موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

للسؤال عن المواد في كلية تقنية المعلومات

شلون البروجكت حق مادة الهيومن 315 ؟؟
وشرايكم ف المادة وي لمياء الجسمي ؟
 
وش الفرق بين
سي اس 215 و سي اس 216 ؟
 
وش الفرق بين
سي اس 215 و سي اس 216 ؟
itcs215 لطلاب السي اس و طلاب الاي اس و للطلبة الي ماخذين السي اس تخصص فرعي
itcs216 هاذي مادة مخصصة لتخصص هندسة الحاسوب

المادتين يتكلمون عن الداتا ستركجر و فيهم شوي القورثم ، بس itcs215 البرمجمة بتكون بال ++c و itcs216 بتكون البرمجة بال java بس المحتوى من ناحية الداتا ستركجر ما يختلف الاختلاف بس في جزء الالقورثم
 
شلون البروجكت حق مادة الهيومن 315 ؟؟
وشرايكم ف المادة وي لمياء الجسمي ؟
البروجكت تطبيق عملي حق الأشياء النظرية اللي تدرسونها بالمقرر
لمياء ممتازة للمادة، توازن بين الفهم والحفظ على عكس الفصول السابقة مع دكاترة غير كان كله حفظ في حفظ، لكنها شوي تشدد في التصحيح، تبي إجابات واضحة ونموذجية عشان تعطيك الدرجة الكاملة.
 
شلون البروجكت حق مادة الهيومن 315 ؟؟
وشرايكم ف المادة وي لمياء الجسمي ؟

حاليًا أخذنا بس فيز واحد
نظري تطبيق للدروس الي اخذناها وعطتنا تدريبات في السكشن لنفس البروجكت
في قروبات 4 طلبة

الدكتورة تعتمد عالفهم أكثر من الحفظ .. اسئلتها غالبا نفس الي تركز عليهم او تعطينا إياهم
حتى الكويزات تكون من الهوموورك
حليوة المادة بالنسبة ليي وياها و مو دسمة
 
عندي سؤال عن هالمواد ... علشان اعرف جيفه اخليي خطتي لسنوات الجامعة
هلمقررات ويش طبيعة المادة فيهم ؟ وهل فيهم بروجكت ؟ وويش درجة صعوبتها ؟ وهل هي حفظ لو فهم ؟

ITCS 315
ITCS 242
ITIS 102
ITCS 323
ITCE 321
ITCS 314
ITCS 332
ITCS 390
ITCS 385
ITCS346
ITCE 315
ITCS 499
ITCS 473
ITCS 412
ITCS 490




ITCS 413
ITCS 423
ITCS 424
ITCS 426
ITCS 427
ITCS 428
ITCS 438
ITCS 439
ITCS 442
ITCS 447
ITCS 450
ITCS 452
ITCS 453
ITCS 456
ITCS 460
ITCS 462
ITCS 474
ITCS 479
ITCS 480
ITCS 491
ITCS 493
ITCS 495

وعذرا على الإزعاج
 
عندي سؤال عن هالمواد ... علشان اعرف جيفه اخليي خطتي لسنوات الجامعة
هلمقررات ويش طبيعة المادة فيهم ؟ وهل فيهم بروجكت ؟ وويش درجة صعوبتها ؟ وهل هي حفظ لو فهم ؟

ITCS 315
المادة عن الديزاين تقريبا .. شلون توصل لديزاين مناسب وشنو مواصفات الديزاين وأنواعه
في اللاب ندرس أساسيات الفيجوال بيسك .. اللاب مضمون تقريبا
المادة حليوة .. تحتاج فهم وحفظ .. خفيفة تقريبا أو متوسطة "يعتمد عالدكتور بعد"
ويا لمياء زينة المادة

ITCS 242
الأسمبلي واجد طلبة ما يحبونها ويستثقلونها .. المادة تحتاج فهم ومتابعة وتدريب
الامتحانات السابقة تفيد للدراسة .. هي برمجة .. أسئلة الدكتور دقيقة
يدرسها دكتور واحد .. دكتور عبدالفتاح سلمان

ITIS 102
المادة حفظ في حفظ .. بزنز تقريبا .. ثقيلة خصوصا اذا ما عندك فكرة عن مصطلحات البزنز
اللاب حليو خفيف .. اكسل واكسس .. البروجكت بعد سهل ويتخلص بسرعة

ITCS 323
الأوبريتنق سستم حبيتها المادة كدراسة ويعجبني شرح الدكتور وكنت أفهم عليه واكتب وياه
الدكتور شديد ودقيق في التصحيح

ITCE 321
ما اخذتها للحين

ITCS 314
الاوتوميتا لعبة ألغاز حسيتها .. لما تفهم الأساس مع الدكتور وبعدين تحل أسئلة الكتاب
تصير سريع في الحل وبسرعة تلقط الفكرة .. بس حليوة المادة بشكل عام وتحتاج متابعة

ITCS 332
الكونسبت وما ادراك ما الكونسبت .. مادة مملة بصراحة .. تحس تفهم السلايدات
بس تجي بتحل ما تتذكر شي .. تحتاج مع دكتور عبدالفتاح ان تدرس التفاصيل وتحفظ كل شي
الامتحانات السابقة تفيد شوي لتركيز المعلومات

ITCS 390
حليوة المادة تنفهم وفيها حفظ بعد .. الدكتور طاهر ما كنت اتملل وياه في اللكجر
البروجكت طويل طول الكورس ويكون تطبيق للدروس .. فيها عن البروسس الي تتبعها لانتاج سوفتوير
فيه ليها جزء ثاني 490 .. ده الجزء بس توصلون الى جزئية الديزاين بدون امبلمنتيشن "كود"
مهمة المادة للسينير .. ربورت بروجكتها شبيه بربورت السينير

ITCS 385
ديتا بيس .. شلون تسوي ديتا بيس "قاعدة بيانات" الى سستم
مهمة في التخصص وكذا مادة تعتمد على فهمها
في اللاب لغة SQl .. مع دكتورة امل تفهم اوكي
فيها بروجكت تطبيق للي تاخذون

ITCS346
قريبة الى 252/253 من ناحية النمط .. تنفهم وتحتاج تمرين عالاسئلة
عن الأولقوريثم .. شلون تسوي ألقوريثم تكون سريعة اذا حولتها لكود
مع علي خان اوكي المادة .. ما فيها لاب عملي .. اللاب تتوريال تمارين

ITCE 315
هذي المادة كموضوع حليوة بس كدراسة مو حليوة
كنت احفظ ولا افهم ويش فيها .. تحتاج لدكتور يدرسها بطريقة أفضل

ITCS 499
كأن دي السينير بروجكت !

ITCS 473
الانترنت مهمة بس دسمة وثقيلة .. واجد لغات فيها
عن شلون تصمم موقع كامل .. فيها PHP / JavaScript / HTML/CSS/AJAX/
كأن بعد فيها شي غير مو ذاكرتنه
فيها بروجكت تسوي موقع
بالنسبة ليي ما حبيتها

ITCS 412
لطيفة المادة .. دكتور أحمد فهد شرحه حليو ويركز عالفهم .. أتصور لو دكتور غيره بتصير حفظ
جباتر واجد بس تنفهم وبعضها مو طويلة

ITCS 490
الجزء الثاني من 390 .. بدايته يشبه 390 وتواصل على السوفتوير من بعد الديزاين
الامبلمنتيشن والتست .. نمطها وانطباعها مثل 390 بس دي ساعات مملة وأثقل شوي
البروجكت بدايته مثل 390 ويشيلون منها جم شغلة .. والباقي كود وتست


ITCS 413
ما اعرفها

ITCS 423
ما اعرفها

ITCS 424
ما اعرفها

ITCS 426
ما اعرفها

ITCS 427
ما اعرفها

ITCS 428
توها الكورس الجاي بتنزل
الكورس الي راح نزلت بس ما اكتمل نصاب السكشن
ما اعرف شي عنها غير انها عن آرتفكل انتلجنز
شلون تخلي الكمبيوتر تتعامل معاه كانسان
من تطبيقاتها السيرج بالصوت / ألعاب / فيرجوال ريلتي
احتمال فيها لغة برولوق

ITCS 438
ما اعرفها

ITCS 439
أوبتومايزيشن .. فهم المادة .. كانت مادة سهلة بس الدكتور صعب الأسئلة عالطلبة مؤخرًا
ما اخذتها فما اعرف عنها شي

ITCS 442
ما اعرفها

ITCS 447
جافا .. المادة من المواد الخفيفة بس كوداتها طويلة وتحتاج شغل
هالكورس صار فيها بروجكت

ITCS 450
ما اعرفها

ITCS 452
الملتميديا .. فلاش .. النظري أتوقع حفظ
حاليا ما فيه اعتماد على الفلاش بس لازالت موجودةفي الجدول

ITCS 453
ما اعرفها

ITCS 456
ما اعرفها

ITCS 460
ما اعرفها

ITCS 462
ما اعرفها

ITCS 474
الكورس ده نزلت .. انفوميشن رتريفال .. عن محركات البحث مثل قوقل
شلون تشتغل وشلون تحفظ المعلومات وشلون ترجع نتايج ومن هالقبيل
يقولون واجد فيها لغة راح عن بالي اسمها

ITCS 479
كأن دي الموبايل .. اذا هي .. برمجة أندرويد

ITCS 480
ما اعرفها

ITCS 491
ما اعرفها

ITCS 493
كلاود كومبيوتنق موضوعها .. حفظ بس تنفهم
ما اخذتها فما اعرف معلومات اكثر عنها

ITCS 495
يسمونها الطلبة ديتا بيس تو .. هي بدايتها شبيهة في 385 "الجانب العملي"
لغة اس كيو ال .. مو صعبة خفيفة بالنسبة لمواد لفل 4

حاولت أختصر الي عندي عن المواد
بالنسبة الى لفل 4 مو كل دي المواد تنزل فما اعرف المواد الي ما نزلت فترة تواجدي بالتخصص

وعذرا على الإزعاج

ذكرتني بروحي أول ما جيت الجامعة :AN12:
كنت أبغي معلومات عن كل المواد وسويت لي خطة بس ما مشيت عليها ولا حتى طالعتها
لأن الجدول الي ينزل حزة التسجيل والتواريخ والاوقات والدكاترة يقلبون تخطيطك فوق تحت
قالوا لي بس ما صدقت الا لما جربت أحط لي تخطيط كورس بكورسه ولا يضبط بسبب التعارضات
بالتوفيق
 
شرايكم في الجدول :


ENGL 219

ITCE 352

ITIS 412

ITIS 411

ITIS 461
 
حذفوا 493 من الجدول
+ حذفوا سكشن الساعة 8 للانترنت

شرايكم بهالمواد مع بعض

ITCS399
ITCS452
ITCS428
ITCE321
 
حذفوا 493 من الجدول
+ حذفوا سكشن الساعة 8 للانترنت

شرايكم بهالمواد مع بعض

ITCS399
ITCS452
ITCS428
ITCE321

بَ النسبة لَ
ITCS452 المادة هي ملتميديا :smile:
تتكلم عن عناصر الملتميديا ( صور ، فيديو ، صوت ، ... )
و فيها أشياء غيرَ ، المادة سهلة و بس كمية الحفظ جدا متعبة و تاخد وقتَ
و خصوصا للي ما عنده خلفية مفصلة عن هالأمور بكون عنده
الشيء متعب ، بس سهلة و لابها سهل و بروجكها سهل
و دكتور هديل تمام حق المقرر بعد :)
 
Itcs323
Itcs332
شرايكم في هالمواد؟
وشلون بروجكتاتهم؟
 
Itcs323
Itcs332
شرايكم في هالمواد؟
وشلون بروجكتاتهم؟
ITCS323
كمحتوى للمراجعة : خفيفة و تنفهم بسرعة و أفكارها مترابطة
كمحتوى إمتحانات : دكتور المادة "أمجد" شديد نسبيًا في التصحيح ، فبتكون المادة صعبة تحصل فيها درجة عالية
أمّا اللاب + البروجيكت : يحتاجون جهد شوي لكن يقدر الواحد يحلهم ، و أنصح بعدم التسييب عن اللاب لأن شرح المدرسة جدًا مهم و راح يفيدكم أيضًا وقت "اللاب تست"
 
  • Like
التفاعلات: AA8
Itcs332
شرايكم في هالمواد؟
وشلون بروجكتاتهم؟

أوبريتنق سستم من احلى المواد بالنسبة ليي .. لأن صدق أفهم للشرح وسهل الحفظ
اكتبي مع الدكتور وحاولي ما تغيبين عن اللكجر
الدكتور تصحيحه دقيق وشديد
البروجكت طويل بس مو صعب خصوصا اذا حليتين الاسايمنتات بروحش وحضرتين اللاب

الكونسبت .. المادة الي خلص الكورس ولا عرفت ويش الطريقة المناسبة لدراستها
ادرسي السلايدات/الامتحانات والكويزات السابقة/ حاولي تكتبين مع الدكتور عن لا تتمللين
فيه مواضيع فهم وتطبيق وفيه حفظ بحت خصوصا أسئلة أكمل الفراغ المفضلة للدكتور
ما حبيتها واجد المادة وكانت ثقيلة مو لأنها ثقيلة بكثر ما لأن كلما أدرس ما فيه نتيجة
ما فيها بروجكت .. فيها هوم أسايمنت يجي منهم في التستات والفاينال

بالتوفيق
 
  • Like
التفاعلات: AA8
سلام عليكم

شرايكم فالمواد ..

ITCS 447
ITCS 473
ITCS 323
ITCS 332


تمام اجتماعهم في كورس :bleh:
 
التعديل الأخير:
ITCS215
ITCS242
ITCS253
ITIS102
ENGL219
هذا جدولي حاليا
لو اضفت الهستوري وياهم بيصير ضغط ؟؟
 
السلام عليكم

شعب بغيت استفسر عن شغله
لو عندي مادة الكتف وماقدرت اقدم الفاينل عندي عذر طبي

يعيدون لي ف نفس الفصل ؟؟؟ خصوصا ان الالكتف عادة ماينزل كل فصل
 
ITCS215
ITCS242
ITCS253
ITIS102
ENGL219
هذا جدولي حاليا
لو اضفت الهستوري وياهم بيصير ضغط ؟؟
ENGL219 و ITIS102 فيهم بروجكت
و مواد السي اس الثلاث يحتاجاون حل و متابعة
ITIS102 حفظ ، في حال نزلت الهيستوري بعد بكون حفظ فبكون الجدول ثقيل اشوي اذا تحس انه يناسبك نزل المادة السادسة ، بس كرأي شخصي الافضل تضل حالياً على خمس مواد
 
سلام عليكم .. ~
.
.
شنو رآيكم بهالمواد ؟ و شنو طبيعتهم ، هل فيهم بروجكت او لا ؟
.
.
ITCS341
ITCS242
ITCS390
ITCS346
.
.
  • هل الجدول ثقيل او عادي ؟؟
 
سلام عليكم .. ~
.
.
شنو رآيكم بهالمواد ؟ و شنو طبيعتهم ، هل فيهم بروجكت او لا ؟
.
.
ITCS341
ITCS242
ITCS390
ITCS346
.
.
  • هل الجدول ثقيل او عادي ؟؟
عليكم السلام
ITCS341 الاوبجكت اورينتد ، تتكلم عن بعض الاشياء الي درستونها سابقاً و كنتون تستخدمونها في البرمجة ، الانتهرتنس ، الاوفرلودنق ..إلخ و بعض الاشياء الجديدة ، المقرر فيه تعاريف مصطلحات بالإضافة الى عدة انواع من الدايغرام تدرسونهم ، المقرر فيه بروجكت عبارة عن 5 فيسات كل اسبوع تسلمون فيس
-----------------------------------------
ITCS242 مقرر الاسمبلي ، في البداية فيه مقرر نمبرنق ستتم ، و بعده جبتر حفظ فيه نوع من الفهم خصوصاً انكم بتستخدمونه في البرمجة ، الجباتر الي عقب هالجبتر بتكون عبارة عن برمجة بلغة الاسمبلي ، المقرر ما في بروجكت بس في فاينل لاب
-----------------------------------------
ITCS346 مقرر الالغورثم يتكلم عن تحليل و تصميم الالقورثم بالإضافة الى حساب الافشنسي ، فيه بعض الاشياء الي درستونها سابقاً مثل الريكرنس ريلشن في ال 253 و لفتر رول في كلكولاس 2 ، المقرر بشكل عام سهل ، ما فيه بروجكت
-----------------------------------------
ITCS390 ما اعرف طبيعة المقرر لاني ما اخذته الى الان ، بس الي اعرفه انه فيه بروجكت عبارة عن 3 او 4 فيسات مو ذاكر بالضبط

الجدول مو ثقيل ، عادي
 
السلام عليكم

شعب بغيت استفسر عن شغله
لو عندي مادة الكتف وماقدرت اقدم الفاينل عندي عذر طبي

يعيدون لي ف نفس الفصل ؟؟؟ خصوصا ان الالكتف عادة ماينزل كل فصل
مو متاكد من صحة الرد ، بس حسب قوانين الجامعة "تنحسب F الى ان تعيدين تقديم الامتحان النهائي في الفصول القادمة"
اما اذا ما تنزل دائما ، فاتوقع لازم تنتظرين الى ان تنزل المادة مرة ثانية. او يمكن يعيدونه لج لو كلمتين دكتور المادة مثلا او رئيس قسم المادة (في حالة ممكن ما تنزل او عليش انذارات و لازم تعيدينها علشان يرتفع معدلش عن ال2 )
 
عودة
أعلى أسفل