ITBIS105
مادة سهلة و خفيفة .. اغلب الشغل بكون عملي طول الفصل ..
في الوورد و البوربونت و الاكسل ..
بعد ما تخلصون الاكسل الدكتورة تحدد ليكم امتحان الفاينل " عملي " ..
و عقبها مباشرة تبدون في النظري ..
و يكون النظر من خلال سلايدات من البوربونت تشرح منهم الدكتورة ..
طبعًا المادة فيها برزنتيشن و عرض و عليه 35 درجة مقسمة بين الشغل و بين الشرح ..
البرزنتيشن يبدون فيه عادتًا بعد ما يخلصون من البوربونت ..
على العموم هالاشياء الدكتور يقولها ..
بس بشكل عام المادة سهله و ما فيها شيء يعني ..
بالنسبة للدكتورة ما عندي فكرة عنها ..
اخذت المادة مع دكتورة مو موجودة الحين يمكن طلعت من الجامعة بعد ..
بس تقدر تروح الى هيئة التدريس اهني في المنتدى و تشوف اراء الطلاب عنها ..
STAT105
مادة رياضيات .. المادة مو صعبة و مو سهلة في نفس الوقت ..
مثل ما يقول يبي ليها مراجعة أول بأول ..
يمكن في البداية الطالب يحسّ بشوي سهولة ..
لكن المادة تنتهي بدروس دسمة نوعًا ما ..
فأفضل حل ليها المراجعة أول بأول ..
و دكتور الأشقر متمكن من المادة ..
HISTO191
مادة تخصص طبعًا ..
و مادة تافهة و سهلة جدًا ..
من كثر ما اهي سهله وما فيها شيء ..
د.علي أحمد يحاول يزيد المنهج من أي مكان بس عشان تصير مادة محترمة يعني ..
تتكلم عن بدايات التاريخ و هالامور ..
يعني بختصار مادة A و بقوة ..
و دكتور علي أحمد مو دكتور صعب ..
امتحاناته سهله و عادية وما فيها شيء معقد ..
عبارة عن صح و غلط و مقالي و ساعات أكمل بس ..
HISTO212
مادة حلوة كمنهج و كأحداث ..
طبعًا كانت المادة عند د.مأمون قبل سنتين تقريباً ..
الحين المادة عند د.شرف، دكتورة ممتازة ما عليها كلام ..
تتكلم عن الحملة الفرنسية على مصر و تتكلم عن الدولة العثمانية بختصار ..
تتكلم بعد عن معاهدة سايكس بيكو و هالامور يعني ..
كمية المنهج شوي طويلة و كثيفة .. لكن المادة حلوة و مادة مهمة و تفتح ..
و حلو انك تاخذها في أول فصل لك ..
HISTO230
المادة اخذتها مع دكتور ثاني ..
ما ادري شنو منهج الحمداني في هالمادة ..
يمكن الشباب يفيدونك الي اخذوها مع الحمداني ..
بس بالنسبة للدكتور جربته في مادة ثانية ..
الدكتور يعتمد في امتحاناته على الأسئلة المقالية ..
يعني امتحاناته ما فيها صح و غلط و دوائر و هالامور ..
يعطيك الأسئلة ويبي منك تخط له الصفحة
..
فيعني يبي له مراجعة شوي ..
بالنسبة ليي انا اشوف الجدول شوي مضغوط كأول فصل ..
يعني 212 و 230 اعتقد شوي كثيفين " كمياتهم " ..
يمكن ما يكونون صعبين لكن الكمية بتكون شوي كثيفة ..
هذ كوجهة نظر من طالب توه ماخذ 212 و عانينا شوي في الكمية ..
بس بتعاون الدكتورة ويانا في الدرجات و هالامور ..
و القرار في الأول و الأخير لك ..
ما اخوفك من المواد لو من التخصص ..
بس لانة أهم شيء في البداية ..
لازم الطالب يشد شوي ..
