دخول الرجل في الأعراس

[Prince.11]

سمعت بعضًا من الأهل - عند تحدّثنا عن هذه الظاهرة - أنّ بعض البنات في الصالة وخصوصًا من صغار السن يبحثون عن طاولاتٍ في مقدّمة الصالة، أي أمام المسرح، حتى يروا المشاهد بين العروس وعريسهاهل هذا صحيح؟ وهل هو صحيّ؟​

ليس فقط صغار السن ..
حتى من هم في سن المراهقة ( وهذا هو الاخطر )
يريدون التعلم على كيفية الوضعية بين الزوج والزوجة والطريقة ووو ..
والطامة الكبرى بعدها (في بعض الاعراس) يدخلون الى الصالة اهل العروس والمعرس (الاب + الاخوان)

هو واقع مرير ..

 

[زينبية العشق]

- مداخلة سريعة:

نحن للأسف نقيس الأمر من معايير ضيقة.. مثلًا " بعض النساء لا يتسترن بشكل جيد عن دخول العريس " ، هذا التصرف إذا لم يحدث في الإيطار الذي أعيش فيه أقوم بنفيه!.. طيّب لماذا أقوم بتضييق معاييري؟؟ هل العالم الإسلامي محصور في ما أعيش فيه فقط!

للأسف هناك أشياء تحدث يندى له الجبين.. ومن لم يشهد بعض هذه المواقف لا يعني عدم حدوثها.

 

[بنفسجيه.~]

سلاام ،،
ما قريت الردود كامل بس اول صفحة ... كموضوع من اية الله الشيخ عيسى قاسم هو يطالب بانهائه ليس بمجرد دخول معرس مع عروسة بشكل عادي .. هادي النقطة جت من وراها مناكر ازيد " سواء اللبس اللي يلبسونه النساء اللي ما يتغطون لما يدخل المعرس يعني خواته و عماته و خلاته" هم يبررون انه حلال يشوفهم بس عاد مو بهاللبس !! مثلا لو عمته تلبس قصير و تقول عاادي انزين يعني عادي يشوفش في ايام عادية بهاللبس القصير او غير محتشم و لا حلال بس في عرسه! .. نقطة ثانية الحين جان زين بس المعرس اللي يدخل .. عاادي يدخل هو و اهله ابوه و اخوانه:mellow: ! استغربت لما شفت جدي ! " طبعا العروس تكون مغطية" ..سالفة التصوير سالفة ثانية ... يعني في نقاط واسباب عديدة لهذا الطرح ..

مقارنة اعراس هالايام مع اللي قبل تقريبا ب 10 سنوات .. كان نسبة دخول المعرس قليلة .. يعني مو كل الاعراس اللي نروحها كان يدخل على حسب شخصيته ..الحين تغير الوضع صارت في صالات يعني مجهز للزفة انه المعرس ويا العروس ...فاذا بياخذون صالة يعني لازم بيدخل المعرس..
في نقطة كتبرير انه عادي يدخل هو ما بيشوف الا عروسته .. هادا يعتمد على شخصيته يعني خجول و لا عادي عنده .. مو كله الرجال يستحون ولا كلهم فري..

الموضوع يفتح مجلات ثانية للنقاش فيها...كراي شخصي لا اعارض فكرة دخول المعرس لكن اعارض ما يحدث اليوم في الاعراس اللي يكون فيها من الافضل انه ما يدخل !! الله يدفع البلاء
كل واحد بيسوي اللي يرضي ضميره ..يعني اذا الواحد بيعرس يبغي يطرح البركة في عرسه بس كيف ذلك وسط المناكر!

وشكرا

 

[yagmur]

رداً على احدى نقاط تعليقش خيو ..

السبب الاول في هذه الظاهر هو مثل ما ذكرتين ( الوحدة والواحد بعرسون مرة وحدة في العمر ) فمن تحت هذا المنطلق يجوزون كل شيء في العرس وهذا خطأ ..
خطأ كبير ان الناس تتصرف على ما تشتهيه انفسهم ..

آية الله قآسم لم يأتي بذلك من فراغ ابداً ..
هل من المعقول بأن الشيخ راح يتكلم عن هذه الظاهر لانة فقط مو عاجبتنه؟؟
اساساً الظاهر حرااااام، ولا يوجد دليل شرعي ينص عليها .. هذ كل القضية .. ​

+1

منطقيإأآ و راي شخصي
و على كلامه
اوافقة بششـكل عام
والكلام صح =)

إأساسا ما له داعي دخول الرجل في مكان فيه كلللله نسإأء ,
اساسا الناس بس تعلق
اي هو احلى ... هي احلى
ما يناسبها
ليش شعره جدي ,
اوووه اكاه يطالعني ,
يوووووو طالعيي شلون يكلمها
والخ !!

يكون تواجده غير مناسب ...
و ماقال الشيخ جدي لان مو عاجبنه لا .. بس لان كلام منطقي وصحيح
اوافقه الرإأي بنسبه كبيرة
85%

 

[كن بلسماً]

حرام على الرجال يشوف النساء وحلال عليهم يشوفونه بكشخته وزينته وحركاته ويا العروس !!
الكلام موجه للنساء وليس للرجال ,
مشاهدة العريس مع العروس ماذا يعني للنساء الأجنبيات عن العريس؟؟
فضول أو يحبون يشوفون الحركات الرومانسية , والبنات يحبون الرومانسيات

ونقطة جميلة أشار إليها الأعضاء , المحارم شنو يلبسون وهل حلال عليه يشوفهم بهالصورة؟؟!!

الكرة في ملعب الرجال , العريس يقدر ما يدخل وأب البنت يقدر يمنعه من الدخول , وتنتهي القضية,

اللي يبي رأي العلماء يقدر يسأل ويكتب لينا رأيهم هني,,
واللي يبي رايه يطبقه فاجتهاده في المسألة وهو يحاسب عليه

العادات والتقاليد والأراء الشخصية لا مكان لها إن تعارضت مع الشرع


​

 

[3looy2jz]

مافي ع الامريكان حفلة ع البحر وبوفيه وبوسة ع الطاير وانتهى كلشي
هني لا نازلين من السما احنه, جلوة وحفلة ملجة وحفلة خطوبة وحفلة حنة وحفلة عرس ..
ويقولون ليش الزوج يفشل ف تغطية مصاريف العائلة, وين يغطي مصاريف عائلته اذا مطلوب قروض لي شعر راسه على هالحفلات
الي ماتنتهي الا بحش فالاوادم ورقص واغاني لي الصبح وخسارة على الصالونات وعلى الصالة وعلى كلشي ..
لكن السبب فهالمشكلة هو شي واحد انه احنه عرب وعمرنا مانتعلم من اغلاطنا والي عنده تعليق يسوي اقتباس خله نجوف شعندكم ..

 

[مس كيوت]

اني عرست وخلصت بس لو في عرسي شفت وحده مو محتشمه ومو متغطيه عدل رحت ضربتها بالصندل مالي وين قاعدين احنا :mellow: :sly:

 

[نور المنامة]

الأعراس تتفاوت في الأصول والتصرفات و الأساليب.. صحيح احنا بلد وحدة ولكن فئات ومجتمعات مختلفة
بالتالي كل فئة أشوف لهم طابع خاص في حفلات الخطوبة والزواج.. إما المححافظة و المعرس يكون خجول.. أو متوسط بحيث انه المعرس مايطالع الا أهله وينشغل .. او الجريء للي عينه تفتر في الصالة..
ومثل المقارنة تنطبق على حركات التصوير و هالأمور

وعلى هالأساس تم التصريح بالتحريم الصادر عن الشيخ عيسى قاسم وذلك للحفاظ على صورة المجتمع البحريني المسلم بالقوام الصحيحة وللابتعاد عن التعقيبات الناتجة وراء عدم الالتزام بها التي نحن لا ندركها تماما بقدر سماحته.. مع تخصيص سماحته للمظاااهر المحرمة التي لا تنطبق على بعض الحفلات المحترمة..

 

[Jouan7]

متعريات؟
مسامحه يعني
بس اكيد بيلبسون عباياتهم وهذا اللي اشوفه اني ما شفت شي غير!
بعدين اذا ما دخل المعرس ماله داعي يسوون حفله في صاله كبيره و تجهز العروس بمبلغ وقدره عشان تدخل كانها ضايعه بروحها الصاله وصورها بروحها!

المعرس ذاك الوقت يا اما بيكون مستحي ومنزل راسه
لو منزهق بالعروس
ليش يحط عيونه ع النسوان! عجل ليش تزوج؟

غريبه يعني هذا شي من ايام أجدادنا مو جديد

اني انتقد سالفه اذا دخلو نص العايله رجال عشان يصورون وبسطو
بس هو اسمه زواج
عروس ومعرس
مو عروس بروحها هذا الشي بيغير اشياء شكثر و يمكن العروس تغض النظر حتى أنها تسوي حفلة عقد ، يعقدون وبس لا من شاف ولا من درى ولا الجار يعرف أخبار جاره ولا شي
ما يشوفونهم الا ويا بعض!

واذا ع الحركات اللي تصير هذي من التصوير
وتقدر تخبر الاستيديو ترى مابي لقطات جذي!
وكان الله غفور رحيم

+100000000000

بالضضبط نفس الموضوع يوم عرفت ب القرار هذا
اقول ليش اسسوي حفلة اصصلا
ادش بروحي !!
اوريدي بيدش وياها ف الززفة
و بعدين بيقعد دقيقتين و بيططلع لييما اخر شي يرد يدش ياخدها و يمشي *-*
و مو سالفة ترا يقولون ان المعرس بيدشش تستروو
و الكل يتسستر *-*
بالنسبة لي اوافق ع الرجال بس اذا مما بيدش ماني مسويه حفلة ولا بططيخ و بطنقر طول عمري هههه
مع اني ما اششجع نظام الصالات و بططيخ و لا ابي خرابيط و مدري وش و خسساير
بس كل الي ابيه يكون وياي ب الزفة داخل *-*
وش صاير ادش بروحي .. معرسسة ع جني اني

 

[Jouan7]

مافي ع الامريكان حفلة ع البحر وبوفيه وبوسة ع الطاير وانتهى كلشي
هني لا نازلين من السما احنه, جلوة وحفلة ملجة وحفلة خطوبة وحفلة حنة وحفلة عرس ..
ويقولون ليش الزوج يفشل ف تغطية مصاريف العائلة, وين يغطي مصاريف عائلته اذا مطلوب قروض لي شعر راسه على هالحفلات
الي ماتنتهي الا بحش فالاوادم ورقص واغاني لي الصبح وخسارة على الصالونات وعلى الصالة وعلى كلشي ..
لكن السبب فهالمشكلة هو شي واحد انه احنه عرب وعمرنا مانتعلم من اغلاطنا والي عنده تعليق يسوي اقتباس خله نجوف شعندكم ..

اذا كان مجتمعك هللون وش تسوي فيه ..
هو حلو كل هالاشياء تصصير بسس ب اعتدال ..
و الي قاعدين نشوفه ب هالايام اسسراف مو طبيعي كل وحده تقول الززود عندي
*-*
خذ لك قنوعة و ترضا ب القليل ..
اصلا حلاوة الشي ببساطةة ..
تحسس ان صصدق عججيب ..
اما سالفة صالة و مفوششر و مدري وشش
ع شنو
الاوادم قليل جاية للعروس او المعرس
و الباقي بلع مع احترامي
و حق الحش
الا هدي احلا الا هو اسمر الا قصير و اللا طويلة عليه **--**
جك *-*


الي قلته صح ..
يبا لهم توعية *-*

 

[ولد عمران]

بدش و برقص قانقنم ستايل بعد، اخر زمن ادفع فلوس لحفلة بنات يقزون بعض و يحسدون، و شيوبة يدورون بنات لاولادهم و يعقرون

 

[Jouan7]

بدش و برقص قانقنم ستايل بعد

 

[غريبة الدار]

أدري الموضوع قديم بس ...............

قبل لا أجاوب على الأسئلة شوفوا هالمحادثة

للعلم هي مو أني
من رأي قبل إلقاء اللوم على الشاب ووصفه بأنه (عيونه زايغة ) المفروض هم يلومون روحهم أنه قبلوا ورضوا أنه رجل غريب يدخل وسط نساء متبرجات

سؤال نقدر نأخذ واحد جوعان أو صايم من الصبح ل الليل ونودبه مطعم فيه كل ما لذا وطاب وتعطيه مبلغ من المال ونقول ليه أقعد هني لمدة ساعة بس لا تأكل ولا تشتري شي؟؟!!
هذا شي مو مستحيل بس يمكن صعب ومحتاج ل إراده وقوة تحمل يمكن القليل يملكها وعلى افترض أنه أكل سندويشه بس بعد يشوف أكل وحلويات غير بعد يصير في خاطره يأكل يمكن يقاوم هالرغبة بس اعتقد أنه بتظل في خاطره ويفكر فيها
يمكن تظل صورة في باله صح أنه أكلت سندويشه بس بعدي جوعان وإذا مو جوعان على الأقل بيفكر خساره أكلت بس سندويشة وأنا كنت أقدر أكل أشياء غير وأحلى
الحين يصير تشغلون أغاني تزلزل الفريق وتقولون ل أهل الفريق لا تسمعون أغاني !!!! شلون تصير هذي ؟!

1- ما أصل هذه الظاهرة ؟
يمكن تقليد من الغرب أو من المسلسلات الأجنبية

2- آثارها ؟
بتثير غريزة الرجل إذا كانوا متبرجات ولابسين لبس غير محتشم يمكن تسبب الغيرة والشك والمقارنات والقيل والقال (غيبة ونميمة) هو أحلى منها ما يناسبها ........الخ

3- لو رفضت الزواج منك إن لم تدخل معها كيف تتصرف ؟
اصلا اني ما أمبيه يدخل وياي ومن البداية قبل لا يطيح الفاس بالرأس بسأل و بشوف رأيه عاد إن شاء الله ما انسى


سؤال
*ترضينها على روحش وعلى رجلش يدخل وسط نساء أجنبيات عليه من غير المحارم متبرجات ولابسين لباس غير لائق وما فيه حشمه وحتى لو مثلا تغطوا ولبسوا حجاب ما اعتقد بيستر مفانتهم والمكياج االلي في الوجه ما تغارين عليه ؟؟

*خل أعكس السالفة ترضاه على أختك أو بتك أو أمك ....الخ يروحون يقعدون في وسط الرجال اللي ما يحلون عليهم (موعلشان دراسة ولا شغل ) ومو أنه مثلا محل أو سوق وصدفه اللي توجدوا بس رجال لا هي اختارت المكان وتدري أنه كل الموجودين رجال فقط

طبعا مو قصدي من الأسئلة أنه تردون عليي

 

[أمواج]

كان رأيي في الموضوع مؤيد بحدود وبحكم انه ظاهرة من سنين مو وليدة اليوم وكنت غلطانة بوجهة نظري
لكن ألحين لو أنخطب ما أرضى ان يدخل وسط النسوان ولا حتى شوي.

 

[المهندس عبدالله]

ترى الشباب يتحلطمون على السالفة..
أذكر واحد يقول ما بطب لو يتدحنون لي لسان الحال" بطب غصبًا عليك" .. على أي حال نظرتي لموضوع الأشياء الثانوية إنه مو مهمة، غير كتابة الكتاب، ما أعرف ويش تسمونه يجي الشيخ وقبلت ذلك وكلللو ويلا كل واحد بيتهم (عقد نكاح وإنتون ساكتين يلا ).. #إختصار_عنيف

** بما أنها عادة من عادات قريش الأزلية فنتحمل حالة الإشمئزاز (واحد الله يستر عليه تعرفونه انتون لو انحط في الموقف بيطالع السقف طوال الوقت #بتطلب_الطلاق)

 

[غريبة الدار]

ترى الشباب يتحلطمون على السالفة..
أذكر واحد يقول ما بطب لو يتدحنون لي لسان الحال" بطب غصبًا عليك" .. على أي حال نظرتي لموضوع الأشياء الثانوية إنه مو مهمة، غير كتابة الكتاب، ما أعرف ويش تسمونه يجي الشيخ وقبلت ذلك وكلللو ويلا كل واحد بيتهم (عقد نكاح وإنتون ساكتين يلا ).. #إختصار_عنيف

** بما أنها عادة من عادات قريش الأزلية فنتحمل حالة الإشمئزاز (واحد الله يستر عليه تعرفونه انتون لو انحط في الموقف بيطالع السقف طوال الوقت #بتطلب_الطلاق)

هههههه
ذكرتني بقصة ما أدري إذا سمعتها أو قريتها لو لا

الأثنين اتفقوا وقبلوا (الرجل ما يدخل الصالة وسط النسوان ) بس ..........
إذا ما رحت يمكن يجون لبك بس علشان يشوفونك

 

[الفـيـلـسـوف]

أدري الموضوع قديم بس ...............

قبل لا أجاوب على الأسئلة شوفوا هالمحادثة

للعلم هي مو أني
من رأي قبل إلقاء اللوم على الشاب ووصفه بأنه (عيونه زايغة ) المفروض هم يلومون روحهم أنه قبلوا ورضوا أنه رجل غريب يدخل وسط نساء متبرجات

سؤال نقدر نأخذ واحد جوعان أو صايم من الصبح ل الليل ونودبه مطعم فيه كل ما لذا وطاب وتعطيه مبلغ من المال ونقول ليه أقعد هني لمدة ساعة بس لا تأكل ولا تشتري شي؟؟!!
هذا شي مو مستحيل بس يمكن صعب ومحتاج ل إراده وقوة تحمل يمكن القليل يملكها وعلى افترض أنه أكل سندويشه بس بعد يشوف أكل وحلويات غير بعد يصير في خاطره يأكل يمكن يقاوم هالرغبة بس اعتقد أنه بتظل في خاطره ويفكر فيها
يمكن تظل صورة في باله صح أنه أكلت سندويشه بس بعدي جوعان وإذا مو جوعان على الأقل بيفكر خساره أكلت بس سندويشة وأنا كنت أقدر أكل أشياء غير وأحلى
الحين يصير تشغلون أغاني تزلزل الفريق وتقولون ل أهل الفريق لا تسمعون أغاني !!!! شلون تصير هذي ؟!

1- ما أصل هذه الظاهرة ؟
يمكن تقليد من الغرب أو من المسلسلات الأجنبية

2- آثارها ؟
بتثير غريزة الرجل إذا كانوا متبرجات ولابسين لبس غير محتشم يمكن تسبب الغيرة والشك والمقارنات والقيل والقال (غيبة ونميمة) هو أحلى منها ما يناسبها ........الخ

3- لو رفضت الزواج منك إن لم تدخل معها كيف تتصرف ؟
اصلا اني ما أمبيه يدخل وياي ومن البداية قبل لا يطيح الفاس بالرأس بسأل و بشوف رأيه عاد إن شاء الله ما انسى


سؤال
*ترضينها على روحش وعلى رجلش يدخل وسط نساء أجنبيات عليه من غير المحارم متبرجات ولابسين لباس غير لائق وما فيه حشمه وحتى لو مثلا تغطوا ولبسوا حجاب ما اعتقد بيستر مفانتهم والمكياج االلي في الوجه ما تغارين عليه ؟؟

*خل أعكس السالفة ترضاه على أختك أو بتك أو أمك ....الخ يروحون يقعدون في وسط الرجال اللي ما يحلون عليهم (موعلشان دراسة ولا شغل ) ومو أنه مثلا محل أو سوق وصدفه اللي توجدوا بس رجال لا هي اختارت المكان وتدري أنه كل الموجودين رجال فقط

طبعا مو قصدي من الأسئلة أنه تردون عليي

أتفق وياااش كثيرًا

 

[قمَر]

ما بدخّل رجلي أني
هكو بنصور في الاستيديوو ما يحتاج نصوّر بعد في الصالة
ويزفوني بروحي وش صار يعني؟؟
ع الأقل اللي بيتعدلوون ليي بقدر أشوف كشختهم
مو أقعد أحن على ربعي تعدلوا وتعدلوا
وأخير شي من يجي المعرس بيلبسون وبعدين بيتيسرون
شي ثاني أغلب النسوان لين دشّوا المعرس والعروس
يقزونهم قزز، ويقعدون يعلقون..
هو أحلى منها وما حصل ليه وحدة أحلى وهرارهم المجمّع
حتى لو هي في نفس مستوى جماله بيقولون أحلى وبقزونه
سلامات!! أهم شي عاجبني وعاجبتنه أنتون شدخلكم؟؟
أما من ناحية إن هو بيطالع، ما بسيء الظن
بس أني أتفق وي رأي أمواج
يعني لباس البنات في الحفلات حتى قدام المحارم ما يجوز
وأغلبهم ما يهتموون لهالشغلة
ويجون يحضنون فيه ويوقفون قدامه
حتى لو هو مو قصده يطالع بيطالع غصب
وهالشي بسبب وي؟
بسبب العروس اللي قعدت تصيح الا تبااه يدش عشان البرستيج
حتى لو هو ما عارض فكرة الدخول، أني بنسفها
مدام الشي فيه إشكالية شرعية ويش لينا إبه؟؟
وأهله يقدرون يشوفونه في وقت ثاني
ولين يبون يشوفوون الصور

# قاعدة أفكر في الموضوع
# شكلي صدق بسويها ​

انتين انسانه عفر تعرفين تقنعيني
مواليد شهر7 يفهمون على بعض له

بس بعد شسمه .. جزء من النص مفقود لتتمة الاقتناع عندي ^^"

شوفي خيوو .. اني مره من زماان رحت عرس وعجبوني
ليش انهم صارو بالنص لا منعو كامل و لا خلو كامل
يعني المعرس دخل ويا العروس بس في الزفة للمسرح
و طبعا الزفه يطالعون سيده الاثنين .. و تعرفون ارتباك الزفه ما يشوفون احد
وبعدين رد طلع وصلته امه اظن وبكامل الاحترام وهو منزل راسه

أييي يمكن جذي أوكيه يعني بس يدش وياها وبعدين يمشي ​

و اذا على كلام الناس اذا دخل المشكلة
شعليش من كلامهم! .. قلتين بنفسش هم ما ليهم شغل المهم انتو مقتنعين ببعض
و اذا على كلامهم بعد .. حتى صور لا تراوينهم وانخشي ويا المعرس عنهم للأبد
لأن الي يبي يتكلم بهذا المنظور عاجلاً أو آجلاً بحصل الفرصة وبيتكلم .. ما يعرفون يسكتون هالفئة

هههههههههههههههههههههه صح!
أني اقتنعت بفكرة إن يدش بس للزفة وبعدين يمشي على طول
وبس ماني مراوتنهم الصور بعد ههههههههههههههه ​

مرحبا ..
قبل لا أقول أي شي
هذي كانت ردودي في أول مرة شفت الموضوع
حزتها طبعا كنت بعدي في مرحلة العزوبية
أما اليوم فأني جاية أتكلم من خلال تجربتي

الشي اللي صار اني في خطوبتي دخلت رجلي
طبعا عشان التصوير لأني اخترت صالة التصوير فيها تابع لتنظيمهم
في تصوير فيديو لدخلتنا للصالة (الزفة)
وبعدين في بعض اللقطات منها تلبيس الشبكة والدبل والكيك والعصير والتصوير مع الأهل
ورغم اني كانت نيتي أمنع هالشي نهائيا بس اضطريت اخلي جزء منه
كان ترتيب الاستيديو 50 صورة في الصالة و30 صورة في الاستيديو
في البداية قلت ليهم ما امبي صور في الصالة
فقالوا ليي ان لازم بعض الأشياء تتصور في الصالة
فقلت ليهم ان اذا جدي بخلي 30 صورة بس في الصالة والباقي في الاستيديو
ولو يرجع الزمن جان خليتهم أقل
مثلا خليت تلبيس الشبكة في الاستيديو
وطبعا بعد ما دشينا، تم زوجي شوي ويايي وبعدين خليته يطلع بحيث المعازيم ياخذون راحتهم اذا يبون يسلمون عليي وغيره
ولما طلعوا كامل خليته يرجع وكملنا تصوير

اما بالنسبة لمحارم زوجي فيعني الحمد لله كلهم مسترين ولبسهم محتشم بدون لا يغطون ولا يلبسون عبايات
اما الباقين فمعروف ان يلبسون عباياتهم اذا دش المعرس

وطبعا حتى الديجي اتفقت وي زوجي ان ما نحط عراقي لأن اثنينا نشوفه فيه طرب وما يفرق عن الاغاني بشي
ورغم ان ما كان عندي الديجي مال الصالة اناشيد حليوة ومرتبة الا اني ما ندمت على اني رفضت العراقي والردح

وبس
اقدر اقول اني مقتنعة باللي سويته
والحمد لله ..

 

[علي البلادي]

أعرف واحد يقول كنت حالف ما بطب ليهم الصالة بس غصبوا عليه ودخل الفقير مكره هههههه

انا بعد أقول ما بطب..