موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفساراتكم لمواد و لدكاترة كلية العلوم

الموجودين في المكتبة؟

شكرا لك.

اي, بس الموجودين مال قبل جم من فصل. الفصل اللي طاف الدكتور كان معدل و مغير فيهم. اذا تحصلينهم (الأحدث) بكون واجد زين, أنا ما استخدمتهم بس جفتهم في كبيوترات المكتبة (الأحدث). بشكل عام كل واحد يكون له طريقته الخاصة لدراسة المقرر, لأنه في حفظ + فهم (الفهم بكون في النص الثاني من الجباتر) و الكمية كبيرة فمهم الواحد يجوف شنو انسب طريقة لدراسة المقرر. يعني كانوا معاي طلبة اذكية و تخصصهم بايو و كان عندهم معرفة خارجية عن المادة و لغتهم كانت زينة بعد, بس درجاتهم كانت نازلة و أظن السبب انه طريقتهم في الدراسة ما كانت عدلة, بتشوفون طلبة يسون دروب - بس المقرر سهل و ينجاب في الA حتى اذا الواحد درس يوم قبل الفاينل, المهم انه طريقة الدراسة تكون صح! وايد بتحلطمون على سالفة اللغة في البداية لأن هاي اللي مدخلينه في مخهم, بس المقرر كلش عادي (من ناحية اللغة) المشكلة بس انه الكلمات (المفردات العلمية) كميته كبيييرة و محتوى المقرر كثييير فيصير ثقيل!

عفواً.
 
رؤساء أقسام كلية العلوم كل جم من سنة يتغيرون؟
من يوم ما دخلت الجامعة بس تغير مال قسم البايو...
 
احد يعرف شنو الجباتر الي ويانا في test 1 بمقرر chemy101
 
احد يعرف بأي جباتر تست 1 لمقرر physics 111
 
آراء الطلبة عن د. خليل ابراهيم (قسم الفزكس) الموجودة في الموقع قديمة نوعاً ما...
ابي اعرف أكثر عن الدكتور من ناحية الشرح و المعاملة حق مقرر PHYCS 101 :)
 
آراء الطلبة عن د. خليل ابراهيم (قسم الفزكس) الموجودة في الموقع قديمة نوعاً ما...
ابي اعرف أكثر عن الدكتور من ناحية الشرح و المعاملة حق مقرر PHYCS 101 :)
ممتاز..
أحسن واحد على حسب علمي
من بعد الساعي طبعًا :RpS_lol: #أمزح
دكتور خليل دكتور منتاز وظريف بعد :RpS_tongue:
منتاز جدًا حقيقتًا
 
السلام عليكم ..
بغيت أعرف رأيكم في دكاترة ال CHEMY101
* دكتورة جميلة المطاوعة و * دكتور أحمد سعد .. اثنينهم يقولون زينييين فتحيرت آخذ عند من ؟؟ :RpS_unsure:
 
السلام عليكم ..
بغيت أعرف رأيكم في دكاترة ال CHEMY101
* دكتورة جميلة المطاوعة و * دكتور أحمد سعد .. اثنينهم يقولون زينييين فتحيرت آخذ عند من ؟؟ :RpS_unsure:
عليكم السلام...
اثنينهم زينيين بس معروف انه خط دكتور أحمد سعد مأساوي يعني ما ينفهم خطه على السبورة عكس دكتورة جميلة المطاوعة، خطها مرتب و مفهوم.
بالنسبة لي ما أفهم عدل حق لهجة الدكتور أحمد، لهجته لبنانية أظن و من النوع الثقيل و يتكلم بسرعة. بس ترى عادي، أكثر الطلبة يفهمون له و يمدحونه.
بشكل عام اثنيناتهم زينين!
 
ممتاز..
أحسن واحد على حسب علمي
من بعد الساعي طبعًا :RpS_lol: #أمزح
دكتور خليل دكتور منتاز وظريف بعد :RpS_tongue:
منتاز جدًا حقيقتًا

شلون طريقة شرحه؟
للحين يشرح على البوربويت او على السبورة؟
منظم في الشرح؟
يحل مسائل واجد؟
 
شلون طريقة شرحه؟
للحين يشرح على البوربويت او على السبورة؟
منظم في الشرح؟
يحل مسائل واجد؟
هي كلام أخوي..
هو يشرح من البوربوينت..
واجد ممتاز البوربوينت ماله..
المفترض يكون منظم..أسمع يمدحونه أنا..
مسائل حدث ولا حرج فتح سلايداته وشوف..
 
في الجدول شفت مادة 220 اورقانك ليصير اخذها فرعي ؟ لأن مالت تخصصكم221 وهل بتفتح ليي اورقانك 2 ؟

مواد البراكتكل عادي اخذها لو بس مالت تخصص؟

مواد البركتيكل بس حق اللي تخصصهم كيم (تخصص رئيسي)

CHEMY 220
المقرر اورقنق بس حق طلبة الهندسة الكيميائية

CHEMY 221
اهو اللي يفتح الورقنق الثاني
 
التعديل الأخير:
ليش بس حق الي تخصصهم رئيسي ؟ يعني إذا شخص فرعي وأخذ كل مقررات الاورقانك ما يفرق احنا حاطين لينا نختار اي مادة فرعي الكيم

متأكد من المعلومة ؟

مواد البركتيكل بس 12 طالب يقدرون ياخذونه في كل مقرر و في عليه ضغط و الطلبة اللي تخصصهم الرئيسي يحتاجونه عشان يتخرجون و اوردي كل فصل عليه هواش لأنه العدد محدود و عدد الطلبة كبير و حق طلبة الرئيسي في بعد شروط متعددة حق تسجيل البركتيكل. يطالعون الدفعة + عدد الساعات المجتازة + المقررات اللي مخلصهم و و و لكن الماينر ما يحتاجونه و مو ملزمين ياخذونه عشان جذي القسم يمنع طلبة الماينر من اخذ البركتيكل.
 
في الجدول شفت مادة 220 اورقانك ليصير اخذها فرعي ؟ لأن مالت تخصصكم221 وهل بتفتح ليي اورقانك 2 ؟

مواد البراكتكل عادي اخذها لو بس مالت تخصص؟

اذا بالاساس تخصصش كيمياء فرعي..فالمواد اللي راح تاخذينهم نفس المواد اللي ندرسها..
يعني الحين انتين ماسكة 241..فالاورقانق نفسها اذا بتاخذينه بتاخذين 221..

-حسب علمي طلبة الفرعي يكون عندهم عدة خيارات في المواد..يعني مو مجبورة تاخذين مواد معينة..
بس شنو هم و كم وحدة ما عندي فكرة...ما عندي توسع في الماينر:nosweat:..

-لكن على البراكتكل فعلا!..لحد الحين ما شفت طالب/ة ماينر مالهم كيمياء و اخذوا براكتكل..
هالمواد زحمة عليهم...و بما انه الحين ما شاء الله عدد الطلبة مال التخصص يزيد سنة ورا سنة ..
فشكله بتزيد الازمة..
"هو قبل كان ينزل كل كورس بركتكل مختلفين..بس من كورسين قاموا ينزلونهم كلهم كل كورس..
و للحين عليهم الزحمة!":detective2:
 
@تمهل

تره في بعض الحالات التخصص الرئيسي يأثر على المقررات اللي بتاخينهم في الماينر...
يعني مثلاً الطلبة اللي تخصصهم بايو و عندهم كيم ماينر اجباري ياخذون CHEMY 221
أظن المفروض ياخذون اورقنق 1 + 2 + 3 (طبعاً هاي حق طلبة البايو)
و هالشي يقرره قسم التخصص الرئيسي.

اذا تخصصكم ماينر كيم تره في خيارات اسهل اجوف الطلبة ياخذونهم
مثلاً اللي تخصصهم ماينر كيم و ماخذين CHEMY 241
ما خذوا مقرر الان اورقنق الثاني - CHEMY 341!
بداله خذوا اندستريل ان ورقنق CHEMY 348
لأنه 348 اسهل من 341 و عادي يحصلون فيه A
241 يفتح 341 و 348
و نفس الشي ينطبق في الفروع الأخرى...
فمو ملزمين بمقررات معينة الاجبارية لطلبة التخصص الرئيسي
تقدرون تاخذون مقررات من الاكتفز مال القسم
 
348 مو محطوط في الجدول
ويش المواد الاكتف الي حطوها وتنفتح ب 241؟
@Alkene

348 ينزل في الفصل الثاني... يعني نفس هالفصل اللي احنه الحين.
241 بس يفتح مقرر اللكتف واحد و هو 348.
 
348 مو محطوط في الجدول
ويش المواد الاكتف الي حطوها وتنفتح ب 241؟
@Alkene

اول نقلت المشاركات لاهني ..حسيتهم انسب
موضوع عالم الكيمياء احب اخليه بعيد عن المشاركات الاستفسارية @Alkene
بالنسبة للمواد..
اذا انتين مجبورة تاخذين كيم الكورس الجاي..ففي كذا خيار..
من 241 بتقدرين تاخذين 341>حسب علمي و لحد الحين انه اللي بتمسك المقرر الكورس الجاي هي فضيلة ..وانتين الحين تعرفينها من 241..
-341 ما اشوفه انه مقرر صعب ..لكن لانه تعمق في الكيمياء فعلشان جدي يتصعبونه..
لكن هو مثل ما ذكرت في الوصف ماله يتناول مقدمة عن المركبات التناسقية و تفاعلاتها و اعدادها و بالاضافة الى الACIDS , BASES.. المقرر كان ادسم ويا د.احمد يوسف من استلمه احمد سعد احس خفت دسامته..
- الالكتف اللي يفتحه 241 الكورس الجاي هو بيو ان اورقانق..بعد عند فضيلة:shiny::nosweat:..ماادري اذا عندش ميول للبيو ..و ترى هالمقرر فيه لاب و لاول مرة ينزل بعد فترة طويلة..

^هاذي المواد اللي من 241..لكن فيه عندش مواد ثانية..اتوقع كل مواد لفل 2 متاحة للماينر..
221 اورقانق
211 انلاتيكل> سهل هالمقرر
231 فيزكال> يمكن بيكون عندش سهل لانه انتين اوردي تخصصش فيزكس
:rolleyes2:
 
maths122

أيهو أفضل دكتور من ناحية الشرح وتوصيل المعلومة
nasser metwaly or ahmed ayache
 
maths122

أيهو أفضل دكتور من ناحية الشرح وتوصيل المعلومة
nasser metwaly or ahmed ayache

maths122 اخذته عند ناصر متولي لا بأس به مو ممتاز وفي الأفضل منه
أحمد عياش اخذت وياه maths211 ممتاز جدّا الدكتور لكن المقررات مختلفة عن بعضها فما أدري شلون بيكون في 122

لكن الأفضل أحمد عياش :biggthumpup:
 
عودة
أعلى أسفل