عشوائيات (من تصويري )

[غريبة الدار]

بسم الله الرحمن الرحيم
اللهم صل وسلم على محمد وآل محمد
سلام عليكم

لأني أحب التصوير وساعات يصير في خاطري كلام قررت افتح موضوع جديد بدال المواضيع القديمه والمكراره

طارق من الشخصيات المعروفه عدنا في كلية إدارة الأعمال دائما نشوفه يتنقل في الجامعه بسياره صغيره ويساعد الطلبة ذوي الأحتياجات الخاصه
في آحدى المرات(28 فبراير 2019) وأني قاعده على كرسي في كلية إدارة الأعمال وكان قاعدين صوبي بنات ثنتين جا وعطانا هالحلاوه وقال لينا اليوم عيد مياد جدتي

​

 

[غريبة الدار]

من صيد الكامير في محمية العرين سنة 2016

اعتقد أنها صوره ل حصان وفرس (ذكر وأنثى) حجمهم صغير
​

 

[غريبة الدار]

بما أنه الجو حار
من برجة الشموس في بوري الصور والكيكة من سنة 2018 الصور أرشيفية

رأي في البرجه
البرجه حليوه وزينه يمكن العيب الوحيد فيها أنه ما يدخل ضوء الشمس البرجه كامل مصكوكه
في صور غير للبرجه بس أكتفي بهي

 

[غريبة الدار]

من الأرشيف الصوره من 25 أغسطس 2017
الكيكه من صنع ايدي أني مسوتنها
​

 

[غريبة الدار]

رب رمية من غير رامي

كان في بالي بعد لقطه غير(صوره ل اللون وهو ينزل من العلبه )
بس خساره ما صدتها
لكن هي بعد طلعت حليوه
الصوره من سنة 2018

 

[غريبة الدار]

فينسنت فيليم فان غوخ (30 مارس 1853 - 29 يوليو 1890)


الرسمه الثانيه اللي بالخشب عفست العيون وصار كأنه أحول

 

[غريبة الدار]

((معهم تحلو المشاركه ))
صوره من الأرشيف و يا رفقة السفر

 

[غريبة الدار]

​

إِنَّمَا يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الآخِرِ وَأَقَامَ الصَّلاةَ وَآتَى الزَّكَاةَ وَلَمْ يَخْشَ إِلا اللَّهَ فَعَسَى أُولَئِكَ أَنْ يَكُونُوا مِنَ الْمُهْتَدِينَ

الصوره أرشيفيه ل جامع الزهراء في مدينة حمد الدوار العاشر

 

[غريبة الدار]

لا تفوح رائحة الكعك الزكية إلا حين تمسها حرارة الفرن. كذلك أحلامنا لن تنضج مالم تمسها قسوة التجارب

#كيكه#مشوار_الألف_ميل_يبدأ_بخطوة#بدل_ما_نشتري_انسويها_في_البيت#أحبب_ما_تفعل#ودوني_المخبز_اسوي_ليكم_كيك#مستعده_للعمل_في_مخبز
#وحده_تحب_الكيك#طلعوا_إبداعتكم_في_الآجازه#كيكة_الحليب#كيكة_الزعفران#مساء_الخير#مساء_الكيك #مساء_الأمل
#تأثير_الآجازه#فعايل_الآجازه#وحده_تمللت_من_الآجازه

صدق صدق حسيت الحين بأنه الدوام نعمه


قاعده أحاول وأدور أي شي عشان أشغل روحي
ساعه إذا مو أكثر وأني أسوي الكيكه
وعقب ما أدري كم واني أصور في الكيكه
وعقب البحث عن تعليق مناسب ل الصوره
وعقب اختيار أحسن صوره

يا ربي لا تشغل أوقاتنا إلا بشي أنت تحبه وترضاه
يا ربي لا تشغلنا بأشياء ما منها فايده
يا رب تبعدنا عن العطاله والبطاله والكسل

 

[لغز العيون]

مشاهدة المرفق 24412

لا تفوح رائحة الكعك الزكية إلا حين تمسها حرارة الفرن. كذلك أحلامنا لن تنضج مالم تمسها قسوة التجارب

#كيكه#مشوار_الألف_ميل_يبدأ_بخطوة#بدل_ما_نشتري_انسويها_في_البيت#أحبب_ما_تفعل#ودوني_المخبز_اسوي_ليكم_كيك#مستعده_للعمل_في_مخبز
#وحده_تحب_الكيك#طلعوا_إبداعتكم_في_الآجازه#كيكة_الحليب#كيكة_الزعفران#مساء_الخير#مساء_الكيك #مساء_الأمل
#تأثير_الآجازه#فعايل_الآجازه#وحده_تمللت_من_الآجازه

صدق صدق حسيت الحين بأنه الدوام نعمه


قاعده أحاول وأدور أي شي عشان أشغل روحي
ساعه إذا مو أكثر وأني أسوي الكيكه
وعقب ما أدري كم واني أصور في الكيكه
وعقب البحث عن تعليق مناسب ل الصوره
وعقب اختيار أحسن صوره

يا ربي لا تشغل أوقاتنا إلا بشي أنت تحبه وترضاه
يا ربي لا تشغلنا بأشياء ما منها فايده
يا رب تبعدنا عن العطاله والبطاله والكسل

كيكة الزعفران
شكلها لذيذة
تسلم ايدش

 

[غريبة الدار]

عدت من جديد

هالأيام تقريبا متفرغه ل ممارسة هوياتي رسم وطبخ وتصوير

هي كانت آخر رسمه بالبنسل قبل لا أحدد وأظلل للعلم فقط الرسمه تقليد على رسمة الفنان جاسم المقابي يعني مو من مخي وخيالي

بعد التحديد والتظليل قليلاً

وهي جيز البسبوسه الطريقه مأخذتنها من عند وحده

حاولت أصورها بحيث أبين أنها طبقات (3 طبقات)

ما عندي فستق مبشور ف استبدلته بفستق مطحون حسب المتوفر عدنا في البيت

خلاص قررت أنام تصبحون على خير
ونلتقيكم مع عشوئيات جديدة
بحط ليكم طريقتها باجر عشان إذا تحبون تجربون وتطبقون وتبدعون وتسوون مفآجأه ل بيتكم ​

 

[غريبة الدار]

من آخر سفره في 2020 آيران- مشهد
الصوره في مطعم بابا قدرت كانت أول مره أروحه
اللي عجبني في المكان
أنه عدنا خيارين نقدر نقعد على كراسي وطاولات
وفي مكان حق إذا نبي نقعد في الأرض
وأكلهم بعد أذكر أنه كان لذيذ

الشي الأسود اللي على الأرض ترى هذا المنيو

وشسمه ترى سويت فحص الكورونا 4 مارس 2020 وطلعت غير مصاب
بما أني ذكرت سفرتي

 

[زينات]

عجيب

 

[غريبة الدار]

آخر رسمه
جاري البحث عن عمل
متى بشتغل وبحصل فلوس من تعبي وجهدي ؟!
اصلا ما انتظر أحد يوظفني أفضل أشتغل أعمال حره أمبي أكون مديرة نفسي
سواء صرت في يوم من الأيام حناية لو شي ثاني

اممم اعتقد في تطور عن السابق
عدد المشاهدات وصل 81
اللي قالوا ليش لا 26 شخص
اللي قالوا دوري شغله ثانيه 4 أشخاص
والباقين متابعين بصمت

كل هم كل غم بعلي ينجلي

للعلم فقط يعني عن لا أحد يفهم غلط هو صح اني مرتبطه(مخطوبه) وفي رسمة الحنه حاطه علي ولكن هذا ما يعني انه رجلي اسمه علي
هو بالنسبه لي اسم جميل وأحبه لأنه اسم أمير المؤمنين

 

[غريبة الدار]

الكيكة مسوتنها أمس

الصوره من أرشيف 2018

 

[غريبة الدار]

إذا سألوني وش سويت في الكورونا والكورونا ويش سوت في
اممم بس هي البومه اعتقد أنها قديمه يمكن رسمتها قبل الكورونا مو ذاكره متى كان

وش رايكم في البومه أنتون من الناس اللي يتشأمون منها لو ؟؟؟؟؟
بالنسبه لي أحس أنه طائر مميز وليه شكل جميل وما ليه شغل بالفال السيء
حسب معلوماتي إذا ما كنت غلطانه هالشي يسمون (طيره): انه الناس تتفأل بأشياء وتتشأم من أشياء ثانيه والرسول نهى عن هذا الشي

أ

تغربلنا بالكمامات أول مره طلعت بتمشى أبوي يسألني إذا عندي كمام لو لا
عقب ما طلعت جيت بلبسها بس ما عرفت
لأنه لابسه الحجاب وشسمه تعلمت انه البسها قبل الطلعه وقبل ما ألبس الحجاب
هو وضعي طبيعي والنسوان يعانون من هالشي لو بس أني ؟!!
الرسمتين على اليمين ل الفنان جاسم المقابي واللي على اليسار أني رسمتهم

 

[غريبة الدار]

جلسة تصوير ل الركن الرمضاني / او اعتبروه بمناسبة القرقاعون (مولد كريم أهل البيت )

ناقص بعد كسكبال
يالله مشينته بالموجود والمتوفر

أحس الأضاءة مو اوكي
وحتى يمكن اختياري للمكان أو الزوية

شفتون اللي مكتوب عليها (زينب) هذي يسمونها طاره إذا تعرفون وين أحصل نفسها بس يكون فيها قماش أبيض خبروني
هي اني اشتغلت عليه (التطريز) أول تجربه لي وما عجبتني النتيجه بس وي الأغراض أحس صارت تبين حليوه
ماليها شغل بس حبيت أحطها كديكور أو عشان يكون في شي موجود مميز ومن شغل ايدي

ولو ما الكورونا والآجازة يمكن ما تفرغت وسويت هالشي

زين استفدت من مشمر ملجتي واستخدمته مره ثانيه ولو كان لمجرد تصوير

 

[غريبة الدار]

أمس في الليل الساعه 8:40

 

[غريبة الدار]

كانت مسابقة كاهوت حليوه وعجيبه ويا بنات التنمية شهر فبراير 2019 كنا على شكل فرق
جان زين تنعاد في الصدق مو أونلاين
وعقب عطونا ورده وكارت( بطاقه تبع محل الكوفي و هالسوالف نأخذ 4 والخامس كأنه يكون مجان) طافت أكثر من سنه وللحين ما رحت ولحين ما استخدمت البطاقه
خاطري أروح وأخذ من عدهم شي

هي كنت أجهز عشان بسوي لوحه (فن لف الورق )

هي سويتها في شهر مايو 2020 ويا (الكورونا) وحبسة البيت
كملتها وصارت يا علي مدد بس (مدد) ما ضبطتها عدل حسيتها صارت بعيده

ما في كستمر وما في شغل واجد تمللت وقمت أشخبط

في محل شغلي عجبتني وصورتها اتذكرني ب آيران عدهم هالسوالف ودمى تشبها بهالطريقه

وبس والله هي آخر رسمه قلت ل روحي من زمان ما أرسم حاولت اسرق وقت ولو كان بسيط
رسمتها في الليل على السريع
والصبح قعدت قبل الدوام عدلتها وحاولت أظللها
إذا عدكم تعليق مناسب أتحفوني وروني أبداعتكم الأدبيه

مقلده عليها من حساب الفنان جاسم المقابي

كلما أطوف صوب محلات الفساتين أتذكر أنه للحين خاطري في فستان أبيض
كل من الكورونا وال.............

من زماااان ما رحت أتسوق أو أخذ لي شي كنت طالعه وشفت هذا هالأختراع (بخاخ صبغ الشعر ) حسيت أوكي وشكله عجيب وسهل وسريع بدل الصبغ بس قلت أول أسأل وأشوف إذا في أحد جرب وكان أوكي عقب بجرب

 

[لغز العيون]

عليش بالعافية خيو و حمدلله على السلامة و تقبل الله
ننتظر باقي الصور