البنت اللي ماتلبس عبآية ~

[AL-MU’allim]

لا توجد وجهة نظر في لبس الحجاب فالحجاب واجب شرعي فهذا كلام لا يقبل النقاش حتى لو كانت عندها أخلاق عالية ولكن وجهات النظر تختلف في هذا الموضوع

 

[almas]

اتفق ويااكم .. العبايه لا تحدد الاخلاق .. و احنا اذا بنتعامل مع وحدة ما يهمنا اذا كانت متحجبة او لا .. لكن المتحجبة لها احترامها اكثر طبعا اذا كانت محترمة و عففه من الداخل و الخارج نفس ما قال msajin

 

[غصن شوك]

السلام عليكم ورحمه الله وبركاته
والصلاة والسلام على خير الأنام محمد وآل بيته الكرام
بسم رب العباد

الشكر موصول لصاحبة الموضوع
ونحمد الله على الهداية ونشكر الشخص الذي هداكِ للبس العباية ..

أولاً في البداية أقول ان الحجاب الشرعي ليس العباءة وليست " دفة الرأس "
يجب علينا أولاً معرفة الحجاب الشرعي الذي يتمثل في تغطية المرأة لجميع جسمها ماعدا الكفين والوجه
وهذا يتحقق في لبس الشيلة او الحجاب مع الملابس المحتشمة
وايضا مع الشيلة او الحجاب مع عباءة الكتف
وايضا يتحقق مع الشيلة او الحجاب مع عباءة الرأس

في النقطة الأولى التي هي لبس الملابس المحتشمة
في قناة المنار والعالم المذيعات لا يتردينا عباءة الكتف او عباءة الرأس
إنما ملابس محتشمة غير ملفت النتظر واسعه وغير مبهرجة

في النقطة الثانية وهي لابس عباءة الكتف
هناك عباءات سوداء تماماً وغير ملفته وواسعه ويمكننا ان نرى الكثير منها

وفي النقطة الثالثة .. يمكن لعباءة الرأس ان تكون بمثابة حجاب شرعي إذا لبست بالشكل المطلوب
اي عدم رفعها عن الساقين او انازلها على الكتف

انا لا احكم على الناس بمظهرها اي ( لابسة عباية او لا ) ولكن اذا كانت مو لابسة وثيابها لاتعليق اهني غصب عني اعلق عليها واحكم عليها يمكن احكام غلط بسبب مظهرها

والشيء الأهم أن الستر والعفة قناعه
والعباءة الزينبية يجب ان لاتلبسها اي فتاة
بل يجب على الفتاة التي تلبسها معرفة المسؤولية التي على عاتيقها
فهي رسالة بإنها تلبس العباءة الزينبية فقدوتها زينب بنت علي سلام الله عليها
فيجب عليها ان تتحلى بأخلاقها

انا لا ألبس عباءة الرأس " العباءة الزينبية " لاني لا أجيد التحكم بها واذا لبستها في الجامعه او مكان عام لا تكون ساتراً لي
انا ألبس عباءة الكتف واسعه وسوداء تماماً خالية من اي نقش او زخرفة
بالنسبة لي عباءة الكتف في الجامعه عملية جداً
ولكني لا أذهب للماتم او الحسينيات بها انما أذهب بـ " دفة الرأس "

لكل منا اسلوبه في الحياة وطريقة تفكيره ولكن يجب علينا مراعاة الضوابط الشرعية في حياتنا

عذراً على الأطاله
موضوع مميز

 

[Narcissist]

السلام عليكم

لمن يقول انها حرية شخصية او ما علينا منهم فهذا امر غير مقبول

اولا للاننا لسنا احرار فكلنا عبيد لله سبحانه وتعالى ولسنا احرار في ما نفعله ان كان عكس ما جاء به الدين ولبس الثياب غير جائز لان الدين قال غير ملفت واعطاه شروط
وثانيا شلون ما علينا منهم وقد شرع الله علينا فريضة الامر بالمعروف والنهي عن المنكر وهي كوظيفة الجهاد واجب كفائي ...واليوم لا احد يفعلها ما يعني انها واجبة على الجميع

بالنسبة لمسألة الحرية الشخصية كل واحد ووجهة نظره عن هالشي
و اني مقتنعة ان حساب كل واحد عند ربه و ماليي حق اتدخل في حياة احد

بس عن الأمر بالمعروف و النهي عن المنكر
يارييييت و ياريييت ان الي قاعد يصير ان الناس تأمر بالمعروف و تنهي عن المنكر
الناس ما عندها الا الخز و يتحجون و يعقرون على هالبنية الي ما تلبس العباءة و يطلعون عليها حجي !!
خاطري واحد منهم و يروح و يحاجيها على صوب بأسلوب لطيف هني اوكي اصلا بيكبر في عيني هالشخص
هم الا يسوونه يتحجون على البنية و يكسبون ذنوب

لا احد يتحسس من ردي اني مو قاعدة اقصد أحد معين بهالكلام بس هذا رايي
​

 

[msajin]

بالنسبة لمسألة الحرية الشخصية كل واحد ووجهة نظره عن هالشي
و اني مقتنعة ان حساب كل واحد عند ربه و ماليي حق اتدخل في حياة احد

بس عن الأمر بالمعروف و النهي عن المنكر
يارييييت و ياريييت ان الي قاعد يصير ان الناس تأمر بالمعروف و تنهي عن المنكر
الناس ما عندها الا الخز و يتحجون و يعقرون على هالبنية الي ما تلبس العباءة و يطلعون عليها حجي !!
خاطري واحد منهم و يروح و يحاجيها على صوب بأسلوب لطيف هني اوكي اصلا بيكبر في عيني هالشخص
هم الا يسوونه يتحجون على البنية و يكسبون ذنوب

لا احد يتحسس من ردي اني مو قاعدة اقصد أحد معين بهالكلام بس هذا رايي
​

اذا اين اصبح عندك جانب الامر بالمعروف و النهي عن المنكر ؟

لا ابدا احنا مو متحسسين من رايش ولا شي .... هذا موضوع نقاشي لازم نسمع راي بعضنا بعض

 

[rayoom]

ياما ناس مو مسترين ولبسهم الفصير اشرف واحسن من الابنيه المستره والمتبرقعه بعد
شرف الابنيه واخلاقها مو بالباس
انا البس عبايه بس بحكم تخصصي هندسة وزيارة مواقع البس جينز وشي طويل عادي بس اكيد العبايه احلى واستر

 

[ماث ستيودنت]

السلام عليكم ..

بغض النظر عن الاخلاق مع ان اللي عندها اخلا بتحتشم والللي يقول ياما ناس سفور و اخلاقهم زينة مثل اللي يقول انا اصوم بس ما اصلي ...
يعني ويش بلبس ثياب و شيلة و بطلع مع احترامي للجميع .. هي تعتبر لباس عرفة .. مثلا لين في لندن بتطون شاذة بالعباية فالمفروض تلبس ثياب .. بس في البلدان العربية ما في استر من العباية ..

وايد اشوف اللي يلبسون بس ثياب اياديهم تطلع للكوع و ساقينهم مفصلة بالبنطلون غير ان تبين معالم جسمهم فوين الستر ؟!

العباية الفضفاضة استر تخفي البدن و توحد شكل الجسم ...
​

 

[sadeq91]

- أولا : مو شرط اللي ما تلبس عباية ، ينظر ليها بمنظر الشك والريبة ..
- ثانيا : أنا ما أحب ان البنية تطلع بدون عباية ، وشخصيا ما راح أقبل اتزوج بوحدة ما تلبس عباية ( وأميل الى العباية الزينبية - يعني الدفة - ) ..

- ثالثا : في ناس واجد - ذكور يعني - عندهم عادي يشوفون بنية بدون عباية ، وما يعترضون ، لكن ما يرضون على بنتهم جذي ،،، وهذا دليل على ان هذا الشي يمس بالغيرة والعرض ،،

- رابعا : البالطوات المزكرشة والملونة ، فيها اشكال شرعي ، اذا كانت موجبة للنظر ، وتحتوي على ما يلفت النظر ، كما يقول جمهور الفقهاء ، وهذا رأي الاسلام ، والاسلام مو لازم يبرر ويشرح فوائد الحكم الشرعي و دوافعه ، احنا علينا نطبق احكام الشريعة فقط ، لأنها لمصلحتنا ،،


- خامسا : وجوب الحجاب الساتر عن ظهور الشعر ، أمر واجب لا اختلاف فيه ، وهذي البنية اللي تطلع شعرها ، ما أدري هل يرضى أبوها ان تكون بنته أداة للتفرج ، وسلعة رخيصة يفتتن بها من يراها في الشارع ..؟؟ البنت اللي ما تلبس حجاب ، هذي بنية في نظري ، مع احترامي ( تافهة ) ..


- أدعوا اخواتي الى التمسك بالعباءة الزينبية - الدفة - ، لأنها السد المنيع الذي يحمي المرأة من أشرار الإنس ،

 

[hlwlw]

البنية اللي ماتلبس عباية ممكن تكون أخلاقها أفضل من المتحجبة عادي ليش لا
اذا الغير مسلمين فيهم أخلااق أفضل من المسلمين فهذا شئ ممكن لكن كوجهه نظري
بكل صراحة ماتعجبني البنية اللي ما تلبس عباية
بسم الله الرحمن الرحيم
"وَلْيَضْرِبْنَ بِخُمُرِهِنّ عَلَىَ جُيُوبِهِنّ وَلاَ يُبْدِينَ زِينَتَهُنّ إِلاّ لِبُعُولَتِهِنّ "
الملابس زينة والله بتظل تلبس أسود ؟! خلها تلبس عباية أحسن !

 

[ام فراااس]

بالنهاية هل هذا حرام او جائز ان البنت ماتلبس ؟ يعني اذا كانت ملابسها ساترة
هل يجوز انها ماتلبس ؟؟

اول شي انا انحطيت في نفس موقفج ان البنت الي تلبس ثياب اقل احترام من اللي تلبس عباية هذا الشي مو صحيح و ما أأيد اي احد يفكر بالهالطريقة واعتبره محدود التفكير لان شتان ان يكون وجود الدفة او عدمها هو اللي يحدد اخلاق و سمعة البنية الا في حالة كانت الملابس غير ساترة للجسد وو ضيقة فهذا شي ثاني و ياما جفنا بنات متسترات و اخلاقهم تحت و ياما جفنا بنات ما يلبسون حتى الشيلة و سمعتهم فوق السحاب فما اعتقد العباية هي اللي تحدد نوعية الشخص ومن ناحية ان حرام دام الملابس ساترة و ماتلفت ف لااا مو حرام وبس هذا رأأي الشخصي

 

[Mohammedz]

حلو الموضوع ووايد نشوفه في الشارع والمجمعات خاصة
ولكن انا في عندي مثل او قانون خله نقول

مو كل بنت لبست عباية يعني ( سيدة )
ولا كل بنت طلعت بكشختها يعني ( مب سيدة )

السؤال اللي انا ابي البنات يجاوبون عليه

شالفرق بين المظهر الخارجي ( اللبس والكشخة ) وبين المخفي الداخلي ( الاخلاق ،السنع )
طبعا السؤال يشمل جميع النواحي المتعلقة بالموضوع


تحياتي لكم
​

 

[النبض الخفي]

اهلييييييين
من ناحيتي
العباية حشمة ووقار لاكن ماتقدر تحكم علا شخص من شكل خارجي بس في بعض الاحيان ادا جه شي مبالغ فيه هني بالش يروح بعيييد !

 

[RA7OoOBA]

أصلاً ليش ما تلبسون عباية.. ؟
وعلى أساس شنو..؟

ولا تقولين مسترين ومو مسترين..
احنا نعرف الملابس شلون..
والتفنن بالألوان والحركات..

 

[Z.E.E.Z]

من وجهة نظري , بعيدا عن " ياما بعبايه ومو زينين , وناس بدون عباية وزينين " !
احنا لازم نطمح لشي احسن ونرتقي , مو نعفس صوب ونداوي صوب ..
ماشفت لحد الان الا عدد جدا قليل وينعد على الاصابع من اللي مايلبسون عباية وثيابهم مسترة !
اذا صار القميص طويل , الجينز سكني ويفصل ! اذا مو الجينز سكني نشوف القميص مرفع والايادي نصها طالعه , اذا مو الايادي قميص لفوق الركبة !
هاي غيير عن الالوان الغير فييشن .. !

مافي على العباية الكشخة الواسعه اللي فيها تطريز او قطعه او دانتيل واسود طبعاً ,, عكس الثياب الفلاشات اللي تلفت النظر لكل من هب ودب

 

[Right to Cry]

اممم مادري عادي بس اي بنت قبل لا تسوي هالشي خل تحاسب نفسها لان يمكن تبرجها هذا يلفت أنضار الناس خصوصاً الشباب فهي فهالحالة توسع مشكلة عدم غض البصر يعني الصبي مثلاً اذا كان في بيئة معزولة مثل القرية ما شاف قدامه بنات جدي يمكن يخجل يطالع بس بعدين يدش الجامعة ويشوف كل البنات جدي ويتعود وتصير النظرة عنده عادية ولا يفتكر ,

وبالنسبة لي انا اذا تمر علي وحده محتشمة ومهتمة بمظهرها الأسلامي استحي ارفع راسي واطالعها احتراماً لرغبتها بينما الي يتبرجون احس يبون الناس تطالعهم


فكر أنا خوف

 

[yagmur]

االعـــبإأيية افضل وإأفضل

لان تستر البنت
اما ادا بنية عبايتها كانها حفلة او جلابية انصحها تلبس ثياب استر لهإأ ,,

 

[yagmur]

اممم مادري عادي بس اي بنت قبل لا تسوي هالشي خل تحاسب نفسها لان يمكن تبرجها هذا يلفت أنضار الناس خصوصاً الشباب فهي فهالحالة توسع مشكلة عدم غض البصر يعني الصبي مثلاً اذا كان في بيئة معزولة مثل القرية ما شاف قدامه بنات جدي يمكن يخجل يطالع بس بعدين يدش الجامعة ويشوف كل البنات جدي ويتعود وتصير النظرة عنده عادية ولا يفتكر ,

وبالنسبة لي انا اذا تمر علي وحده محتشمة ومهتمة بمظهرها الأسلامي استحي ارفع راسي واطالعها احتراماً لرغبتها بينما الي يتبرجون احس يبون الناس تطالعهم


فكر أنا خوف

ههههههههه
مالك حل ..
اي صح كلامك +1


إأهم شيء البنت تكون محترمة ومحتشمة واللي تلبس عباية وتكون واسعة شوي موب ضاغطة ع جسمهإأ إأستر لها واحسن واريح
عشان ما تفصل جسمهإأ ...
خصوصا ف الجامعه ... تجوف اشكال وانواع
انه البنات اللي يلبسون ثياب يلفتون النظر ... ما يعجبؤوني . إأحسهم يقولون للصبيان طالعوني ...
يلفتون النظر ؤؤوإأيييد ... حتى لو كانت محترمة بنت ف الجامعه خلها شوي تصير رزينـة

وسلآإمتكم .. , !

 

[Right to Cry]

بصراحة بالنسبة لهالاموضوع انا قبل لا ادخل الجامعة كنت حدي الفريق والقرى لا اروح مجمعات ولا منتزهات وغيره حدي اشوف مرة لابسه (دفه)(عباية)

بس يوم دشيت الجامعة صراحة وانفتحت على الدنيا شوي شفت بنات وفي مجتمع عربي + مسلم يلبسون ملابس

تفصل تبين ملامح الجسد ضيقه والي أخس الي يلبسون صرروال نفس جحا

اللهم لا تحاسبنا بما فعل السفهاء منا

 

[T00ma]

سلاام عليييييييييكم

هالموضوع اذا انفتح صعب ينصك هههههه
وجة نظري ان مافي اي مشكله ولا حرااام ان البت اللي تطلع بدون عبايه اذا كانت محتشمه بملابسها
وطبعا الافضل والاحسن والاريح العبايه ومافي اي مشكله اذا طلعت البنت بدون عبايه اذا كان ملابسها مستره

 

[s'hawra]

اييييه خوش موضوع

طبعا مثل ما قالوا الاغلبية مو العباية هي الي تحكم شخصية البنية

اني عن نفسي ما ارتاح لما البس عباية لاني حركية وجد

اهم شي الستر والله راضي عني