ذكرياتكم في طريق اخذ الليسن ^_^

ايه.. أخيرا أقدر أكتب شي عدل اهني :RpS_lol:
بديت تدريب سياقة.. وأحس بعلة في قلبي، حتى مو قادرة أستانس :Tears:
طبعا في حياتي مو مجربة أسوق:icon31:.. أول يوم خلتني أروح البحر عشان أدور في البراحة ومن البحر رجعت البيت طبعا المسافة كلش كلش قصيرة.
ثاني يوم.. وعلى الرغم إني ماعرف أسوق نهائيا خلتني أسوق من البيت للمدرسة اللي هي نسبيا بعيدة عنا. أسوق وأني ميتة خوف.. أقول لرفيقتي انصدمت! هل من الطبيعي يكون التدريب جدي لو ويش ؟ وفوق ما أني خايفة أنزف إذا ما عرفت شي.. لو ما الحاجة لليسن جان استسلمت من الحين:icon1366:

شوي شوي بتتقنين الموضوع.

الا مستغرب منه ان احين السياقة بفري قير،
يعني المفروض القلق يخف بشكل كبير​
 
مره من مرات التدريب وفي مدرسة تدريب السياقة
كانت طالعة من المخرج مال بركات المدربين وعقب ما نطلع في طريق في انحناء شوي عاد اني كانت خايفة افر السكان شويه على اليسار وادخل في المسار الثاني وخايفة اظل سيده وادعم في الرصيف وفعلا دعمت في الرصيف قصدي حكيته شوي وكان في حداديد مادري سياج < طبعا ما كان قصدي وحصلت زف محترم من المدرب

وأول ساعة لي وي الفري قير كانت متعودة على الكلاج عاد المدرب حزته ما قال لي واني ما ادري وما اعرف ليه ولا شنو الفرق بينهم جان ادوس البترول باليمين والبريك باليسار كانت احسبه كلاج وحزته بعد حصلت لي زف وضليت فتره كل مره بجي امشي ينبهني بس برجول اليمين واليسار بعديه لين اتعودت على الوضع
هل اشياء اله نذكرها ونضحك.. ايام كنت اقول ما ابغي اذكر شي منها لكني اشاركها هنا وانا اضحك على نفسي :smile2:
 
مره من مرات التدريب وفي مدرسة تدريب السياقة
كانت طالعة من المخرج مال بركات المدربين وعقب ما نطلع في طريق في انحناء شوي عاد اني كانت خايفة افر السكان شويه على اليسار وادخل في المسار الثاني وخايفة اظل سيده وادعم في الرصيف وفعلا دعمت في الرصيف قصدي حكيته شوي وكان في حداديد مادري سياج < طبعا ما كان قصدي وحصلت زف محترم من المدرب

وأول ساعة لي وي الفري قير كانت متعودة على الكلاج عاد المدرب حزته ما قال لي واني ما ادري وما اعرف ليه ولا شنو الفرق بينهم جان ادوس البترول باليمين والبريك باليسار كانت احسبه كلاج وحزته بعد حصلت لي زف وضليت فتره كل مره بجي امشي ينبهني بس برجول اليمين واليسار بعديه لين اتعودت على الوضع

يفترض الفري قير تكونون عارفين ليه أكثر من القير العادي لانه شغلته سهلة كلش
 
ايه.. أخيرا أقدر أكتب شي عدل اهني :RpS_lol:
بديت تدريب سياقة.. وأحس بعلة في قلبي، حتى مو قادرة أستانس :Tears:
طبعا في حياتي مو مجربة أسوق:icon31:.. أول يوم خلتني أروح البحر عشان أدور في البراحة ومن البحر رجعت البيت طبعا المسافة كلش كلش قصيرة.
ثاني يوم.. وعلى الرغم إني ماعرف أسوق نهائيا خلتني أسوق من البيت للمدرسة اللي هي نسبيا بعيدة عنا. أسوق وأني ميتة خوف.. أقول لرفيقتي انصدمت! هل من الطبيعي يكون التدريب جدي لو ويش ؟ وفوق ما أني خايفة أنزف إذا ما عرفت شي.. لو ما الحاجة لليسن جان استسلمت من الحين:icon1366:

سالفة الزف عادية تعودو عليها

لازم بتخليش تسوقين برى عجل جيفة بتتعلمين ؟ و الموضوع جدا بسيط بس يتطلب ثقة في النفس وي الوقت بتاخدين خبرة
 
سالفة الزف عادية تعودو عليها

لازم بتخليش تسوقين برى عجل جيفة بتتعلمين ؟ و الموضوع جدا بسيط بس يتطلب ثقة في النفس وي الوقت بتاخدين خبرة
مادري بس على كلام البنات مو من البداية جدي، وهالشي خوفني أكثر.
 
مادري بس على كلام البنات مو من البداية جدي، وهالشي خوفني أكثر.
القواي يخلونهم من اول او ثاني مرة :smile:.. هو يعتمد على المدرب شخصيا ما استفدت واجد من انه امشي من البيت الى المدرسة :nosweat:.. الشغلة بس انه تتشجعين وحطي بالش للرصيف XD رسبت 3 مرات بسبة القوانين.. حطي بالش للقوانين وبتنجحين:RpS_tongue: اشوف اكثر شي يرسبون بسبة الريوس والقوانين :nosweat: ولا تيئسين من التدريب تره السياقة اعقب اسهل و امتع :smile2:
 
قاعدة أفرفر في المنتدى ولفتني الموضوع بصراحة..
غريبة أنّي للحين ما كتبت فيه. :hysterical:


بصراحة.. أيّام التدريب كانت من أسوأ أيّام حياتي. ما ظنيت أخلّص.
بس عن خاطري بتكلّم عن المعاناة اللي واجهتها :999:
القصّة طويلة، بدأت من البحث عن مدرّبة، وأذكر دلّتني @إيقاع على مدربة، وصار جانسي وياها.
من ثمّ البحث عن موصّلة تاخذني وتجيبني من الديرة، ولازم عندها ترخيص - كانت فترة الحصار - لأنّ الوالد ما كان يقدر يتولى هالمهمّة.

كان هالشي خلال عام 2016، شهر 10 أو 11 شي جدي.

كان جدولي هذاك الفصل، 6 مواد، UTH، أروح من الساعة 9، أخلّص الساعة 5 (ما عدا الخميس كان دوامي أقل)، كل وحدة ليها متطلباتها، لدرجة أنّ وحدة منهم كنت أقرأ الكتب مالها PDF في الطريق أو لمّا كنت أنتظر المدرّبة في الاستراحة! كنت أروح وعقلي مشغول شلون أرتّب وقتي ووو..
استغليت كوني في MW فاضية طبعًا، وكان هالشي على حساب راحتي، كنت واجد واجد واجد أتعب نفسيّا، ضغط جامعي، ترتيب أوقات عفسة، فشل نسبي في تعلّم السياقة، مشاعري كانت سلبية بعد هذيك الأيّام، فوق هذا اللي توصّلني في الرّجعة هي مرتبطة بروضات ومعلّمات، في أكثر المرّات اضطريت أتنازل وأبقى وياها في السيارة لأكثر من ساعة إضافيّة ليما أوصّل للبيت. أرجع دايخة غالبًا، ما أقدر أنجز، أتغدى وأنام بس. فضلًا عن هذا، أختي أمواج كانت تتدرّب مثل الفترة، وما كانت تعاني، وكان الشي أشبه بالمنافسة والمقارنة، كنت ما أحبّ إطلاقًا لمّا يقول ليي أبويي مثلًا: إن مدربتش ما تاخذش واجد، ماتخلّصش بسرعة تاخذش بس يومين؛ لأنّ كنت أحسّ من الظلم إلقاء اللوم عليها وأني اللي كان جدولي ما يسمح أحيانًا، وما إلى ذلك.
مجرّد تذكّر مشاعري هذيك الأيّام تحسسني بعوار قلب. :RpS_crying:

مرّة من المرّات.. انهرت نفسيًّا بمعنى الكلمة. كنت بطلع في واحد من دوارات المدرسة، وضربت التاير، ما عصّبت المدربة تمامًا، بس كانت تقول ليي: الله يسامحش وش سويتين وما أدري وش. تأنيب من الزّين يعني بدون صراخ، وأني كنت خايفة من الموقف أصلًا، ظلّت إيدي ترتجف، كان هالموقف على نهاية تدريب هذاك اليوم، حتّى إنها ساقت عنّي قامت تلفّ السكان وجدي ليما وصلنا صوب الاستراحة محل اللي توقّف، أني كنت نصّي مو في وعيي، صحت صيحة المخنوق عبرته، كلما كنت أمبي أسكت مو قادرة، كتمة، :cryn::cryn: وهي تحاول تسكتني وخلتني أشرب ماي، وتسألني عن سبب الصياح، تقول ليي ما عليه أني اتصلت لما أدري من وبيجوف، وتقول ما صار شي، وما أدري وش، وأني ما أقدر أتحجّى يالله قدرت أقولها ليها وتسمعني: "لأنّ ما بنجح". :Tears:

وآخر شي هدّيت ومشيت. الموصلة جافت حالتي كنت أقاوم بقايا الصيحة وما جاوبتها فحسّت أنّ صاير موقف وي المدربة ما أمبي أقوله. :RpS_lol::RpS_lol:

المهم، مشّت ويايي المدرّبة ساعاتي، قصّيت تراي في النهاية، بس كنت شبه واثقة إذا ما كنت واثقة أنّي ما بنجح، :hysterical:
أوّل تراي رسبت من داخل، وزين ما دعمت أصلًا وي الشرطية. كنت أتدرّب في سيارة تختلف عن سيارة المرور، كانت سيارة المرور خفيفة جدًّا بالنسبة ليي. :smile: كان عندي واجد أخطاء.
فحزّتها كنت أمبي شغلة وحدة: أنّي أرجع من التراي بسلام.. بس. :LOOOL:
رسبت طبعًا وعطتني 7 ساعات تدريب :AN3: - كنت مخلصة ساعة واحدة زيادة -.
شرحت للمدربة أكثر عن مشكلتي ووش صار، وكنت أسألها إذا عادي أغيرها، اتقبّلت الموضوع، وبالعكس مع الكلام هي حوّلتني على مدرّبة ثانية كانت سيارتها مثل سيارة المرور، وأخذت الدفتر حق تعطيها إياه - كانت رفيقتها لأنّ - وورقة الرسوب والأخطاء وما أدري وش.

لمّا صرت مع المدربة الثانية كنت مرتاحة أكثر. اتمكنت من القيادة بسلاسة أكثر، وكنت منفتحة وياها أكثر. اممم في النهاية عدّت على خير، بس مع الأسف التراي الثاني رسبت برّه. :AN12:

التراي الثاني، اللي صار أنّ فجأة قرّرت الشرطيّة أنّ أروح على دوار الفخار دبل يسار بدل ما تدخّلني على داخل الديرة صوب المجمع وهاي. فما أدري وش صار أصلًا فجأة :RpS_huh: خربطت في التجاوز، في الدوار، ورجعت الإشارة دبل يسار أوكي. قالت ليي الشرطية إنها تسامحت ويه أخطائي داخل وطوّفتني بس ما تقدر تنجّحني برّه. :smile::RpS_lol::RpS_lol: كتبت 6 ساعات إضافية.

المدربة استنكرت، وحتّى يوم أخبرها استغربت أنها ودتني على دوار الفخار - عادةً يكون زحمة ما يودون بس على حظي :hysterical: - ومع أنّ المفروض أعرف يعني. وبالفعل سقته صح ويه المدرّبة أكثر من مرّة وودتني ملافف في الديرة وفي المدرسة ودرّبتني أكثر على البارك. بصراحة كان الجو حليو مال يوم مطر ومبطلين الدرايش والهوا يهبّ، وكانت أوّل وآخر مرّة أتدرّب في فترة عصر.. كان أجمل يوم تدريب بحياتي. :RpS_love: وأني أوردي قلت ليها ما بتدرّب البقيّة، بس كفاية وهي جافت أنّ ما أحتاج بعد، دفعت قيمة الساعات، بس هي درّبتني بعد تقريبًا حوالي ساعة أو أكثر قبل ما أدش الامتحان.

طاف التراي الثالث بسلام. مع أنّ الشرطية كانت تملل وعجولة. :RpS_lol: حتّى البارك هي وقفت ليي السيارة محل اللي لازم ألف السكان كامل وأدش وجدي. :RpS_blink:


وبس.. خذيته في شهر ديسمبر.







يا ربّ ما أدري متى بتخلّص من الكتابة بطريقة الرواية.. أحسّ واجد مأثّر عليي. :LOOOL:
 
الأصدار الأول ل رخصة تعلم السياقة (الكجه ) كان 19-5-2014
في طريقي ل آخذ الليسن ولحد لأن وللأسف رسبت 3 مرات

عاد فتحت الدرج وطاحت عيوني على الدفتر والأوراق مال الرسوب قلت خل أشوف التواريخ والأخطاء اللي من دهر ارتكبتها ونسيتها
الأمتحان الأوال كان 2015 شهر 4
الأخطاء مرقمين من 1 ل 7 :whistle:
وطبعا حزتها كنت حزينه واللي زاد حزني رد فعل أبوي وانتقاداته لي

طبعا الكجة مر عليها سنه جددتها ورحت خذيت موعد ل الأمتحان الثاني
الأمتحان الثاني 1-6-2015 اذكر كان قبل ناصفة شعبان(مولد المهدي ) بيوم لو يومين
في ورقة الرسوب قلة الأخطاء حسبتهم وعددهم 5

الأمتحان الثالث 2015 شهر 8
والأخطاء 3

وحااليا الكجة منتهيه من 18-5-2016

وطبعا الكجه ما كنت بحصلها لو ما ظليت احن
وحتى التدريب

ومن عقب الأمتحان الثاني تصرفت بروحي وقمت بدلت المدرب وأبوي ما رضى عن هالتصرف كان مسفر
وخلاص المدرب الثاني ما اعتقد بتدرب وياه
والأوال أحس روحي متفشله أرجع وياه لأنه يعرف أبوي وما كملت وياه ورحت لمدرب ثاني
وسالفة اني أروح ل مدربة ثالثة أحس صعبه أو يمكن ما يقبلون فيها
وخلاص من ذاك اليوم(آخر امتحان ) تعبت ولاعت جبدي واضايقت وقررت أنه إذا بتدرب يكون وي مدربه مره -عاد إن شاء الله أحصل- عقب ما أتخرج ويكون الوضع عادي انه أغير المدرب للمره الثالثه
وبين فتره وفتره أمي تفتح هالسالفة واضايق
 
التعديل الأخير:
قاعدة أفرفر في المنتدى ولفتني الموضوع بصراحة..
غريبة أنّي للحين ما كتبت فيه. :hysterical:


بصراحة.. أيّام التدريب كانت من أسوأ أيّام حياتي. ما ظنيت أخلّص.
بس عن خاطري بتكلّم عن المعاناة اللي واجهتها :999:
القصّة طويلة، بدأت من البحث عن مدرّبة، وأذكر دلّتني @إيقاع على مدربة، وصار جانسي وياها.
من ثمّ البحث عن موصّلة تاخذني وتجيبني من الديرة، ولازم عندها ترخيص - كانت فترة الحصار - لأنّ الوالد ما كان يقدر يتولى هالمهمّة.

كان هالشي خلال عام 2016، شهر 10 أو 11 شي جدي.

كان جدولي هذاك الفصل، 6 مواد، UTH، أروح من الساعة 9، أخلّص الساعة 5 (ما عدا الخميس كان دوامي أقل)، كل وحدة ليها متطلباتها، لدرجة أنّ وحدة منهم كنت أقرأ الكتب مالها PDF في الطريق أو لمّا كنت أنتظر المدرّبة في الاستراحة! كنت أروح وعقلي مشغول شلون أرتّب وقتي ووو..
استغليت كوني في MW فاضية طبعًا، وكان هالشي على حساب راحتي، كنت واجد واجد واجد أتعب نفسيّا، ضغط جامعي، ترتيب أوقات عفسة، فشل نسبي في تعلّم السياقة، مشاعري كانت سلبية بعد هذيك الأيّام، فوق هذا اللي توصّلني في الرّجعة هي مرتبطة بروضات ومعلّمات، في أكثر المرّات اضطريت أتنازل وأبقى وياها في السيارة لأكثر من ساعة إضافيّة ليما أوصّل للبيت. أرجع دايخة غالبًا، ما أقدر أنجز، أتغدى وأنام بس. فضلًا عن هذا، أختي أمواج كانت تتدرّب مثل الفترة، وما كانت تعاني، وكان الشي أشبه بالمنافسة والمقارنة، كنت ما أحبّ إطلاقًا لمّا يقول ليي أبويي مثلًا: إن مدربتش ما تاخذش واجد، ماتخلّصش بسرعة تاخذش بس يومين؛ لأنّ كنت أحسّ من الظلم إلقاء اللوم عليها وأني اللي كان جدولي ما يسمح أحيانًا، وما إلى ذلك.
مجرّد تذكّر مشاعري هذيك الأيّام تحسسني بعوار قلب. :RpS_crying:

مرّة من المرّات.. انهرت نفسيًّا بمعنى الكلمة. كنت بطلع في واحد من دوارات المدرسة، وضربت التاير، ما عصّبت المدربة تمامًا، بس كانت تقول ليي: الله يسامحش وش سويتين وما أدري وش. تأنيب من الزّين يعني بدون صراخ، وأني كنت خايفة من الموقف أصلًا، ظلّت إيدي ترتجف، كان هالموقف على نهاية تدريب هذاك اليوم، حتّى إنها ساقت عنّي قامت تلفّ السكان وجدي ليما وصلنا صوب الاستراحة محل اللي توقّف، أني كنت نصّي مو في وعيي، صحت صيحة المخنوق عبرته، كلما كنت أمبي أسكت مو قادرة، كتمة، :cryn::cryn: وهي تحاول تسكتني وخلتني أشرب ماي، وتسألني عن سبب الصياح، تقول ليي ما عليه أني اتصلت لما أدري من وبيجوف، وتقول ما صار شي، وما أدري وش، وأني ما أقدر أتحجّى يالله قدرت أقولها ليها وتسمعني: "لأنّ ما بنجح". :Tears:

وآخر شي هدّيت ومشيت. الموصلة جافت حالتي كنت أقاوم بقايا الصيحة وما جاوبتها فحسّت أنّ صاير موقف وي المدربة ما أمبي أقوله. :RpS_lol::RpS_lol:

المهم، مشّت ويايي المدرّبة ساعاتي، قصّيت تراي في النهاية، بس كنت شبه واثقة إذا ما كنت واثقة أنّي ما بنجح، :hysterical:
أوّل تراي رسبت من داخل، وزين ما دعمت أصلًا وي الشرطية. كنت أتدرّب في سيارة تختلف عن سيارة المرور، كانت سيارة المرور خفيفة جدًّا بالنسبة ليي. :smile: كان عندي واجد أخطاء.
فحزّتها كنت أمبي شغلة وحدة: أنّي أرجع من التراي بسلام.. بس. :LOOOL:
رسبت طبعًا وعطتني 7 ساعات تدريب :AN3: - كنت مخلصة ساعة واحدة زيادة -.
شرحت للمدربة أكثر عن مشكلتي ووش صار، وكنت أسألها إذا عادي أغيرها، اتقبّلت الموضوع، وبالعكس مع الكلام هي حوّلتني على مدرّبة ثانية كانت سيارتها مثل سيارة المرور، وأخذت الدفتر حق تعطيها إياه - كانت رفيقتها لأنّ - وورقة الرسوب والأخطاء وما أدري وش.

لمّا صرت مع المدربة الثانية كنت مرتاحة أكثر. اتمكنت من القيادة بسلاسة أكثر، وكنت منفتحة وياها أكثر. اممم في النهاية عدّت على خير، بس مع الأسف التراي الثاني رسبت برّه. :AN12:

التراي الثاني، اللي صار أنّ فجأة قرّرت الشرطيّة أنّ أروح على دوار الفخار دبل يسار بدل ما تدخّلني على داخل الديرة صوب المجمع وهاي. فما أدري وش صار أصلًا فجأة :RpS_huh: خربطت في التجاوز، في الدوار، ورجعت الإشارة دبل يسار أوكي. قالت ليي الشرطية إنها تسامحت ويه أخطائي داخل وطوّفتني بس ما تقدر تنجّحني برّه. :smile::RpS_lol::RpS_lol: كتبت 6 ساعات إضافية.

المدربة استنكرت، وحتّى يوم أخبرها استغربت أنها ودتني على دوار الفخار - عادةً يكون زحمة ما يودون بس على حظي :hysterical: - ومع أنّ المفروض أعرف يعني. وبالفعل سقته صح ويه المدرّبة أكثر من مرّة وودتني ملافف في الديرة وفي المدرسة ودرّبتني أكثر على البارك. بصراحة كان الجو حليو مال يوم مطر ومبطلين الدرايش والهوا يهبّ، وكانت أوّل وآخر مرّة أتدرّب في فترة عصر.. كان أجمل يوم تدريب بحياتي. :RpS_love: وأني أوردي قلت ليها ما بتدرّب البقيّة، بس كفاية وهي جافت أنّ ما أحتاج بعد، دفعت قيمة الساعات، بس هي درّبتني بعد تقريبًا حوالي ساعة أو أكثر قبل ما أدش الامتحان.

طاف التراي الثالث بسلام. مع أنّ الشرطية كانت تملل وعجولة. :RpS_lol: حتّى البارك هي وقفت ليي السيارة محل اللي لازم ألف السكان كامل وأدش وجدي. :RpS_blink:


وبس.. خذيته في شهر ديسمبر.







يا ربّ ما أدري متى بتخلّص من الكتابة بطريقة الرواية.. أحسّ واجد مأثّر عليي. :LOOOL:
أختي لو سمحتين كتبي اسم المدربة الثانية اللي دربتش و رقمها
 
أختي لو سمحتين كتبي اسم المدربة الثانية اللي دربتش و رقمها


اسمها ميرزية أو شي چدي ما أعرف اللفظ بس بالكنية تكلمينها كفاية
أم عبدالله.
٣٨٨٦٥٧٨٢
 
نسيت اكتب قصتي رغم انها جت متاخرة :nosweat:

حصلت الليسن من فترة ليست بالطويلة وبعد ثلاث مدربين
كان الليسن المعاناة الاكبر في حياتي بسبب الارتباك او الخوف وصراخ المدربين وكثرة الضغوط وضرب البريكات القوية بداية التدريب حتا المدرب باقي اشوي ويحولني وكان مجموع اللي تدربت وياهم ثلاثة اسوأهم الثاني وكان المرتفع ماساة ايام القير العادي وما نجحت الا بطلعه الروح في التراي السابع القير الاوتوماتيك تاريخ 26-3-2015 صدق حسيت بطعم الفشيلة رغم اني كنت اسوق عدل في الشارع بس هم اعترف الريوس للحين ضعيف فيه :RpS_glare:

على سالفة أنه اغير المدرب ل المره الثانية في مشكله لو عادي ؟ وشنو الآجرآت ؟ ويش نسوي ؟
إذا أحد عنده فكره ويقدر يفيدني

للعلم الكجه منتهيه من مايو 2016 :nosweat:
 
على سالفة أنه اغير المدرب ل المره الثانية في مشكله لو عادي ؟ وشنو الآجرآت ؟ ويش نسوي ؟
إذا أحد عنده فكره ويقدر يفيدني

للعلم الكجه منتهيه من مايو 2016 :nosweat:

انا ما اذكر عدل لانه من زمان بس كانه تروحين لإدارة المرور تخبرينهم انش ما تبين المدرب وتبين تغيرينه، اذا عندش مدرب جاهز تختارينه او هم يشوفون اي مدرب عنده مجال وغصبا عنه يدربش
 
شيبنا على هالسوالف :RpS_sleep:
القصة بإختصار .. قصيت الكجة 28/9/2013 و عطوني المحاضرة بعد شهر، المدرب ما عورت راسي في إتصالات ولا شي
كان خالي يتدرب عند واحد قلت ليه إذا خلصت قول ليه يدربني بعدك :RpS_lol:
اشوه ما طول واجد .. في حدود شهرين بديت أتدرب
طبعاً شرط المدرب أن الساعة يحسبها عن ساعتين .. أهم شي اخلص وأفتك :detective2:
خلصت 10 ساعات وقصيت تراي .. وأنصميت بمرور شكله مو متريق الصبح :mellow:
حسسني أن اول مرة اسوق منقهر على كلشي وعافس روحه :RpS_huh:
اللي قهرني كاتب أنا واقف في الدوار وهو اللي ضارب بريك :RpS_glare:
رد تدربت 5 ساعات - بدل 10 - وقصيت تراي مرة ثانية ..
والحمد لله حتى 10د ما أخدت وانا مخلص أموري وطالع بالليسن تاريخ 24/3/2014 :99:
و من اليوم اللي بعده بديت مزاولة عملي كسواق :RpS_lol:


مدري ليش الكل يحصل الليسن اوقات متاخره اني الحمد لله شهر تدربت والشهر الثاني التراي والحمد لله توافيق من رب العباد .
لدرجه الممتحنه حبتني وكانت مشغله اغاني ! بما انه م لي بالاغاني يعني مو من صوبي واهم شي تصبح عليي وتسولف واني عاد بعد الابتسامه شاقه البوز لوينه ومن درت اني ليي بالقانون وكنت ادرس وجذي اوه خافت الادميه ع روحها بما انه اول م ركبت كانت شويه مبرطمه مدري ع ويه بالنهايه قالت ليي ناااجحه استاننننسي واني مدري لاويش مبوزه يمكن ع سوادت وجها يوم تشغل الاغاني .
 
ما أذكر من أيام التدريب إلا عقدتي المستمرة ويا دوار الساعة👎🏻👎🏻
يا إنه فيه شيء غلط أو أني مو فاهمتنه 😂
 
ما أذكر من أيام التدريب إلا عقدتي المستمرة ويا دوار الساعة👎🏻👎🏻
يا إنه فيه شيء غلط أو أني مو فاهمتنه 😂

دوار الساعه فيه شي غلط المفروض يسسون اشارات مثل اشارات دوار سوق واقف يصير ارتب ويقلل الحوادث .
بما اني اطوووف عليه واايييد اللي جاي من مدينه عيسى ووو ... يجوف الشارع خالي ويطوف يتفاجا من السيارات اللي يايه من الطرف الاخر تطلع عليه يا ولد الجميله او يا بنت الجميل تجوفين يا الحلوة سياره يايه بالدوار مستنه اذا قربت صوبك تطلع بنص الدوار لييييييييه !! يمكن عشان يراوينا حسناته 😊

وبالخصوص اللي بيروح يسسار ويجود لينا يمين هاي مال ربااااااااط وطق لمده اسبوع كامل ومن جذي الحوادث نجوفها بكثره واغلب اللي يسسون هالحركه الهنود البنغاليه والبنيات الجميلات اللي توهم محصلين ليسسن 😒😒😒

علما السياقه يبين لها فن مو كل من حمل ليسن قال بمشي 🙄🙄
 
ذكرياتي كانت هادئة قصيت الكجة وبسرعة حصلت مدرب كان يدربني بسرعة فخلصت ٢٢ ساعة في لمح البصر بس وقت لتراي أتخسبق في الرابع نجحت داخل بس والخامس نجحت برى ههههه
 
عودة
أعلى أسفل