((من قدك المايك بيدك ))

[Mystro]

بانتظار بنتي عبير ​

 

[عبير البنفسج]

اني جيت

في البداية احب اشكر الاخت اوسكار على اختيارها لي .. صراحة ما كنت متوقعة

و اسمحو ليي باخذ شوي من بدايات الي كان عدهم المايك قبلي

-------------------------------

الاسم : عبير البنفسج

العمر : 18 ... بس شهر 9 بصير 19

التخصص : هندسة حاسوب

السكن : عايشة في مدينة حمد لكن اصلي من النعيم ( اصلية من الأم و الأبو )

لكن هو مجرد اصل لأني ما اروح هناك الا في محرم .. بس ابويي 24 ساعة هناك

اسرتي : احنا 3 بنات و صبيين , ترتيبي الثانية بعد اخويي الجميل

هواياتي : اعشق كتابة و قراءة الأشعار الرومانسية لكن اعتزلت الكتابة منذ فترة قصيرة

بالاضافة الى تعلم اللغات و السباحة

اذا ببتدي معاكم من الطفولة ... فكنت في حدي جريئة ( للحين ) حتى اول يوم في الروضة

الماما وصلتني بس وقفتها عند الباب قلت ليها لا تدخلين ويايي بروح بروحي

و نفس الشي الابتدائي

لكن الاعدادي و الثنوي كلش ما كنت حابتنهم .. لأن الماما اصرت ان تاخذني

وياها المدرسة الي هي ادرس فيها و من اول يوم قعدت تقول ليي صيري هادئة و لا

تسوين مشاكل و خلش ساكتة في الصف لا يقولون المدرسات ان بتي مزعجة

خصوصا مدرسات العلوم كله يعاملوني غير عن الباقي و هالشي اني ما اطيقه

( لأن الماما كانت مدرسة اولى لقسم العلوم ) .. و من هني ابتدت مأساتي صرت غصبا

عني ما اتكلم و كله اقول ان شاء الله ... و البنات ما صدقو على الله عشان يطلعون اشاعات

الا هذي مغرورة و الا هذي جايفة عمرها و الي يقول ان امها تعطيها اسئلة امتحان العلوم

من جذي علاماتها كاملة ... معن الماما حتى ما تراجع ويايي و لا تسألني عن

العلوم عشان لا اطيح منها كلمة مني مناك عن الامتحان و هم كله ظالميني :tears:

و قضينا هال3 السنين على هالحالة و انتقل الشي نفسه الى الثنوي و اني ما حصلت الا

المدرسة الي نص معلماتها يعرفون الماما ... صدق مأساة

بس احلى شي ان كنت ادرس واجد واجد عشان ما افشل الماما

و الحمدلله تخرجت بمعدل امتياز من الثنوية معني كنت علمي ( كيما احياء )

و حصلت بعثة للأردن و كنت بروح بس انفلونزا الخنازير و اهل الماما ما خلوني في حالي

بعدين قدمت في الأهلية على علاج طبيعي ... و على حظي جت ثورة الجامعات الخاصة

و آخر شي اخذت بعثة عاملين لجامعة البحرين

و أمنيتي في هالحياة اني اعيش في قرية من قرى البحرين

احس ان الشي فن كله ناس يتزاورون و روحة و جية و جيران

مو مدينة حمد خصوصا المكان الي عايشة فيه محد فيه يعرف الثاني

هدرت واجد له

خلاص بفكم و بسكت

 

[Mystro]

كلام جميل بنتي عبير

​

 

[غرام الورد]

ما هذا كملي بعد ما قلتي شي

 

[Pardon]

سالفة الحجي اللي يطلعونه البنات على بنات المعلمات ينرفز خصوصاً اذا كانوا امتياز
اهم شي انتين واثقة من نفسش

كلام جميل من عضو جميل
الله يوفقش عبير
​

 

[♑•.мзŗмăįԀ]

عبير نص قصة حيآتج وآيد قصير

نبي تفآصيل آكثر

شوقيتني وخآصه آنج من نعيم

والنعم تشرفنآ .. XD​

 

[عبير البنفسج]

كلام جميل بنتي عبير

​

ثااانكس

ما هذا كملي بعد ما قلتي شي

موتي الهدرة اني اذا تبون بتكلم زود

سالفة الحجي اللي يطلعونه البنات على بنات المعلمات ينرفز خصوصاً اذا كانوا امتياز
اهم شي انتين واثقة من نفسش

كلام جميل من عضو جميل
الله يوفقش عبير
​

8-( كان ودي ادوس في بطونهم على الكلام الي كانو يطلعونه

بس خليتهم يولون و الي يبون يقولونه خلهم يقولونه

تسلمين حبيبتي

عبير نص قصة حيآتج وآيد قصير

نبي تفآصيل آكثر

شوقيتني وخآصه آنج من نعيم

والنعم تشرفنآ .. XD​

مختصرتنها واجد اني

اذا جفنا الباقي بعد يبون اكمل بكمل ليكم

بس عشانش بكون ليي رجعة

 

[أوسكار]

فلنقل هذي المقدمة فقط
نحن بانتظار العرض والخاتمة
افتتاحية جميلة​

 

[UOB-BH]

اني جيت

في البداية احب اشكر الاخت اوسكار على اختيارها لي .. صراحة ما كنت متوقعة

و اسمحو ليي باخذ شوي من بدايات الي كان عدهم المايك قبلي

-------------------------------

الاسم : عبير البنفسج

العمر : 18 ... بس شهر 9 بصير 19

التخصص : هندسة حاسوب

السكن : عايشة في مدينة حمد لكن اصلي من النعيم ( اصلية من الأم و الأبو )

لكن هو مجرد اصل لأني ما اروح هناك الا في محرم .. بس ابويي 24 ساعة هناك

اسرتي : احنا 3 بنات و صبيين , ترتيبي الثانية بعد اخويي الجميل

هواياتي : اعشق كتابة و قراءة الأشعار الرومانسية لكن اعتزلت الكتابة منذ فترة قصيرة

بالاضافة الى تعلم اللغات و السباحة

اذا ببتدي معاكم من الطفولة ... فكنت في حدي جريئة ( للحين ) حتى اول يوم في الروضة

الماما وصلتني بس وقفتها عند الباب قلت ليها لا تدخلين ويايي بروح بروحي

و نفس الشي الابتدائي

لكن الاعدادي و الثنوي كلش ما كنت حابتنهم .. لأن الماما اصرت ان تاخذني

وياها المدرسة الي هي ادرس فيها و من اول يوم قعدت تقول ليي صيري هادئة و لا

تسوين مشاكل و خلش ساكتة في الصف لا يقولون المدرسات ان بتي مزعجة

خصوصا مدرسات العلوم كله يعاملوني غير عن الباقي و هالشي اني ما اطيقه

( لأن الماما كانت مدرسة اولى لقسم العلوم ) .. و من هني ابتدت مأساتي صرت غصبا

عني ما اتكلم و كله اقول ان شاء الله ... و البنات ما صدقو على الله عشان يطلعون اشاعات

الا هذي مغرورة و الا هذي جايفة عمرها و الي يقول ان امها تعطيها اسئلة امتحان العلوم

من جذي علاماتها كاملة ... معن الماما حتى ما تراجع ويايي و لا تسألني عن

العلوم عشان لا اطيح منها كلمة مني مناك عن الامتحان و هم كله ظالميني :tears:

و قضينا هال3 السنين على هالحالة و انتقل الشي نفسه الى الثنوي و اني ما حصلت الا

المدرسة الي نص معلماتها يعرفون الماما ... صدق مأساة

بس احلى شي ان كنت ادرس واجد واجد عشان ما افشل الماما

و الحمدلله تخرجت بمعدل امتياز من الثنوية معني كنت علمي ( كيما احياء )

و حصلت بعثة للأردن و كنت بروح بس انفلونزا الخنازير و اهل الماما ما خلوني في حالي

بعدين قدمت في الأهلية على علاج طبيعي ... و على حظي جت ثورة الجامعات الخاصة

و آخر شي اخذت بعثة عاملين لجامعة البحرين

و أمنيتي في هالحياة اني اعيش في قرية من قرى البحرين

احس ان الشي فن كله ناس يتزاورون و روحة و جية و جيران

مو مدينة حمد خصوصا المكان الي عايشة فيه محد فيه يعرف الثاني

هدرت واجد له

خلاص بفكم و بسكت

وقفة جميلة بين الكلمات
ذكرتيني لما كنا في الثانوية كانت والدة صديقي هي اللي تحط امتحانات الثانوية العامة للفيزياء (أخصائية مناهج الفيزياء في الوزارة)
أتصل نهاية اليوم أقوليه ما بنكمل شوف لينا هالوحدة مهمة يعني؟ اسأل الوالدة لاه .. يقول أمي مسكرة عليها باب الغرفة من كم يوم وما تكلمني ولا كلمة
كنا لما نحتار في مسألة نروح نسأل الأساتذة لأن ما ترضى تشرح أي شي لولدها

وحياة القرى .. روحي النعيم مع الوالد ^_^

 

[♑•.мзŗмăįԀ]

آي من صجه المدير
حياة نعيم ولآ آحلى !!

اهناك قمة التعاون والطيبة .. =)

>> سكتوهآ !!

ههه بس صج ننتظر تكملة

XD​

 

[عبير البنفسج]

فلنقل هذي المقدمة فقط
نحن بانتظار العرض والخاتمة
افتتاحية جميلة​

كل هذي مقدمة اعتبرتونها

لكن مو مشكلة انتظروني باجر

وقفة جميلة بين الكلمات
ذكرتيني لما كنا في الثانوية كانت والدة صديقي هي اللي تحط امتحانات الثانوية العامة للفيزياء (أخصائية مناهج الفيزياء في الوزارة)
أتصل نهاية اليوم أقوليه ما بنكمل شوف لينا هالوحدة مهمة يعني؟ اسأل الوالدة لاه .. يقول أمي مسكرة عليها باب الغرفة من كم يوم وما تكلمني ولا كلمة
كنا لما نحتار في مسألة نروح نسأل الأساتذة لأن ما ترضى تشرح أي شي لولدها

وحياة القرى .. روحي النعيم مع الوالد ^_^

تعرفه الي امه تسوي امتحانات الفيزيا مال الثنوي !!!

هذي صديقة الماما و كانت وياها تدرس ثنوي من قبل 10 سنين

البابا يروح من الصبح الى الليل لأنه رئيس الصندوق هناك

اني اروح وين اقعد !!!

آي من صجه المدير
حياة نعيم ولآ آحلى !!

اهناك قمة التعاون والطيبة .. =)

>> سكتوهآ !!

ههه بس صج ننتظر تكملة

XD​

اي رحتها شحلاوتها

بس خسارة بيتنا مو هناك

 

[عبير البنفسج]

عدنا لكم مرة اخرى

بصراحة ما عرفت ويش اقول زيادة

دام ما تكلمت عن المنتدى بتكلم عنه الحين

اني من النوعية الي من اجود على شي اقعد عليه حتى اشعار آخر و اذا جودت على

منتدى اقعد فيه لين ما اثبت روحي فيه ( عادة هذي عندي )

بس صراحة من المنتديات الي عرفتهم كامل حبيت هالمنتدى ازيد شي لأن فوق

ما هو منتدى فيه اعضاء محترمين , مبدعين و حبيتهم فهو منتدى تعليمي اقدر

اعطي فيه ازيد و افيد ناس ازيد من ما يكون منتدى ترفيهي او ثقافي

حتى الماما يوم جافت مشاركاتي فيه و جافت ان ناس واجد يستفيدون و يفيدوني

في نفس الوقت هي قامت تشعني ... و قالت ليي مو تقصرين وياهم في شي

----------------------------------------

خلني شوي اكلمكم عن بيتنا و جوه

اخويي الي اكبر مني بسنتين يحب عالم الكمبيوتر و البرمجة و هالسوالف و هو قريب مني

و وقت الي يتملل يجي ليي و يقعد يسولف .... خصوصا اذا يبي اسوي ليه

سيدي لسيارته من الجديد الي نازل

و اختي الي صغير مني بثلاث سنين تقريبا كله ويايي و كل شي تقوله ليي بس اني

من الصعب اقول شي لأحد ( بعدين بخبركم بهالأشياء عني )

و هي من اني اقول لا لأي شي هي ورايي و اذا قلت ما بسافر هي اول وحدة تقول

بتقعد ويايي ... تحب الهياتة واجد و يوم اني اخذت الليسن ما صدقت على الله استانست

ازيد مني ... لكن الشي الوحيد الي تختلف فيه عني انها واجد تحب تاخذ اشياء غالية حتى

لو كانو مو حليوين .. ما يهمها المظهر الخارجي للشي ... اهم شي سعره و المكان المأخوذ منه

و اخويي الي اصغر منها ب6 سنين ... ما ليي شغل فيه واجد

عالمه كله طيور و حيوانات و تلفونات و بليستيشن و بي اس بي

كفاية مسوي لينا البيت حديقة حيوان ... ما بقى لا سمج و لا دجاج و لا

بط الا حطهم و هذلين كوم و العصافير كوم ثاني صراحة من زودهم ما ادري هم جم

و اني اكره شي عندي في حياتي الحيوانات و الطيور خاصة ... انقرف منهم بشكل مو طبيعي

و اختي الي اصغر منه بسنتين هذي في حالها و كله في صفه معنه واجد يغدر فيها

بس هي على نياتها يعني و لسانها الله لا يراويكم ... اكره شي كلامها

و امي و ابويي ليهم عالمهم الخاص و يشتركون في كل شي تقريبا

ما يعرفون يقعدون بدون شغل و حتى لو اجازة يطلعون ليهم اشغال من تحت الأرض

و اذا كلش كلش راحو عشان يشترون اثاث جديد للصالة او المجلس او مكان في البيت

و على هذا كله كل واحد في حاله في البيت و ليه حجرته الخاصة و فيها كل شي يبيه

يعني محد فينا ينزل من حجرته الا للضرورة القصوى لأن كل شي متوفر في كل

حجرة و اذا احد بغى اي شي تلفون للشغالة و هي تجيب ليه الي يبيه يعني الخيابة واصلة

حدها في البيت عدنا غير ان كفاية هواش اخواني الصغار تحت و فوقه العصافير تجوفونهم

مهددين و الحالة لله ... لين ما يجون امي و ابويي من الشغل و طبعا ذيك الحزة عاد ما

ندري متى هي العصر هي الليل الله اعلم و هذا الشي الوحيد الي

ما يعجبني في البيت صراحة


طبعا عرفتكم على كل افراد العائلة بس اني باقي له كأن نسيت روحي

اني وحدة كله في حجرتي و اذا سمعت حس احد نزل انزل وراه و اتحجج شوي عن الملل

و الليل عن حسب اسوي جو و اروح لحجر اخواني واحد واحد اقول ليهم انزلو عشان نسوي

شي ....

طبيعتي اني احب احتك بالناس بس مو اي ناس لأن ما عندي ثقة في اي احد خصوصا

يوم دخلت الجامعة و عرفت شي اسمه صداقة المصلحة .. و كلش ما عجبتني لأن احس

اصحابها ما يستاهلون حتى اكلمهم ....

و طبعا اني من النوعية المزاجية الي كل وقت ليي مزاج و اذا ما ليي مزاج احد

العصبية توصل حدها عندي

اممممم

احب الجهال لدرجة غير طبيعية خصوصا لما يكون عمرهم بين الشهر و السنة

و عندي ولد بعد ( هو مو ولدي ولدي ) لكن الكل يسميه ولدي لأني اني

الي ربيته ... لأن كانت امه مريضة يوم جابته وهو يصير ولد خالي من جذي خالي جابه عدنا

و اني اخذته عندي و قمت اسوي له كل شي الا الحفاضة على الخدامة

شعور جدا راااائع معنه تعب خصوصا اذا في الليل و الواحد يبي ينام و في جاهل يصارخ

لكن مع كل هالتعب كنت مستانسة فيه و ما رضيت احد ياخذه من عندي

حتى يوم امه صارت شوي زينة ما كانت تقدر عليه بروحها فكنت اني نايمة عدهم

لكن سريره في حجرتي عشان محد ياخذه مني

و الحين كبر و صار جميل و يمشي بعد ... عمره سنة

و الحين خالتي تجيب ليي ساعات بتها عمرها 3 اشهر جميييييلة و احبها واجد

و صراحة اكتشفت ان الصبيان وهم صغار مزعجين واااااااجد مو نفس البنات

الله يعطيكم واحد و تجربون الي جربته

ووووو .... بث اعتقد خصلت الهدرة ​

 

[Mystro]

جميل

أنا بعد ما أنزل تحت إلا قليل ، أقعد فوق بروحي أهدأ وعن الإزعاج

​

 

[غرام الورد]

عبير انا مجربة شعور البيبي صراحة تعب بس بعد وناسة


يعطيج العافية




اذا تذكرتي شي قولي

 

[عبير البنفسج]

جميل

أنا بعد ما أنزل تحت إلا قليل ، أقعد فوق بروحي أهدأ وعن الإزعاج

​

توقعت ان كلكم كبار كلش ما توقعت عدكم جهال

عبير انا مجربة شعور البيبي صراحة تعب بس بعد وناسة


يعطيج العافية




اذا تذكرتي شي قولي

الله يعطيش بيبي هادئ

الله يعافيش

لا توصين حريص ما بخلي شي في خاطري

 

[♑•.мзŗмăįԀ]

~ كلآم ح ـــلووو .. !!

واستمعت بالقراءة ,, !

 

[SAMARAH]

الحيوانات والطيور أكره شي عندي
والجهال موو على طول حليوين خصوصا وقت النوم
بس ليش كل من في حاله في بيتكم

::
::
::

بانتظار العضو الجديد​

 

[Mystro]

كبار كلش ؟؟؟

لهذه الدرجة صرنا شياب !

​

 

[متمردة]

نااااايس عبير البنفسج

شعور جدا راااائع معنه تعب خصوصا اذا في الليل و الواحد يبي ينام و في جاهل يصارخ

شعور رائع
انا ليلة وحدة بنت اخوي صارت عندي و تصيح و تصارخ و لا ادري شسالفتها قمت اصيح معاها :tears:
آل شو شعور رائع
​

 

[غرام الورد]

نااااايس عبير البنفسج


شعور رائع
انا ليلة وحدة بنت اخوي صارت عندي و تصيح و تصارخ و لا ادري شسالفتها قمت اصيح معاها :tears:
آل شو شعور رائع
​

شعور رائع حق وحدة ما وراها شي ههههههههههه