كلية الآداب أسهل كلية!

[رَحِيــلْ ،]

هذا للانجلينزي ريبورت 341 !

الإنجليزي وإن كان خاص بالبزنز يبقى إنجليزي
#تبع_الآداب .
يعني جهدك في الأصل آدابي، وشكله حتّى طريقة ريبورتكم آدابية.
وبنفسك قلت مواد المنجمت ما فيها هالسالفة .

 

[EBRAHIM-ABDULAAL]

رحيل: ههههههههههههه لا ما نستهين بمواد الاداب , انا عايش فيها و في ارجاءها المعمورة واجوف الاشياء مقارنة بالبقية , ليست بشكل عاام
مع اني كنت سأحول من بداية المشوار للكلية و لكن الاقدار الحمدلله لم تجعلني اغير
فيه صعوبة بمستويات بس نتفق كلنا ان الصعوبة تختلف بحسب المادة و الليفل و الدكتور ووووو

و خلاص مافيييه صعب سهل


المارد : مادة مادري شسمها عند دكتور عبدالله , تسوون ريبورت عن شركة اظن
هههههههههه لا تغير ادا تحب الشيء , مادة تنمي فيك روح الاكاونت
< مطلع على التخصصات عبارة

حنين : ههههه ايه زملاء التخصص و الانجلينزي مو صعب ,سهلوه لنا هالكورس و الغوا الميدتيرم حق الطالب يتفرغ لريبورت

 

[EBRAHIM-ABDULAAL]

الإنجليزي وإن كان خاص بالبزنز يبقى إنجليزي
#تبع_الآداب .
يعني جهدك في الأصل آدابي، وشكله حتّى طريقة ريبورتكم آدابية.
وبنفسك قلت مواد المنجمت ما فيها هالسالفة .

اي انا ما قارنت بين المنجيمنت و العربي
قارنا الكليات , و بالعكس هو ادابي بس طعمه ريبورت للبزنز
و طريقته عالمية ف اكيد الادب لان كل العلوم تقريبا ادابية



------------------------------------------------------


حالتي النفسية تحتاج لقطع من المانجو مع عصير المانجو
و اعطي كل عضو حبة وحدة بسس عن لا يخلص

 

[رَحِيــلْ ،]

@رَحيل

ما شاء الله عليش بنت خالتي اكلتيني على السريع
طالعي كلامي عدل له ,
كتبت ان :


و اني ما قلت ان ما تتعبون في هالتخصص

و ان يكن يعني , اني اشوفش شلون تشتغلين على البحوث و دا , و شلون تدرسون من مصادر مختلفه ,,

كل الي كنت اقصده .. ( الواقع )

ان مستوى الصعوبه في الكليات الي ذكرتهم اكبر من مستوى الصعوبه في تخصص علم الاجتماع مثلاً

ابسط مثال :

صديقتي كان تخصصها علم احياء
كانت درحاتها بيت ال F , D ,C

لكن حولت تخصصها لعلم اجتماع
فصارت درجاتها
A ,A-

مع ان هي ما تححب علم الاجتماع ,, و هي بنفسها قايله لي ,, ان الحياء احلى
بس بسبب ان الاحياء اصعب بدلت تخصصها


يعني واجججججججد واجججد طلبه تجوفينهم محولين للآداب و ماشيين صح ...
هذا يمكن اكبر دليل على ان كليه الآداب اسهل شوي من الكليات الي ذكرتهم من شوي
و ان كان الجهد المبذول في العرب اكبر


​

أكيد باكلش، لأن أرد وأني متنرفزة .
والحمد لله انتينه مو قدامي ، لا ما بضربش بس باكلش بكلامي حقيقتن وجهًا لوجه

بس لأنّ ناس تحوّل للكليّة يعني هي أسهل
ولو كانت رفيقتش نموذج كمثال . هي جافته أصعب يعني خلاص صار أصعب؟
وبس لأنّ الدرجات كانت أعلى يعني هذاك أصعب وهاي أسهَل؟
يعني ما فيه في العلوم أحد يستصعب مواد الآداب ؟ كلّش يعني ؟


شلون تقيسون مستوى الصّعوبة ؟
مستوى الصعوبة لكل إنسان مختلف !
أني عندي الإنجليزي أصعب المواد عندي
وناس عندها إياه شربة ماي!


ومن قال إن الكل يمشّي في تخصصات الآداب ؟ لا مو كلهم يمشّون
فيه بعد ناس يحولون وينصدمون بالواقع إن غير عن توقعاتهم
ما فيه دليل في النهاية ! جيبي ليي إحصائية للمحولين لكلية الآداب هل كلهم ناسبهم التخصص الجديد أو لا ؟




​

 

[رَحِيــلْ ،]

اي انا ما قارنت بين المنجيمنت و العربي
قارنا الكليات , و بالعكس هو ادابي بس طعمه ريبورت للبزنز
و طريقته عالمية ف اكيد الادب لان كل العلوم تقريبا ادابية



------------------------------------------------------


حالتي النفسية تحتاج لقطع من المانجو مع عصير المانجو
و اعطي كل عضو حبة وحدة بسس عن لا يخلص

ههههه بعد ما أقبل المقارنة بين الآداب والبزنز في الجهد
هاي واحنا جيرانكم عاد تسوون فينا جدي

 

[Noise-X]

ومن قال إن الكل يمشّي في تخصصات الآداب ؟ لا مو كلهم يمشّون
فيه بعد ناس يحولون وينصدمون بالواقع إن غير عن توقعاتهم
ما فيه دليل في النهاية ! جيبي ليي إحصائية للمحولين لكلية الآداب هل كلهم ناسبهم التخصص الجديد أو لا ؟

أنا مثال حي .. لو أدش آداب ما افلح

فلتوني في هندسة آيتي علوم .. بس لا اقرب داك الصوب

 

[رَحِيــلْ ،]

أنا مثال حي .. لو أدش آداب ما افلح

فلتوني في هندسة آيتي علوم .. بس لا اقرب داك الصوب

[MENTION=24080]7aneen[/MENTION]
الحمد لله ، شهادة رجل وحدة كفاية
بينما شهادة رفيقتش تحتاج بعد وحدة ثانية

#أمزح_عمومًا .

 

[7aneen]

أكيد باكلش، لأن أرد وأني متنرفزة .
والحمد لله انتينه مو قدامي ، لا ما بضربش بس باكلش بكلامي حقيقتن وجهًا لوجه


بس لأنّ ناس تحوّل للكليّة يعني هي أسهل
ولو كانت رفيقتش نموذج كمثال . هي جافته أصعب يعني خلاص صار أصعب؟


امواج اختش يوم كانت تفكر تغير تخصصها فكرت ف الآداب
قمر بدلت من علوم لآداب
قاسم بدل للآداب
هنتر بدل للآداب

وبس لأنّ الدرجات كانت أعلى يعني هذاك أصعب وهاي أسهَل؟

يعني ما فيه في العلوم أحد يستصعب مواد الآداب ؟ كلّش يعني ؟


شلون تقيسون مستوى الصّعوبة ؟
مستوى الصعوبة لكل إنسان مختلف !
أني عندي الإنجليزي أصعب المواد عندي
وناس عندها إياه شربة ماي!


على كل حال , مو سالفه ان رفيقتي مثال , لكن هي واقع اني شفته واجد واجد ف الجامعه
اي طالبه ويانا بدلت تخصصها من بزنز , نعرف تلقائياً ان 1- كان عليها انذارات 2-تخاف تنطرد
فيعني اسمحي ليي ,, اي واحد صاير يبي يهرب من الصعوبه ف كليته يروح للآداب
اني ما اتكلم هني عن رايي ف الآداب و ان هو سهل !
اتكلم ان مقارنه بالبزنز اسهل
و لو بتفكرين فيها بعقل بتشوفينها صحيحه ...

ومن قال إن الكل يمشّي في تخصصات الآداب ؟ لا مو كلهم يمشّون

ما يمشون بس ع الاقل ما ينطردون !
و الآداب مثل ما تقولين آخر حل ليهم عشان يواصلون ف الجامعه و يتخرجون منها !

فيه بعد ناس يحولون وينصدمون بالواقع إن غير عن توقعاتهم
ما فيه دليل في النهاية ! جيبي ليي إحصائية للمحولين لكلية الآداب هل كلهم ناسبهم التخصص الجديد أو لا ؟

اني ما قلت ناسبهم او لا ,,
بس على كل حال حتى لو ما ناسبهم بيبقون فيه
لان ما فيه حل آخر ليهم ف الجامعه


ممكن تعطيني مثال لطالب واحد ع الاقل حول من آداب لعلوم مثلا ؟



​

....

@7aneen
الحمد لله ، شهادة رجل وحدة كفاية
بينما شهادة رفيقتش تحتاج بعد وحدة ثانية

#أمزح_عمومًا .

شهادته .. وجهه نظره اني اتفق وياه فيها
اني ما يصلح لي مواد آداب و لا تخصصات آداب لان ما احبهم اصلاً
و اني ما امشي في شي ما احبه



اكا جبت لش امثله من المنتدى بعد
و اقدر اجيب لش امثله واجد ​

 

[إيقاع]

يعني ما فيه في العلوم أحد يستصعب مواد الآداب ؟ كلّش يعني ؟

أنا مثال حي .. لو أدش آداب ما افلح

90% من طلبة "العلوم، الآيتي، والهندسة" أو أكثر يستصعبون مواد الآداب.. خاصة الدين والتاريخ وجدي.
مو لأنها صعبة، وبالعكس فئة منهم ممكن يحققون درجات في هالمواد أكثر من طلبة الكلية/ التخصص نفسهم، ولكن يستصعبونها لأنهم ما يحبونها / ما تناسب ميولهم.. فدراستها ثقيلة عليهم.

 

[رَحِيــلْ ،]

امواج اختش يوم كانت تفكر تغير تخصصها فكرت ف الآداب
قمر بدلت من علوم لآداب
قاسم بدل للآداب
هنتر بدل للآداب

بس مو شرط صعوبة التخصص هي اللي تخلّي الواحد يحوّل.
وحتى لو كثرت الأمثلة على هذا الشي..
بظل أعتبر الشي مجرّد "فكرة" راسخة في بالكم وتبون تثبتونها وتقيسونها على جميع الطلبة..
بينما أني أجوف كل إنسان مختلف عن الآخر وما ينقاس أي إنسان على إنسان ثاني .

اللي يحولون بعضهم (في بالهم) هذي الفكرة: إن هالتخصصات أسهل . من جدي يحولون إليها ،
بينما فيه طلبة يحولون لتخصص آداب لأنهم يجوفونه أنسب ، مو بالضرورة يجوفونه أسهل ،
فَهل سألتين قمر عن تجربتها وأسبابها للتحويل؟ ومثل الشي قاسم؟ ومثل الشي هنتر؟
ممكن تجوفين إن السبب الظاهر هو "صعوبة تخصصهم القبلي" ، انزين ليش هو صعب عليهم وسهل على غيرهم؟ - مع احترامي إليهم جميعًا بالتأكيد.
هذا معناه إن مو الصعوبة وحدها كفيلة بالرغبة بتحويل التخصص ، إنما فيه أسباب ثانية في الخَفاء .
بس هل صعوبة التخصص القبلي = سهولة التخصص المحوّل إليه؟
أحيانًا مو شرط سهولة، أحيانًا الشيء المناسب هو التخصص الجديد!
إضافة إلى هالشي الفكرة الشائعة الثانية إن الآداب (حفظ) لذلك بعض الطلبة المحولين يفكرون بناءً على هالفكرة حق يبون يمشّون على قولتش.
هذا الشي اللي يخلي الناس تحوّل للآداب دون غيرها بكل بساطة ! [ الأفكار_الشائعة_عن_تخصصات_الكلية_وطبيعتها ]


وإذا بكون أكثر مصداقية وواقعية على قولتش، لماذا الآداب الأكثر تحويل إليها؟ - لأنها تكون متناسبة مع أكثر الحالات المُحوّلة .
إذا فيه سبب يخليني أقول إن الآداب يناسب أكثر الحالات المُحوّلة (أو حتى أقول إن أسهل ولو إني ما بقول) ، فبقول لأن أغلب الناس عندها خلفية عن تخصصات الآداب ، لذلك يكثر التحويل إليها مُقارنةً بالبزنز والعلوم اللي يتطلّب معرفة سابقة لأساسيات مُختلفة، في حين إن الآداب تخصصاتها أكثرها ما تحتاج إلى أساسيات اللهم إلا العربي اللي لازم المُحوّل إليه يكون عنده بعض الأساسيات النحوية والصرفية وما شاكل .

ممكن تعطيني مثال لطالب واحد ع الاقل حول من آداب لعلوم مثلا ؟

بالتأكيد ما بنحصّل هالشي، العلوم تتطلّب معرفة سابقة مثل ما قلت لش !
وأغلب طلبة الآداب كانت تخصصاتهم في الثانوية #أدبي .
الصعوبة ما نتجت من صعوبة المواد العلمية ، إنما هم كَأشخاص ما عندهم إمكانية على هذي المواد فتكون صعبة إليهم ؟

شهادته .. وجهه نظره اني اتفق وياه فيها
اني ما يصلح لي مواد آداب و لا تخصصات آداب لان ما احبهم اصلاً
و اني ما امشي في شي ما احبه

وإهني مربط الفرس، لو حولتين لآداب ما بتتكيفين وياه ولا بتعطين بعد 99%
الطالب المحول يجوف وضعه في مأزق، فبعضهم يبي (الأسهل-الآداب) .
وطالب ثاني يفكّر عدل ويبي (الأنسب-الآداب) .

وهذا ينطبق على التالي بتوضيح أكبر:
لو قلت إنه الطالب حوّل من [الأصعب"بزنز مثلًا"] إلى [الأسهل"تاريخ مثلًا"] ..
= إن الطالب جاف هالشي "بالنسبة إليه أسهل" . وأكيد فيه أسباب تخليه يقول إنه أسهل .
وما له داعي نذكر الأسباب اللي تخليه يقول أسهل !

ولو قلت لو قلت إنه الطالب حوّل من [الأصعب"بزنز مثلًا"] إلى [الأنسب"تاريخ مثلًا"] ..
= إن الطالب جاف هالشي "بالنسبة إليه أنسب" . وأكيد فيه أسباب تخليه يقول إنه أنسب .
وما له داعلي نذكر الأسباب اللي تخليه يقول أنسب


#مسجل_صرت

أني أنظر للطالب، بينما انتونه تنظرون للكلية والتخصصات نفسها من منظور المجتمع وأفكاره الشائعة .
وأني أنظر للطالب كحالة فردية ليها حرية الاختيار وإليها شخصيتها وإليها قدراتها ، في حين إنكم تطالعون الطلبة كحالات جماعية متشابهة .
ومن جدي ما بنوصّل لنتيجة ، لذلك من الأفضل ما نطول الموضوع أكثر من اللآزم.

 

[زَ.]

أنا مثال حي .. لو أدش آداب ما افلح

وانا مثال حي رقم اثنين.

بالنسبة لي مواد الآداب اصعب من مواد البزنس بمليون متمليّنة مرة

 

[أمواج]

بسم الله .. ما يسوى هالصراع كله
ترى كل تخصص فيه جوانب سهلة وفيه جوانب صعبة
ويعتمد عالأشخاص بعد

 

[المهندس عبدالله]

هي كل هذا صار و أنا نايم عجبتني هوشتكم المهم لحد يغلط على الهندسة
#الهندسة_حياتنا#هندساويين#هندساوي_لحد_يكلمني
طبعا امزح كل التخصصات ليها صعوبتها الخاصة
احين الهندسة و الايتي و العلوم الكل يشلخ علينه من صوب صعب قال صعب... المشكلة ما يدرون انه ادخل الامتحان و انا مو مراجع اله اللهم ليلة الامتحان ساعة وحدة و درجاتي كله فوق
بينما الاداب اصلا خايف و لا اتجرء ان انزل مادة من داك الصوب

كل واحد ليه مهارات خاصة و عن اله يقولون كل الناس ينقلون من علوم و هندسة و ايتي الى اداب.... انا اقول هي ناس ما اختارو تخصصهم صح مو لأن الأداب سهل... اعرف ناس نقلو من بزنس الى هندسة ....طبعا طبعا لأن الهندسة و الايتي و العلوم اسهل التخصصات في الجامعة

 

[إيقاع]

هي كل هذا صار و أنا نايم عجبتني هوشتكم المهم لحد يغلط على الهندسة
#الهندسة_حياتنا#هندساويين#هندساوي_لحد_يكلمني
طبعا امزح كل التخصصات ليها صعوبتها الخاصة
احين الهندسة و الايتي و العلوم الكل يشلخ علينه من صوب صعب قال صعب... المشكلة ما يدرون انه ادخل الامتحان و انا مو مراجع اله اللهم ليلة الامتحان ساعة وحدة و درجاتي كله فوق
بينما الاداب اصلا خايف و لا اتجرء ان انزل مادة من داك الصوب

كل واحد ليه مهارات خاصة و عن اله يقولون كل الناس ينقلون من علوم و هندسة و ايتي الى اداب.... انا اقول هي ناس ما اختارو تخصصهم صح مو لأن الأداب سهل... اعرف ناس نقلو من بزنس الى هندسة ....طبعا طبعا لأن الهندسة و الايتي و العلوم اسهل التخصصات في الجامعة

مو جدي مو جدي مو جدي #خربتها
أدري موادنا سهلة وعادي تندخل من دون مراجعة عكس بعض مواد الآداب..
بس لازم تقول عن تخصصك صعب.. عشان يبين كشخة : أدحن :

>> مزحة

 

[7aneen]

وإذا بكون أكثر مصداقية وواقعية على قولتش، لماذا الآداب الأكثر تحويل إليها؟ - لأنها تكون متناسبة مع أكثر الحالات المُحوّلة .
إذا فيه سبب يخليني أقول إن الآداب يناسب أكثر الحالات المُحوّلة (أو حتى أقول إن أسهل ولو إني ما بقول) ، فبقول لأن أغلب الناس عندها خلفية عن تخصصات الآداب ، لذلك يكثر التحويل إليها مُقارنةً بالبزنز والعلوم اللي يتطلّب معرفة سابقة لأساسيات مُختلفة، في حين إن الآداب تخصصاتها أكثرها ما تحتاج إلى أساسيات اللهم إلا العربي اللي لازم المُحوّل إليه يكون عنده بعض الأساسيات النحوية والصرفية وما شاكل .


بالتأكيد ما بنحصّل هالشي، العلوم تتطلّب معرفة سابقة مثل ما قلت لش !
وأغلب طلبة الآداب كانت تخصصاتهم في الثانوية #أدبي .
الصعوبة ما نتجت من صعوبة المواد العلمية ، إنما هم كَأشخاص ما عندهم إمكانية على هذي المواد فتكون صعبة إليهم ؟


وإهني مربط الفرس، لو حولتين لآداب ما بتتكيفين وياه ولا بتعطين بعد 99%
الطالب المحول يجوف وضعه في مأزق، فبعضهم يبي (الأسهل-الآداب) .
وطالب ثاني يفكّر عدل ويبي (الأنسب-الآداب) .

وهذا ينطبق على التالي بتوضيح أكبر:
لو قلت إنه الطالب حوّل من [الأصعب"بزنز مثلًا"] إلى [الأسهل"تاريخ مثلًا"] ..
= إن الطالب جاف هالشي "بالنسبة إليه أسهل" . وأكيد فيه أسباب تخليه يقول إنه أسهل .
وما له داعي نذكر الأسباب اللي تخليه يقول أسهل !

ولو قلت لو قلت إنه الطالب حوّل من [الأصعب"بزنز مثلًا"] إلى [الأنسب"تاريخ مثلًا"] ..
= إن الطالب جاف هالشي "بالنسبة إليه أنسب" . وأكيد فيه أسباب تخليه يقول إنه أنسب .
وما له داعلي نذكر الأسباب اللي تخليه يقول أنسب


#مسجل_صرت

أني أنظر للطالب، بينما انتونه تنظرون للكلية والتخصصات نفسها من منظور المجتمع وأفكاره الشائعة .
وأني أنظر للطالب كحالة فردية ليها حرية الاختيار وإليها شخصيتها وإليها قدراتها ، في حين إنكم تطالعون الطلبة كحالات جماعية متشابهة .
ومن جدي ما بنوصّل لنتيجة ، لذلك من الأفضل ما نطول الموضوع أكثر من اللآزم.

( وَشَهِدَ شَاهِدٌ مِّنْ أَهْلِهَا )
رايي ف الموضوع واضح , و ان كان النقاش طول شوي
بس اكا انتي وصلتي للنقطه الي امبيش توصلين ليها

#اكْتَفي
​

 

[رَحِيــلْ ،]

( وَشَهِدَ شَاهِدٌ مِّنْ أَهْلِهَا )
رايي ف الموضوع واضح , و ان كان النقاش طول شوي
بس اكا انتي وصلتي للنقطه الي امبيش توصلين ليها

#اكْتَفي
​

أني ما شهدت على سهولة الآداب ، ما قلت في كلامي هالشّي
أني طرحت لش تفكير الطالب بإنها سهلة يخليها تكون في عينَه سهلة .
وعطيتش السبب اللي يخليها " مناسبة " وليس " سهلة " .

فمو ذنبي إذا انتينه ما فَهمتين منطلق كلامي ،
​

 

[7aneen]

الطالب المحول يجوف وضعه في مأزق، فبعضهم يبي (الأسهل-الآداب)

^ هي كلامش
+
اني بعد ما قلت ان الآداب سهل ,
قلت ان اسهل مقارنه بالبزنز , العلوم , الخ ...
بس انتين قلتين هالشي بروحش
[MENTION=22124]رَحيل[/MENTION]​

 

[رَحِيــلْ ،]

بسم الله .. ما يسوى هالصراع كله
ترى كل تخصص فيه جوانب سهلة وفيه جوانب صعبة
ويعتمد عالأشخاص بعد

هذي الفكرة اللي أمبي أوصّل إليها .
بس النّاس مُصرّة تقول هذا التخصص سهل وهذاك صعب .
لذلك أني من المُحاربين لهذي الفكرة

أني لما كنت بَختار تخصصي، ما اخترته لأنه الأسهل..
معني كان عندي خيارات متعددة واجد : الإعلام ، التصميم الداخلي ، علوم حاسوب ، صيدلة ، علم اجتماع ، الحقوق
كل هذي كنت أفكّر فيها بس مو من مبدأ السهل والصعب ، لأن قدرة الإنسان تتجاوز السّهل والصّعب أولًا
والشي اللي يجوفه الناس صعب يمكن يكون هو سهل .
وأساسًا أني من المعارضين للطلبة المحوّلين للآداب بس عشان يقول لروحه ده " أسهل " لأن الناس تقول أسهل .
لو قال : أسهَل ليي ولقدراتي وإمكانياتي ، لكانت الجملة أهوَن بكثير .


#انتفاضة #ثورة .


​

 

[رَحِيــلْ ،]

الطالب المحول يجوف وضعه في مأزق، فبعضهم يبي (الأسهل-الآداب)

^ هي كلامش
+
اني بعد ما قلت ان الآداب سهل ,
قلت ان اسهل مقارنه بالبزنز , العلوم , الخ ...
بس انتين قلتين هالشي بروحش
@رَحيل​

ايي هذا كلامي .
بس كملي الكلام له واقريه من جديد تالي قولي أني قلت الآداب أسهل

مو أني اللي قلت الآداب أسهل ،
اللي قلته: إنّ الطالب يقول لروحه إن الآداب أسهل ، والسبب : إن المجتمع يقول ليه إن الآداب أسهل .
الفكرة إذا صارت في عقل الإنسان يبني عليها ..

بينما في الواقع الأمر الحقيقي إن صار أسهل إليه، مو بسبب الفكرة،
السبب الحقيقي المخفي: لأن هو عنده إمكانيات وقدرات ما اكتشفها وهو في التخصص الثاني .
فَأسهل إليه ما يساوي إن يكون أسهل للجميع .


مشكلتش تحاجيني وأني ما أعترف بسهل وصعب .
بضرب لش مثال أعاينه من هالأفكار اللي انتونه تقولونها أسهل مقارنة بهذا وأصعب مقارنةً بذاك .

احنا في العربي عندنا اللي يقول : النحو أصعب شيء في التخصص .
وهذي الفكرة الشائعة في المجتمع بشكل عام ، إن النحو أصعب شيء في اللغة العربية .
وبالذات " الإعراب " ناس واجد لما يتكلمون يقولون عنه " أصعب شيء في النحو " !


هل معناه أقص على روحي وأقول إن النحو صعب وهو سهل بالنسبة ليي
وهل المتمكنين من النّحو يخدعون أنفسهم بهذي الفكرة ؟
لو إحنا بنينا على هذي الفكرة " كون النحو الأصعب " معناه إن احنا شذوذ عن هالقاعدة
بينما الواقع كله قدرات وإمكانيات ! كل إنسان مختلف عن الآخر .
إذا الناس ما تفهم النحو مو معناه إنه صعب على الكل والجميع !!

ومثل الشي أني أقول إن مواد الأدب بالنسبة ليي أصعب من مواد اللغة (ولو إني عادةً أقول تتطلب جهد أكثر وما أقول أصعب بس كمثال)
فرضًا فيه فئة كبيرة توافقني في هذا الشيء ..
هل قدراتنا وإمكانياتنا نسقطها على جميع الناس كَقاعدة دائمة ؟!
​

#ما_يصير_جدي_يا_جماعة

 

[رَحِيــلْ ،]

هي كل هذا صار و أنا نايم عجبتني هوشتكم المهم لحد يغلط على الهندسة
#الهندسة_حياتنا#هندساويين#هندساوي_لحد_يكلمني
طبعا امزح كل التخصصات ليها صعوبتها الخاصة
احين الهندسة و الايتي و العلوم الكل يشلخ علينه من صوب صعب قال صعب... المشكلة ما يدرون انه ادخل الامتحان و انا مو مراجع اله اللهم ليلة الامتحان ساعة وحدة و درجاتي كله فوق
بينما الاداب اصلا خايف و لا اتجرء ان انزل مادة من داك الصوب

كل واحد ليه مهارات خاصة و عن اله يقولون كل الناس ينقلون من علوم و هندسة و ايتي الى اداب.... انا اقول هي ناس ما اختارو تخصصهم صح مو لأن الأداب سهل... اعرف ناس نقلو من بزنس الى هندسة ....طبعا طبعا لأن الهندسة و الايتي و العلوم اسهل التخصصات في الجامعة

[MENTION=24080]7aneen[/MENTION]
هذا #مثال_حي آخر إضافةً إلى نويز وزينب

نماذج كثيرة تقول إن مواد الآداب (أصعب) بالنسبة إليها
مثل ما فيه نماذج تقول إن مواد الآداب (أسهل) بالنسبة إليها .

المسألة كلها " بالنسبة إليها " .
هذا اللي أمبي أوصّل إليه من كل هالمناقشة.