|| الجــــزء الــ 21 ||
::
::
|| بعـــد مرور 3 ايام . .. ||
::
::
بدر وهو يتكشخ لآنه اليوم .. رآيح يخطب ريم .. والريم .. اهي بعد طآيرة من الفرحة ,,
بس بنفس الوقت خآيفه من خبآثة .. مرت ابوهآ وتآثيرهآ على .. ابوها ..
بدر وهو يغني : هنوني هنوني ياااا ناس هنوني ..
زياد وهو يضحك بخفه : ههههههه آيي عليك .. مااقدر ع الكشخه ..
بدر وهو فرحان حيل : امممم اليوم الفرحة موب شايلني ادعيلي يا زياد يوافقون اتزوج الريم ..
زياد وهو فرحان لولد خالته : ان شاء الله يابدر ان شاء الله ..
::
::
آمآ في غرفه ريم .. فكآنت مو مصدقه وكانت معاها عبير اللي من الصبح واقفه وياها,,
وهند وهدى,, !!
ريم : ياااااااا ربي آنه وآيد خآيفه ,,,
عبير : من شنو ياحظي ,,, ؟؟
ريم : مآدري مآدري .. احس مرت ابوي بتوقف بطريجي ...
هدى : وانه مثلج .. مرت ابوج نسره .. بتسوي المستحيل علشان تعاستج !!
ريم .. : مآدري ياهدوي ,, هذي من شنو مخلوقه .. !!
الا بدخلة الخدامــــــــــة ,,
الخدامه : اتقول ماما .. ريم ينزل تحت ,,
ريم باستغراب : ليش ؟
الخدامه : ما يعرف انا .. انت روح ويشوف شنو يبي !!
ريم : زين زين طلعي بره ,,
::
::
نزلت ريم وهدى وعبير وهند كانوا يراقبون من فتحة الدرج .. لقت خالد وبدر وام خالد وام حمد وابوهآ وحمد ,, قاآعدين ,, !! ريم ترددت وقررت انهآ مآ تنزل بس تسمعهم شقولون ,,
وكانوا مساندينهآ الثلاثي المرح ..
ابو حمد اللي مرتسمه ابتسآمه مصطنعه على ويهه لآنه مو ويه مثل هالاجتمآعآت مع غيره من النآس ,, حده يجآبل شغله وبعض الشيبة اللي بديوآنية ,,
خآلد الي بدى بالكلآم : مثل مآ انتوآ عآرفين صآر لنآ جيرة كبيرة ويآكم .. ومآ آظن مخفي عليكم آمرنآ ,, احنآ اليوم يآيين بطلب آتمنى مآ تردونآ فيه ,,,
آم حمد بغرور وتكبر وهي لابسه ارقى الملآبس : خير ان شآء الله ؟؟
ام خآلد الي مآحبت اسلوبهآ آبد : الخير بويهج يآ ام حمد .. احنآ اليوم طآلبين .. يد بنتكم الريم ,, لولدنآ بدر .. !!
بدر : وآن شآء الله مآ تردونآ ,,,
آم حمد : شنـــو ؟؟ ولدكم بدر ؟؟
خآلد باستغرآب : ايه بدر .. ليش ؟؟ سآمعه عنه شي ,,,
آم حمد : لآ سلآمتك .. بس ولدكم توه مفكر يدش من البآب ..
ريم بصدمه كبيرة ,, تنآظر تعآبير ويه بدر وخآلد وام خآلد ..
آبو حمـد : شقصدج يآ آم حمد ؟ توه مفكر يدش من البآب ؟؟
ام حمـد : ولدكم هذآ يكلم بنتنآ .. بالتلفون .. وزيآرآتهآ كثرآنه لبيتكم .. والناس شعندهآ غير الطآلعه والنآزلة .. ولو زوجنآكم آيآهآ شبقولون .. مسويه سوآيآهآ ويآه وزوجوهآ
ريم اللي دمعت عينها بدون ما ترجف أي رمش .. من كثر الصدمه والبنات بعد منصدمين ,,,
حمـــد : يمى شهالكلآم ؟؟ لو يبي يلعب مآ يآ خطب !!!!
ام حمــــد : آنه آسفه .. مآعدنآ بنآت للزوآج ...
بدر : شنـــــــــو ؟؟ بس انه يآي اخطب ,, مآ يآي العب ..
ابو حمـد الي كآن سآكت ومبين انه سكآنه مرته ,,
خآلد : خآلتي ؟ ليش اتسوين هلون ,, احنآ يآيين نستر بنتكم
ام حمد : دآم هآي تربية ولدكم مآ اظن فيهآ ستر بعد .. مو يآ ابو حمد ؟؟
بدر بصرآخ : عن الغللللط .. اساسا انه كنت متوقع انه انتي بتقولين هلون .. لكن حطي في بآلج باخذهآ يعني بآخذهآ ..
ام خآلد اللي حست بخطوره الموقف : هد يا يمى ,, مو طريقه هذي للتفاهم ,,,
ام حمد : دام هاي تربيتج ..
خآلد : احترمي نفسج عآد ,, انه سكتت عنج الا انج تغلطين ع تربيتنآ ,,
ام حمد للي نبطت جبدهآ : ابو حمد مآ تتكلم ؟؟؟؟؟
ابو حمد : والله انه رآيي من رآي زوجتي .. اللي ما يجي منه خير بالبداية مامنه خير ..
بدر بصدمه والكل منصدم .. اما عبير اللي مو قادره تصدق ,,
اللي قاعد يصير .. وكآنه هالشي سيناريو ,, مدبر ..
خآلد : تعآل .. يا بدر .. خلآص .. خلآ نمشي ..
بدر اللي تو بيطلع كلم حمد : مآ توقعت آمك بهالاخلاق يا حمد .. انت غير غير ,,
وطلع ... الكل كآن بصدمه .. ريم اللي نزلت من على الدرج ودموعهآ .. ع خدهآ
ريم وهي تبجي ,,, : ليييييييش يبى ليش ؟؟ ليش سويت هلون ؟؟ عبآلك انه فرحآنه بالعيشه معآكم ؟؟
لمتى بتسمح لهآ تدمر حيآتي ؟؟ آنه بنتك يآ يبى ,,
ام حمد بصرآخ : اقول سكتي وانطمي .. وهالبدر لو تتدحنين ما خذتينه ..
حمد : شفيج يا يمى ليشششششش ؟؟ مالج حق تتدخلين اهي مو بنتج ..
ام حمد : دآمهآ صآرت تحت جنآحي يكون لي حق ونص ,, يالله ابو حمد ,,
اختفى ابو حمد وام حمد عن نآظر ريم وحمد .. لكن دموع الغالية ريم لم تتوقف ..
نزلت عبير وهي تبجي وهند وهدى ورآهآ ,,
وقفت ريم وقآبلت عبير وهي تبجي ,, : شفتي يآ
عبير .. يآمآ قلت لج .. مستحيل السعاده تيي بدربي يوم .. مستحيل .. !!
هند اللي ماهمها هالموضوع ورآحت لحمد : انت آخوهآ ؟؟
حمد وهو يطالع بنظرآت .. استغرآب : شنو ؟؟
هند : لو انت اخوهآ طلعتهآ من حيآه الجحيم اللي عآيشتهآ ويآ امك ,, تبآ تقنعني آنك مرتآح ؟
اقص يديني ثنتينهم ,,, !!
وطلعت هند وورآهآ هدى .. امآ عبير اللي تمت ضآمه ,, ريم وهي تبجي بقوه ..
::
::
في بيت ابو خآلد ..
دخل بدر بسرعه الى الغرفه وكآن زيآد ينتظره بفآرغ الصبر ...
يبي يعرف شصآر ... بس ما توقع بهالسرعه انه يرد ,,,
زياد بتردد : بدر ؟؟
بدر وهو منزل راسه بالارض ...
زيآد : شصآر يا بدر ؟؟
بدر وعينه تدمع : رفضوا ..
زياد بصدمه خلته يوقف وهو زعلان من قلب : ليش ؟؟
بدر : مرت ابوهآ .. رفضت وغيرت رآي زوجها الحرمة ..
زياد اللي تضآيق من قلب وطلع بره البيت وهو يفكر بطريقة .. تخلي ولد خالته سعيد بحياته
وانه ما يعيش تجربته اللي عاشها وتمرر قلبه ,,فيها ..
::
::
طلع لقى خآلد لآول مره من عودته من السفر .. تم يناظره بقهر وعينه ع وشك تساقط الدموع .. وخآلد اللي يطالعه باستغراب معقولة زياد مانسى اللي صآر ؟؟
نظرات زياد كانت لفتره زمنية .. جعلت خآلد يحس بالذنب بالرغم انه ماله خلق لمشاكل الماضي ,,
تهقون حوبة زيآد كانت سبب تعاسة خآلد ؟؟
زياد بصوت واطي :السلام عليكم
ام خالد وخالد : وعليكم السلام ..
زياد اللي هم بالطلعه ووقفه صوت خآلته : وين رايح يا ولدي ؟؟
زياد : عندي شغل اليوم خآلتي !!
ام خآلد : وانت للحين مآتركت هالشغل الي يتعب القلب !
زياد اللي ابتسم لخآلته : مؤقت يا خآلتي
ام خآلد : قلت لك اطلع يا ولدي .. شنو مستفيد غير عوآر القلب ..
خآلد : زيآد ؟
زيآد اللي ما التفت لخآلد ..
خآلد : انه قلت بفتح لك مشروع مع بدر ليش ما نطرتني ..
زيآد الي ابتسم بآلم : شكرآ يآ ولد خآلتي مو محتآج لك .. عن اذنك !
طلع زياد ونظرات الاستغراب على محياا ويه خآلد
خآلد : يمى زيآد ليش اعاملني هلون ؟
ام خآلد : ماعليه ياولدي فتره وبتعدي ..
خآلد : ان شاء الله يمى .. انه بقوم اشوف بدر ..
ام خآلد : خير يمى ..
::
::
|| صبآح يوم آخر ,, ||
ساره اللي قعدت على صوت العصافير نشت من رقادهآ وهي تعبانه اليوم
وجودها في منزل خآلهآ بو نآصر يخلي الكل يستغرب ويتساؤل شلي صار بينها وبين خآلد ؟
اما هند اللي كانت تفكر بحآل ريم .. وشلون انه الحب شي كبير ويحتاج تضحية كبيرة
ابتسمت لوجود جاسم بالقرب منهآ ..
الا انه زعل بدر وريم كان مضايقنها وايد ,,
::
::
خالد اللي قاعد يحس باللوم الكبير لانه ماقدر يفرح اخوه بس طبعا بحاول اسوي المستحيل .. علشان يسعد اخوه وما بوقف عند هالحد
ولكن في شي مضايقه ازيد انه اسبوع وكم يوم ساره ما كلمته ولا اهتمت له
وهو اللي دوم على باله ...
استلقى على سريره وقعد يفكر بلحظآت حلوه مرت بحياته تذكر حبيبته السابقه
تخيل لو انه هذه اللحظه كانت معاها .. شلون راح يحس بالسعاده ..
ابتسم داخل قلبه .. لم يكن ليظهر سعادته الخارجية
فهذا مجرد حلم .. حلم يختلف عن الواقع تماما ,,
::
::
++ يوم الجمـــــعه الساعه 1:30الظهر .. ++
\\
.. رجعوا الشباب مع بو ناصر من صلاة الجمعة
ام نآصر : يالله قوموا جهزوا اعماركم علشان اليوم الغدا في بيت عمكم بوخآلد الله يرحمه ..
الكل : ان شاء الله ..
سعاد : يمى هند وين اختج ساره ؟؟
هند : فوق يمى اناآديهآ ..؟؟
سعاد : لا تمي انه بروح لهآ ..
::
::
دخلت سعاد ولقت ساره شارده بفكرها وهي قاعده تناظر منظر الشمس المشرق ..
وضوئها الساطع اللي يتخلل خصلات شعرها الرائع ..
سعاد : ساره ..
ساره بعدم اهتمآم : هممم ؟؟
سعاد : قومي يمى جهزي عمرج بنروح بيت خالج ..
ساره : مآلي بآرض يآيمى .. !
سعاد : بس اعرف شصار بينج وبين خآلد ؟؟
ساره : يمى ما صآر شي ,, منو بتم بالبيت ؟؟
سعاد : مـ ح ـد حتى الخدم بروحون ويانا لآنه اليوم بنسهر معاهم ..
ساره : ع رآحتكم ...
سعاد بضجر على بنتهآ : شنو افهم ما بتيين يعني ؟؟
ساره : لآ يمى .. مآلي ويه اروح هنآك
سعاد بفقدان آمل : على راحتج يايمى .. بس لو حبيتي تيين عندج سيارتج تعالي
ساره : ان شاء الله يمـــى ..
::
::
بدر اللي كل لحظه يحآول يتصل في الريم ولكن مآفيه رد ..
بدر مو قادر يتخيل انه اللي صار حقيقة وواقع
وانه مستحيل يتخلى عن الريم بسهولة مثل ما متوقعين ..
بدر يكلم نفسه : شفيج ياعمري ؟ ليش ماتردين علي !! آآآآه طمنيني ع حآلج بس ..
::
::
نزل بدر علشان يشوف زياد وين رآح من آخر مره شافهآ فيه لقى الكل موجود تحت
ابو ناصر وام ناصر وعمته وهند جراح جاسم ناصر وولده لؤي وزوجته اليوم حاضرين بعد وعبير وهدى عمار ورائد وام خآلد .. هديل وزوجها وناهد وزوجها
طبعا مع اليهالوا ,, !!
بمختصر كل العايلة اليوم موجوده ... تمنى لو انه يلاقي ريم بعد موجوده .. مثل كل مره تحضر فيها اجتماع العايلة .. !! بهاليوم ,,
كمل خطوآته بتثآقل ..بدر : السلام عليكم
الكل : عليكم السلام ..
ابو ناصر : حياك ياولدي وينك ماتبين هالايام ,, ؟
بدر بابتسامه مصطنعه وراح يلس يم عمه ..
::
::
ام ناصر : عيل وين خآلد ؟؟
ام خآلد : خآلد اليوم عنده شغل قآل لمآ يفضى بيي جريب ..
ام ناصر : على خير ان شاء الله ,, !
::
::
كان تجمع العائله يجعل العائله تشعر بالسعاده نوعا ما
السوالف والهذرة .. والضحكات تتعالى بين بعضهم
تجعلهم في راحة ..
خاصه من فقد عزيزا على قلبه .. او ما زال يعيش في دوامة الحزن ..
هذا التجمع ما زال قائما .. ولكن ذكرى ابو خآلد وضحى ..
لها مكآن في قلوب جميع الحاضرين ,,
::
::
بعد مرور ساعات ...
::
::
|| السآعه 9:30 مساء ||
اما زياد اللي كان على البحر يستمتع بملآطفه الهوا ..
كان المنظر حلو .. ولكن هناك ما يعكر صفو تفكيره وهو ولد خآلته بدر ..
قاعد يفكر بشتى الطرق .. انه يساعده ويوقف معاه
تهقون زياد بيقدر اسوي شي لبدر ؟؟
::
::
في جانب آخر من البحر كآنت روعه قاعده وتستمع ايضا بالهواء المنعش مع دندات بصوتها الجميل مع اغنيه هادئه تدندن بها على ذلك الساحل .. وكان زياد يستمع لهآ بهدوء ..
ينظر اليهآ وكآن المآ قد حل بهآ ,,
انهت اغنيتها .. وقف زيآد ..
زيآد بصوت رجولي .. : صوتج وايد حلو ..
روعه بخوف : ومن انت ؟؟
زياد بقله حيا قعد على بعد مسافه وصخره ملتوية : امممم وآحد من الناس
روعه : وانت من متى كنت اهني اصلا ؟؟
زياد : انه اللي المفروض اسئل بنت مثلج شتسوي اهني ؟؟
روعه بعدم اهتمام وهي تلعب بالحصى المتناثرة : عآآدي ,,
زياد : شلي عآدي .. انه كل مره ايي اهني ما اشوف بنآت .. بروحهم بهالمكان وباليل
روعه : اكيد .. لاآنه ........
روعه اللي انتبهت لروحهآ وهي تكلم شخص غريب .. : خير شتبي ؟
زياد : كملي كلآمج ليش سكتي ؟
روعه بحمق حلوو : مالك شغل .. ياليت تروح !
زياد : واتمين بروحج ؟؟
روعه بحزن : عآدي انه دوم بروحي ..
زياد : خبريني شنو اسمج ؟؟
روعه بابتسامه الم : روعه ..
زياد الي ابتسم بمستوى ابتسامتها : والنعم .. وانه اسمي زياد ,,
روعه : اممم حلو اسمك ..
زياد : تسلمين ,,,
روعه اللي شافت الساعه : انه لآزم امشي .. nice 2 meet u
زياد : اوكيه .. مع السلامه ..
روعه : مع السلامه ,,
اختفت روعه عن نآظر زياد .. وهو ما زال منبهر من جمآلهآ .. لكن في نبره مو طبيعية في هالبنيه ,,, بعدين انه شعلي ... خلني احل همومي علشان احل هموم غيري ,,
:::
:::
السكرتيرة لخالد : استاد خالد الدوام انتهى ما بتروح ؟
خالد : خلاص انتي روحي ,, انه بتم اهني وبقفل المكتب ,,
السكرتيرة : تحتاج أي شي ؟
خالد : سلامتج ,,
السكرتيرة بابتسامه : نلتقي ع خير ,,
::
::
طلعت السكرتيرة وسكرت الباب .. اوما خالد راسه بعد مشوار طويل من الشغل اليوم يبيله راحه لكن بيت عمه بو ناصر كلهم هناك ,..
وهو ما يبي يحتك معاهم .. هالايام بموضوع ساره ..
ساره ؟؟ ابتسم لما ذكر اسمها .. شخبارج الحين ؟ شمسويه ... ما اظن انها في بيتنا مو بس اظن الا متآكد ..
رفع موبايله .. وحب بطمن عليها .. من باب الذوق لانها زوجته ,,
ولو ما جا السلام منها خله يبادر فيه خآآآلد ,,
ساره بدون ماتشوف الرقم حسبت انه امهآ : آلـــو ,,
خآلد بتردد : مرحبآ سآره ,,
ساره بصدمه اعتدلت بقعدتها : هـ هلآ خآلد ..
خآلد : شخبآرج ؟؟
ساره : انه بخير .. آآآآ آنت شخبار ؟
خآلد : آسئل عنج ,,, !!
لحظآت صمت ,,
خآلد : بس حبيت اطمن ..
ساره : تسلم ..
خآلد بتردد : وين آنتي ؟
ساره بخوف : آآآ نه بالبيت ,,,
خآلد : منو معآج ؟؟
سآره : مــحد ,, الكل في بيتكم ..
خآلد بصدمه : شنــــو ؟؟ قاعده في البيت بروحج ,,,
ساره : آي ..
خآلد بتردد كبير : آممم آصير آمرج ؟؟
سآره بصدمه كبيرة من طلب خآلد : مآدري برآحتك ..
خآلد بابتسامه : تبيني ولآآآ ؟؟؟
ساره : برآآحتك ,,
خآلد : خلآص ربع سآعه وآكون عندج ,,
ساره : ان شاء الله ..
خآلد : مع السلامه ..
ساره : الله وياك ..
::
::
سكر خآلد الموبايل وهو يحس برآحه .. سآره ما زآلت متقبله فكرة وجوده بحياتها ..
سكر كل شي وقفل المكتب وطلع ..
::
::
روعه اللي ردت البيت .. خلت مفاتيح السيارة في محلهم المعتاد ..
لقت آحمد قاعد ...
احمد : وين رحتي ؟؟
روعه : اوووه احمد يسآلني وين رحت ؟؟ شي جديد ..
احمد بحمق : قلت لج وين رحتي ؟؟
روعه : انا مستغربة .. انت بالاياااااااااام ما تسآل عني ,, وفجآه تسوي روحك مهتم ..
احمد : سمعي عاد
روعه بحمق : انت اللي اسمع .. لو بسوي شي من ورآك سويته من زمآن وعلشان تتطمن رحت اتمشى ورديت .. فيها شي هذي ؟؟
احمد اللي حس بخنقة روعه : لا مافيها شي .. بس جآن خبرتيني قبل ,,
روعه وهي تدمع : حآولت بس انه ما الاقيك .. وتلفونك مسكر .. افتحه شوف انه كل يوم جم مره اتصل فيك ... وكل مره ماترد انه اقعد بالبيت .. علشان اقول اخوي ما سمح لي ..
بس انه تعبت والله تعبببببببت .. وهي تبجي ..
احمد : روعه ؟
روعه وويهها محمر من البجي : ياليت ربك ياخذ امانته .. ياليت
ومشت عنه .. !! ركبت دارها وهي تبجي بحررررقة .. الملل ماخذ جزء كبير من حياتها
وماعندها ,, حد يسمعها تفضفض له تشكي له همومهآآآ ,,
احمد اللي كان مصدوم .. اخته بتخنتق من هالعيشه وهو يطلع وايي لانه صبي ..
::
::
استندت ع سريرها مسحت دموعها ,, تذكرت زياد ابتسمت لغباءها ..
لكن بالحقيقه اهو وايد وسيم وخلوق ..
هه شعلي منه عاد .. ؟ اللي يقول بنلقاه مره 2
::
::
وصل خالد الى بيت عمه بو ناصر .. اتصل في سارة ..
ساره : الو ؟
خآلد : قوه ساره ..
ساره : اقويك ,, انت تحت ؟
خآلد : أي ..
ساره : اوك حيآآك ..
خآلد : مآشي ..
::
::
دخـــل خآلد فتح الباب لقى المصابيح مسكرة .. لانه الكل بره البيت
فتحهم وقعد بالصآله ينتظر زوجته المصون تنزل ..
ساره وهي لابسه اللون الاسود مع بعض من الذهبي .. وكانت روعه ..
وشعرها على جنب .. وكحل خفيف ..
نزلت .. لدرجة خلت خالد ..يوقف وهو منبهر بس كبرياء خالد ما خلاه يبين هالشي ..
خالد بصوت حنون : صايره وايد حلوه اليوم ,,
ساره اللي للحين واقفه : شكرا ..
خآلد اللي تقرب منهآ وكلمها بهمس : مابتقعدين ؟
ساره اللي تباعدت عنه وقعد بكرسي ما يبعد وايد عن خآلد ..
قعد خآلد .. ولكن الصمت عآد مره اخرى ..
خالد بتردد : قولي لي ,,؟
ساره بخوف وهو منزلة راسها بالارض : شوو ؟؟
خالد : انتي تبيني ولآآ .......
ساره : ولا شوو ؟؟
خالد : انتي ادرى .. تبيني ولا لا ؟؟
ساره اللي رفعت راسها ولمعت عينها الحلوه : آنه مآ آبي اتطلق ..
خآلد بصدمه : شووو ؟؟ عيل ليش تعامليني هلون ؟
ساره وعينها بدت تدمع : خآلد افهمني .. آنه للحين مآتعودت عليك .. عطني فرصه انسى اللي رآح .. وبرد لك بروحي ,,
خآلد اللي نزل رآسه بآلآرض : اهآ .. ودرآستج شو قررتي ؟
سآره : بتم آهني .. بكملهآ مآ بآقي شي ..
خآلد اللي ابتسم ابتسامه عذبة : برآحتج مآ آبي اجبرج على شي .. لو غيرتي رآيج خبريني
ساره : ان شاء الله ..
...............................................
ساره مره ثانيه : تعشيت ؟
خآلد : لآ .. بس آنه مضطر آمشي الحين ..
ساره : خلك تعشى معآي ,,
خآلد اللي وقف وساره بعد وقفت .. قرب منهآ .. مسافه قريبه وآيد ..
خآلد : آوعدج .. اتعشى من ايدينج لو ييتي حقي ..
سلم عليهاآ وطلع ..
اما ساره اللي قلبهآ كآن يخفق .. من الخوف التوتر .. خآلد صآير غير ..
غير خآلد اللي عرفته الحآزم العصبي .. صاير هادئ .. وعآدي ,,
::
::
.................................................. .................................................. ................................
وصل خالد يم بيتهم لقى سيارة زياد وهو دآخل .. اتوقع انه ينتظر بدر والشباب ..
لكن ليش راسه منزل ... شفيه ..
بركن سيارته ونزل بسرعه .. طق الدريشه على زياد ..
زياد اللي رفع راسه وفتح الدريشة ...
خآلد : شفيك ؟ ليش مآ تدخل دآخل ..
زيآد : لآ موب حلوه .. انه بمشي برد بعدين ..
خآلد : انزين خذني ويآك انآ بعد مآ ابي ادخل ....
زياد اللي تضايق من طلب خآلد وخاصه اللي بينهم : انزين آنه بروح البيت ..
خآلد : شنو يعني ماتبي تاخذني معآك .. !
زيآد اللي شغل السيارة : لآ مو قصدي حيآك ,,,
سكر خآلد سيارته وركب .. مع زيآد ...
::
::
زياد وخالد .. لمتى بتكون علاقتهم متوترة
وساره متى بترد لخآلد ؟
وبدر والريم ؟؟
تابعونآ بجزء جديد .. ان شاء الله
والجــــــــزء 21 ,,,
