يوميات ممرضة ~

your awareness that you are given palliative care it is too painful
 
  • Like
التفاعلات: Lil-H
جربت اختبارالشخصية و طلع للي المفتش :smile2:
يا الله جربوا و قولوا ليي كل واحد ويش طلع ليه :RpS_tongue::shiny:
 
بكل بساطة لم اعتد على ذلك
فإحساس الفضاوة لا يليق بي :shiny:
تبقى يومين فقط على الاجازة
و كأنها مضت سريعاُ
بالطبع أفكر في العمل أي الجناح
مثلاً كم مريض الآن و كيف حال مريضنا المعتاد التي انتكست حالته و غير ذلك
ربي شافهم بشفائك:blush-anim-cl:
 
بكل بساطة لم اعتد على ذلك
فإحساس الفضاوة لا يليق بي :shiny:
تبقى يومين فقط على الاجازة
و كأنها مضت سريعاُ
بالطبع أفكر في العمل أي الجناح
مثلاً كم مريض الآن و كيف حال مريضنا المعتاد التي انتكست حالته و غير ذلك
ربي شافهم بشفائك:blush-anim-cl:

استيقظت اليوم على خبر وفاته:sad_1:
الله يرحمه و يصبر أهله
كشمعة انطفأت:Tears:
 
من هوس الأمهات أمس و في نصاص الليالي
طقت جرس فوق الخمس مرات وره بعض تشوف السيلان
تقول ما ينقط ، و كل مرة يكون يشتغل لكن بطيء
الحمدلله ما كان مريضي الجاهل لكن رحت ليها مرتين
و إحساس جميل بعد إنه تحس أنه أنته تفهم أشياء هم ما يفهمونها هني أتكلم عن باقي الممرضات
صار عندنا مريض صغير مصاب السكر من النوع الأول الجيني ، و حطيناه على انسولين في السيلان بشكل مستمر و لازم نتبع برتوكول معين ، فمخنا انضرب حزتها و كل وحدة تسأل الثانية ، اشوه مر عليي قبل هالحالة فعرفت أساعدهم ، خصوصاً إنه فيه حسابات و تغيير كل ساعة
بكل بساطة تحس روحك إنسان مهم و شاطر :shiny::RpS_tongue:
 
http://jass.im/test

جربت اختبارالشخصية و طلع للي المفتش :smile2:

يا الله جربوا و قولوا ليي كل واحد ويش طلع ليه :RpS_tongue::shiny:

في 4 سبتمبر 2018 طرشته ل آحد ألاشخاص وقلت :
سويته من فتره مرتين
وطلع لي العقل المدبر – intj

ومن شوي رديت عدته وطلع لي
الحرفي – ISTP

في 18/9/2018
ومنذ لحظات اعدت الأختبار للمرة الرابعة وكانت النتيجه المعالج اعتقد اني في هالمره كنت أكثر صدق مع نفسي من المرات الماضيه
 
في 4 سبتمبر 2018 طرشته ل آحد ألاشخاص وقلت :
سويته من فتره مرتين
وطلع لي العقل المدبر – intj

ومن شوي رديت عدته وطلع لي
الحرفي – ISTP

في 18/9/2018
ومنذ لحظات اعدت الأختبار للمرة الرابعة وكانت النتيجه المعالج اعتقد اني في هالمره كنت أكثر صدق مع نفسي من المرات الماضيه

في هالنوع من الاختبارات ما أحب أعيد لأنه كل مرة بسبب تغيير بسيط في الاجابات يطلع نتيجة غير

عجل انتين المعالج:icon30:
 
اليوم نكتة حسبت روحي بروحي و نزلت بالدرج :hysterical::DD::RpS_lol:
بعدين أتذكرت إنه وياي الأم و هي حاملة المريض عمره شهرين
و رجعت الطابق الثاني إلى المصاعد عقب ما مشيت وياها في الدرج طابق كامل
التفهي و ما يسوي :shiny::Ninja::detective2:
 
أمس انزهقت من طيحة المريض فجأة على راسه في غفلة الأم :RpS_huh:
الحمدلله ما صار فيه شيء و اتصلت للدكتورة علشان تشوفه
وصلت اله هو يلعب بالأيباد ماله و الحياة حلوة :DD:
كتبت تقرير و وقعته و وقعته الدكتورة بعد :RpS_tongue:
 
  • Like
التفاعلات: o n e
يوم السبت اله طاف


كان يوم مختلف تماماً في الشغل


عطوني مسؤولية الجناح كله لمدة ساعتين قبل لا يجون ممرضات ذوي الخبرة اله اشتغلوا أكثر من 15 سنة لانه عندهم ساعات رضاعة


كان عندنه مريض بحالة حرجة و لله الحمد عدت الساعتين على خير و ما صار شيء


كنت أدخل عليه بين فترة و الثانية و آخذ مؤشراته الحيوية و أشوف لونه و هل يتحرك أو لا لأنه كان كلش خامل :no::RpS_unsure:


غير المرضى الباقي اله لازم أشوفهم و أحضر أدويتهم


كنت اشعر فيه بتوتر كبير و ضغط نفسي ، الحمدلله :smile2:
 
أمس أتعذبت رايحة راجعة كم مرة علشان يشتغل لينه النظام مال الشغل في الكمبيوترات اله في القاعات لانه كنت أتكلم ويه موظفة المعلومات الصحية :RpS_tongue:
الحمدلله عقب ثلث ساعة تقريباً شغلتهم اثنينهم و قدرنه نستخدمهم :smile2:
كان نهاية الدوام و أتأخرت في طلعتي من الشغل بعدين :nosweat:
 
ضحكتني أم مريض تتكلم بالاماراتي اتقول كلمة "خواشيق" قصدها ملاعق :DD:
أحلى شيء قلت ليها كمجة ما عرفت معناها أبداً و ما عرفت حتى تلفظها:nosweat::RpS_tongue:
 
من الطرائف اله صارت ليي في الشغل انه ام مريضة ما تعرف تتكلم غير أردو ، لا عربي و لا انجلينزي و هي في غرفة عزل و فيها حمام عزكم الله ، طلع الماي إلى الغرفة ، شفته و سألتها ، من وين طالع الماي، ما فهمت ويش قات ، فحسبت في تسرب ماي ، اتصلت بالصيانة علشان يجون يشوفون من ويش التسرب واتصلت بالمنظف علشان لا أحد يزلح ، و حالتي حالة وياها ، آخر شيء ، عقب نص ساعة أو أكثر تقريباً ، جه موظف الصيانة اله يقول مافيه أي تسرب ، طلعت مغسلتنه و عادمة المكان كامل :no:





سوت ليي قصة من ولاشيء و ضيعت وقتي و جهدي و جهد اله اتصلت اليهم بعد





هذه نفسها وحدة من الدكاترة استخدمت غوغل المترجم علشان تعرف تتواصل وياها ، خوش فكرة أحسن من العبالة كلها


أحلى شيء إذا تتكلم ويانا بجمل من الاردو و تبانه نفهمها :RpS_tongue:

 
  • Like
التفاعلات: o n e
قعدوني أمس من النوم باتصال من الجناح لأنه عندهم نقص و ما خبروا قبل، وصلت الشغل بسرعة بسرعة و حصلت موقف بره السلمانية طبعاً. استغربت من تصرفهم لأنه كان لازم يخبروني قبل و أني دوامي أول ليل و مرتبة نظامي على هالأساس ، رحت و عطوني خمسة مرضى ، دق عليي ألم الراس و وصل للعيون من قوة الألم ، أخذت بندول ، ما أتريقت و لا شربت شاي على حليب كالعادة ، على 11و نص قدرت أروح الكافتيريا ، أخذت ليي كوفي و تبولة لأنه الوقت أتأخر على الريوق. رجعت الجناح و أكلت بعدين كملت شغلي ، أتهاوشت شوي ويه الدكاترة لأنه نلحق وراهم علشان يكملون شغلهم ، الله يهديهم ، و آخر شيء اطفر على وجهي دم و ثيابي ، رحت غسلتهم ، الحمدلله طار ، لاعت جبدي استغفر الله. و طلعت 3ونص من الشغل ولبي خلصت كتابة في السستم. وصلت البيت 4وربع ، خلص نص اليوم و عليي أكمل في المشروع ، رحت للغذه المتأخر و أكلت سمك و سطلة ، كانت لذيذة. الحمدلله. صارت 5وشيء و أذن و صار في الليل ، طلعت اتمشى شوي وخلصت مشوار مرة وحدة ، عقبها أتعشيت و كتبت في المشروع إلى الساعة 12ونص، طاقتي انتهت و نمت مباشرة. يوم سريع طاف سيء و في النهاية خلص على خير و هو الأهم. الحمدلله على كل حال.نسيت أقول ساعدت اخوي الصغيرون في كتابة مشرةع لملخص كتاب كنت قارتنه قبل. الحليو في الأمس إنه أمهات المرضى كانوا طيبين الحمدلله. :smile2::cupidarrow::99l:
 
وصلت البيت ١٢وثلث من دوام أول ليل :nosweat:
ما قدرت أتعشى ..الحمدلله صليت المغرب و هذا الاهم..:smile2:
ما يقارب ١١ ساعة ما اكلت ..كأني صايمة :Mellow::RpS_glare:

حدي شربت ماي بس:no:

اتسحرت الحين و لله الحمد :shiny::bye1:
الله يشفيهم و يصبر أهاليهم:rolleyes2:
 
اليوم كان يوم مميز و حليو :smile2:
ركبت إسعاف لأول مرة مع مريض بروحي و نقلناه لمستشفى غير ، درت في أرجاء البحرين و رجعت عقب ساعة ونص تقريباً :shiny:
و صرت معلمة لطالبة تمريض ، استفادت من التجربة و لله الحمد و أتعلمت أشياء بعد جديدة :RpS_tongue:
 
أمس ضحكتني جدة مريضة :hysterical:
جاية ليي غرفة تحضير الأدوية تسألني و هي خايفة : طمنيني .. ويش فيه ولدنا ، خالين ليه ورقة ملصقة على الجدار صوب اسمه بالأحمر كاتبين عليه : خطر عالي؟! صارحيني ويش فيه ؟!
طمنتها و قلت ليها : ما فيه شيء هذا من قوانين المستشفى معناته خطر السقوط عالي لأنه طفل و ما يفهم.
ارتاحت و بعدين مشت. :smile2:
مسكينة عورت أفادي ، المريض مافيه شيء ، حالته مستتقرة ، بس الوسواس و ما يسوي :shiny::Surrender:
 
أن تصل لمرحلة ما تهتم فيها لنفسك مع إنه المرض معدي و وضع المريض طارئ فتروح ليه بسرعة علشان تلحق على حياته
الحمدلله يوم سيء بامتياز عده على خير و طلعت فيه من الشغل عقب ساعة و نص من وقتي الأصلي
طبعاً جسمي كله متكسر و لله الحمد:Surrender:
نفسيتي كانت متوترة و خايفة عدل على المريض لأنه مسؤوليتي :hff:
الله يفرج عنه:rolleyes2:
كملت اليوم الجميل بكتابة المشروع:detective2: و ختمته بزيارة الاهل :smile2:
يقولون ختامها مسك :cupidarrow:
 
عودة
أعلى أسفل