهز اسئلة مسبقا تعتمد على المعطيات والمعلومات عن الصبي الي متقدم و الامور الي ابغي اعرفها على جانب "التزامه، علاقاته بالآخرين والمجتمع، شخصيته، اهتماماته و شغله، آراءه العامة وتفكيره"

 

[قمَر]

أييه على مواضيع زمان
كان المنتدى حيوي بسبب هالمواضيع الزينة
طبعا أني ما علقت على الموضوع حزتها
بس مبين اني شفته لأني كاتبة رد اني متابعة بصمت
حزتها كنت مو متزوجة ٢٠١٣

صار خاطري أرد الحين
أني أذكر اني دشيت من ٦ إلى ٧ مقابلات تقريبا
من وجهة نظري أشوف إن المقابلة مفروض تكون الأسئلة فيها نقاشية
وفي رد قرأته كانت صاحبته كاتبة إن الأفضل يقول أبي جذي وجذي.. عن نفسي ما أحبذ هالأسلوب
أني أحب فكرة النقاش جدًا
لأنها ممكن تغير نظرتك لبعض الأمور
وأحب الشخص الا يبرر آراءه ويذكر أسباب

ما أذكر إني تعرضت لسؤال وحسيته مرفوض ومو من حقه يسألني إياه
لأني أعتقد إن حق السؤال مباح مهما كان هذا السؤال أكيد عنده هدف من وراه
+ أني عن نفسي أهتم بالأسئلة بنفس قدر اهتمامي بالإجابات
>> من جدي صرت معلمة
يعني الشخص بيطرح أسئلة متعلقة باهتماماته وأسلوب تفكيره
لما يسأل في أمور دينية أكيد هو مهتم بهالأشياء
ونفس الشي لما يسأل عن أمور اجتماعية أو مادية وإلى آخره ..

في ردود ذكرت إن ما نقدر نعرف شخص من نص ساعة أو شي هيك
عن نفسي أحس إني ممكن أعرف واجد أشياء عن الشخص من هالمحادثة
-ويمكن لأني أتمتع بنسبة عالية من الذكاء العاطفي-
>> الذكاء العاطفي هو إنك تقدر تفهم مشاعر وأحاسيس الشخص الا قدامك

لو صار تفاهم من بعد المقابلة مو شرط إن خلاص مجرد أوافق يعني انكتب العقد!
والحين بعد وسائل التواصل ما تقصر
وأذكر وحدة من زمان قبل لا نتزوج تدور حسابات اللي يتقدمون ليها على الفيس بوك
تقدر تشوف حساباته ونشاطاته على وسائل التواصل
هل متفاعل أو هادئ
وإذا كان متفاعل شنو ينزل من صور وأشياء
هالشغلات كلها تعطي إيحاءات عن طبيعة هالشخص وطبيعة تفكيره
بالإضافة إلى إمكانية إتاحة الفرصة للتواصل المباشر عن طريق برامج المحادثة مثل الواتس آب
طبعا ما في أحد بيتزوج من بعد الموافقة بيوم واحد
أكيد بيكون في وقت لا بأس به من بعد الموافقة إلييين يجي يوم العقد
وأعرف ناس واجد منهم خلال هالفترة تراجعوا عن قرار الموافقة وأني شخصيًا مريت بهالتجربة

باختصار الزواج يحتاج نظرة مستقبلية وواعية
يحتاج إن الشخص يفكر بروية لأن قرار مصيري
ما يصير نحكم على الموضوع من قشوره الخارجية
مو كل كتاب يمثله عنوانه أو غلافه
ومو حليو إن الشخص يكون متعصب
مثل ما لك الحق بطرح الأسئلة الطرف الثاني ليه نفس الحق
ما عجبتك أسئلته؟ لك حق الرفض
محد جبرك إنك تنعجب فيه لمجرد إنك دخلت وياه مقابلة
وبس هذا رايي

 

[فتاه الامل]

بالنسبه عنئ و بما یناسب العنوان ..
قبل 4 سنین ع هالحدود انحطیت بموقف البنت اللئ بیختارونها مثلا ...

المهم التفاصیل ماتهم الحین
لکن السوال المحرررج اللئ جانئ طبعا مو م لصبئ نفسه بس من وحده مادرئ امه کانت او من مادرئ

اول ما رن تلفونئ و جاوبت الو ..
>> انتیین سلیمه !!!
یعنیییئ ششهالسسوال ! اللئ مکانئ بتفکر تری اششکره الولد فیه ملیون مرض !!
ونئ بعد البریئه قلت اییئ سلیمه !

انزین ....
و بسس تمینا ننتظر اتصالهم و ..
ضاعت ف السراب

 

[أمواج]

انزین ....
و بسس تمینا ننتظر اتصالهم و ..
ضاعت ف السراب

اذا ما دخلتين مقابلة وقالوا لش جملة "بنسأل الصبي عن المواصفات" او وقفوا عند نقطة معناها حطي احتمال كبير ان ما بردون ولا اتحطين أمل

اذا دخلتين مقابلة و مر اسبوع وما ردوا اعتبري الموضوع غالبا منتهي .. وهذي الحركة جدا غير مؤدبة ان تدخل مقابلة و ما ترد عالناس

 

[فتاه الامل]

اذا ما دخلتين مقابلة وقالوا لش جملة "بنسأل الصبي عن المواصفات" او وقفوا عند نقطة معناها حطي احتمال كبير ان ما بردون ولا اتحطين أمل

اذا دخلتين مقابلة و مر اسبوع وما ردوا اعتبري الموضوع غالبا منتهي .. وهذي الحركة جدا غير مؤدبة ان تدخل مقابلة و ما ترد عالناس

تدرین اصصلا کانت اول مره تتصل لئ و نئ مادرئ من و من وین جابت رقمئ ..
و حتی لو یعنئ مو من الادب اولشئ هالسوال !
شصایر یعنئ .. انخبلت حزتها
و کلش ع کلامش ماطلع لهم طارئ عقب ذاک الاتصال اصلا .. یعنئ حتی الصبئ ماجفته نههاائی

 

[أمواج]

والي يتصلون يسألون عنش ويردون يلفون يسألون عن خواتش وينقون بينكم .. هذلين شوضعهم !

لا و يعلقون و يتحلطمون اذا مواصفاتكم متشابهة وهي ما اتناسبهم

استغفر الله ساعات يصير بخاطري اصير قليلة ادب و لساني طويل واعلمهم السنع على اصوله

 

[فتاه الامل]

والي يتصلون يسألون عنش ويردون يلفون يسألون على خواتش وينقون بينكم .. هذلين شوضعهم !

لا و يعلقون و يتحلطمون اذا مواصفاتكم متشابهة وهي ما اتناسبهم

استغفر الله ساعات يصير بخاطري اصير قليلة ادب و لساني طويل واعلمهم السنع على اصوله

ماساه صدق یعنئ جد عیب
الله لا یحطنه ف هالمواقف وئ جذئ ناس