لا تشتري الكتاب. لا تفتح الكتاب. الكتاب بلا فائدة. (مناقشة)

[Lil-H]

بالنسبة لي
الكتب ضرورية للفهم
كتب الجامعة لا

 

[3looy2jz]

مواد المنيجمنت\ماركتنق احسن شي لهم الكتاب.
مواد الفهم مثل فايننس\اكاونت\كيو ام احسن شي لهم النوتات وشرح الدكتور.

^بالنسبة للبزنس​

 

[*أبو حيدر*]

في بداية كل كورس .. لازم أسأل الدكتور اذا يحتاج كتاب للمادة أو لا !
الكتاب ما ينفع مع كل المواد .. أقرب مثال .. مواد البرمجة .. تجيب في المادة A من دون النوتات أو الكتاب .. في ألف شرح بالكتابة او بالفيديو في اليوتيوب و في النت .

و اذا الدكتور بجيب شي في الامتحان من الكتاب .. لا تتوقعون بجيب اكثر من 10% من الكتاب في الامتحان .

بالنسبة ليي .. تخصصي أحبه .. انزل الكتاب الكتروني و اقرأ منه مو عشان الإمتحان .. عشان اكتسب خبرة و اتضلع فيه .

 

[7aneen]

ويلي على الكتاب
ما اعرف ادرس الا باالكتاب

ما افضل السلايد و النوت​

 

[المهندس عبدالله]

ويلي على الكتاب
ما اعرف ادرس الا باالكتاب

ما افضل السلايد و النوت​

أحيانا يكون محتوى من المقرر بره الكتاب يكون في السلايدات و النوتات فأفضل شي تدرسين من الثنين شخصيا أشوف الكتاب ينقصه اللغة السهلة اله يقدر الطالب يفهمها بسرعة(يعتمد على الطالب و قدراته) و النوتات ينقصها الصورة الكبيرة (لأن في محتوى الطالب يحتاجها عشان يعزز فهمه للمادة اله يصير يحذفون هذا المحتوى أنا ما أحب يكون فهمي ناقص ) في النهاية يعتمد على الطالب و قدراته و الطالب هو اله يقرر ويش اله يحتاجه(حتى لو كان بيدفع ثمن قراراته في النهاية)

 

[я є ι α x є]

عنْ نفسي ما أحـبَ أستمعّ للناس بخصُوص انني آخذ الكتـاب أو لاَ ،
أحب يكونَ عندي مرجعـي الخاصَ حتى لو عندي سلايداتَ ونوتـاتَ ، الكتـاب مرجع ثاني لأي شـي أكون ما فهمتهَ
أو يساعدنـي ف اشيـاء احتاجها بعديـنْ |

 

[ahmedi16]

حسب اللي اشوفه بعض الطلبة ينظر للنجاح في المقرر كوسيلة للنجاح فقط والبعض ينظر للمقرر كوسيلة للتحصيل المعرفي ،،

النوع الأول يبي كل شي سهل ولايبي يتعب روحه وهدفه شلون يخلص المقرر ومب مهم شنو الكم المعرفي اللي حصله ،، فلذلك تشوف هذا النوع يركز على النوتات والملخصات ويحفظ ويفهم للأختبار فقط وبعد الاختبار مايدري شنو اللي درس ،،

والنوع الثاني يبي المعرفة ويبي يتعمق في المواضيع وفي الأمثله و الأشياء الثانية اللي ماتكون بالنوتات موجودة ،، و زيادة على هذا الكتاب ماتدرسه كامل ،، يعني كم درس من الكتاب ،، والدروس الثانية تفيدك وتساعدك في تخصصك في المستقبل حسب وجهة نظري ،،

انه عن نفسي كل الكتب اشتريهم ،، وفي دكاترة يقولون مانبي الكتاب بعد اشتري الكتاب ،، يمكن لأني احب اقرأ ،، بس اشوف وايد وايد وايد استفيد من الكتاب مب للنجاح وبس ،، للتحصيل المعرفي

 

[زَ.]

بالمختصر .. انا اكره الكُتب الجامعية

 

[Alkene]

لمواد تخصصي: اشتري الكتب المطلوبة بالاضافه للكتب الاضافية الغير مطلوبة (كتب الريسورسز) لأن هدفي ان اعرف كل صغيرة و كبيرة عن مجالي العلمي. و يهمني ان الكتب تكون جديدة (مو مسعملة أو مطبوعة).

لمواد كليتي: اكتفي بشراء الكتب المطلوبة و يهمني ان الكتب تكون جديدة (مو مسعملة أو مطبوعة).

للمواد الأخرى (مواد لا تتعلق بتخصصي أو مجالي العلمي): اطبع الكتاب (اذا موجود) أو اشتري من فعالية مجلس الطلبة للكتب المستعملة أو اذا المقرر فهم بس اعتمد على النوتات لأن هدفي في هل مقررات نجاح و بس.

 

[بَتُول]

يعتمد على طريقة تفكير و دراسة الشخص نفسه ..

بعضهم يفضل يكون الشي بارز و محددة النقاط و هو يحفظ بس .. و هذا النوع نفس ما قالوا الأعضاء تتبخر المعلومات أول ما يخلص من الامتحان أو الاختبار .

و البعض يفضل إنه هو إلا يحدد النقاط و يلخصها ..

بس الكتاب ضروري جدًا مثل ما يكتبون ع المذكرات ( المرجع الأول للطالب )

كثير من الأحيان ما تفهم لشرح الدكتور أو للنوتات فتحتاج إلى الرجوع للكتاب .