موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفساراتكم لمواد و لدكاترة كلية العلوم

Eng 125 ~ Biljana Davceva

Phycs 101 ~ Dr.Ali Malallah

Chemy 101 ~ Dr.Ameera Al-haddad

Maths 121 ~ Mohamed Abdulla


أفكر أغير كيم إلى CSC ؟

@إيقاع
@وردة البحر
@العلم نور الحياة
@المهندس عبدالله

بليانا ما درستني بس سمعت ان شرحها زين واسلوبها ممتع في المحاضرة

علي مال الله صراحةً ما سمعت احد يمدحه :nosweat: ،، نزل عند بسمة النجار او محمود ناصر اذا ناسب الجدول

اميرة الحداد اوكي نوعاً ما بس لو تشوف دكتور غير يكون احسن مثل احمد سعد

محمد عبد الله درسني ، الشرح ممتاز ويعطي اكثر من مثال عشان تفهمون ، يعني تطلع من المحاضرة وانت فاهم كل شي

انا رايي ان ما تغير الكيم ، لازم تكون عندك فكرة عن كل المواد المشتركة اللي لازم تاخذها في البداية ، عشان يكون عندك مجال تقرر وتختار التخصص الفرعي .

انا مثلا نزلت كمستري 101 ثاني كورس وحبيت المقرر وقدرت اجيب درجة زينة عشان جذي قررت اخذ ماينر كمستري وهالشي ترى يساعدك بعدين في الشغل ، يعني اللي يكون عنده ماينر فرص الشغل عنده تكون اكبر من السنجل تراك :smile2: ، وحده اعرفها درست بيولوجي ماينر Csc الحين تشتغل في شركة على اساس التخصص الفرعي.
وفي النهاية هالشي يعتمد على ميولك ، اذا تحب اشياء في الكمبيوتر والبرامج نزّل ال Csc واذا لا انصحك تنزل الكمستري وتأجل ال Csc لبعدين .
بالتوفيق ، واذا عندك اي استفسار حاضرين :shiny:
 
شنو تنصحوني انزل.. chemy341 عند أحمد يوسف أو chemy348 عند أحمد سعد؟
أي واحد أسهل؟
 
شنو تنصحوني انزل.. chemy341 عند أحمد يوسف أو chemy348 عند أحمد سعد؟
أي واحد أسهل؟

Chemy 341 فيه حفظ وفهم ، بس ما حبيته هالمقرر والامتحانات عادةً تكون طويلة و تحتاج اكثر من ساعتين من جذي ممكن تنقصين درجات لان ما حليتين كل شي في الامتحان مو لانه صعب .
دكتور احمد يوسف طيب وشرحه مقبول نوعاً ما ، مرات كنت ما افهم كل شي لان كان - احياناً - يشرح بمستوى اكبر من مستوى تفكيرنا.

Chemy 348 يعتمد بشكل اساسي على الحفظ ، عن تحضير المحاليل في المصانع ، وفي معادلات بعد لازم تحفظونهم >.<
هو يملل لانه كله حفظ بس تقدرين تحصلين درجات بسهولة ، يعني الاسئلة مباشرة وسهلة.
الدكتور طيب وشرحه ممتاز بس المشكلة ان يكتب ع السبورة ويسمح بسرعة . :nosweat:

وجبت في chemy 348 احسن من chemy 341

بالتوفيق :)
 
شرايكم في دكتور عبدالمنعم عيسى
لمادة فيز 101 ؟؟؟؟
 
شنو تنصحوني انزل.. chemy341 عند أحمد يوسف أو chemy348 عند أحمد سعد؟
أي واحد أسهل؟

341 ..عند احمد يوسف > يعني لا يفوت :shiny:.. معروف مستوى احمد يوسف..اذا كنتين من النوع اللي يحب يتلقى العلم فانش بتستمعين وياه.. هو يركز على الفهم ..اذا عندش ميول للفهم اكثر و قدرة على فهم الكيمياء بالذات فاخذيه عنده ..هو متشدد في الشرح لكن طيب في المعاملة و يراعي الطلبة و ما يظلمهم في الدرجات ...لا انكر انه اضاف لي الكثير في حياتي الجامعية..

348..احنا في الكمست تكون هالمادة اختيارية...و نعتبرها من اكثر لمواد اللي فيها حفظ و كله معادلات ..بس انتون في البيو متعودين على الحفظ اكثر...فاذا ما عندش مشكلة في الحفظ ..فتقدرين تحفظين و بتحصلين درجات فيها ...
احمد سعد...نوتته جيدة لكن عيبه سرييع في الشرح..بس بعد يراعي الدرجات و يسوي عادة كيرف آب..

* من رايي 341 استفدت منه واجد في جانب الكيمياء ...348 ما اخذته لانه ما اميل للحفظ
 
Chemy 341 فيه حفظ وفهم ، بس ما حبيته هالمقرر والامتحانات عادةً تكون طويلة و تحتاج اكثر من ساعتين من جذي ممكن تنقصين درجات لان ما حليتين كل شي في الامتحان مو لانه صعب .
دكتور احمد يوسف طيب وشرحه مقبول نوعاً ما ، مرات كنت ما افهم كل شي لان كان - احياناً - يشرح بمستوى اكبر من مستوى تفكيرنا.

Chemy 348 يعتمد بشكل اساسي على الحفظ ، عن تحضير المحاليل في المصانع ، وفي معادلات بعد لازم تحفظونهم >.<
هو يملل لانه كله حفظ بس تقدرين تحصلين درجات بسهولة ، يعني الاسئلة مباشرة وسهلة.
الدكتور طيب وشرحه ممتاز بس المشكلة ان يكتب ع السبورة ويسمح بسرعة . :nosweat:

وجبت في chemy 348 احسن من chemy 341

بالتوفيق :)

انا كنت بنزل 348 بس البنات خوفوني من المعادلات.. o_O فاحترت بين المقررين..
مشكوورة أختي
 
341 ..عند احمد يوسف > يعني لا يفوت :shiny:.. معروف مستوى احمد يوسف..اذا كنتين من النوع اللي يحب يتلقى العلم فانش بتستمعين وياه.. هو يركز على الفهم ..اذا عندش ميول للفهم اكثر و قدرة على فهم الكيمياء بالذات فاخذيه عنده ..هو متشدد في الشرح لكن طيب في المعاملة و يراعي الطلبة و ما يظلمهم في الدرجات ...لا انكر انه اضاف لي الكثير في حياتي الجامعية..

348..احنا في الكمست تكون هالمادة اختيارية...و نعتبرها من اكثر لمواد اللي فيها حفظ و كله معادلات ..بس انتون في البيو متعودين على الحفظ اكثر...فاذا ما عندش مشكلة في الحفظ ..فتقدرين تحفظين و بتحصلين درجات فيها ...
احمد سعد...نوتته جيدة لكن عيبه سرييع في الشرح..بس بعد يراعي الدرجات و يسوي عادة كيرف آب..

* من رايي 341 استفدت منه واجد في جانب الكيمياء ...348 ما اخذته لانه ما اميل للحفظ
مشكوورة أختي ريحتيني.. لأن مااحب المعادلات بس تخوفت من دكتور أحمد يوسف.. إن شاء الله بنزل 341
 
مقرر
BIOLS 315 - Biochemistry
مع د. عبد الأمير الليث شلون؟
 
مقرر
BIOLS 315 - Biochemistry
مع د. عبد الأمير الليث شلون؟
درست البيوكمستري مع د.عبد الامير

الدكتور شرحه زين ونوتاته مرتبة والامتحانات من النوتات ومن الاشياء اللي يكتبها ع السبورة واللي يقول ركزو عليها ، د.افنان افضل من ناحية الشرح والاغلبية يحبون ياخذون البيوكمستري وياها بس السلبية الوحيدة ان كل تزف لانها عصبية شوي :)
 
مشكوورة أختي ريحتيني.. لأن مااحب المعادلات بس تخوفت من دكتور أحمد يوسف.. إن شاء الله بنزل 341

لا دكتور احمد لا يتكرر..
يحب دائما يعطي اللي عنده للطلاب..اعتبره اعلى الدكاترة بمستوى العلم اللي يملكه و اكثرهم تواضعا!

كل التوفيق:smile2:
 
درست البيوكمستري مع د.عبد الامير

الدكتور شرحه زين ونوتاته مرتبة والامتحانات من النوتات ومن الاشياء اللي يكتبها ع السبورة واللي يقول ركزو عليها ، د.افنان افضل من ناحية الشرح والاغلبية يحبون ياخذون البيوكمستري وياها بس السلبية الوحيدة ان كل تزف لانها عصبية شوي :)

المقرر ثقيل او لا؟ يعني بس تستات و لاب ريبورت او في اشياء زيادة بعد؟ بشكل عام المقرر صعب او لا؟
 
لا دكتور احمد لا يتكرر..
يحب دائما يعطي اللي عنده للطلاب..اعتبره اعلى الدكاترة بمستوى العلم اللي يملكه و اكثرهم تواضعا!

كل التوفيق:smile2:
حلوو.. الله يسهل إن شاء الله.. الحمد لله أحين باخذه وانا مقتنعة:smile:
شكرا أختي..
 
المقرر ثقيل او لا؟ يعني بس تستات و لاب ريبورت او في اشياء زيادة بعد؟ بشكل عام المقرر صعب او لا؟
لا مو ثقيل ولا صعب بالعكس حسيته خفيف ، وبسهولة تقدر نحصل درجات زينة . اتذكر اول جبتر عن الماء وكيفية تكوينه وبعد في جباتر عن الكربوهيدرات والبروتين والدهون يعني عن هالمواضيع.

في ٣ تستات وريبورتات واسايمنتات وكويزات اللاب وفاينل اللاب ، يعني اذا درست كل شي في النوته وركزت على اللي يكتبه ع السبورة ما بكون عليك خوف وبتحصل الدرجة اللي تبيها

كل التوفيق ،
 
سؤال بالنسبة لمواد الماث حق الا تخصصهم ماث
لازم درجات فوقd او c؟
سمعت انه النجاح الان من d تمشي المادة صح اولا
 
د. سيد عدنان
يرضى طلبة يحضرون عنده لسنر او لا؟
 
د. سيد عدنان
يرضى طلبة يحضرون عنده لسنر او لا؟
من أطيب الدكاترة على الإطلاق.. أكيد يرضى، بس خبره مسبقا احتياطا.
+ حتى لو عندك أسئلة وفي أي وقت تروح وإنت مو من طلبته ما عنده مشكلة يجاوبك ويشرح لك.
 
شرايكم في دكتورة ثريا المنصوري ؟؟؟
من حيث الشرح و التعامل ....
لمقرر bio 102
 
عودة
أعلى أسفل