مناقشة التسجيل لكلية إدارة الأعمال

[ZeeZee Mubarak]

1-BIS202
2-MGT230
3-FIN220
4-HIST122
5-QM250
6-MKT264

شرايكم في هذي المواد وية بعض يصلح او لا

 

[Muhammad Aldumistani]

1-BIS202
2-MGT230
3-FIN220
4-HIST122
5-QM250
6-MKT264

شرايكم في هذي المواد وية بعض يصلح او لا

أنصحش تحذفين الهيستوري.. وتالي بيكون ممتاز.

 

[ZeeZee Mubarak]

أنصحش تحذفين الهيستوري.. وتالي بيكون ممتاز.

اي قررت اشيله خلاص

 

[mkj]

السلام عليكم

حبيت اسال عن دكتور عبدالله المناعي لفاينس ٢٢١ من ناحيه الدرجات والشرح وشلون طبيعه الماده اقدر بس أخذ نوتات سوماثي واعتمد عليهم ؟

وبسأل عن Acc311 شلون طبيعه الماده وشرايكم بدكتوره سلوى ؟

شكراا مقدما ..

دكتور المناعي ماخذيت عنده بس جدا استفدت من النوتات و التمارين و المعلومات اللي كان يعطيها حق طلبته، يعني حسب اللي شفته يجهز طلبته عدل حق الامتحان
و بصراحة مادة ٢٢١ بسيطة ماتحتاج دكتور ممتاز و الطالب يقدر يدرسها ذاتي بالراحة
انا شخصياً كنت مع استاذ (مو دكتور جامعي اصلا، بس الظاهر انه ساعات يدرس بارت تايم في الجامعة)، الزبدة انه كان دمار بس الحمدلله اعتمدت على نفسي و طلعت منها بالA

اما بالنسبة حق ACC311 فهي مو صعبة ولا سهلة، تتمحور حول الconsolidated financial statements (تدمجين الستيتمنتس مالت شركتين و الانتريز المطلوبة و من هالقبيل)، بس تحتاج تركيز و متابعة و مراجعة اول بأول. خذتها هالفصل مع دكتور محمد يس (اول فصل له في الجامعة)، ماشاءالله عليه دكتور تعجز الكلمات عن وصفه خلوق و حبوب و عنده ضمير و يحب يساعد الطالب اللي يشوف انه يبي يتعلم و يطور من نفسه، و بابه دايما مفتوح للطلبة و متساعد لأبعد الحدود

دكتورة سلوى للأسف تجربتي وياها في ACC310 ماكانت زينة، حاولي تنزلين مع غيرها بس لا تحبطين نفسج اذا اضطريتي تاخذين المادة معاها، هي شرحها جيد بس مزاجها متقلب، يعني اذا مودها مو زين تصير معاملتها شوي اهم شي ماتناقشينها في اي شي (خصوووصا درجات التست)

بالتوفيق ان شاء الله

 

[toota95]

استفسااار

- شنو أسهل مادة حق بزنز الكتف غير ECON340 و شنو طبيعة المادة ؟

- و شنو أسهل مادة حق اكاونتنق الكتف ؟ و شنو طبيعتها ؟

 

[مارد المصباح]

استفسااار

- شنو أسهل مادة حق بزنز الكتف غير ECON340 و شنو طبيعة المادة ؟

الايكون هذا عملي ويشبه مقرر ECON140 ويحتاج بعض الشغلات من مقرر MATHS104
عموما اذا كنتين تحبين الايكون بتستانسين فيه

استفسااار

- و شنو أسهل مادة حق اكاونتنق الكتف ؟ و شنو طبيعتها ؟

شنو المواد الا تقدرين تنزلينها اكاونت الكتف؟

 

[هلا بالعيال]

FIN221
FIN222
FIN320
FIN428
MATHS104
HRLC107

شرايكم بالجدول؟

 

[مارد المصباح]

FIN221
FIN222
FIN320
FIN428
MATHS104
HRLC107

شرايكم بالجدول؟

مو كانك مستعجل شوي على الفايننس؟
4 مرة وحدة وتوك ثاني سنة ! ​

 

[H2014]

ممكن نبذه عن هذي المواد ومن افضل دكتور لكل ماده

Acc451
Acc470
QM350
Mgt233
Econ340
Fren141

 

[mkj]

ممكن نبذه عن هذي المواد ومن افضل دكتور لكل ماده

Acc451
Acc470
QM350
Mgt233
Econ340
Fren141

QM350, ACC451, ACC470 ماخذتهم، ولكن الاخوان بيفيدونج بشكل افضل فيهم

MGT233 : مادة حسيتها مملة (طبيعتي ماحب مواد المنجمنت لأني ماحب احفظ) بس مافيها تعقيد، تتكلم عن طبيعة العلاقات في المؤسسات و من هالقبيل - نزلتها مع دكتور شاجو و للأسف شرحه ماكان من المستوى العالي بس ماكنت مضطر اعتمد عليه و الحمدلله طلعت بدرجة طيبة. بس عدد كبير من الطلبة يمدحون الدكتور رعلاء، و الله اعلم.

ECON340 : مادة تدمج بين مفاهيم ECON140, 141 و MATHS104، مادة ممتعة و سهلة للطالب اللي يفضل الفهم على الحفظ. المادة فيها شوية رياضيات و يبيلها الواحد يكون مفتح مخه، بس مو صعبة و اذا الطالب يتابع ابداً مو صعبة يحصل فيها A. خذتها مع دكتور انيس و كان ممتاز! حببنا في المادة و بسطها و جهزنا حق التستات و الفاينل بشكل متميز.

FREN141: لغة سهلة و بسيطة، اهم شي في تعلم اللغات لأول مرة هو الحضور الدائم (دكاترة الفرنسي شوي يشددون على هالموضوع، إضافة إلى انه الطالب لازم يحضر عشان يتلقى مفاهيم النحو في اللغة بشكل سليم من الدكتور مباشرة) و سهل جدا تحصلين A فيها. خذتها مع دكتورة Agnes، دكتورة جديدة فرنسية و للأسف لغتها الانجليزية ضعيفة بس هالشي ماكان عائق لأنه المادة مو معقدة. عادةً الطلبة يمدحون الدكتور زايد شاهين، و حتى الدكتورة شريفة ممتازة بس جداً شديدة مع الطلبة خصوصاً في موضوع الحضور و التأخير (و هالشي في النهاية لمصلحة الطالب بعد).

بالتوفيق

 

[مارد المصباح]

ممكن نبذه عن هذي المواد ومن افضل دكتور لكل ماده

Acc451
Acc470
QM350
Mgt233
Econ340
Fren141

Acc451 : المقرر نظري بس عموما سهل وفيه بروجكت، الافضل له صلاح

Acc470 : المقرر عملي مع بعض النظري وفيه بروجكت، عموما المقرر بسيط ومحتكرنها الدسوقي

QM350 : المقرر عملي، احسه اشبه بالماث مقارنة بمقررات الكيو ام الباقية، الافضل له حسب تجربتي عبدالستار

Mgt233 : غير مطلوب علينا

Econ340 : المقرر عملي ويشبه 140 مع بعض مهارات MATHS104، وفيه بروجكت، الافضل له محمد ابو السعود وانيس

Fren141 : غير مطلوب علينا​

 

[بَتُول]

Econ 248/440/441

عملي أو نظري ؟
و هل يصلحون ك Business elective

 

[مارد المصباح]

Econ 248/440/441

عملي أو نظري ؟
و هل يصلحون ك Business elective

اللي اخذتها فقط Econ 248

المقرر نظري ويتكلم حسب ما اذكر عن اصل النقود شنو كانت؟ وشلون تطورت ودور البنوك والمؤسسات المالي، بس فيها شغلات بسيطة عملي
المقرر احسه فايننس اكثر من كونه ايكون

عموما انا اخذته صيفي عند انيس، وكان اوك بس حاليا ما ادري من يدرس المادة


>>بما انش دفعة 2014 فما بصير تنزلين هذا الايكون لانه لفل2 ​

 

[حلم مذبوح]

شنو رايكم في هذا الدكتور Mr.Ghias ul Hassan khan, لمادة ACC112?

 

[هلا بالعيال]

شنو رايكم في هذا الدكتور Mr.Ghias ul Hassan khan, لمادة ACC112?

نزلي عنده وانتي مغمضة

وايد تمام

 

[حلم مذبوح]

نزلي عنده وانتي مغمضة

وايد تمام

شكرا

 

[غريبة الدار]

عندي استفسار عن بعض المواد
المجموعه الأولى
fin222
fin320
fin323
fin411
fin424

المجموعه الثانية
acc211
acc221
acc231
acc325
acc451

افضل أنه أحد أخذهم كامل وجربهم
يخبرني عن المواد كل وحده فيهم عن ويش تتكلم طبيعة الماده نظري لو كلكوليشن ؟ الأمتحانات تجي نفس السابق لو يغيرون ويكونون صعبين ؟
الماده وش تتطلب كويز أو بروجكت أو برزنتيشن اسايمنت ............الخ
من أحسن دكتور لكل مادة لو أنه ما في خيار يدرسهم دكتور واحد
شلون تدرسون ليهم من كتاب لو سلايدات لو ملخصات ........ الخ
تقسيم الدرجات والجباتر المطلوبة ل تست 1 و2 والنهائي
الدرجات في الغالب وبشكل عام تكون زينه والكل ينجح لو الدرجات تكون نازلة
مواد المجموعه الأولى يصلحون يكونون في كورس واحد لو لا ومواد المجموعه الثانية يصلحون لو لا ؟
امم أي معلومه تتعلق بهم أو شي تعرفونه خبروني

وشكرا

 

[الموالي99]

اكاونت منيجريال acc 325 انصح تاخذينه مع دكتور صلاح .. مقرر جدا سهل وخفيف ..

واتذكر كان فيه تست ١ وتست ٢ واسايمنت وفاينل ..

 

[الموالي99]

فايننس ٣٢٠ المنيجريال فايننس جدا سهل .. وكان فيه تستين واسايمنتات وفاينل ..

 

[ولد الخياط]

ويش رايكم بهالمواد

UTH
8- ACC451 ويه علي جابر
9-ACC311 محمد زكي امين
10- MKT261 علي خليفة حمد الخليفة
11- ACC341 صايل رمضان

MW
8- ENGL341 حليمة كاظم
9:30- FIN320 يمنى

انا افكر اشيل ACC341 واخلي جنرال ستدي.. ويش المواد السهلة .. تعليقاتكم واقتراحاتكم