الحب عن طريق الانترنت حقيقة ام وهم .. شاركنا رايك

[شوق الورد]

آنآآ ضد الحب عبر النت

أحسهآ خرآبيط × خرآبيط

شلون يتكون آلحب من مجرد كلمآت مكتووبة !

واذا أتكون الحب مثل مآ يقولون بيكون حب مو حلآل

لآن لآ يوجد رآبط شرعي بينهم

عشآن يتبآدلون كلآمآت آلحب والغزل

وفي نظري اللي يبدآ بآلحرآم مآ يتوفق ><

يسلموع الطرح

 

[Mohammedz]

انزين احد سمع منكم شخص تعرف على شخصة من النت وتزوجوا ومستانسين في حياتهم؟ اصلا الصبي بياخذ فكرة مب زينة عن البنت وعلى الاقل الاغلبية تفكيرهم جذي! يمكن وحدة نيتها الارتباط وشاء القدر وتعرفت على واحد من النت! واهية نيتها الارتباط الدائم و الزواج! لكن اهوة تفكيره انها بنت لعوبة ويمكن حتى يتزوجها لكن ما اعتقد انه بيحترمها
مجرد رأي شخصي

هلا اختي بسكوته شرفتينا بالموضوع
انا راح اتحاور معاج على طاولة غير طاولة معتوق
انا من خلال الفكره اللي في بالي
ان هناك فئه مثل ماقلتي تزوجوا و الخ عن طريق النت .. ولكنهم مو متهنيين والعكس صحيح.
ولكن الشي اللي ابي اتحاور معاج فيه ..
ليش الشاب اذا تعرف على بنت من النت يفكرها حق لعبه وتسليه و بالاخير يتزوج غيرها ..
يعني ليش الانسان اقصد الشاب .. يحجز له وحده عن طريق اخته او امه او اي احد قريب منه ويروح يلعب على وحده من النت ..
الزمن هذا زمن تكنلوجيا يعني مافي بيت الحين مافيه انترنت الا نادرا .. فهل هذا دليل على ان المجتمع مجتمع فاسد ?
وصلت لج النقطه اللي ابي اقولها ?

 

[Mohammedz]

خيو آعرف وحده تزوج من طريق الانترنت ,, كانت حياته سعيده ومتفاهمين ,, لكنها توفت بعد ماصار عندها ولدين :tears:
وبالنسبه للفكر اللي بياخذها الصبي عن البنيه وياش 100%

مو شرط بس الصبي
حتى البنت بتاخذ فكره مو تمام عن الصبي .. بتقول انا شدراني ان هو ماسوى ولا فعل ولا ولا ..
اعتقد ان بدينا نوصل للمغزى من هذا الموضوع
اذا احد يايدني الراي

 

[Mohammedz]

آنآآ ضد الحب عبر النت

أحسهآ خرآبيط × خرآبيط

شلون يتكون آلحب من مجرد كلمآت مكتووبة !

واذا أتكون الحب مثل مآ يقولون بيكون حب مو حلآل

لآن لآ يوجد رآبط شرعي بينهم

عشآن يتبآدلون كلآمآت آلحب والغزل

وفي نظري اللي يبدآ بآلحرآم مآ يتوفق ><

يسلموع الطرح

ففي هل الحاله انتي تؤمنين بالزوج اللي يجي من طرف معرفه او من طرف شخص .. مثل مايقولون تقليدي ?

 

[شوق الورد]

ففي هل الحاله انتي تؤمنين بالزوج اللي يجي من طرف معرفه او من طرف شخص .. مثل مايقولون تقليدي ?

على قولتكم التقليدي أفضل

أهم شي الموضوع مآ يكون فيه معصية آلخآلق ^^

 

[Mohammedz]

على قولتكم التقليدي أفضل

أهم شي الموضوع مآ يكون فيه معصية آلخآلق ^^

على قولتنا احنا هههه
لا انا اقصد زواج تقليدي يعني عن طريق الخطابات او عن طريق معارف ..
تسلمين على طرح رايك بالموضوع ..
لا تقطعين المشاركه معانا

 

[أشواق الروح]

مو شرط بس الصبي
حتى البنت بتاخذ فكره مو تمام عن الصبي .. بتقول انا شدراني ان هو ماسوى ولا فعل ولا ولا ..
اعتقد ان بدينا نوصل للمغزى من هذا الموضوع
اذا احد يايدني الراي

بالضبط
أني بنية
وما أثق بالصبيان اللي جدي
الحجي اللي قاعد يقوله قاله لألف بنيه قبلي وبيقوله لألف بعدي
المسلسل والدور اللي عاشه بيكرره بس بيغير البطله!
عشان جدي ماأمبي أدخل في علاقه جدي وأندم
سوري مو قصدي أغلط على أحد
بس هذا رايي!

 

[شوق الورد]

على قولتنا احنا هههه
لا انا اقصد زواج تقليدي يعني عن طريق الخطابات او عن طريق معارف ..
تسلمين على طرح رايك بالموضوع ..
لا تقطعين المشاركه معانا

آدري قصدك هيك

هذا آلزوآج العدل مآدري ليش تشبكون فيه كلمة " تقليدي "

 

[Mohammedz]

بالضبط
أني بنية
وما أثق بالصبيان اللي جدي
الحجي اللي قاعد يقوله قاله لألف بنيه قبلي وبيقوله لألف بعدي
المسلسل والدور اللي عاشه بيكرره بس بيغير البطله!
عشان جدي ماأمبي أدخل في علاقه جدي وأندم
سوري مو قصدي أغلط على أحد
بس هذا رايي!

لا بالعكس اختي انتي ماغلطتي وبالعكس على العين و الراس و رايج محل اهتمام بالنسبه لي شخصيا ..
ففي هل الحاله الغلط بيكون على الشاب نفسه اما البنت هل هناك غلط عليها ?

 

[Mohammedz]

آدري قصدك هيك

هذا آلزوآج العدل مآدري ليش تشبكون فيه كلمة " تقليدي "

هيك لكان هههه
اوكي انا بقولج ليش نشبكه تقليدي
الزمن تغير عن قبل
فقبل الزواج يتم عن طريق معارف .. اهل .. صداقات .. جيران
اما الحين فهذا الجيل قاعد يتزاوج او يتزوج عن طرق ثانيه ..
مثلا انترنت .. تلفون .. كلمني و اكلمك وتعال طق باب البيت

الزواج التقليدي هو عبار عن ان الام اهيا نفسها تروح تخطب للصبي البنت ..
اما الحين الصبي يروح ويضبط كلشي .. وبعدين الاهل يتدخلون ..
فالتقليدي يعني اللي كانو اجدادنا و اباءنا قبل يسونه فاحنا نقلد عليه ...
حسيتي اني قاعد افهمج ههههه

 

[أشواق الروح]

لا بالعكس اختي انتي ماغلطتي وبالعكس على العين و الراس و رايج محل اهتمام بالنسبه لي شخصيا ..
ففي هل الحاله الغلط بيكون على الشاب نفسه اما البنت هل هناك غلط عليها ?

المراءة عامة تجرها عاطفتها واجد ,, بس تتحمل جزء من الغلط
بس الشاب هو الاساس ,, لكن المراءة عاطفيه بطبيعتها
ومو كل وحده تقدر تستعين بعقلها قدام هالكم الهائل من كلمات الحب والغزل
وخصوصا اذا مسكها من الايد اللي تعورها ويمثل اهتمامه وحنانه
يعني هو اساس الغلط وهي تتحمل جزء من هالغلط يوم تنجر ورا عاطفتها !

 

[فوضى]

غير مؤيدة لفكرة الحب عن طريق الإنترنت ..
لأسباب أولها الدين و المجتمع ..
و نسبة حدوث هالشي 0.00001% .. لأسباب منها :

أولاً : معضم الي يلجأون لهذا الطريق قصدهم التسلية و تمضية الوقت
ثانياً: الأغلبية الساحقة تستخدم اسماء مستعارة .. صور من النت .. و ما يطلعون شخصيتهم الحقيقية !
ثالثاً و هو الأهم .. من وجهة نظري الحب يأتي بالعشرة ، يعني يحتكون مع بعضهم بعض بصورة واقعية ، كل واحد يعرف شخصية الثاني عن قرب بعيداً عن الشاشة !

يعني ممكن اكون في اعجاب ، بس اكيد مو حب !

الله يوفق الجميع ​

 

[Mohammedz]

المراءة عامة تجرها عاطفتها واجد ,, بس تتحمل جزء من الغلط
بس الشاب هو الاساس ,, لكن المراءة عاطفيه بطبيعتها
ومو كل وحده تقدر تستعين بعقلها قدام هالكم الهائل من كلمات الحب والغزل
وخصوصا اذا مسكها من الايد اللي تعورها ويمثل اهتمامه وحنانه
يعني هو اساس الغلط وهي تتحمل جزء من هالغلط يوم تنجر ورا عاطفتها !

معلي انا اعارضش بهل النقطه ..
هناك ثلاث مراحل لنضوج البنت ..
اول مرحله وهي الطفوله .. فهي تعيش بكل ماتريد و تفعل ماتريد على اساس انها طفله .. اقصد قبل ما تدخل الثانويه ..
ثاني مرحله .. بدايه النضج .. فهي المرحله اللي تكون البنت تبتدي تكون شخصيتها من خلال البييئه الي حواليها .. الى حين ان تتخرج من المدرسه ..
ثالث مرحله وهي النضج الشبه تام .. وهي المرحله اللي تحاسب البنت على كل خطوة تخطيها ..
فاللي ابي اوصله من نقطه .. ان البنت عندها مرحلتين .. في هل المرحلتين تكون عارفه شنو الصح و الغلط ..
و المرحله الثالثة هي المرحله اللي تبين مدى تربية الاهل لها
بمعنى اخر ..
انا قاعد احاول اوزن الكفتين بين البنت والشاب ..
مثل ما الشاب له غلطه ترى هم البنت غلطها اكبر ..
فانتي قلتي ان البنت تكون عواطفها هي اللي تجرها .. فهل من الممكن ان تكون بنت في عمر الزواج و الانفتاح كسريان الماء بالنهر من خلال عواطفها ?
طبعا لا لانها بتكون في عمر يجب ان تكون فاهمه لكل شي قاعد يدور في المجتمع ..
فالبنت اللي تجري وراء عواطفها في مرحلتها الثالثة فما هي الا مراهقة متاخره ..
وصلت النقطه اللي ابي اقولها ? لان احس اني ماوصلتها لحد الحين

 

[Mohammedz]

غير مؤيدة لفكرة الحب عن طريق الإنترنت ..
لأسباب أولها الدين و المجتمع ..
و نسبة حدوث هالشي 0.00001% .. لأسباب منها :

أولاً : معضم الي يلجأون لهذا الطريق قصدهم التسلية و تمضية الوقت
ثانياً: الأغلبية الساحقة تستخدم اسماء مستعارة .. صور من النت .. و ما يطلعون شخصيتهم الحقيقية !
ثالثاً و هو الأهم .. من وجهة نظري الحب يأتي بالعشرة ، يعني يحتكون مع بعضهم بعض بصورة واقعية ، كل واحد يعرف شخصية الثاني عن قرب بعيداً عن الشاشة !

يعني ممكن اكون في اعجاب ، بس اكيد مو حب !

الله يوفق الجميع ​

ففي هل الحاله انتي ممكن تقبلين زواج يكون تقليدي ?

 

[M.Matooq]

الاخت الي اعترضت على كلامي ...بس مو انا صاحب الحديث ...
صاحب الحديث هو من اجزم ان كل دعوتين مختلفتين احداهما ضلالة

 

[أشواق الروح]

معلي انا اعارضش بهل النقطه ..
هناك ثلاث مراحل لنضوج البنت ..
اول مرحله وهي الطفوله .. فهي تعيش بكل ماتريد و تفعل ماتريد على اساس انها طفله .. اقصد قبل ما تدخل الثانويه ..
ثاني مرحله .. بدايه النضج .. فهي المرحله اللي تكون البنت تبتدي تكون شخصيتها من خلال البييئه الي حواليها .. الى حين ان تتخرج من المدرسه ..
ثالث مرحله وهي النضج الشبه تام .. وهي المرحله اللي تحاسب البنت على كل خطوة تخطيها ..
فاللي ابي اوصله من نقطه .. ان البنت عندها مرحلتين .. في هل المرحلتين تكون عارفه شنو الصح و الغلط ..
و المرحله الثالثة هي المرحله اللي تبين مدى تربية الاهل لها
بمعنى اخر ..
انا قاعد احاول اوزن الكفتين بين البنت والشاب ..
مثل ما الشاب له غلطه ترى هم البنت غلطها اكبر ..
فانتي قلتي ان البنت تكون عواطفها هي اللي تجرها .. فهل من الممكن ان تكون بنت في عمر الزواج و الانفتاح كسريان الماء بالنهر من خلال عواطفها ?
طبعا لا لانها بتكون في عمر يجب ان تكون فاهمه لكل شي قاعد يدور في المجتمع ..
فالبنت اللي تجري وراء عواطفها في مرحلتها الثالثة فما هي الا مراهقة متاخره ..
وصلت النقطه اللي ابي اقولها ? لان احس اني ماوصلتها لحد الحين

وصلت إلى أنها مراهقة متآخرة
لكن اللي امبي اقول
المراءة عادة عاطفيه!
وماانكر انها تتحمل جزء من هالغلط
ومو شرط تكون بعمر مراهقة متآخره !
يمكن تكون صدق مراهقة
مثلا هالجيل
في ابتدائي وعندها بوي فرند على قولتها
يوم سمعت صفقة على راسي
يعنو شيئين يأثرون
العمر ومدى عاطفة المراءة
والمحيط اللي تعيش فيه!
اتمنى فهمت وش اقصد بالضبط
تقبل احترامي

 

[فوضى]

ففي هل الحاله انتي ممكن تقبلين زواج يكون تقليدي ?

نعم ​

 

[علي الحداد]

اقول انا كل واحد يحجز ليه وحده .... يقول الى امه .... أحسن من هل الخرابيط و خلاص .... و لا يجوز التكلم في التيلفون مع ابنيه قبل الزواج لانه حراام له خخخخ .... و شوكرن لكومم ..

 

[red❤heart]

شحوالكم انشاء الله زينين
جاية بكتب رايي في الموضوع
اول شي اني مو يا الزواج التقليدي ولا ويه زواج الحب بعد
ها عجل ويش اعلمكم الحين مع القعدة العزابية هههههههههه
بيه امزح

مو مهم شلون كان زواجهم ولا كانوا عن طريق النت ولا عن طريق الاهل ولا عن طريق جافها وحبها في النهاية زواج وحلااااال
لان هذي مو معايير للنجاح اصلن
معايير النجاح ان يكونون زوجين كفؤ في نفس المستوى العلمي والاخلاق وتكون الافكار متقاربة
مو مهم كيف الزواج المهم اين الحين حياتهم
​

 

[Mohammedz]

وصلت إلى أنها مراهقة متآخرة
لكن اللي امبي اقول
المراءة عادة عاطفيه!
وماانكر انها تتحمل جزء من هالغلط
ومو شرط تكون بعمر مراهقة متآخره !
يمكن تكون صدق مراهقة
مثلا هالجيل
في ابتدائي وعندها بوي فرند على قولتها
يوم سمعت صفقة على راسي
يعنو شيئين يأثرون
العمر ومدى عاطفة المراءة
والمحيط اللي تعيش فيه!
اتمنى فهمت وش اقصد بالضبط
تقبل احترامي

صح ان البنت تكون عاطفيه بس ممكن هل العاطفه تضيعها .. فالمفروض ان البنت تتحكم في عواطفها قبل لا عواطفها تتحكم فيها
مثل الشاب ..رغبته تتحكم فيه قبل لا يتحكم في رغبته
ففي هل الحاله نستنتج ان اذا الشخص ماسيطر على روحه قبل لا روحه تسيطر عليه ممكن يكون في موقف غلط ..
بمعنى اخر
ان حب الانترنت ممكن يكون صح اذا كان بالعقل وليس بالقلب و العاطفه
ويكون غلط اذا كان بالعاطفه
هذا بالنسبه للبنت