خلصت الإجازة !
و لأول مرة في حياتي الجامعية أتمناها تخلص ..
فرغت كل الطاقة السلبية و مستعدة لتلقي غيرها ..
ما بجذب على نفسي مثل كل مرة و أفتعل الإيجابية و أغصب روحي على التفاؤل ..
الوضع هالفصل ممكن يكون صعب .. بس بتتيسر إن شاء الله
أملي الوحيد إني للحين أحب الدراسة حتى لو ما كنت أعرف أدرس..أهم شيء النية
- تنبيه : قصة ما منها مزيّه .
أول فصل لي اشتريت ملف من المكتبة و اكتشفت عقب إنه كان الملف المثالي حقي و عزيته عدل و لكن وقع ضحية لأيدي السنافر الشريرة ، يحبون يثبتون وجودهم بخربشاتهم على أغراضي
حاولت أرقعه ما ترقع .. جلدته و احتفظت فيه
عزيزٌ علي ..
أتعلق بأشياء سخيفة أحيانًا
- انزين اشتري غيره
المكتبة إلا تبيعه صكت
-انزين مكتبات ثانية
عجزت و أني أدور مافي
المهم ، عقب سنين و بنين المكتبة إلا تبيعه الله يسر لها و افتتحوها من جديد
رحت لها و كلي أمل ، درت ف قسم الملفات بحثًا عن طيفه ، ووجدته في الرف الأخير ..
Yessss بصوت شوي .. شوي مرتفع و ابتسامة ما فارقتني لين ما طلعت منها
هالمرة جلدته من البداية و بحاول إيا أمي تخشه في التجوري مالها .
المزيه ..
ستجد ما تبحث عنه .
