مناقشة التسجيل لكلية إدارة الأعمال

[pearl95walaa]

سلام عليكم
لو سمحتون عطوني اسماء احسن دكاترة لل
ACC112
ECON 140
MATHS103
ENNG145
ضروري اذا ما علليكم امر اخواني اخواتي

Eng145 دكتور فيصل علي
Econ140 دكتور انيس الخياط
Acc112 دكتور محمد جناحه
Maths103 دكتوره مونيته

 

[craZy Team 77]

???????

بخصوص انج تاخذين ايكون او كيو ام ....

عندي خيارين
الأول اظل جدولي جدي عندي arab110 حاليا وي مي يوسف إبرهيم الساده وecon141 وي عبد الله الصادق
والثاني انزل islam101 وَqm250

امبي ارفع معدلي وأشياء سهله
كانت مفكره بنزل لي islam101 بس اذا بنزله يتعارض وي الأيكون تاريخ 13 فاظطر اخذ بديل ثاني للأيكون اللي هو qm
وفي نفس الوقت ابي اكمل مواد لفل 1 عقب اروح لفل2

في الخيار الأوال والحالي بتكون امتحاناتي12 و13 و14 و20
في الخيار الثاني بتكون 13 و14 و16 و20


فا وش احسن واسهل لqm لو econ؟؟

ماعليج من ان تكملين لفل 1 عقب لفل 2 ...

اخذي المواد الي تخلي معدلج يرتفع ...

مادري شنو تحبين .. الايكون انا احسه اضعب من الكيو ام ... بس في ناس تقول الكيو ام اصعب ...

الفكره هي هذلين المادتين .. اذا تدرسين الماده صح بتكون سهله عليج ...
الكيو ام اذا فهمتين بتجيبين a واذا مافهمتين بتجيبين f لانه بدون فهم يعني كل شي غلط ... مادة فهم احصائيات و ماث وجي يعني ..

الايكون حفظ وفي فهم بس يعني اذا ماتتقبلين الماث و الارقام و الاكاونت وهالسوالف اخذي الايكون بكون اسهل لج ...

اول حددي شنو قدراتج ؟ وبعدها اختاري

 

[pearl95walaa]

Acc310 دكتوره سلوى
Acc332 دكتوره جيهان
Bis202 دكتوره فادية
Qm350 دكتور ابو جعفر
Arab110دكتور عيسى الوداعي

نصائحكم لي لمقررات الكورس الجاي
من ناحية طبيعة كل مقرر
افضل نوتات
تعليق على الدكاتره


ابي ارفع معدلي دعواتكم
بالتوفيق


شكرا مقدما

 

[ثمثم]

السلام عليكم

ولي يسلمكم عطوني رايكم في جدولي انا متخوف هالفصل واجد

ميرفت امين MGT230
إنتصار ACC113
ECON140
وفاء شاهين ENGL146
محمود آل عباس MATHS104

وشكرا مقدما

 

[pearl95walaa]

السلام عليكم

ولي يسلمكم عطوني رايكم في جدولي انا متخوف هالفصل واجد

ميرفت امين MGT230
إنتصار ACC113
ECON140
وفاء شاهين ENGL146
محمود آل عباس MATHS104

وشكرا مقدما

Mgt230 مقرر فهم يحتاج الى دراسه و اهتمام اكثر ، دكتوره ميرفت سمعت عنها وااجد تمام لهذه المقرر

‏
Acc113 مقرر يحتاج الى دراسة اول بأول حتى ما يتراكم ، دكتورة انتصار سمعت واجد يذمونها ،..

Econ140 مقرر سهل في دراسة كان بالنسبة لينا مواضيعه عن الاقتصاد بس يعتمد على الي يحط امتحان على دفعتنا كان دكتور هشام حنضل ماساة
اخذته مع انيس الخياط تمام واجد لهالمقرر

Engl146 دكتوره وفاء شاهين طيبه و خفيفه محاضراتها تهتم للحضور و الكتب في محاضرة متساعده ، في نهاية الانج لغة مثل مقرر engl145

Maths104 ما اعرف الدكتور ، مقرر مواضيعه عن الاشتقاق بانواعه مو صعب لكنه مو اسهل من maths103 يحتاج تركيز اكثر و متابعه اول باول



بالتوفيق

 

[مدريدي 1994]

Acc310 دكتوره سلوى
Acc332 دكتوره جيهان
Bis202 دكتوره فادية
Qm350 دكتور ابو جعفر
Arab110دكتور عيسى الوداعي

نصائحكم لي لمقررات الكورس الجاي
من ناحية طبيعة كل مقرر
افضل نوتات
تعليق على الدكاتره


ابي ارفع معدلي دعواتكم
بالتوفيق


شكرا مقدما

Acc310 / المقرر اغلبه عملي و بالنسبة لي أسهل من Acc211 و افضل نوتات للدراسة نوتات المقابي الدكتورة ما عندي فكرة عنها

Acc332 / المقرر يعتمد على الحفظ و الفهم وانا اشوفه اسهل من الاودت الاول و في الدراسة كنت اعتمد على سلايدات جيهان و الكتاب ، بالنسبة لجيهان تعتبر من أفضل الدكاترة للاودت

Bis202 / مقرر واجد فيه معلومات و دسم و يعتمد على الحفظ ، المقرراغلبه نظري و فيه امتحان عملي على برنامج الاكسل اعتقد عليه 20
و في الدراسة الكتاب هو المرجع الاول و الأخير حتى دكتورنا كان يقول درسو من الكتاب لان السلايدات مو كفاية ، ما عندي فكرة عنها الدكتورة

Qm350 /المقرر فيه شوي صعوبة ، قبل سنة و نص تقريبا اخذته بس انسحبت منه لان الميدتيرم كان صعب و ما سويت زين ، بالنسبة لدكتور ابو جعفر ما عندي عنه فكرة

Arab110 / مقرر سهل اغلبه قواعد و إعراب ، انا طبعا اخذته مع دكتور عيسى الوداعي في الصيف الدكتور شرحه اوكي و ينكت شوي في السكشن و لكن دائما يسأل الطلاب بشكل عشوائي

بالتوفيق انشاء الله

 

[مارد المصباح]

Acc310 دكتوره سلوى
Acc332 دكتوره جيهان
Bis202 دكتوره فادية
Qm350 دكتور ابو جعفر
Arab110دكتور عيسى الوداعي

نصائحكم لي لمقررات الكورس الجاي
من ناحية طبيعة كل مقرر
افضل نوتات
تعليق على الدكاتره


ابي ارفع معدلي دعواتكم
بالتوفيق


شكرا مقدما

Acc310 دكتوره سلوى
المقرر فهم وحليو ... اعتمدت على نوتات صلاح وحل اسئلة الكتاب
دكتورة سلوى اول مرة تدرس انتر2 ،وبشكل عام ما تصلح لمواد لفل3 وتعاملها مو خوش بصراحة
ودرجات طلابها مقصوفة ،تحسب بالبوينت "عادي درجة طالب 17.3 مثلا"
*حاولي تحضرين ليسنر على الاقل مع صلاح

Acc332 دكتوره جيهان
لحد الحين ما اخذته بس عموما المقرر حسب ما سمعت متشابه في محتواه بشكل كبير مع اودت1 بس بشكل اعمق يعني ،ودام مع جيهان يعني امورش في السليم

Bis202 دكتوره فادية
المقرر حفظ ودسم شوي ،بس اذا عندش خلفية عن الكمبيوتر وهالسوالف بكون لش بسيط ،درست له من السلايدات ،بس السلايدات مو كافية طبعا للـ A
وكاني سمعت مؤخرا ان المقرر تغير شوي بعد ما اخذته والله اعلم
عموما المقرر فيه نظري وعملي "لاب" ،اللاب بتدرسون فيه الاكسل شغلات بسيطة وعليها 15% والـ85% بتكون على النظري

Qm350 دكتور ابو جعفر

Arab110دكتور عيسى الوداعي
المقرر يغلب عليه الفهم ،وحسب كلام طلبة التخصص ان الوداعي 10/10 ومن افضل دكاترتهم

السلام عليكم

ولي يسلمكم عطوني رايكم في جدولي انا متخوف هالفصل واجد

ميرفت امين MGT230
إنتصار ACC113
ECON140
وفاء شاهين ENGL146
محمود آل عباس MATHS104

وشكرا مقدما

وعليكم السلام والرحمة ..

ميرفت امين MGT230
المقرر حليو وهو ممزوج حفظ بفهم ،ودكتورة ميرفت من افضل الدكاترة لهذا المقرر وهي الكوردنيتر
بس لازم تدرس نوتات دكتورة هيفاء خلف للكيس ستدي في الامتحانات ،لان دكتورة ميرفت للاسف ما تعلم طلبتها هالشيء وتطير درجات طلبتها في الامتحان لهذا السبب
*النوتات موجودين في المكتبة

إنتصار ACC113
المقرر عملي .. انتصار في الشرح مضبوطة بس اهم شيء تصير وياها عبود وتمشي مثل المسطرة

ECON140
المقرر خفيف وحليو ومن اكثر المقررات الا حبيتها بصراحة ،بس للامانة طلاب واجد يخربطون فيه
شكلك مسجل في سكشن تو بي اناونسد ،فافضل شيء تحضر ليسنر مع دكتور ممتاز مثل محمد ابو السعود او دكتور فؤاد كريشان او هشام حنضل >دلين الافضل في الشرح لهذا المقرر

وفاء شاهين ENGL146
المقرر ما يختلف عن طريقة الانج الاول

محمود آل عباس MATHS104
المقرر حليو بس كالعادة الماث يعتبر عقدة عند الطلاب
فيعتمد عليك اذا تحب الماث او لا ... الدكتور حسب ما سمعت عنه ان زين
تقدر تعتمد على نوتات عفيفة لهذا المقرر

3 فهم ومقرر حفظ والانج
جدولك متوازن من ناحية الفهم والحفظ ،والمقررات عموما اذا حطيت بالك زين ليها بتقدر تجيب الـA فيهم بس لا تستهين فيهم وتلعب عشان ما تجيب العيد ​

 

[2013]

Acc310 دكتوره سلوى
Acc332 دكتوره جيهان
Bis202 دكتوره فادية
Qm350 دكتور ابو جعفر
Arab110دكتور عيسى الوداعي

نصائحكم لي لمقررات الكورس الجاي
من ناحية طبيعة كل مقرر
افضل نوتات
تعليق على الدكاتره


ابي ارفع معدلي دعواتكم
بالتوفيق


شكرا مقدما

310 مو صعب واغلب الطلبة يعتبرونه اسهل من الانتر الاول... بس يحتاج فهم حقيقة والافضل هو دكتور صلاح فإذا ماحصلتين عنده انصح تحضرين لسنر احسن لا تضيعين
حق الدراسة نوتات صلاح كفاية مع اسئلة الكتاب طبعا

332 توني هالكورس باخذه واذا ويا جيهان لا تحاتينه

البي اي اس ماعندي فكرة عن الدكتورة بس المادة حفظ في حفظ... اذا تحبين الحفظ بتجيبين فيها a .... المادة شوي دسمة وواجد فيها جباتر بس مثل ماقلت اللي يحبون الحفظ يقدرون يجيبون الa فيها


العربي مادة خفيفة نوعا ما وتعتمد على مستوى الطالب في العربي... الدكتور مادرسني ماعندي فكرة عنه

الكيو ام ماعندي فكرة عنه.

 

[2013]

السلام عليكم

ولي يسلمكم عطوني رايكم في جدولي انا متخوف هالفصل واجد

ميرفت امين MGT230
إنتصار ACC113
ECON140
وفاء شاهين ENGL146
محمود آل عباس MATHS104

وشكرا مقدما

المنيجمنت يحتاج فهم شوي وميرفت ممتازة جدا لا تحاتي المادة

الاكاونت مستواه اعلى من 112 اكيد بس سهل مجرد انك تفهم الجبتر تعرف تحل الامتحان.... انتصار من ناحية الشرح يقولون جيدة يفهمةن ليها.... اذا تحب انصحك تحضر لسنر ويا الدسوقي مابتحس بصعوبة في المادة.. جيهان بعد ممتازة في الشرح وتقدر تحضر وياها

الايكون فهم وحفظ ومو صعب

الانج سهل مادة B وفوق واسهل من 145

الماث اصعب من 103 وفيه اشياء جديدة... يفضل تغير الدكتور وتاخذ عند عفيفة أو فيصل الشويخ عشان تفهم وماتضيع

الجدول حليو ومتوازن والمواد مو صعبة وماتخوف كلش

 

[Miss Mariam]

Dr. Shaju George

شرايكم بهلدكتور حق MGT230?

 

[yasserebr]

السلام عليكم كتاب MGT 233 نفسه كتاب 230 ؟

 

[2013]

السلام عليكم كتاب MGT 233 نفسه كتاب 230 ؟

لا غير عن بعض
كل واحد كتاب بروحه

 

[صفاء الورد]

السلام عليكم

شرايكم في
Dr. Khalid Ismail Nayif Hamadani
BUTHAINA KHALIFA ALREBEEA
حق HIST122

 

[AFK]

السلام عليكم
عندي استفسار عن مواد الفايننس FIN323 , FIN424,FIN411 ، فيهم بروجيكت او لا و شنو طبيعة المواد ؟
Acc 470 سهل ؟ يصلح اخذه الكتف ؟

 

[مارد المصباح]

السلام عليكم
عندي استفسار عن مواد الفايننس FIN323 , FIN424,FIN411 ، فيهم بروجيكت او لا و شنو طبيعة المواد ؟
Acc 470 سهل ؟ يصلح اخذه الكتف ؟

وعليكم السلام والرحمة ..

470 كمتيريال سهل ،بس اللي لاحظته هالمرة ان الدكتور ما قاعد يشرح شيء
يقرا فقط من السلايدات او الكتاب مع توضيح سطحي للافكار ! ،اكزامبل اكسرسايز على الطالب يكتشفهم بنفسه ويدرس من الكتاب حسب ما حدد ويانا
يعني المادة بالاحرى سهلة بس بتكون دراستها ذاتية تقريبا ​

 

[2013]

وعليكم السلام والرحمة ..

470 كمتيريال سهل ،بس اللي لاحظته هالمرة ان الدكتور ما قاعد يشرح شيء
يقرا فقط من السلايدات او الكتاب مع توضيح سطحي للافكار ! ،اكزامبل اكسرسايز على الطالب يكتشفهم بنفسه ويدرس من الكتاب حسب ما حدد ويانا
يعني المادة بالاحرى سهلة بس بتكون دراستها ذاتية تقريبا ​

تقصد الدسوقي صح ؟ معقولة مايشرح بس يقرأ !!

عليي بحظ فقر كلما قلت باخذ مادة يصير شي مو زين

 

[ج بروفيسور]

السلام عليكم
عندي استفسار عن مواد الفايننس FIN323 , FIN424,FIN411 ، فيهم بروجيكت او لا و شنو طبيعة المواد ؟
Acc 470 سهل ؟ يصلح اخذه الكتف ؟

كلهم فيهم بروجكت
411 عن الاسلامك فايننس، مصطلحات معلومات سهلة الفهم، ويعتمد على حسب الدكتور شلون خطته للمتيريال//المقرر اغلبه ثيوري
424 "investment, shares and bond" المقرر بشكل عام مابين السهل والمتوسط، بس الي يدرسونها مايوصلون الفكرة عدل للطالب، فتصير صعبة//المقرر اغلبه كلكوليشن
323 عن البنوك التجارية / مابين الكلكوليشن والثيوري

 

[مارد المصباح]

تقصد الدسوقي صح ؟ معقولة مايشرح بس يقرأ !!

عليي بحظ فقر كلما قلت باخذ مادة يصير شي مو زين

اي !!
حاليا منصمين واغلب الطلبة اذا مو كلهم يتوهقون قبل التست >شنو المتيريال ؟ شلون فكرة كذا ؟ من وين جاء هذا ؟ ..الخ

يعني الاكاونت يتطلب عادة شرح وحل تمارين حتى الطالب يميز بين الحالات ويعرف متى يستخدم القانون الفلاني او الانتري العلاني

>>ابسط مثال الفايننشل ستيتمنت "مطلوبين علينا في تست1" قرا "قرا" ستيتمنت موجودة في الكتاب كمثال >مجرد ستيتمنت بالارقام بدون اي انستركشن يعني
وفي التست مطلوب علينا نسويها ! >في فرق في بعض الامور عن الستيتمنت الا متعودين عليها يعني


عموما مثل ما قلت المقرر مو صعب ويندرس حتى ذاتي او في معهد اذا حابة تنزلينه يعني ​

 

[صفاء الورد]

‎السلام عليكم

‎شرايكم في

HUSHAM SAEED HASABALLAH ALAWSI
REYADH MOHAMED SEYADI

‎حق LAW238 ؟؟

 

[H2014]

السلام عليكم

حبيت اسال عن دكتور عبدالله المناعي لفاينس ٢٢١ من ناحيه الدرجات والشرح وشلون طبيعه الماده اقدر بس أخذ نوتات سوماثي واعتمد عليهم ؟

وبسأل عن Acc311 شلون طبيعه الماده وشرايكم بدكتوره سلوى ؟

شكراا مقدما ..