عشوائيات (من تصويري )

[غريبة الدار]

مشاهدة المرفق 25085

هذه باقة ورد عن خاطرش بس غيري الاسم..أخذتها لأختي بمناسبة تخرجها من الثانوي

شكرا عزيزتي
ومبروك تخرج أختش الله يوفقها

الحمد الله رب العالمين
ما خلا في خاطري
ركبت السياره وشفت الورد

رجعت البيت وصورتها ل الذكرى

(( ولسوف يعطيك ربك فترضى ))
عطاني ربي ورضيت

عليش بالعافية خيو و حمدلله على السلامة و تقبل الله
ننتظر باقي الصور

الله يعافيش خيوه
الله يسلمش ويحفظش من الشر

مو كل شي قابل ل النشر / أحط شوي والباقي أحتفظ فيه ل نفسي و ل الذكرى و للخصوصيه
على وقت الفراغ بعد

أسعدني مرورك هنا

 

[غريبة الدار]

كيكة الحليب المحموس

المقادير:-
* 2 كوب حليب بودرة محموس ( يكون لونه بني خفيف مقارب للون الرمل )
* كوب ونص جوز الهند محموس
* نص كوب زيت
* كوب سكر
* ملعقة طعام بيكينغ بودر
* رشة فانيلا
* 4 بيضات
* بسكويت قهوة الصباح
* للكريمة:- فنجان ونص سكر + 1 علبة قيمر كي دي دي كبيرة

الطريقة:- نخلط مقادير الكيكة كامل ما عدا البسكوت .. ندهن البايركس ونحط نص خليط الكيك وعقب نصف فوقه بسكوت قهوة الصباح وعقب نحط باقي خليط الكيك وندخلها الفرن لمدة 25 دقيقة او لين تنضج وتحمر .. نطلعها ونخليها تبرد وعقب نسوي الكريمة .. نذوب السكر في قدر لين يذوب ويحمر لونه يصير بني فاتح نضيف له القيمر ونحرك بسرعه بسرعه لين يذوب كل السكر لان لما نضيف السكر راح يتكتل منه بس نخليه على نار هادئة ونحركه لين تروح التكتلات .. نصب الكريمة عالكيكة ونزينها

بالنسبه لي العجينه حسيتها شوي ثقيلة (غليظة ) ف زيدتها شوي زيت
وبعد حطيت شوي طحين

 

[غريبة الدار]

من زمااااان ما رسمت
خاطري في ألوان حليوه وجديده غير الخشب

 

[غريبة الدار]

أول مره أجرب أسوي رهش (حلاوة الطحينه )

 

[غريبة الدار]

في يوم ما كنت طالعه ويا زوجي واحنا نمشي
اني: الله ريحة نفيش
زوجي : أي نفيش, تبين أخذ لش ؟
اني: لا عدنا حب في البيت برجع وبسوي لينا

نفيش أبو الشكر اللذيذ
قبل في بيت أبوي جربت أسويه مرتين وما ضبط (ما صار زين )
هالمره قبل لا أسوي دخلت أطالع وابحث في اليوتيوب

تحتاجون
حب النفيش
القليل من الزيت (دهن)
ملح أو شكر حسب الرغبه
هو اسمه بالعربي سكر بس بالفارسي يسمونه (شكر)
استخدمت بعد شوي ماي

الطريقه في اليوتيوب وإذا تبون اشرح ليكم ما يردكم إلا الكيبورد

 

[غريبة الدار]

أول رسمه في سنة 2021

بندت علينا الكهرباء واستمريت في الرسم(النقش )

كملتها خلال يومين لو ثلاثه

 

[غريبة الدار]

حلاوة أم علي
كنت معزومه وقررت أسوي ليهم هالحلاوة
(حليو انه يعزمونا بس الشي متعب شوي إذا تكرر واجد في فتره قصيره وموحليوه نروح ليهم وايدنا فاضيه وأحتار ويش أسوي)
كانت الحياة مريحة مقارنه بالحين

الطريقه
أول شي صخنت كوبين حليب و فانيلا اشويه و ٤ ملاعق شكر و رشة هيل وخليته يبرد
وعقب
بف باستري حطيته في الفرن لين استوى و طلعته
عقب ماجهز عندي البف باستري وهو صاخن حاولت أسوي فيه فتحات بالشوكه عشان يتشرب الحليب و صبيت فوقه (خلطة الحليب اللي كنت مسوتنها )
البف باستري صاخن والحليب بارد عشان يتشرب
عقب ما صبيت الحليب حطيت عليه مكسرات حسب الرغبه والموجود عدكم(اني حطيت فستق وجوز ولوز وكاجو)
عقب خلطت قيمر و حليب محلى و دريم ويب قدروا لكميه حسب اللي يعجبكم وتحسون مناسب
وحطيته على المكسرات
ورديت زينته بالمكسرات

الكباب البحريني
كوب طحين
كوب طحين كباب
آلو مبشور
جزر مبشور
طماطا مبشور+مقطع صغار
بصل مقطع صغار
بقل
فلفل علوب مقطع صغار
ملعقة بيكنج بودر
ملح+كركم+بهارات
نخلطهم مع بعض ونضيف شوي ماي اذا كانت الخلطه جافه

هي المكونات والطريقه من صديقتي بس بالنسبه لي لأنه بس لشخصين قللت كمية الطحين
و ماحطيت جزر ولا بقل لأنه ما كان عندي
بصل عندي بس لأنه ما أحبه ما حطيت

 

[غريبة الدار]

الوصفه من حساب الأخت bh_bakeologist

حلى عاصفة الصحراء
سهل وسريييع
١- نص كوب زبدة = ١٠٠ جرام غير مملحة
٢- كيسين بسكويت قهوة الصباح مطحون جيداً
٣- علبة حليب محلى
.
نخلطهم على نار هادية بالترتيب حسب الخطوات الموضحة في الڤيديو
نصب الخليطط في قالب ( ويفضل نحط تحت ورق زبدة أو ألمنيوم عشان في التقطيع يصير سهل.. مدري لييه اختي ماتسمع كلامي)
و نمسحه بكريمة الجوكليت و هو حاار .. اختي تستخدم كادبوري و تقدرون تستخدمون نوتيلا بس احنا عندنا كادبوري ألذ)
و تزينونه برشة فستق مطحون أو فليك
أول تخلونه يبرد مكانه لأنه حار قبل ماتحفظونه في الثلاجة
تبردونه عقبها في الثلاجة لين يتماسك ويصير قوامه جامد.. تقطعونه وتقدمونه
وبالعافية كووولش لذيذ اعتمدوه برمضان #حلوياتبيكولوجيست #أرشيفحلويات_١٥ثانية

 

[غريبة الدار]

((إذا عملت بيدك ستأكل الخبز أما إذا عملت بعقلك ستمتلك المخبز))
الصوره من يوم الأربعاء 7 يوليو 2021

كانوا أمي وأبوي في ضيافتي اليوم قبل الأخير ل رحيلهم ومغادرتهم
انزين لازم عشا ما يصير أخليهم بدون عشا وش اسوي ؟ ويش ناكل؟
ما عدنا خبز ولا روتي
بس عندي طحين وزيت وماي وملح وسكر وووووو.....الخ
زوجي غير موجود ومشغول وبيرجع متأخر
قررت أسوي خبز بنفسي دخلت قوقل وسويت بحث طبقت أحدى الطرق وما التزمت بالمقادير وعن التأخير ما خليت العجينه ترتاح أو تتخمر و هي كانت النتيجه لا بأس به مو سيء ولا ممتاز المهم شيء يأكل ويسد الجوع للمرات القادمه إن شاء الله يكون مضبوط أكثر وأحسن

 

[غريبة الدار]

ما عندي شي أقوله غير اني اشتقت
الصوره من الأرشيف
يمكن قلة جودة و وضوح الصوره بسبب تصوير الشاشة

 

[غريبة الدار]

البنت كبرت وصارت تشبه أمها

الأم الله هداها وصارت محجبه / والبنت رجعت رضيعه في القماط وطلع ليها شعر يالله أهم شي الفكره
قمت ابحث في قوقل واللي شفته رسمته
هذي النتيجة إذا ما كنت تعرف تبدع وترسم من خيالك وتأليفك
الرسم كان بمناسبة مولد الأمام علي واقتبست الفكره من حساب انستقرام الفنانه fatimahruwaie
مو كل الألوان والدرجات متوفره عندي ف ما قدرت ألون اجزاء الجسم مشيت بالموجود