فَضّفَضة جَامِعِية ..

[رَحِيــلْ ،]

جميل اليوم !

للحين ما خلص ههههههه ..

جفت نص الآدميات اللَ أمبي أجوفهم !

باجر بيكمل الأسبُوع و ما أحس درسنا شي غلييظ عدل عدل ! أمبِي أدرس خخخخ

 

[Noise-X]

بدا العذاب
الدكتورة تخلص 9:20 وعندي محاضرة في الآداب 9:30
نوصل واحنا ننافخ

 

[IT-Student]

دكتور الـ CE250 ناوي يقتلنا
ربع المنهج يخلصه في محاظرة وحده و لو زين أحد فاهم ويش قاعد يقول
و الله تاعبنّا و تاعب روحه من الهدره

و الأخس، يتأخر 5 دقائق و يزيد على وقت المحاظرة ربع ساعة
و يقعد بس يتصفح في السلايدات و يهر كم هرّه علينا و يواصل

الله يصبرنا على هاال الدكتور إلا ما أدري من المحترم إلا موظفنّه

 

[Ms.Angel]

^^ الله يساعدكم

الحمدلله دوامي UTH
اكثر مادتين ماحب اضرهم من قلب الماث والايكون
عدد الطلبه اكثر من خمسين مسجلين بنفس السكشن
والسكشن ما يكفي حتى لاربعين شخص
مثل الايكون بدون مبالغة كأنه مخزن وحر جهنم
والدكتور بكبره مأساوي بس يقول بيتكلم للتسجيل عشان يغيرون السكشن لانه ما يتحمل هالزحمه

والمحاضرة الثانيه الماث
من زود ما الناس ع بعض قاعدين ما تقدر تتنفس من الزحمه
والمشكله الشباب متأذين لانه اغلب السكشن بنات وماخذين ثلاث ارباع السكشن
فهم يقعدون عند الباب وما يشوفون شنو الدكتورة تكتب !
الدكتورة مو عاجبها الوضع كلش
بس تقول راحت كلمت التسجيل ورئيس القسم فلا حياة لمن تنادي
يحقرونها ويمشون او يقولون لها لا تتعبين روحش مافي سكاشن فاضيه بهالوقت


يعني لو الطالب يحصل له ظرف ويتأخر بس دقيقه عن المحاضرة يرجع الباب ما ينفتح لانه حاطين كرسي حق واحد

يا حياة الشقى

 

[حلم أنثى]

الجامعة شنو سالفة الزحمة والباركات
لاحطتون ياجماعة لو بس اني ::


اقول بداية الاسبوع شكله خربطة وبعض الاهل ينتظرون اولادهم
اتمنى الزحمة ماتستمررر
مانحصل بارك الاقبل المحاضرة ب 5 او 10 دقايق
اكون قبل المحاضرة بساعة ف الجامعة
البعض يوقفون ف الحقوق لان مافي باركات



احس الامور متخربطة بداية الاسبوع فقط لان طلبة جدددد وزحمة


ممممم المحاضرات لحد الان مادخلنا الجد ولاماشرحوا الا القليل لنا


اتمنى لكم التوفيق

 

[روؤحي فاطمية]

اخذت هستوري

ورحت كليت الاداب ي زعم المحاظرة تكون اهناك وقعدت ادور السكشن ودار رااسي فوق تحت

وين سكشن خمسة وما حصلتة ودار رااسي عددل وجدولي ما طبعته طلعت الجدول من الفون

جان اكتشف انة المحاظرة مال الهستوري مو في الاداب في كلية تقنية المعلومات اس خمسين

جان امشي واتحلطم على هالجامعه المخيسة لانه عادتا تكون في الاداب المحاظرة ومتعودين يعني ..

المهم واني في الاداب يوم عجزت اني خلاص ما فية امل احصل السكشن جان اوقف ليي ناسات واسالهم

وللاسف هالناسات طلعو مال دفعه 2013 وجان انصصم كل من اسال وحدة ما تعرف ... وظليت امشي واتحلطم

وركبت في الباص عشان يوديني كليتنا لاني رجايلي تكسرت واني امشي قلت خلاص هذا اليوم الثاني وما احظر فشلة

والباص وقف يم كليتنا وما نزلت رااسي دار وجان الباص يمشي واكتشف المبنى اللي صوب مجمع المطاعم اس خمسين

جان اسال اللي صوبي هذا مبنى اس خميس الا تقول اي الا اقول لها قومي دليني وسبحان الله طلعت اهي نفس السكشن اللي فية المحاظرة اني ..

بس بجدد قعددت اتحلطم اتنرفزت امس اتبهذلت حسيت روحي طلبت 2013 قهرر .. فكرت المحاظرة في مدينة عيسى هههه الحمد لله

وهذي مشكلتي


عندي مشكلة ثانية بعد طلبت الايتي فضوو لينا كراسي لة لتنقل بين الكليات مو الباص يروح للايتي خلي ويرجع فل مو حالة اسلام هذي

كل بااص فل ​

 

[غصن شوك]

اول يوم دراسي

رحت محاضرة الفايننس محد جا لينا

تالي قمت اتمشى وي رفيقتي جان اشوف التماس دعا قاعد مكانه الي كل كورس يقعده ويسووي زحمه الناس ماتقدر تطوف
تالي حضرنا اكاونت الانتر الثاني الدكتور ممل جداً وشرح لينا من اول يوم

وتالي رحت الهستري وطبعا ماجت
وتالي ركضت ركيض لمحاضرة المنجريل ابي اكتشف من الدكتور وطلع ولله الحمد دكتور صلاح

تالي رحت المصلى صليت وتالي بريك قعدت وي ربعي

تالي رحت حضرت لسنر عند مسفروه المخرف الي يقول جيبوا عذر قبل بيوم او في نفس اليوم !

تالي رحت محاضرة الكيو ام الي صدق صدق ماساة الدكتورة !!!


ويوم الثلاثاء نفس الشيء ! الدكاترة الي حضروا يوم الاحد حضروا والي ماحضروا يوم الاحد هم يوم الثلاثاء ما حضروا !!


تصدقون ان دفعه 2012 كان اكثر زحمه في البزنز الحين اخف هالدفعه اشوف !!!

 

[IT-Student]

إستفسار بخصوص مادة رسم // فيه محاظرة رسم في أول أسبوع ؟ لو ما فيه ؟
لأن ما عليّ إلا بس مادة الرسم الصبح و عندي محاظره الساعة 2
فما أبغي أروح من الصبح إلى الظهر و ما فيه محاظرة و أدوخ ، أتمنى تردون !

 

[HaSooN95]

الصﻻة قصر وﻻ تمام ؟!
تحيرنا ﻻن نقطع مسافة من قبل الزوال لبعد الزوال؟

 

[yagmur]

سلام


معاناتي في الجامعه ... انه ماطبعت جدولي و فتحته من تلفوني وجفته
الانج مغيرين الدكتور ساعات ماتعجبني لكنته ... لكن زين يبين عليه


المنيجمنت ... هيفااااء رائعه جدا هالدكتورة ..رغم انه من اول يوم شرررحت ... خلصنا جبتر 1 اليؤوم
الحمدلله سهل وبسيط حددة
الاسبوع الجاي كويز فيه


العرب ...الدكتور احسه ثقيل مو عاجبني ...بس للحين ماشرررح

كل شيء ببين بوقته

بي اي اس هالاسبوع ماعندي ....

 

[yagmur]

الصلاة موقصررر


تمام

 

[وينك يا حنون]

اف من القانون الاداري ما حبيتة و الدكتور ينوم و ما يعرف يشرح و المشكلة محتكر المادة

متى اخلص منة تونة بسم الله ..!

ياريت اعضاء مجلس الجامعة يسوون لنة حل مع احتكار الدكاترة للمواد اذا الدكتور سيء و المادة من مواد التخصص و تفتح مواد الواحد شيسوي ينتظر ينتهي عقد الدكتور و لا المشكلة يجددون لة ..!!

الدكتور ما يتملل من كثر ما عاد و زاد في شرح هالمادة .. احنة ندرسها 3 اشهر و يصيدنة تشبع ..

المفروض نحضر قريت جم صفحة و تمللت .. قررت ان ابدي الخص المادة بروحي و احاول ان اخليها funny قدر الامكان .. لان الحالة جذي كلش صعبة ..

الله يعين بس ..~​

 

[HaSooN95]

الصلاة موقصررر


تمام

الحمدلله ، شكرا ^-^

 

[Dr.Hakim]

شلون يدرسونا شي مو في الكتاب !!
سورة الحجرات مو موجودة بكتاب العربي!!
ولا في لها حتى نوتات ... شلون ندرس ​

 

[رَحِيــلْ ،]

شلون يدرسونا شي مو في الكتاب !!
سورة الحجرات مو موجودة بكتاب العربي!!
ولا في لها حتى نوتات ... شلون ندرس ​

خيي فيي إليها شَرح عطتنا إياه الدكتورة و حتى موجود نفسه في النت و في كتاب ( على حچيها )
** في ظلال القرآن - سيد قطب - المجلد السادس - الأجزاء 26-30 " الصفحات من 3334-3350 "

و فيه عَليها -السورة- أسئلة استيعاب / لغة و معجم / تدريبات لغوية و أسلوبية / ترقيم [ هذا ما أدري موجود ضمن ملزمة الشرح أو لا .. لكن مآخذتنهه من عند أختي اليوم بتأكد ] ..

+ هو أوردي الدكتور بيشرح أشياء و جدي فبتقدر إنك تسجل وياه نوتات ..

 

[ايتن]

اليوم من 8 الى 3 ودخلت محاضه وحده بس
انزين دكاترتي الاعزاء ما بتحضرون خبرونه قبل ....
وله دكتور اليوم يطالعني وفكر يحضر او لا
تره ملل جي
ليش الفود واايد حررر ؟؟؟؟؟
فطس خنقه
ابرد مكان كليتنا واجمل مكان بس ناقصنا لوكرات وستراحة بنات كبيره
وتصير احلى شي ​

 

[رَحِيــلْ ،]

اليُوم .. طبيعِي مشَى حسيت ،
وَ لكن فيه شي مُميّز ! يُمكِن المَوقف شوي غيّر رايي ..

اممم ، يمكِن خلال الأسبُوع القادِم أبدأ بالأنشطَة اللي طَلبتهم دكتورَة العَرب .. ما يبا ليهم شي !
بحاول أفكّر أزيد في بحث الدّين .. أحس الموضوع يبا ليه شوي ( نوعًا ما ) !

بجوف قريبًا سالفة كتب الـ ITBIS .. بما إنه شسمهه ،

أحس فيهه شي ناقص أو ناسيتنه .. شي من هالقَبيل :/



​

 

[حلم أنثى]

مر اول اسبوع ببطى ف البداية علييي:::بسبب الضغظ الاصادني مع اول يوم دراسي سبحان الله
ولدخالتي مافكر يطلع على الدنيا الا اول يوم دواااام هههه الله يخليه يارب:::
الاشغال جت على بعض
وصرت مريضة يومين
فصار اسبووعي بطي جدااا


بالنسبة لامور ثانية الحمدلله كانت مادتين وموكل يوم درسناااا
راح نبدا الاحد بجد اكبر باذن الله
:::
تخلصت من كتاب واحد وعندي نوتات قلت بجوف احد يباهم لان حرام ارميهم::::
ولللحين اسال
وقاعدة ادور نوتات الميسا حق اطبعهم واجهزيهم اسيتعداد لبدء المقرارات
واتمنى النجاح والتوفيق ف مشروع التخرج يارب​

 

[إنحناء الأحرف]

مر الاسبوع الاول بسرعة كون عندي بس UTH وماعندي MW
فهاي الشي خلاني نوع ما ماعندي حماس خصوصا ان في بعض الدكاترة كانوا غايبين
انصدمت من العرب 110 ولازم اجد روحي عليه احس لازم اترك لعبتي في المدرسة
وابدي ادرس من احين حق الجامعة
صج يبي لينا نجد واجد

نسأل الله التوفيق

 

[M7MDOGRAPHY]

وخلص إسبوع .. مَ حسيت فيه


كان جيد لا بأس به ، بس شعور أول يوم أحلى


خلاص ، بما أن خدينا ع جوا الجامعة = لازم نبتدي بالجد ، ونترك سوالف المدرسة




دمتم موفقين​