عندي سؤال عن هالمواد ... علشان اعرف جيفه اخليي خطتي لسنوات الجامعة
هلمقررات ويش طبيعة المادة فيهم ؟ وهل فيهم بروجكت ؟ وويش درجة صعوبتها ؟ وهل هي حفظ لو فهم ؟
ITCS 315
المادة عن الديزاين تقريبا .. شلون توصل لديزاين مناسب وشنو مواصفات الديزاين وأنواعه
في اللاب ندرس أساسيات الفيجوال بيسك .. اللاب مضمون تقريبا
المادة حليوة .. تحتاج فهم وحفظ .. خفيفة تقريبا أو متوسطة "يعتمد عالدكتور بعد"
ويا لمياء زينة المادة
ITCS 242
الأسمبلي واجد طلبة ما يحبونها ويستثقلونها .. المادة تحتاج فهم ومتابعة وتدريب
الامتحانات السابقة تفيد للدراسة .. هي برمجة .. أسئلة الدكتور دقيقة
يدرسها دكتور واحد .. دكتور عبدالفتاح سلمان
ITIS 102
المادة حفظ في حفظ .. بزنز تقريبا .. ثقيلة خصوصا اذا ما عندك فكرة عن مصطلحات البزنز
اللاب حليو خفيف .. اكسل واكسس .. البروجكت بعد سهل ويتخلص بسرعة
ITCS 323
الأوبريتنق سستم حبيتها المادة كدراسة ويعجبني شرح الدكتور وكنت أفهم عليه واكتب وياه
الدكتور شديد ودقيق في التصحيح
ITCE 321
ما اخذتها للحين
ITCS 314
الاوتوميتا لعبة ألغاز حسيتها .. لما تفهم الأساس مع الدكتور وبعدين تحل أسئلة الكتاب
تصير سريع في الحل وبسرعة تلقط الفكرة .. بس حليوة المادة بشكل عام وتحتاج متابعة
ITCS 332
الكونسبت وما ادراك ما الكونسبت .. مادة مملة بصراحة .. تحس تفهم السلايدات
بس تجي بتحل ما تتذكر شي .. تحتاج مع دكتور عبدالفتاح ان تدرس التفاصيل وتحفظ كل شي
الامتحانات السابقة تفيد شوي لتركيز المعلومات
ITCS 390
حليوة المادة تنفهم وفيها حفظ بعد .. الدكتور طاهر ما كنت اتملل وياه في اللكجر
البروجكت طويل طول الكورس ويكون تطبيق للدروس .. فيها عن البروسس الي تتبعها لانتاج سوفتوير
فيه ليها جزء ثاني 490 .. ده الجزء بس توصلون الى جزئية الديزاين بدون امبلمنتيشن "كود"
مهمة المادة للسينير .. ربورت بروجكتها شبيه بربورت السينير
ITCS 385
ديتا بيس .. شلون تسوي ديتا بيس "قاعدة بيانات" الى سستم
مهمة في التخصص وكذا مادة تعتمد على فهمها
في اللاب لغة SQl .. مع دكتورة امل تفهم اوكي
فيها بروجكت تطبيق للي تاخذون
ITCS346
قريبة الى 252/253 من ناحية النمط .. تنفهم وتحتاج تمرين عالاسئلة
عن الأولقوريثم .. شلون تسوي ألقوريثم تكون سريعة اذا حولتها لكود
مع علي خان اوكي المادة .. ما فيها لاب عملي .. اللاب تتوريال تمارين
ITCE 315
هذي المادة كموضوع حليوة بس كدراسة مو حليوة
كنت احفظ ولا افهم ويش فيها .. تحتاج لدكتور يدرسها بطريقة أفضل
ITCS 499
كأن دي السينير بروجكت !
ITCS 473
الانترنت مهمة بس دسمة وثقيلة .. واجد لغات فيها
عن شلون تصمم موقع كامل .. فيها PHP / JavaScript / HTML/CSS/AJAX/
كأن بعد فيها شي غير مو ذاكرتنه
فيها بروجكت تسوي موقع
بالنسبة ليي ما حبيتها
ITCS 412
لطيفة المادة .. دكتور أحمد فهد شرحه حليو ويركز عالفهم .. أتصور لو دكتور غيره بتصير حفظ
جباتر واجد بس تنفهم وبعضها مو طويلة
ITCS 490
الجزء الثاني من 390 .. بدايته يشبه 390 وتواصل على السوفتوير من بعد الديزاين
الامبلمنتيشن والتست .. نمطها وانطباعها مثل 390 بس دي ساعات مملة وأثقل شوي
البروجكت بدايته مثل 390 ويشيلون منها جم شغلة .. والباقي كود وتست
ITCS 413
ما اعرفها
ITCS 423
ما اعرفها
ITCS 424
ما اعرفها
ITCS 426
ما اعرفها
ITCS 427
ما اعرفها
ITCS 428
توها الكورس الجاي بتنزل
الكورس الي راح نزلت بس ما اكتمل نصاب السكشن
ما اعرف شي عنها غير انها عن آرتفكل انتلجنز
شلون تخلي الكمبيوتر تتعامل معاه كانسان
من تطبيقاتها السيرج بالصوت / ألعاب / فيرجوال ريلتي
احتمال فيها لغة برولوق
ITCS 438
ما اعرفها
ITCS 439
أوبتومايزيشن .. فهم المادة .. كانت مادة سهلة بس الدكتور صعب الأسئلة عالطلبة مؤخرًا
ما اخذتها فما اعرف عنها شي
ITCS 442
ما اعرفها
ITCS 447
جافا .. المادة من المواد الخفيفة بس كوداتها طويلة وتحتاج شغل
هالكورس صار فيها بروجكت
ITCS 450
ما اعرفها
ITCS 452
الملتميديا .. فلاش .. النظري أتوقع حفظ
حاليا ما فيه اعتماد على الفلاش بس لازالت موجودةفي الجدول
ITCS 453
ما اعرفها
ITCS 456
ما اعرفها
ITCS 460
ما اعرفها
ITCS 462
ما اعرفها
ITCS 474
الكورس ده نزلت .. انفوميشن رتريفال .. عن محركات البحث مثل قوقل
شلون تشتغل وشلون تحفظ المعلومات وشلون ترجع نتايج ومن هالقبيل
يقولون واجد فيها لغة راح عن بالي اسمها
ITCS 479
كأن دي الموبايل .. اذا هي .. برمجة أندرويد
ITCS 480
ما اعرفها
ITCS 491
ما اعرفها
ITCS 493
كلاود كومبيوتنق موضوعها .. حفظ بس تنفهم
ما اخذتها فما اعرف معلومات اكثر عنها
ITCS 495
يسمونها الطلبة ديتا بيس تو .. هي بدايتها شبيهة في 385 "الجانب العملي"
لغة اس كيو ال .. مو صعبة خفيفة بالنسبة لمواد لفل 4
حاولت أختصر الي عندي عن المواد
بالنسبة الى لفل 4 مو كل دي المواد تنزل فما اعرف المواد الي ما نزلت فترة تواجدي بالتخصص
وعذرا على الإزعاج