الأسئلة المحرجة او المنفرة في المقابلات الزوجيه

[التعاون]

اكثر الردود الي قريتها يحاتون بطنهم
على فكره درست في الحقوق ، ان الزوجه ليس من واجباتها التنظيف و الطبخ ابدا ، و على الزوج يجيب ليها خادمه ، و الاكل يجيبه هو مطهي ، و حتى رضاعة اولاده لازم يدفع فلوس بالمقابل .
يعني ادا تبون تتزوجون وحده عشان بس تتطبخ و تنظف و تربي و انتون حاطين رجول على رجول > البنقاليات واجد .

وبعد الزوج مو ملزوم يشتري لها سيارة
ولا حتى يصلح سيارتها اذا اختربت

كلامي صح لو ؟؟

 

[saronian]

وبعد الزوج مو ملزوم يشتري لها سيارة
ولا حتى يصلح سيارتها اذا اختربت
كلامي صح لو ؟؟

انفاق الزوج على زوجته واجب لا خلاف عليه

عمل المرأه في بيتها ليس واجبا شرعيا للزوج عليها
ولكنه مما تعارف عليه الناس
بل كانت نساء قريش ايضا لايرضعن اطفالهن
بل يبحثن عن مرضعات للحفاظ على صحتهن
ولم يلزم الشرع الام برضاعة الصغير ..
والايه تقول..
(وان اردتم ان تسترضعوا اولادكم فلا جناح عليكم اذا سلمتم مااتيتم بالمعروف واتقوا الله...) سورة البقره
اعتقد الرجل يعرف جيدا حقوقه علي المرأه ويذكرها بها دائما وللاسف ينسى حقوقها عليه ..
وما اعطاها الشرع من حقوق ...
العقد بين الزوج و الزوجه عقد نكاح و ليس عقد عمل​

 

[ندآآء السمآآء]

وش لکم بالزواج وعوار الراس...
خلکم جدی احسن تری

لایغرنکم البنات...هم مایخلونا نقعد ف الشکاشن والباصات وووالخ...
فلیش تبونهم؟
خلهم یولون

ههههههههههههههههههههه تحليلك عجبني ​

 

[Narcissist]

انفاق الزوج على زوجته واجب لا خلاف عليه

عمل المرأه في بيتها ليس واجبا شرعيا للزوج عليها
ولكنه مما تعارف عليه الناس
بل كانت نساء قريش ايضا لايرضعن اطفالهن
بل يبحثن عن مرضعات للحفاظ على صحتهن
ولم يلزم الشرع الام برضاعة الصغير ..
والايه تقول..
(وان اردتم ان تسترضعوا اولادكم فلا جناح عليكم اذا سلمتم مااتيتم بالمعروف واتقوا الله...) سورة البقره
اعتقد الرجل يعرف جيدا حقوقه علي المرأه ويذكرها بها دائما وللاسف ينسى حقوقها عليه ..
وما اعطاها الشرع من حقوق ...
العقد بين الزوج و الزوجه عقد نكاح و ليس عقد عمل​

+1000

المشكلة ما ادري ليش هالنقطة ناس واجد غفلانين عنها
ترى صح تنظيف البيت و الطبخ و الرضاعة مو من واجبات الزوجة
هي عادات متعارف عليها في مجتمعنا
و هالكلام ترى مو جايبتنه من جيبي
حتى شرعا واجد من شيوخ الدين قالوا و اكدوا هالشي
و حتى قالوا عادي المرأة تطلب من رجلها أجرة يعني فلوس مقابل ادائها لهالمهام
و اذا تبون للتأكيد روحوا اسألوا و استفسروا

بس طبعا المرأة بطبعها عاطفية يعني مستحيل ترضى أحد غيرها يرضع أو يربي ولدها
و هي لو نظفت او طبخت تكرما منها مو واجب عليها

بس لو نرجع لأساس الموضوع
لازم الوحدة تكون لبقة شوي و ما تنحدر لهالمستوى
يعني مو حلوة من البداية واجباتي وحقوقي ما ادري شلون تحسس الرجال انه عقد عمل مثل ما قلت الأخت
بس تقدر تصيغها بأسلوب أفضل يعني مثلا تقول اني بشكل عام ما أعرف أطبخ أو ما تعودت أحط أيدي في هالأشياء

ترى نص الحجي هو شلون تصيغه و الاسلوب الي تستخدمه
يمكن شخصين يقولون شيين بنفس المعنى بس الاسلوب يفرق
أكيد اني كانسانة بتجاوب و بتقبل و بتفهم الشخص الي اسلوبه لبق و محترم
لكن واحد جنه جاي مهدود عليي حقوقي و واجباتي و ما ادري ويش احس روحي ما بتقبل الشي حتى لو كان صح

​

 

[XOX]

جعنا من الكلام عن الطبخ,,

صدق مو من واجبات الزوجة أو حقوق الزوج إن الزوجة تطبخ و تكنس إلخ... أني يهمني لكن إن شريك حياتي و أطفالي اني أطبخ حقهم أحس يسوي جو مترابط أسري و يساعدني أبني أسرة سعيدة ,,بس طالما الطرف الآخر واعي إن مو من واجباتي هذا الشي

بالنسبة حق دراسة الزوجة أعتقد لازم البنت تحتفظ في حقها إن هي تشتغل بس بعدين لو ما حبت تشتغل أو شافت إن يؤثر على بيتها و عائلتها سلباً تقدر تقعد في البيت على كيفها و بعض التخصصات ليها أعمال سامية مثل الطب و التدريس و التخصصات العلمية الصعبه احس حراام تقعد في البيت ,,​

 

[عبير البنفسج]

الحين سؤالي للبنات

شنو بتكون ردة فعلش لما الي متقدم حقش يقول لش ان أبي زوجتي فقط تربي عيالي وتهتم في بيتها ما ابيها تشتغل
( وانتين بتكونين جامعيه ) ؟

بتناقشينها ؟ بتسنهزئين داخلوش عليه وتالي بترفضين ؟ بتوافقين ع كلامه ؟

شنو بيكون ردة الفعل عندش !!

اذا طلب هالطلب لازم يكمله بالاسباب و الاجابيات و سلبيات الشغل على حياتنا اذا صار نصيب

وقتها بنشوف ، عن نفسي ابي اشتغل لان ما احب القعدة الدائمة في البيت وما احب اكون نفس اي بنت عادية

اذا كان ليي دور برى البيت هالشي بحسسني بثقة اكثر في نفسي ومستقبلا بكون قدوة لاولادي غير اني ربة بيت بس !

لكن في نفس الوقت اني ما اايد فكرة الخدم في بيتي المستقبلي ولو بنسبة 1% وفي نفس الوقت امي ما عدها وقت تجود اولادي وحتى لو عمتي مثلا عدها ما بتركهم كل يوم فترة طويلة عند احد

فيا هو يغلبني بوجهة نظره او اني اغلبه بوجهة نظري و في نفس الوقت اكون اني وعائلتي مرتاحين

الرجال ما يجي الا بالطيب فرض الآراء عمره ما بكون حل دائم

 

[sanabsy 15]

هل طبخ المرأة لزوجها، عار أم فخر ؟ إي أو لا بس السؤال ما يحتاج لف ودوران ​

 

[التعاون]

انفاق الزوج على زوجته واجب لا خلاف عليه

عمل المرأه في بيتها ليس واجبا شرعيا للزوج عليها
ولكنه مما تعارف عليه الناس
بل كانت نساء قريش ايضا لايرضعن اطفالهن
بل يبحثن عن مرضعات للحفاظ على صحتهن
ولم يلزم الشرع الام برضاعة الصغير ..
والايه تقول..
(وان اردتم ان تسترضعوا اولادكم فلا جناح عليكم اذا سلمتم مااتيتم بالمعروف واتقوا الله...) سورة البقره
اعتقد الرجل يعرف جيدا حقوقه علي المرأه ويذكرها بها دائما وللاسف ينسى حقوقها عليه ..
وما اعطاها الشرع من حقوق ...
العقد بين الزوج و الزوجه عقد نكاح و ليس عقد عمل​

كلامك صحيح
بس الانفاق عليها من حيث توفير المسكن الاكل الملبس ....

 

[red❤heart]

هل طبخ المرأة لزوجها، عار أم فخر ؟ إي أو لا بس السؤال ما يحتاج لف ودوران

والله ع حسب الزوج فيه وزج يستاهل وفيه زوج ما يستاهل
الزوج اللا يستاهل فخر ان تطبخ ليه
اما الزوج اللي ما يستاهل يخب عليه لين اكلته خبز وجبن المفروض تصومه

​

 

[sanabsy 15]

والله ع حسب الزوج فيه وزج يستاهل وفيه زوج ما يستاهل
الزوج اللا يستاهل فخر ان تطبخ ليه
اما الزوج اللي ما يستاهل يخب عليه لين اكلته خبز وجبن المفروض تصومه

ههههههههه لا الخبز انتين بتسوينه، ولا الجبن انتين بتسوينه، يا الله على المنّه الي فيكم ​

 

[أمواج]

أبداً ما احس عمل المرأة في بيتها فيه حتى ذره عار
بالعكس الأنثى الزوجة الأم ما تحس بقيمة هالمسميات الا باهتمامها ببيتها و أولادها
اذا ما طبخت و لا ربت و لا سهرت و لا رتبت .. موجودة بس شكل !
الشي فطري بالمرأة احسه و البيت مملكة المرأة تحب تنظمه أكيد و تخليه بأحسن صورة
أصلاً هالاشياءتعطي فاعلية بالحياة و تغير الروتين و ما تنتقص من حق المرأة بشي
بالعكس الرجل الواعي تكبر مكانة زوجته عنده اذا اهتمت بكل هالأمور
يشوف بيته مستقر و يحس بدور زوجته فيه و باهتمامها .. اهتمام الوحده ببيتها من اهتمامها بزوجها
و أكبر غلط المساومة مع الزوج بهالصورة .. الزواج مو تجاره اشتغل ليك بفلوس
بيت الزوجين مؤسسه معنوية يديرها الطرفين مو مؤسسه مادية
أصلاً المفروض تخجل الوحده تمن على زوجها أو تطلب منه مقابل لهالاشياء
و طبعا لا ينسى الرجل ان كلما زاد تقديره و ثناءه و كلمة الطيب و النقد البناء الهادئ لزوجته بزيد اهتمام الزوجه و رغبتها بالعطاء

 

[red❤heart]

ههههههههه لا الخبز انتين بتسوينه، ولا الجبن انتين بتسوينه، يا الله على المنّه الي فيكم

ههههههههه لا ادا ما يستاهل من قال اصلا بسوي ولا اسوي ولا اسوي اخش الخبز والجبن واقول يرووح يموت احسن
لا وبعد فوق جديه اقول يااارب يطلع الخباز صاك ويتم يقرصه بطنه
:sly:​

 

[sanabsy 15]

ههههههههه لا ادا ما يستاهل من قال اصلا بسوي ولا اسوي ولا اسوي اخش الخبز والجبن واقول يرووح يموت احسن
لا وبعد فوق جديه اقول يااارب يطلع الخباز صاك ويتم يقرصه بطنه
:sly:

الشرع حلل أربع ​

 

[red❤heart]

الشرع حلل أربع ​

ههههههههههههههه​

 

[violet shadow]

الحين سؤالي للبنات

شنو بتكون ردة فعلش لما الي متقدم حقش يقول لش ان أبي زوجتي فقط تربي عيالي وتهتم في بيتها ما ابيها تشتغل
( وانتين بتكونين جامعيه ) ؟

بتناقشينها ؟ بتسنهزئين داخلوش عليه وتالي بترفضين ؟ بتوافقين ع كلامه ؟

شنو بيكون ردة الفعل عندش !!

اني ماحب احد يتحكم فيني
يعني مو معناته ما اسوي
بس كل شي بالطيب
يعني يافلانه سويييييي وكاني خدامه لاااا
لكن في طرق تحبب البنت تسوي الشي بطيب نفس
وتسوي الشي وهي مستانسه بعد
اشبتطبخين من يدش الحلوه اليوم خخخخخ مثلا
اما اذا من المقابله ان ابي تصيرين عبده عندي لا مع السلامه
وبلا تفكير بعد
احب التفاهم مثل ما اعطي يعطي وتكون الحياه مشتركه
وين العيب اذا جه الرجال يساعد مرته في الغسال مثلا
الحياه صاره كانها متساويه
يعني قبل البنت في البيت ماتشتغل
الحين تشتغل وتربي لعيال و تشتغل في البيت

و عن الشغل طموحي اشتغل والحياة الحين تطلب هالشي فاذا مايبيني اشتغل معناته اني ماحب تفكير هالرجال وممكن معقد في الحياه
بس في المقابله بساله اول عن السبب عشان احكم
يمكن مليونير الله لايقوله

قليل من الشباب يكونون مع راي البنات للاسف
طبعا مابحسون بالشي اله لمه يجربونه
فاني اجوف لو كل رجال بس اسبوع يسوي اله تسويه امه وبعدين يقررون احنا صح واله لا وهل يتحملون يوم واحد!!!!!


مجرد تفكيري ورايي

 

[no body]

كلام جميل واتفق معاج

بس سؤال اي اهم انج تشتغلين لو تربين عيالج؟؟

يعني كثير من البنات تركو اولادهم عند امهاتهم ومادري وين واخر شي وين دور الام فقط شغل؟؟

يعني لا نكون متعصبين واايد صحيح ان الشغل من حق المرأة بس لازم تراعي اشياء مهمة

تغلب المصلحة العامة لبيتها على مصلحتها

وجهة نظر

أكيد الأولاد بيكونون أهم بالنسبة ليي

وأني ما بشتغل حباً في الشغل .. بالشغل بقدر أوفر حياة زينة لي ولـ أولادي

وليش ما أقعد في البيت أربيهم ؟

الحين أني اعرف أم .. ربة بيت يعني ما تشتغل صادتهم ظروف صعبة مادياً فـ تحاول تطبخ وتبيع وجذي بس ما يسوى عليها مسكينة تتكسر بمعنى الكلمة !

والحين تبي تدور شغلة ..

بس علشان توفر جم دينار لأولادها

وإحنا ما ندري بالظروف اللي بتصيدنا ولا بـ ظروف " الزوج " الخاصة !

تقدر تقول بـ نحاول نسوي موازنة بين الأمور , بين الشغل والبيت ​

 

[غصن شوك]

اولاً في شرطين لزمن تسويهم المقدرة على الزواج و ثاني شيء العدل في النفقة !

الواحد ولبهم يحصل جم فلس يعرس مو بعد ياخذ ثنتين ..

بتعرس عليها لانها ماتطبخ ؟ شيء ماليه مبرر انت مو ماخذ خدامة !

تعرف اعرف واحد كبر ابوي زوجته عمرها ماطبخت يعني اكثر من عشرة عشرين سنة .. مولأنها ماتعرف لانها ماتبي تطبخ .. فيا بيت عمه يطبخون لهم .. يا هو يطبخ .. بس لانه يحبها !

الشرع حلل أربع

 

[sanabsy 15]

اولاً في شرطين لزمن تسويهم المقدرة على الزواج و ثاني شيء العدل في النفقة !

الواحد ولبهم يحصل جم فلس يعرس مو بعد ياخذ ثنتين ..

بتعرس عليها لانها ماتطبخ ؟ شيء ماليه مبرر انت مو ماخذ خدامة !

تعرف اعرف واحد كبر ابوي زوجته عمرها ماطبخت يعني اكثر من عشرة عشرين سنة .. مولأنها ماتعرف لانها ماتبي تطبخ .. فيا بيت عمه يطبخون لهم .. يا هو يطبخ .. بس لانه يحبها !

الله يهديكم ما تفرقون الجد من المزح، ، همسة: ترى سلاتة أنا هههههه ​

 

[pistole]

اولاً في شرطين لزمن تسويهم المقدرة على الزواج و ثاني شيء العدل في النفقة !

الواحد ولبهم يحصل جم فلس يعرس مو بعد ياخذ ثنتين ..

بتعرس عليها لانها ماتطبخ ؟ شيء ماليه مبرر انت مو ماخذ خدامة !

تعرف اعرف واحد كبر ابوي زوجته عمرها ماطبخت يعني اكثر من عشرة عشرين سنة .. مولأنها ماتعرف لانها ماتبي تطبخ .. فيا بيت عمه يطبخون لهم .. يا هو يطبخ .. بس لانه يحبها !

هذا اختي يسمونه مقصوص عليه, انه بالنسبه اليي الطبخ مهم في الزوجه الي راح اخذها رغم اني ما احب الاكل بس اعتبر هل شي دلالة على ان البنيه قدر المسؤوليه.

الطباخ من اهم المقومات الي لازم تتوافر في الزوجه.

 

[كن بلسماً]

عقب العز ويا الوالدة يبون يأكلونه كله من المطاعم ,
هذا اللي ناقص الوالدة تسوي لينا كلشي وهم بيخلونه بالجوع
أظل طول عمري في بيت الوالدة معزز مكرم ولا أعيش ويا وحدة
كل يوم تخليني أتنطط علشان هالوجبة.