ذكرياتكم في طريق اخذ الليسن ^_^

[زينات]

نسيت أقول طلعت ليي سيارة جديدة وقمت أروح بها الشغل مسافة ربع ساعة هههه

 

[فتاه الامل]

هم موضووع حلو
ایام التعلیم کانت ذکریات
کنت وئ المددب ف السیاره
تونا بنطلع م المدرسه
و انئ سسسیده جیت بدوس ریسس الا هو ضرب بریک یققوولل حاسسسبئ له
ماچفت السیایر الجایه
بس اخذت اللیسن و الحمدلله
لکن ف الجامعه مسستحیل ماکنت ابرکن ف البارکات اللئ فیها سیایر صوب بعض ( مشکلتئ کانت التبرکن الا ف البارکات الفاضیییه )
ف کنت اروح م وکت عشان ابزکن عدل و ف الظلال

 

[evan]

انا اول ما اختبرت , خلاني الممتحن اسوق بسرعة 80 وانا داخل المدرسة

وعقب طلعنا على شارع رئيسي وغصبني أسوق بسرعة 100 وفوق ف شارع سرعته 80

بس الحمدلله نجحت

 

[غريبة الدار]

اني ما توقعت أنه برجع ل هالموضوع

ولكن تشجيع ابو العيال
رجعت ل الموضوع من الصفر كون أنه مضت سنوات على اخر تدريب واخر امتحان وحتى الكچه انتهت
ف كان على گير (قير )عادي
ويا مدربه لطيفه صبوره وما ترفع صوتها لو غلطت
رسبت في أول امتحان كان 20-6-2026 بسبب الخوف والتوتر وما كنت استخدم السگنير
طلب مني الممتحن ابركن السياره بالريوس و عقب اخذ لفه كامله ( اكوع )

الامتحان الثاني2-7-2026 بسبب الظروف اضطربت اخذ ولدي الصغير وياي ويبدوا أنه الممتحن لما شافني حامله ولدي ما عجله الموضوع وكان متحجج أخذته وحده وقت اللي صار دوري وكان يصيح يصيح نفس الطلب ارجع ابركن بالريوس و اخذ دوران كامل (اكوع ) كان صوت ولدي يصيح في اذوني ف كلش كنت متوتره وبالي وياه وبندت علي السياره مرتين

الامتحان الثالث يوم الخميس 23-7-2026 كنت متفائله ومتحمسه واقول ل روحي الثالثه ثابته و حاطه في بالي على أساس بيكون نفس قبل اهم شي بارك الريوس والدوران الكامل (اكوع ) لو كان مكان ضيق
وقبل الامتحان بساعتين اخذت تدريب ويا المدربه وعقب ودتني ل الامتحان
طلع السالفه غير الممتحن يسوالف واجد سألته اي اتجاه اروح قال لي يمين وهو اصلا ممنوع اتجاه معاكس واني ما انتبهت خدعني وارتكبت غلط عطاني فرصه وقال لي حركي جيت بمشي وجان تبند السياره وخلاص قال لي راسبه

المدربه تقول لي لا ترفعين رجولش بسرعه و واجد عن الكلچ سيارتها مختلفه عن سيارة الامتحان بسرعه تبند

اللي وياي كلهم نجحوا بس اني حسيت بغبنه واحراج قدامهم وإحباط
من كثر ما كنت زعلانه حزنها قلت أنه خلاص بعد ما امبي امتحان ولا ليسن ولا امبي اسوق

هو يعطون وقت ل الامتحان على أساس الأوادم يتدربون ويستعدون اني عكس الناس يعطوني فرصه علشان انسى وما اتدرب المفروض رسبت ثاني لو ثالث يوم الامتحان حار بحار