نقاش : معدل التخرج من الجامعة والوظيفة !

[حلم مذبوح]

هل يؤثر المعدل على الوظيفة مستقبلاً ؟

مثلاً طالب/ة تخرج بمعدل 2.2 وطالب/ة آخر بمعدل 3.5 هل ممكن أن يحصل الطالب/ة الأول وظيفة أفضل من الطالب/ة الثاني ؟​

 

[m.g.s]

هل يؤثر المعدل على الوظيفة مستقبلاً ؟

مثلاً طالب/ة تخرج بمعدل 2.2 وطالب/ة آخر بمعدل 3.5 هل ممكن أن يحصل الطالب/ة الأول وظيفة أفضل من الطالب/ة الثاني ؟​

الاغلب لا ... لان اوريدي عندهم مقابلات و اختبارات يسوونها قبل التوظيف و مايهتمون وايد حق المعدل
يجوفون النتايج و يحددون

و بعض الاماكن مايفيد المعدل و لا المقابلات >>> الواسطة

إن شاء الله الاعضاء يفيدونج أكثر .... بالتوفيق

​

 

[zanooob]

بالأول اعتقد كلشي رزق من رب العالمين

ياما ناس متفوقه و قاعده ف البيت و ناس متوسطين ويشتغلون ..!!

يمكن في شركات تنظر للمعدل ، لكن الشيء الاساس ف الوظيفه المقابله و الشغل العدل

شالفايده ياخدون شخص متفوق ولكن وقت الشغل ماينفعهم ..!!

 

[حلم مذبوح]

وكم من متفوق ماعنده خبرة بطبيعة الشغل ​

 

[IT-Student]

رزق كل إنسان على الله .. مو على الشهادة و لا على المعدل
بس الواحد إلا بيتحرّك على روحه و بقدّم أوراقه للشركات و بيجتاز إمتحان و مقابلة القبول فأكيد بقبلونه حتى و لو فيه غيره لكن معدله أزيد منّه

أمّا واحد بيقدّم أوراقه إلى مكان واحد فقط و بيقعد يحط يده على خذّه ، فهذا يحلم يحصّل وظيفة حتى و لو كان معدّله فوق الـ 3.5 _ و بالتوفيق

 

[♥ Smile]

في بعض الشركات ( قليلة ) يطلبون معدل فوق3
هالكلام عمي مخبرني فيه


---------
الحين هذا كلامي :
يمكن لو شخصين تقدمو وكانو اثنينهم او مجموعه وكانوو كلهم جيدين للوظيفه ياخذون الي معدله اعلى
يعني الاولويه للمعدل المرتفع والله اعلم !


​

 

[IT-Student]

في بعض الشركات ( قليلة ) يطلبون معدل فوق3
هالكلام عمي مخبرني فيه


---------
الحين هذا كلامي :
يمكن لو شخصين تقدمو وكانو اثنينهم او مجموعه وكانوو كلهم جيدين للوظيفه ياخذون الي معدله اعلى
يعني الاولويه للمعدل المرتفع والله اعلم !


​

و واجد شركات أو مؤسسات ياخذون على الشكل و خاصةً في هذه الأيام
يكتبون في الإعلان : مطلوب موظفـ\ـة "حسنـ\ـة المظهر" _

 

[حلم مذبوح]

و واجد شركات أو مؤسسات ياخذون على الشكل و خاصةً في هذه الأيام
يكتبون في الإعلان : مطلوبة موظفة "حسنة المظهر" _

ازقرت يعني هههه

 

[IT-Student]

ازقرت يعني هههه

و هذا الأسمر أو إلا شعره ليف ( ما يقبلونه ) حتى و هو حامل شهادة بمعدّل عالي
يعني : إلا أبغي أقوله "مو شرط يكون المعدّل هو العامل الرئيسي للوظفيه" (يعني : يعتمد من مكان إلى غير)

و على الله التوفيق

 

[حلم مذبوح]

بغض النظر عن الشركات ( القطاع الخاص )

شنو عن القطاع العام ( وظيفية حكومية ) ؟​

 

[أكاونتية]

بإختصار
it's all about personality

يعني ما ينظرون للمعدل كثر ما ينظرون لشخصيه الشخص
وحتى في الشغل بعدين ما يتطور الشخص إلا من خلال هالشي

بس احنا ما نقعد نقول جذي ونرضى بمعدل 2
الواحد دائماً لازم يطمح للأعلى ​

 

[Z.E.E.Z]

اهمشي الواسطة
واحناا واسطتنا الله , والنعم بالله

 

[ثعلب النار]

أكيد المعدل مهم...
و أكيد الي ماعندهم معدل عدل بقولون عكس هالكلام...
منطقياً يعني.

 

[حلم مذبوح]

اذا فيه معدل ممتاز وخبرة مافيه وش الفايده ؟

 

[ثعلب النار]

اذا فيه معدل ممتاز وخبرة مافيه وش الفايده ؟

أول شي قبل ما ارد .. عن اي خبرة تتحجين؟

 

[حلم مذبوح]

أول شي قبل ما ارد .. عن اي خبرة تتحجين؟

بعطيك مثال من الواقع في الجامعة يكون الدراسة النظرية اكثر من العملي وكثير تشوف بعض الطلاب متفوقين في الجانب النظري لكن العملي اقل اتمنى فهمت ما اقصده والخبرة ان تكون عارف بطبيعة العمل بنفسك دون أي تعليم سابق

 

[yagmur]

اتوقع ف جامعتنا من 2.5 المعدل يعتبر زين وممتاز
هههه لان جامعتنا كارفبنا ودابحينا

مو شرط معدلي 3 اني احسن من غيري ﻻ ... شدخل !!!



احس المعدل مهم بس بعد الخبرة اهم
لان ااشخص مو شرط واحد شاطر وعبقري
اهم شيء نشيط ويتحرك ع عمره وناجح في عمله ... وهيك

بالتوفيق

 

[ثعلب النار]

بعطيك مثال من الواقع في الجامعة يكون الدراسة النظرية اكثر من العملي وكثير تشوف بعض الطلاب متفوقين في الجانب النظري لكن العملي اقل اتمنى فهمت ما اقصده

دائماً تكتبون و كأنه المتفوق ما عنده خبره بس الواقع يقول العكس.

تخصص الأيتي الجانب العملي يعتمد على النظري اصلاً..
و انا لحد الحين ما جفت واحد معدله تحت و عنده "خبره"

المعدل له علاقة مباشرة بالخبرة،
برأيي مجرد وهم توهمون به نفسكم..

 

[حلم مذبوح]

اتوقع ف جامعتنا من 2.5 المعدل يعتبر زين وممتاز
هههه لان جامعتنا كارفبنا ودابحينا

مو شرط معدلي 3 اني احسن من غيري ï»» ... شدخل !!!



احس المعدل مهم بس بعد الخبرة اهم
لان ااشخص مو شرط واحد شاطر وعبقري
اهم شيء نشيط ويتحرك ع عمره وناجح في عمله ... وهيك

بالتوفيق

 

[♥ Smile]

دائماً تكتبون و كأنه المتفوق ما عنده خبره بس الواقع يقول العكس.

تخصص الأيتي الجانب العملي يعتمد على النظري اصلاً..
و انا لحد الحين ما جفت واحد معدله تحت و عنده "خبره"

برأيي مجرد وهم توهمون به نفسكم..

اخوي الخبره تكون في الشغل ( متوظف من قبل )

يعني انت معدلك 3.5
يجي واحد معدله 2.2 لكن مشتغل في الشركه الفلانيه 4 سنين
واحد عارف الشغل شلون يكون ومتمكن منه

الشركات ماتبي تاخذ واحد توه متخرج وتقعد تعلمه طبيعه العمل وتدربه على شلون يشتغل في الشركه
ولا تنسى التريننق يكلف الشركات
فاكيد راح تاخذ الي متوظف من قبل ومعدله اقل منك
توفير تكلفه ووقت

عرفت يعني شنووو الخبره مهمه ازيد من الأرقااام الي في معدلك !
​