التدريس: مهنة من لا مهنة له!

[قمَر]

البعض يتعلم علشان يصير مدرس ويرتاح طول عمره على معاش التقاعد
والبعض يفني نفسه في العلم ويضحي بوقته وبماله لأن همه في مشاكل الأمة .. همه في أحوال الناس ومشاكلهم
الفرق بأن واحد يتعلم علشان يرتاح براتب وعلاوات ، وواحد يتألم علشان يريح اللآخرين ويحل مشاكلهم العويصة

واجد حبيت هالكلام ^^

هو هذا اللي صاير أو يمكن تكون مهنة تختارنا ما نختارها في الوضع الحالي والتضيق على الشعب وشح الوظائف للمواطنين والخريجين

يعني مثلا خريجين هندسة وطب وإادرة أعمال ومحاسبة ولغة عربية وتاريخ وحقوق ............الخ
قدموا وقدموا وطرقوا كل الأبواب ما حصلوا شغل في مجالهم وش يسوون في روحهم يبون يعيشون يبون يأكلون يلبسون و يحسون بقيمتهم يحسون أنه منهم فايده أنه قاعدين يسسون ويقدمون شي مفيد للمجتمع اللي هم جزء منه
احنا شباب وعدنا طاقات إذا ما استغلينها في شغل نقضيه بنتوجه لأشياء ما منها فايدة ويمكن نضر روحنا ونضر اللي حولنا ونرتكب أشياء تغضب رب العباد بعد كبرنا لمتى يظلون الأباء يكدحون ويشتغلون ويصرفون علينا خصوصا يعني بالنسبة ل الذكور اللي صاروا نفس ما يقولون ((يمشي على زنده التيس ))

شوفوا واجد خريجين يمكن هم مو رغبتهم التدريس ولا كانوا يتمنون هالمهنة بس قاموا يشتعلون في معاهد ويفتحون معاهد ويقدمون دروس خصوصية ويدرسون طلبة المدارس والجامعات
وهذي بادرة طيبة وتستحق الشكر والثناء خصوصا بعد اللي ما عدهم طمع وما يستغلون حاجة الأهل والطلبة وفترة الأمتحانات ويأخذون سعر معقول

يعني أي أحسن شخص يتجه ل مهنة التدريس أو أي مهنة شريفة كانت لو يظل رافع خشمه ويرفض التجربة والمحاولة بحجة هذا مو اختصاصي ومو طموحي ويبقى يأخذ فلوس من أبوه وما يسوي شي مفيد في حياته

إن شاء الله ما أكون قلت شي خارج عن الموضوع

مو مشكلة أبدا لو اضطريت تشتغل شغلة مو مجالك لأنك ما حصلت خيار آخر
المشكلة إنك ما تسوي شغلك على أكمل وجه إما لأنك أصلا مو متمكن منه ولا تعرف ليه، أو لأنك مو طايق الشغلة وجاي غصبا عنك
يعني لو اضطريت لازم تخلص في شغلك ع الأقل

قلنا هالكلام في ردود سابقة بس حاولت اعيده باختصار

 

[رَحِيــلْ ،]

بس لو انحطيت في مجال انت ما تحبه ع الاقل تسوي شغلك باخلاص

أعتقد هالعبارة شرحت كل اللي بقوله:

- إذا ما قدرت أنّ تحبّ شغلك، على الأقل خلّك نزيه ومخلص فيه، مو مطلوب منّك الحبّ - في هالزمن على الأقل - بقدر ما مطلوب منّك تنجز أعمالك بكفاءة.
يعني مثل ما قال الأخ @Lil-H احنا للحين مو في عالم مثالي، واقعنا چدي.

أقدر أقول إن احنا - ويمكن العالم بكبره -عايشين على التلويص في المثاليّة أصلًا؛ لأنّ دائمًا بتكون فيه حلول تسليكيّة بدل ما تكون فيه حلول جذريّة لمشكلاتنا، أيّما كانت.

محّد ينكر أهميّة دور المعلّم، لكن، نحمد الله ونشكره سبعين على أنّ لا خلا وعدم من المعلمين الكفء لحدّ الآن. هذا أضعف الإيمان وإن كان فيه ملمح من اليأس وآخر من الأمل. لا بدّ من القبول بحقيقة أن الفساد قد طال كلّ شيء، بما فيه المجال التعليمي (نقطة على السطر)

 

[رَحِيــلْ ،]

أمّا عن تغيير هذه الحقيقة، فلا يكفي اكتشافها أو التذمّر منها، ولا حتّى يكفي اكتناه أسبابها ونتائجها..
ولا يمكنني شخصيًّا طرح الحلّ أصلًا؛ لأنّ هذا يعيدنا إلى إشكالية المثالية/الواقع. ولأنّه لن يزيد أكثر ممّا قيل في الآراء السابقة.


المفروض؟ من يهتمّ به أصلًا؟

 

[نجمة تشرين]

حاليا ..البعض يبحث عن التدريس كوظيفه و ما يهمه هو وش المطلوب منه بالضبط
نسى ان هو وراه جيل يطلعه عشان يعلم الا عقب و عشان باقي القطاعات الثانية
خصوصا بعد الضغوطات الا على المعلم من الوزارة بفرضهم اساليب لازم للتعليم و هو يحسها بس شو و ان يا زعم شي متطور بس الطلبة ما يفهمون منها و ما يخلون المدرس يطلع ابداعاته في التعليم فمدام السالفه خاربة خاربه خلاص انصاع ورى القطيع و اهمشي الراتب
و الشي الثاني الجيل الطلابي الجديد لا يستحق التعب من أجله لانه لا هو فاهم يدرس عشان ينجح و يتفوق مو عشان يفهم و يعرف ليش يدرس
و غير ان اخلاقه مو تمام في التعامل مع المعلم و غير المعلم

فالمعلم الا ما بيلاقي تقدير و مردود و نتاج و تقبل من ثلة كبيرة من الطلبة بس بيصيدة تلبد و بيطلب الوظيفه للراتب بس



نتمنى يرجعون معلمبن مثل معلمينا قبل مال ايام زمان عشان يرجع الجيل طيب و مؤدب و يفهم لانه المعلم لازم يربي حاله حال الابو و الام
هذا واجبه في الشرع و القانون و الحياة



ذكرتينا بالذي مضى يا قمر ..ايام تناقشنا و تهاوشنا في هالمكان

 

[قمَر]

حاليا ..البعض يبحث عن التدريس كوظيفه و ما يهمه هو وش المطلوب منه بالضبط
نسى ان هو وراه جيل يطلعه عشان يعلم الا عقب و عشان باقي القطاعات الثانية
خصوصا بعد الضغوطات الا على المعلم من الوزارة بفرضهم اساليب لازم للتعليم و هو يحسها بس شو و ان يا زعم شي متطور بس الطلبة ما يفهمون منها و ما يخلون المدرس يطلع ابداعاته في التعليم فمدام السالفه خاربة خاربه خلاص انصاع ورى القطيع و اهمشي الراتب
و الشي الثاني الجيل الطلابي الجديد لا يستحق التعب من أجله لانه لا هو فاهم يدرس عشان ينجح و يتفوق مو عشان يفهم و يعرف ليش يدرس
و غير ان اخلاقه مو تمام في التعامل مع المعلم و غير المعلم

فالمعلم الا ما بيلاقي تقدير و مردود و نتاج و تقبل من ثلة كبيرة من الطلبة بس بيصيدة تلبد و بيطلب الوظيفه للراتب بس



نتمنى يرجعون معلمبن مثل معلمينا قبل مال ايام زمان عشان يرجع الجيل طيب و مؤدب و يفهم لانه المعلم لازم يربي حاله حال الابو و الام
هذا واجبه في الشرع و القانون و الحياة



ذكرتينا بالذي مضى يا قمر ..ايام تناقشنا و تهاوشنا في هالمكان

استوقفتني نقطة ان الجيل الحالي ما يستحق
ممم اعتقد ان هذا الجيل وصل للي وصل اليه بسبب سوء التدريس
صارت العملية التعليمية عبء ثقيل على الطالب
ما ادعي المثالية، لأن اني اعترف اني كنت أكره المدرسة بسبب بعض المعلمات
ما كان هالشي يخليني اتعامل وياهم بقلة أدب صح
بس ما خلاني أحب العلم ولا أهتم بالعلم للين ما كبرت ووعيت وفهمت أهميته بنفسي
الطالب في المدرسة غالبا ما يعرف مصلحته وين
وما يعرف ان اذا درس عدل هالشي بساعده وان الموضوع مو مقتصر على درجات تدخله تخصص معينة وجامعة معينة
المشكلة هي ان حتى المعلمين صار واجد منهم ما يعرفون الهدف من التعليم
تلاقينه هو بعد همه درجات ومراتب لا أكثر ولا أقل
وفاقد الشيء لا يعطيه
وما ننكر بعد إن حتى على أيامنا كان في فئة من الطالبات مو بسيطة كان همهم الدرجات
لا زلت أذكر طالبة متفوقة كانت تقول اني اخلص المادة وانسى كل شي
واذكر طالبة من الأوائل على البحرين لما تخرجنا واكتشفنا ان طالب التوحيد مهما كان تخصصه يقدر يدش أي شي في الجامعة قالت لو ادري ما تعبت روحي ودشيت علمي جان دشيت تجاري اسهل ليي ..