|| ~.. مطبخ UOB-BH ..~ || .. شاركينا وصفات طبخك معنا

[c o d e]

^^^
يا الله , ناطرينج , يومين بالكثير وطبخيها وصوريها

 

[مشاعر خجولة]

اخيرا عرفت اسوي بيتزا هههه

 

[زولية وردية]

انزين . سهلة الطبخة ..
اول شئ جيبي الربيان حلاته يكون كبير وقشريه وشيلي الوصخ مال ظهرة وبعدين جيبي السكين وقصي ظهره بس مو بعمق وبعدين دقيه علشان يمتن ...
الحين انجي للتتبيله :
الربيان وفلفل اسود واحمر وبهارات وثوم اني عندي ثوم وزنجبيل وي بعض مفرومين استخدمهم وشوية ليمون .. وخمريهم اقل شئ نص ساعة ...
واذا تخمروا جيبي غضاره واكسري فيها بيضة وملح وفلفل اسود وخلطيهم
جيبي صحن ثاني وحطي فيه بقسماط
وصحن فيه طحين (( تقدرين تستغنين عن الطحين ))
واتجيبين الربيانة وتحطينها في الطحين بعدين البيض بعدين البقسماط ..وخليها على صوب لين خلصتين اقليهم ..
وبالعافية وان شاء الله فهمتين شرحي .. لو عدنا ربيان جان صورت الطريقة ..
وهذي الصورة للتعذيب خخخ

اخيرا عرفت اسوي بيتزا هههه

الااااااااااااااي
​

 

[بنوتة كيوت]

ما شاء الله عليكم بنااات ابداع ماله حدود
وانشاء الله نشوف جديدكم

 

[بنوتة كيوت]

​

مســا الــفـل

من زمان ما نزلت شي،،فقلت نحط اي شي على السريع،،اليوم سويت نودلز،،او نقدر نقول باستا او مكرونة،،اي شي،،هي التسميه تختلف على حسب نوعية الشي<<< بلا تفلسف .. اني سويت بالنودلز بلا ما افتح كيس معكرونه اخذ منه بس شوي ..

اول شي نسخن شوي زيت و نحط عليه شوي زبده،،انزين ليش زبده و زيت،،لان محتاجين نكهه الزبد،،بس اذا كان بروحه بيحترق فنضيف الزيت معاه،،نضيف البصل و المشروم،،اذا بدا ياخذ لون ذهبي نضيف باقي الخضار،،فلفل اخضر،،جزر،،واللي يحب الذره<<اني ما احبه،،و البهارات المفضله،،فلفل اسود و ابيض و ملح و بابريكا و زعتر او اي شي ثاني،،اذا ذبلت الخضار نضيف ملعقة قيمر و ملعقة جبن،،و شوي حليب،،بعد ما يطبخ شوي الخليط،نضيف النودلز اللي مستوي و متصفي من الماي،،نخلطهم و نتركه شوي يطبخ بالخليط..

اما الخبزالمحمص الجبن اللي وياه،،هو مو مثل مال بابا جونز،،بس زين و يمشي الحال ..
ناخذ توست (روتي) و ندهنه من الجهتين بثوم و زيت الزيتون و ندخله الميكروويف او الفرن على اعلى درجه (التحمير)،،اذا تحمص شوي نطلع و نحط عليه كبن كاسات و وفوقه سليس و زعتر و ندخله مره ثانيه،،تقدرون تجربون اجبان ثانيه مثل الموتزريلا و البارميزان،،اني حطيت الموجود..

<<< بالنسبه للثوم و ريحته،،فركو ايدكم بــ بقدونس،،او نعناع او ريحان،،الموجود و ريحته قويه..


و خلاص،،هني و عافيه ..​

​

​

​

مرحبا اختي عبث
يوم جفت حبيت اني اسوي طريقة النودلز مالتش
واليوم جوو بنات خالتي بيتنا وسويتها ليهم وعجبتهم وانشاء الله بحط الصورة مالت النودلز الي سويتها ​

​

 

[NoOor]

امممم
في وصفة حلوة وسهلة
حق لييين مافي وقت واليوووع تصلح
ماعندي صور

المقاديير
مرتديلا <<يفضل دياي
فلفل باااارد مقطع مربعات
بيضة
جبن بشوور
وممكن جبن كيري حوالي 3 ملاعق

ناخذ البايركس او الشي الي بنحطه في الفرن
ندهنه بالدهن
ونحط الفلفل
ونحط عليه المرتديلا على حسب الكمية المرغوبة
وعقب الجبن المبشور ونخلطه بجبن الكيري
وعليه نحط البيضة المخفوقة و وياها شوية ملح
ونحطه في الفرن حوالي 20 دقيقة
اول شي من تحت شوي وتالي نشغله من فوق



سهلة وخفيفة وبديل عن البيض