حلية مطاعم العلوم والايتي

[زيّنب]

السلام عليكم ورحمة الله ..


احد يعرف عن حلية المطاعم اللي في فوود كورت العلوم والايتي ؟
ابوعلي والشرق الاوسط والخ ..

وشكراً

 

[Za9997]

الشرق الأوسط حلال
أبو علي لا
مكس ان سمعت إن حلال لكن ما تأكدت من الموضوع

 

[زيّنب]

الشرق الأوسط حلال
أبو علي لا
مكس ان سمعت إن حلال لكن ما تأكدت من الموضوع

اوكييه شكراً

اذا احد ثاني يعرف بعد خله يفيدنا ؟

 

[bani.hashem]

حسب الي اعرفه ان ابو علي حلال و مشهور ،

الي ما يبي يتعب روحه بحلية المطاعم عليه بدار كليب فيها كل ما لذ و طاب

 

[المهندس عبدالله]

أنا ما أكل لحوم أو أي شيء مشبوه من المطاعم...

 

[إيقاع]

الي ما يبي يتعب روحه بحلية المطاعم عليه بدار كليب فيها كل ما لذ و طاب

+10000000

بس تبقى المشكلة للي ما عدهم سيارات للأسف.

 

[زيّنب]

و

حسب الي اعرفه ان ابو علي حلال و مشهور ،

الي ما يبي يتعب روحه بحلية المطاعم عليه بدار كليب فيها كل ما لذ و طاب

واحد قال حلال وواحد قال حرام ، نحتاج واحد ثالث جان نفصل

 

[زيّنب]

@إيقاع @bani.hashem

قصيييرة بريكاتي مايمدي اروح دار جليب

 

[Mariam_93]

صج سالفة الحرام و الحلال؟
دام ان البحرين دولة اسلامية يعني ما يخلون شي حرام
و لا في مطاعم توفر الحرام؟

 

[زيّنب]

صج سالفة الحرام و الحلال؟
دام ان البحرين دولة اسلامية يعني ما يخلون شي حرام
و لا في مطاعم توفر الحرام؟

شلون نقدر نقول ان البحرين دولة اسلامية وهي حتى الخمور تنباع فيها
مطاعم قد شعر راسش اللي توفر لحوم حرام

 

[Za9997]

حسب الي اعرفه ان ابو علي حلال و مشهور ،

الي ما يبي يتعب روحه بحلية المطاعم عليه بدار كليب فيها كل ما لذ و طاب

صحيح داركليب الحل الأفضل

 

[Msha3r Ensan]

صج سالفة الحرام و الحلال؟
دام ان البحرين دولة اسلامية يعني ما يخلون شي حرام
و لا في مطاعم توفر الحرام؟

البحرين دولة علمانية على ما أعتقد
أما كونها إسلامية فهي إسلامية من ناحية شعبها بس من ناحية القوانين أعتقد لا

 

[Msha3r Ensan]

بخصوص الأكل تقدرون تتجنبون اللحوم

 

[سيد السادة]

وعليكم السلام ورحمة الله وبركاته

موضوع ذو شجون حقيقة
الكثير من الطلبة ما يهمهم حلال أو حرام أهم شي يسد جوعه

أو يقعد يبرر لك أو يقول سمعت فلان يقول حلال
أو يعتقد إن إذا صاحب المطعم مسلم أو بحريني يعني أكله حلال

مو بس في الجامعة، حتى في المجمعات ومختلف الأماكن
ليش المطاعم الحلال فروعها قليلة؟ بينما مطاعم الحرام والوجبات السريعة من قبل لا يفتح المجمع يكونون حاجزين لهم مكان

في كل المجمعات تحصلهم وحتى داخل الجامعات والشركات والمنتزهات وغيرها
كمسؤولية على الطلاب اللي يهمهم الحلال إن يتواصلون مع المطاعم الموثوقة ويحثونهم على فتح فروع في المجمعات والجامعة وغيرهم

لأن بعضهم ما يدري بهالأماكن خصوصا الجامعة أو ما يفكر بهالشي
وكذلك من المهم توعية الناس بهذا الشي (الأكل الحرام) وضرورة اجتنابه لآثاره السلبية على النفس والجسد

تحياتي​

 

[المهندس عبدالله]

وكذلك من المهم توعية الناس بهذا الشي (الأكل الحرام) وضرورة اجتنابه لآثاره السلبية على النفس والجسد

بضبط، حتى لو قلنا دولة إسلامية وإتبعت القاعدة الفقهية وبنيت على أنه حلال... لكن تأثيره مثل الخمر حتى لو ما عرفت أنه خمر راح يعطيك التأثير المسكر!! هي الشي اله محد يفكر فيه للأسف.

 

[زيّنب]

بضبط، حتى لو قلنا دولة إسلامية وإتبعت القاعدة الفقهية وبنيت على أنه حلال... لكن تأثيره مثل الخمر حتى لو ما عرفت أنه خمر راح يعطيك التأثير المسكر!! هي الشي اله محد يفكر فيه للأسف.

بالضبط الناس تفكر في الجانب الديني وللأسف تغفل ان الدين ماحرمه الا لآثاره السلبية على الإنسان وليس من منطلق الخنق وبدون سبب !

لا زلنا نرجو الفائدة لمن يعرف عن حلية المطاعم

 

[_____طالب_____]

ترى مو ملزومين انكم تعرفون حلال او حرام مدام انتون في دولة اسلامية
وبالعكس سؤالكم عن المطاعم حلال او حرام راح اقيدكم اكثر الانه اذا عرفتون انه حرام لازم تبتعدون عنه فمو لازم تعرفون حلال او حرام مدام انكم في دولة اسلامية

يعني اذا ماتدرون حلال او حرام تقدرون تأكلون منه
بس اذا عرفتون انه حرام مايصير تأكلون منه

^^ كلامي مبني على ماقالوه الشيوخ وتقدرون تبحثون في اليوتيوب فيديوات ماشاء الله

 

[_____طالب_____]

وللعلم في ثلاثة اسباب اذا تحققت وحده منهم يجوز لك تاكل من هالمطاعم
1 اذا كان في بلاد المسلمين
2 اذا كان من سوق المسلمين
3 اذا كان صاحب المطعم مسلم
يجوز لك تاكل منه اذا حصلت واحد من هالاسباب اما اذا انت مو متاكد بعد اجوز انك تاكل منه

طبعا كلامي كله مبني على كلام شيوخ

https://www.youtube.com/shared?ci=ksjbNQ2gu7g
وهذا نموذج وتقدر تبحث اكثر وتتاكد من كلامي بعد

 

[المهندس عبدالله]

وللعلم في ثلاثة اسباب اذا تحققت وحده منهم يجوز لك تاكل من هالمطاعم
1 اذا كان في بلاد المسلمين
2 اذا كان من سوق المسلمين
3 اذا كان صاحب المطعم مسلم
يجوز لك تاكل منه اذا حصلت واحد من هالاسباب اما اذا انت مو متاكد بعد اجوز انك تاكل منه

طبعا كلامي كله مبني على كلام شيوخ

https://www.youtube.com/shared?ci=ksjbNQ2gu7g
وهذا نموذج وتقدر تبحث اكثر وتتاكد من كلامي بعد

نعرف بهذا الشي، لكن الأكل الحرام ليه آثر خطيرة، من جدي لازم تتحرى في الموضوع... مرة شفت فيديو لأحد العلماء(ما أذكر اسمه) يقول إذا السوق يكثر فيه اللحم الحرام ما يحق ليك تبني على حليته... يعني في كلام جدي وفي كلام جدي..
على العموم وبشكل عام كل واحد يعرف مصلحته، أنا إذا كنت ما أكل من المطاعم ما يحق لي أقول لغيري لا تاكل، الحكم واضح سوق مسلمين والعلماء حددو أن البحرين بلد مسلمين وتقدر تمشي على هذي القاعدة كيفك..
بس في ناس ما تبي تاكل شي حرام...

 

[_____طالب_____]

نعرف بهذا الشي، لكن الأكل الحرام ليه آثر خطيرة، من جدي لازم تتحرى في الموضوع... مرة شفت فيديو لأحد العلماء(ما أذكر اسمه) يقول إذا السوق يكثر فيه اللحم الحرام ما يحق ليك تبني على حليته... يعني في كلام جدي وفي كلام جدي..
https://www.youtube.com/shared?ci=xXigG0vXBvc
هذا رد على كلامك فوق أما الكلام تحت اتفق وياك فيه
على العموم وبشكل عام كل واحد يعرف مصلحته، أنا إذا كنت ما أكل من المطاعم ما يحق لي أقول لغيري لا تاكل، الحكم واضح سوق مسلمين والعلماء حددو أن البحرين بلد مسلمين وتقدر تمشي على هذي القاعدة كيفك..
بس في ناس ما تبي تاكل شي حرام...

مع اني ما احب ادخل في نقاشات بس حبيت اوضح هالنقطة