تاريخ 415 )المغرب
تاريخ 225النظم والنزريات السياسيه
تاريخ302الدوله العربيه الإسلامية
تاريخ409)تاريخ النفط في البحرين
تاريخ324الخليج العربي الحديث
اذا ممكن تساعدوني وتعطوني معلومات عن هالمواد ؟
واذا عادي اخذها كلها مع بعض ولا ماتصلح
وشنو تركز عليه كل ماده
و اي شي تعرفونه ، يعطيكم العافية
415 اهو تاريخ المغرب و الاندس و هالمقرر من أصعب مقررات التخصص بالإضافة الى مقرر 304 الي اهو الحروب الصليبية ..
هذا المقرر صار له كورسين او ثلاث كورسات عند د.علي أحمد و اغلب الطلبة كانوا يتسارعون على التنزيل معاه بما ان افضل من غيره ممن اخذوا هذ المادة في السابق ..
الحين المادة رجعت عند د.خليل الكبيسي و في الأصل اهي المادة كانت عنده .. د.خليل معروف في القسم بقساوته في الدرجات ربما شرحه يكون مقبول لكن الدرجات سيء جدًا ..
يفضل لو تبحث عن مادة ثانية بديلة يكون افضل ..
خصوصًا و انت طالب دفعة 2015 يعني للحين طالب جديد في القسم ..
اكيد الخيارات لك مفتوحة .. و لكن القرار لك في النهاية ..
225 هالمقرر اخذته مع د.فؤاد شهاب كان المقرر سهل يتكلم عن النظم السياسية في كم دولة .. الحين المقرر استلمة د.خالد حمداني و غيّر النمط في هالمقرر شوي و صار اصعب شوي مقارنتًا بالسابق مع د.فؤاد شهاب .. لكن في النهاية المقرر مش صعب لدرجة الهروب منه يعني، لكن أصبح كثيف نوعًا ما خصوصًا مع طريقة د.خالد في الامتحانات ..
بالمناسبة المقرر بدوون دكتور للفصل الدراسي القادم لكن الاغلب ستكون لدكتور خالد حمدامي
302 المقرر ما اخذته للحين يتكلم عن الدولة الإسلامية و حياة الرسول " ص " بشكل عام المادة عند د.خالد حمداني و الدكتور مقبول في الشرح و في الدرجات و مو غريب عن أي طالب في التخصص .. المادة ما تتقارن ابدًا ب 415 اخف شوي و اسهل اكيد ..
409 هذ مادة مجموعة البحرين ماعندي أي فكرة عنها .. بس الي اعرفه ان اهي عند د.مأمون و د.مأمون ما عليه خوف ابدًا .. بس يركز على الأسماء و التواريخ و هالامور لكن بشكل عام من أفضل دكاترة القسم حاليًا ..
324 هالمقرر بعد تبع مجموعة البحرين و ما عندي فكرة عنه .. بس الي اعرفه ان هالمادة كانت سابقًا عند د.فؤاد شهاب و الفصل القادم راح تنزل عند بثينة .. بثينة جديدة على القسم و لم اصادفها حقيقتًا في أي مادة لحد الان و ربما لن اصادفها لذلك ما عندي أي خلفية عنها ..
هذا بشكل عام و بشكل سريع .. 
