|| ~.. مطبخ UOB-BH ..~ || .. شاركينا وصفات طبخك معنا

[عبث]

السلام عليكم..
بدون مقدمات،،اني اذا اطبخ لازم اصور،،و اني اطالع الصور قلت ليش ما انقل الوصفات على المنتدى،،و الكل يشارك،،حتى الشباب بعد حياهم ويانا ،،حتى لو بيض مو مشكله..

بما ان الطبق المفضل عند الاغلبيه هو ورق العنب و خاصه اخوتي ،،قلت هو اول شي بخليه..

المقادير:
ورق عنب معلب..
2\كوب أرز مصري..
2\طماطم+صلصة طماطم..
2\بصل..
زيت زيتون..
دبس الرمان او معجون صبار حامض(تمر هندي)..>>اذا ما حصلتون معجون صبار،،خذوه حب معلب و صخنوه في مقدار قليل من الماي،،حتى يكون مركز..
ملح+سكر..
ليمون..
بهارات: أفضل البابريكا الحلوة و الدقوس،،و ليمون اسود مطحون..
صلصلة الصويا،،بس مو ضروري يمكن الاستغناء عنها..
ماء..


كيفية الصنع:
نفرم البصل و نحمصه بزيت الزيتون،،هو ما بيتغير عدل لونه بس مهم انه تاخذون عليه،،بعدين نقصص الطماطم و نحطه عليه،،اذا نهرس و ذاب شوي نخلي عليه الارز،،و نحط عليه البهارات و المقاير كامل و دبس الرمان او الصبار،،و الكثير من عصير الليمون..قلبوه على السريع و شيلوه من على النار،،و لا تخلون الارز يستوي..

الخطوه التاليه،،هي الحشي،،تاخذون الورقه و يكون السطح الخشن مقابلكم و هو اللي بتخلون عليه الحشو،،يكون الحشو في وسط الطرف العريض من الورق في بدايتها،،بعدين نطبق الطرفين الايمن و الايسر على الحشو و نلف من الجزء العريض للنهايه..
و هلما جرى،،لنهاية الكميه..

اللحين نحط الورق المحشي في القدر،،حاولوا يكون القدر مو بعرض واحد،،بمعنى يكون الجزء الفوقي اعرض من السفلي..
لكسب صلصه كثيفه شوي،،نقصص حبة بطاطا و نحطها في قاع القدر،،و اكيد بكون عندكم ورق مخترب بعد نحه عليه،،اولا حتى يلصق و ثانيا لكسب قوام و صلصه مميزه..
نصف الورق المحشي بترتيب و عنايه تامه،،و بعدين نخلي فوقه ثقل من صحون،،حتى لا يتفلل،،،الخطوه الاخيره من البخ هي اضافه حوالي لتر ماء،،او حسب الكميه،،بحيث تكون اكثر نسبيا من الورق..و نضيف زيت زيتون،،و ليمون و دبس الرمان و الملح،،و صلصة الطماطم..

مدة الطبخ حوالي 45د الى ساعه او اكثر حسب الكميه،،و نضيف ماء كل ما حسينا انه نقص..


و خلاص و التقديم عليكم،،و صحه و عافيه على قلبكم ...​

 

[Mystro]

مشكل عليي أنا خصوصا ، توني عن يا زعم بسخن في المايكرويف ، قمت حركت الأولي والتالي ، ودخن المطبخ كامل وانكسر الصحن بعد ، فما بالش بشيء اسمه طباخ ، حدي استعرض على أمي شوي ، أقول ليها لو أحط يدي في الشغلة شان كنسلت عليها ، وأطلع ، أختي الصغنونة ليها لمسات عجيبة وقامت تتعلم

 

[عبث]

-

مشكل عليي أنا خصوصا ، توني عن يا زعم بسخن في المايكرويف ، قمت حركت الأولي والتالي ، ودخن المطبخ كامل وانكسر الصحن بعد ، فما بالش بشيء اسمه طباخ ، حدي استعرض على أمي شوي ، أقول ليها لو أحط يدي في الشغلة شان كنسلت عليها ، وأطلع ، أختي الصغنونة ليها لمسات عجيبة وقامت تتعلم

اني لو من امك،،احرم عليك المطبخ،،حدك للماي و الثلاجه..و اني اقرأ ردك ذكرت ايسكريم مال العياره اللي اسويه،،شوي و بنزل الصور و بخلي الوصفه و استعرض عليها ..
و الله يخلي لك هالكتكوته،،اكيد مسويه ليكم جو في البيت..

 

[Mystro]

-

اني لو من امك،،احرم عليك المطبخ،،حدك للماي و الثلاجه..و اني اقرأ ردك ذكرت ايسكريم مال العياره اللي اسويه،،شوي و بنزل الصور و بخلي الوصفه و استعرض عليها ..
و الله يخلي لك هالكتكوته،،اكيد مسويه ليكم جو في البيت..

بس الماي والثلاجة
بس بعد يبي ليي اكنسل عليكم

 

[Mystro]

ما أحب ورق العنب ولا أشتهي أطالعه ولا حتى اشم ريحته
ما أدري اشلون ناس يحبونه خصوصا لما كنت أشتري لي من أبو علي ، أكره شيء عليي ورق العنب في اقبالي دائما المفروض يغيبونه عن الأنظار

 

[عبث]

بس الماي والثلاجة
بس بعد يبي ليي اكنسل عليكم

عيل تحترق لو يصير فيك شي:sly:....
اوكي ما علي ادخل،،بشرط مو بروحك،،مع احد اكبر منك..

ما أحب ورق العنب ولا أشتهي أطالعه ولا حتى اشم ريحته
ما أدري اشلون ناس يحبونه خصوصا لما كنت أشتري لي من أبو علي ، أكره شيء عليي ورق العنب في اقبالي دائما المفروض يغيبونه عن الأنظار

اخويي بعد ما يحبه،،بس هو اكثر واحد مهتم،،اغلب الاحيان هو اللي يشتري ليي المكونات،،اما بالنسبه لــ ابو علي،،هالمكان فاشل في عرض اكله:mellow:،،و على فكره اللي اسويه احلى بشهادة الكل..

 

[Mystro]

عيل تحترق لو يصير فيك شي:sly:....
اوكي ما علي ادخل،،بشرط مو بروحك،،مع احد اكبر منك..
..

افا أنا صغير

يالله نكبر وننسى ​

 

[عبث]

فروت سلاد،،او فروت ايسكريم..

المقادير:
ما توفر من الفواكه:
في الصوره الاولى:
عنب،،تفاح ،،اناناس،،افوكادو،،مربى كشمش

طريقه الصنع:
نهرس ربع افوكادو و نخلطه مع الايسكريم،،نحط في كاس التقديم شوي مربى في القاعده،،بعدين نحط الفواكه و نصب عليه المزيج،،نزينه بشريحة اناناس،،و مربى و مكسرات..

في الصوره الثانيه الاختلاف بس انه بمربى المشمش و فيه موز فقط،،بالاضافه للعسل للتزين..​

 

[Mystro]

فروت سلاد،،او فروت ايسكريم..

المقادير:
ما توفر من الفواكه:
في الصوره الاولى:
عنب،،تفاح ،،اناناس،،افوكادو،،مربى كشمش

طريقه الصنع:
نهرس ربع افوكادو و نخلطه مع الايسكريم،،نحط في كاس التقديم شوي مربى في القاعده،،بعدين نحط الفواكه و نصب عليه المزيج،،نزينه بشريحة اناناس،،و مربى و مكسرات..

في الصوره الثانيه الاختلاف بس انه بمربى المشمش و فيه موز فقط،،بالاضافه للعسل للتزين..​

أي هذا شوي شكله حلو ، بس شنو مربى ؟ ​

 

[عبث]

افا أنا صغير

يالله نكبر وننسى ​

:Laugh:

أي هذا شوي شكله حلو ، بس شنو مربى ؟ ​

بس شوي:mellow:،،ما علي:tears:
مربى يعني جام...

 

[Mystro]

:Laugh:


مربى يعني جام...

أي تذكرت ، والله راح عن بالي ، لأن كلش احنا ما نحبه خير شر​

 

[عبث]

هذي حلاوة اسويها على السريع،،و سميتها nina ...
طريقة الصنع step by step...

نصف البسكويت في البايركس،،طبقتين بطريقه عكسيه،،اني افضل المالح حتى يعطي نكهه مميزه..

نسوي المزيج،،و هو حليب و 1\ كريم كراميل،، ملعقه كبيره كاسترد،،اذا استوى و فتر شوي،،نحطه في الخلاط مع قيمر و جبن كيري،،اذا مربعات نحط 6،،اما اذا كيري الجره بعد 6 ملاعق،،و نصبه على البسكويت..

اذا برد شوي ندخله الثلاجه على ما يستوي الجيلي،،و نصبه عليه..

نحط عليه كوب فواكه مشكله،،او اثنين حسب الحجم،،و ندخله الثلاجه،،و اذا جمد الجيلي يكون جاهز للاكل و التقديم ..

و اللحين جاهزه ..
حلاوه على السريع،،و خفيفه بعد يوم صيفي مشمس،،او بعد صيام ..​

 

[Mystro]

هذي حلاوة اسويها على السريع،،و سميتها nina ...
طريقة الصنع step by step...

نصف البسكويت في البايركس،،طبقتين بطريقه عكسيه،،اني افضل المالح حتى يعطي نكهه مميزه..

نسوي المزيج،،و هو حليب و 1\ كريم كراميل،، ملعقه كبيره كاسترد،،اذا استوى و فتر شوي،،نحطه في الخلاط مع قيمر و جبن كيري،،اذا مربعات نحط 6،،اما اذا كيري الجره بعد 6 ملاعق،،و نصبه على البسكويت..

اذا برد شوي ندخله الثلاجه على ما يستوي الجيلي،،و نصبه عليه..

نحط عليه كوب فواكه مشكله،،او اثنين حسب الحجم،،و ندخله الثلاجه،،و اذا جمد الجيلي يكون جاهز للاكل و التقديم ..

و اللحين جاهزه ..
حلاوه على السريع،،و خفيفه بعد يوم صيفي مشمس،،او بعد صيام ..​

شكلش طباخة ، جاي شهر شعبان ورمضان والحلو بعد يوم من الصيام مطلوب ، بس ما يندرى حلو لو مو حلو هذه الوصفة

 

[عبث]

،،عندك شك طباخي مو حلو :tears:،،الله لينا ..
مو مشكله،،قول خاطرك في ويش،،مالح او حلو و انت احكم..
بيتنا اغلبهم صايمين،،خبرك شهر رجب،،و قلت خل ندلع روحنا ..

 

[Mystro]

،،عندك شك طباخي مو حلو :tears:،،الله لينا ..
مو مشكله،،قول خاطرك في ويش،،مالح او حلو و انت احكم..
بيتنا اغلبهم صايمين،،خبرك شهر رجب،،و قلت خل ندلع روحنا ..

لا ما عندي شك ولا شيء

بس أنا ما أقدر أحكم إلا لما اتذوق الشيء

ما أقصد شيء ثاني ، ومن الشكل ، باين عليها أنها خوش وصفة

هنيئا مريئا ، وصيام مقبول إن شاء الله تعالى ، ولا تنسونا من الدعاء

 

[عبث]

لا ما عندي شك ولا شيء

بس أنا ما أقدر أحكم إلا لما اتذوق الشيء

ما أقصد شيء ثاني ، ومن الشكل ، باين عليها أنها خوش وصفة

هنيئا مريئا ، وصيام مقبول إن شاء الله تعالى ، ولا تنسونا من الدعاء

أني بعد مو قصدي شي ،، على كلٍ مشكور،،هذا من ذوقك،،قلت لك قول في ويش خاطرك و بنطرش لك على البريد السريع ..
و أنتم مسؤولون ..

 

[Mystro]

شكرا
ما في خاطري شيء ​

 

[دموع]

ما شاء الله
شكلش طباخة ماهرة
تسلم ايدش

 

[عبث]

ما شاء الله
شكلش طباخة ماهرة
تسلم ايدش

الله يسلمش اختي..
يلا مو بس اني،،خلونا نشوف ابداعاتكم ..

 

[دموع]

اي ابداعات يختي
من ناحيتي لحد الحين مو من صوبي الطباخ
مو لأني ما احب اطبخ او ما أعرف لكني ما اجرب
ان شاء الله في المستقبل القريب يكون موضع اهتمامي

وفقك المولى