كلية الآداب أسهل كلية!

[CS55]

الناس في جامعتنا بشكل خاص و في البحرين بشكل عام
يتنافسون على تصعيب تخصصاتهم
كل شخص يبي يطلع تخصصه الأصعب
وتز ذا بوينت يعني

. .

المهم ما في شي سهل
و أني هندسة و ما أقدر أجزم أن الآداب سهلة
لأني ما جربتها
و أهل مكة أدرى بشعابها

 

[رَحِيــلْ ،]

المواجهة احد الحلول .. إلا اذا كان الشيء مصيري
و من طبيعي إذا احد يطرح فكرة تخالف معتقد تواجه اعتراض، سواء صح لو غلط << مثل سالفة الكرة الارضية كروية

أنا اشوف من جانب طرح ادله تدعم الفكرة واجد تمام ..
بس نقاش عشان الطرف الثاني يقتنع ماله داعي،
الهدف ايصال الفكرة و الطرف الثاني يقيسها في قرارة نفسه ويقرر

ما هيَ الحلول الأخرى؟

السطر الثاني ذكرني بشي درسته للتوّ في مقرر
خاطري أكتبه بس مو مكان المعلومات إهني ولا مكان لاستذكارها
عن خاطري بكتبه بالأبيض وبخط صغنون

الكل يقول إن الأعمال الأدبيّة لأي كاتب هي نابعة عن إبداعه ، وإن النص الأدبي يعبر عن ذات صاحبه وأفكاره ومشاعره ، وإنّ تخبرنا بعد عن الحقيقة الإنسانية وأحيانًا عن الكيفية اللي تكون عليها الأشياء
لكن أنصار النظرية البنيوية لما طلعوا قالوا إن الأعمال الأدبيّة صاحبها (ميّت) ، والنّص خطاب مو من وظائفه الإخبار بالحقيقة! بالتالي هم يقولون إن الذات الإنسانية ليست مصدرًا ولا أصلًا للمعنى الأدبيّ .
وطبعًا واجهوا مُعارضة شديدة على هذي النظرية .

طبعًا ما بنقدر نحط أدلّة كأدلة بالمعنى الحقيقي،
فكرة مقابل فكرة ، والفكرتين ما فيهم دليل
ببساطة لأن تجربة كل إنسان تختلف عن الآخر
حتى لو كان فيه تشابه ، ما نقدر نبني عليه
حتى لو جبنا نماذج من الطلبة ما بيكون هذا كافي لدحض إحدى الفكرتين
إذَن من أين نجلب الأدلّة ؟

^ أمبي أوضّح الشي بس مو عارفة شلون أوصّل الفكرَة..
​

 

[Noise-X]

ما هيَ الحلول الأخرى؟

السطر الثاني ذكرني بشي درسته للتوّ في مقرر
خاطري أكتبه بس مو مكان المعلومات إهني ولا مكان لاستذكارها
عن خاطري بكتبه بالأبيض وبخط صغنون

الكل يقول إن الأعمال الأدبيّة لأي كاتب هي نابعة عن إبداعه ، وإن النص الأدبي يعبر عن ذات صاحبه وأفكاره ومشاعره ، وإنّ تخبرنا بعد عن الحقيقة الإنسانية وأحيانًا عن الكيفية اللي تكون عليها الأشياء
لكن أنصار النظرية البنيوية لما طلعوا قالوا إن الأعمال الأدبيّة صاحبها (ميّت) ، والنّص خطاب مو من وظائفه الإخبار بالحقيقة! بالتالي هم يقولون إن الذات الإنسانية ليست مصدرًا ولا أصلًا للمعنى الأدبيّ .
وطبعًا واجهوا مُعارضة شديدة على هذي النظرية .

طبعًا ما بنقدر نحط أدلّة كأدلة بالمعنى الحقيقي،
فكرة مقابل فكرة ، والفكرتين ما فيهم دليل
ببساطة لأن تجربة كل إنسان تختلف عن الآخر
حتى لو كان فيه تشابه ، ما نقدر نبني عليه
حتى لو جبنا نماذج من الطلبة ما بيكون هذا كافي لدحض إحدى الفكرتين
إذَن من أين نجلب الأدلّة ؟

^ أمبي أوضّح الشي بس مو عارفة شلون أوصّل الفكرَة..
​

من الحلول طرح الفكرة بشكل مباشر أو غير مباشر بحيث انها تثير الطرف الآخر وتخليه يبحث لما يوصل للحقيقة.

لما تتوفر أدله بيكون اسهل في طرح الفكرة وتقبلها عند الغير،
اما سالفة من وين نجيبهم يبي ليها شغلة
طبعاً الطالب في هذي الحالة مو مقياس لأنه اساس الإختلاف
افضل يكون الكلام جاي من دكتور أو شخصية عندها اطلاع في هذا الجانب
بحيث انه يقدر يفيد و يوصل الفكرة على اساس خبرته وبشكل حيادي

 

[رَحِيــلْ ،]

من الحلول طرح الفكرة بشكل مباشر أو غير مباشر بحيث انها تثير الطرف الآخر وتخليه يبحث لما يوصل للحقيقة.

لما تتوفر أدله بيكون اسهل في طرح الفكرة وتقبلها عند الغير،
اما سالفة من وين نجيبهم يبي ليها شغلة
طبعاً الطالب في هذي الحالة مو مقياس لأنه اساس الإختلاف
افضل يكون الكلام جاي من دكتور أو شخصية عندها اطلاع في هذا الجانب
بحيث انه يقدر يفيد و يوصل الفكرة على اساس خبرته وبشكل حيادي

لكن الدكتور إليه شخصيته الخاصة بعد ، بيعطيك رايه
وما أتوقع إنه دكتور - لو سألنا - يقول لينا شي إلا " إن لكل فرد قدراته وإمكانياته ووو " من هالكلام يعني ،
ما أتوقع إن دكتور يحدد ليك تخصص معين كونه أسهل أو أصعب .
#جربوا_بعد_يمكن_يطلع_شي

على فكرة على طاري هالموضوع ، ذكرتني بدكتور عندنا
كان ينتقد فئة من الطلبة المحولين للعربي (بغرض الهروب من تخصصاتهم أو بحجة سهل) أشدّ الانتقاد
بسبب إن بعضهم (حطوا تحتها خطّ ثاني) يجي ضعيف اللغة وما يناسبه التخصص وكله لأنه مخدوع .

عندنا دكتورة بعد درّستني ،
كانت تتكلّم بفكرة معناها: إن لا تحسبون إن التخصص بالعربي وخلاص بننجح فيه .

طبعًا هالموقفين ما أدري أقدَر أدعم بهم الفكرة أو لا ،
خصوصًا وإنهم ما يمثلون بقيّة تخصصات الكُليّة وهنا : كأنك يا أبو زيد ما غزيت..
​

 

[Noise-X]

لكن الدكتور إليه شخصيته الخاصة بعد ، بيعطيك رايه
وما أتوقع إنه دكتور - لو سألنا - يقول لينا شي إلا " إن لكل فرد قدراته وإمكانياته ووو " من هالكلام يعني ،
ما أتوقع إن دكتور يحدد ليك تخصص معين كونه أسهل أو أصعب .
#جربوا_بعد_يمكن_يطلع_شي

على فكرة على طاري هالموضوع ، ذكرتني بدكتور عندنا
كان ينتقد فئة من الطلبة المحولين للعربي (بغرض الهروب من تخصصاتهم أو بحجة سهل) أشدّ الانتقاد
بسبب إن بعضهم (حطوا تحتها خطّ ثاني) يجي ضعيف اللغة وما يناسبه التخصص وكله لأنه مخدوع .

عندنا دكتورة بعد درّستني ،
كانت تتكلّم بفكرة معناها: إن لا تحسبون إن التخصص بالعربي وخلاص بننجح فيه .

طبعًا هالموقفين ما أدري أقدَر أدعم بهم الفكرة أو لا ،
خصوصًا وإنهم ما يمثلون بقيّة تخصصات الكُليّة وهنا : كأنك يا أبو زيد ما غزيت..
​

مو أي دكتور .. في بعض الدكاترة يقدرون يفيدون بهذا الشأن (عندهم تجربة)
على سبيل المثال كان عندنا استاذ عربي في الثنوي على حسب كلامه
عنده بكلريوس في الرياضيات و العربي ويطمح ياخد ثالثه

مو شرط يكون دارس أكثر من تخصص عشان يعطي الإجابة
لكن على الأقل عنده إلمام بباقي التخصصات بحيث لو عطى رايه بشي ما بيكون من جهة نظر وحده.

 

[رَحِيــلْ ،]

مو أي دكتور .. في بعض الدكاترة يقدرون يفيدون بهذا الشأن (عندهم تجربة)
على سبيل المثال كان عندنا استاذ عربي في الثنوي على حسب كلامه
عنده بكلريوس في الرياضيات و العربي ويطمح ياخد ثالثه

مو شرط يكون دارس أكثر من تخصص عشان يعطي الإجابة
لكن على الأقل عنده إلمام بباقي التخصصات بحيث لو عطى رايه بشي ما بيكون من جهة نظر وحده.

من وين نجيب دكتور مثل هذا ههههه
هو يمكن فيه، عاد شلون نحصله ونقابله P:

 

[Noise-X]

من وين نجيب دكتور مثل هذا ههههه
هو يمكن فيه، عاد شلون نحصله ونقابله P:

تتسألون فيهم لما تحصلون الدكتور المنشود، اللي بتكون اجابته وافية ..

 

[بلوس]

حياكم تاريخ وسجلو ويه الكبيسي انجان ماتنسحبون ماهو وجهي

#ايش_قال_الاداب_سهله
#غرد_كأنك_رحيل

 

[قمَر]

هي تعتبرينها هوشه بالنسبه لش ؟
يعني احنا جهال مثلاً ؟ .. طفنا العشرين و قاعدين نتهاوش ..!
​

طبعًا كنت أمزح
وأحس الشي واضح من الرموز اللي أني مستخدمتنها
ومعذرةً إذا كان هالشي مو واضح بالنسبة لش
كنت أمزح فقط، ولا أعني اللي كتبته بمعناه الحرفي
وكتبت هالشي في رد سابق
"ما نقلت المشاركات هني بقصد الهواش
إنما بقصد النقاش فقط"
مسامحة مرّة ثانية

لا ما سألت .. , و بنفس الوقت ما سألت بعد عن طلبه يغيرون من تخصصهم الحالي للآداب ..
بس هي الشي معروف ف الجامعه ..
ان اكثر الطلبه يهربون من صعوبه تخصصاتهم للآداب
لانهم يعتقدون ربما ان الآداب اسهل

مادري بس شفت رحيل رادة عليش كأنها تجاوب على هالسؤال ما أذكر وين بالضبط
بس المهم كنت أبي أقول إن الغالبية ما تعني التعميم
والفكرة اللي كنت أبي أوصل ليها إن الشخص المحول يختار الأنسب ليه
وبرغم وجود فئة كبيرة تجي الآداب بسبب التفكير إنها أسهل وأخف من باقي الكليات
بس هالشي ما يعني إن ما في ناس حولوا لأنهم يشوفون الآداب أنسب ليهم وأقرب لميولهم
وما يعني إن ما في ناس حولوا من الآداب لكليات ثانية

اني اتفق وياش في النقطه , بس انتون بس شفتون ردي كلكم نهديتون عليي و على ابراهيم
كأن كنتون تحارسون اي لحضه عشان تنفجرون فوجهه اي طالب يقول ان جهد المبذول ف العلوم , الاي تي , البزنز اكثر من الجهد المبذول ف تخصصات كليه الآداب .

أني ما انفجرت على أحد
وما حسيت رحيل انفجرت بعد
كنّا ثنتينا ندافع عن موقفنا فقط
ونحاول نبين إن الصورة اللي أنتون فاهمينها صورة خاطئة!
يمكن كان النقاش قريب للحدّة
ولكن ما أذكر في رد من الردود غلطنا على أحد أو سبينا أحد
مجرد كنا ندافع عن وجهة نظرنا، مثلكم تمامًا
#والاختلاف_في_الرأي_لا_يفسد_للود_قضية
يعني يمكن أنتين ما تعرفيني شخصيًا وتعتقدين إن قاعدة أهاوشش ومتضايقة منش
بس هل تعتقدين إن بت خالتش متضايقة منش بسبب الكلام اللي قلتينه؟

اذا كان الكل مترسخ في باله هالفكره ..
انتين ما تقدرين تجين تبدلينها الا بدليل

هل في طلاب ملتحقين بكليه الآداب انطردو من الجامعه بسبب هبوط المعدل ؟
هل نسبه المحولين من الكليات الي ذكرتهم اقل من نسبه المحلوين من الآداب الى كليات اخرى ؟
معدلات الطلاب في تخصص علم الاجتماع مثلا تُقارن بمعدلات الطلبه في كليه الآي تي ؟

لو بنجي نجاوب عن هالاسئلة بتعرفين شنو اني اقصد بالضبط
و شنو فكرتي عن تخصصات الآداب

وهذا اللي أحنا نبي نوصّل ليه
وأعتقد إن احنا جبنا أدلة على كلامنا
وذكرنا الصعوبات اللي في تخصصاتنا
مثل:
1. كل مقرراتنا ما ليها كتب رسمية تنباع في الجامعة
2. واجد مقررات نضطر ندرس ليها بشكل ذاتي سواء كانت كلها أو جزء منها
3. واجد مقررات الدكتور ما يشرح شي تقريبًا، كل اللي يعطينا إياه رؤوس أقلام
4. نضطر أحيانًا عشان نوفر لينا مادة ندرس منها نلجأ لأكثر من كتاب ونلخّص لروحنا بروحنا
5. أحيان واجد تكون لغة الكتب لغة قديمة وصعبة علينا شوي
6. أغلب المقررات تتطلّب منا بحوث ثقيلة نوعًا ما وتستهلك جزء كبير من وقتنا
7. أوقات البريكات في الجامعة أكثرها تضيع على الوقت الا نقضيه في المكتبة
سواء كان حق البحوث أو حق الطباعة لأن احنا ما عندنا كتب مثل ما ذكرت فوق
يعني في المقرر الواحد نضطر نطبع من هني وهناك حق ندرس

يمكن أنتين وغيرش تشوفون إن جزء من هالصعوبات يواجهونها طلاب غير في الجامعة
وأني على الرغم من إني أشوف طلاب الكليات الثانية يحضرون لسنر مثلًا
لكن على الأقل كل مادة ليها كتاب رسمي يدرسون منه
ولين ما شرح الدكتور يقدرون يرجعون للكتاب
أو حتى يحضرون لسنر عند دكتور ثاني
إحنا لكل مادة عندنا سكشن واحد
وإذا فتحوا سكشنين خلوهم عند نفس الدكتور
يعني ما في حل غير إنك تعتمد على نفسك
وحتى لو اضطروا طلاب الكليات الثانية يلخصون بعض الجزئيات
سواء كانت من سلايدات بوربوينت أو الكتاب أو شرح الدكتور
فعلى الأقل هي تكون ملخصة أصلًا وغالبًا تكون مشروحة حتى لو ما كانت ملخّصة
بعكس لما يقول لك الدكتور روح للكتب الفلانية وتصرّف وي روحك

أما بخصوص هالأسئلة:
هل في طلاب ملتحقين بكليه الآداب انطردو من الجامعه بسبب هبوط المعدل ؟
هل نسبه المحولين من الكليات الي ذكرتهم اقل من نسبه المحلوين من الآداب الى كليات اخرى ؟
معدلات الطلاب في تخصص علم الاجتماع مثلا تُقارن بمعدلات الطلبه في كليه الآي تي ؟
أني ما عندي علم بهالأشياء ولا إحاطة كاملة بها
ولا هو الشي اللي كنت أبي أوصل ليه
وهالشي أعتقد أجاب عليه أحد من الردود
وهو إن يمكن يكون السبب في السهولة اللي يحسها الطالب في كلية الآداب
هو إن مناهجها ثابتة، يعني الكتب من مئات السنين ما تتبدل ولا تتغير
وأشياء واجد منها مفروضة على الطالب دراستها من أيام المدرسة
الشي الثاني اللغة ليها دور في هالشي بعد
لأن واااااجد ناس مشكلتهم في اللغة
أني عن نفسي في تخصصي القديم كانت مشكلتي اللغة مو المادة
لما أخذت الإحصاء الأول مال التخصص كنت كلّ أزفّت
ودرجاتي كل مأساة
ويوم أخذت إحصاء الآداب شفته نفس المحتوى، اللهم إن داك فيه زيادة بسيطة
بس الفرق إنه بالعربي
وجبت فيه A

أما بخصوص مقارنة الدرجات
فأني أقول لش مثل ما في درجات فوق في الآداب
في درجات أعلى منها في باقي الكليات
وهالشي ما يدل على سهولة أو صعوبة
أني أعرف أوادم في الهندسة والآيتي معدلهم أزيد مني
مع إني في الكلية الأسهل بوجهة نظركم
يمكن تكون كلية الآداب تخصصاتها تقريبًا في المتناول
لأن أغلب تخصصاتها تعتمد على الحفظ بنسبة مو بسيطة
يعني العربي مثلًا نصّه حفظ ونصّه فهم
فاللي بيعتمد على الحفظ بينجح في مقررات الحفظ ببساطة
ومقررات الفهم حتى لو عانى فيها شوي بيمشي بعد حتى لو بدرجات أقل
وفي ناس واجد عادي عندهم يحفظون بدون ما يفهمون
بس باقي الكليات مثل الهندسة والآيتي والعلوم
تقريبًا كلها فهم × فهم
فاللي ما يقدر يفهم ما بيشفع ليه الحفظ طبعًا

على كل حال اني ما انتقصت من الجهد الي تبذلونه ,
و لا قلت ان معدلاتكم ف العربي مرتفعه لان العربي سهل

ما اعتقد كلامي يجرح او شي ,
لان اتكلمت باحترام بصراحه
و قلت وجهه نظري فقط _ #راي
او فقط اشرت للفكره المشهورة بين الطلبه ان #الآداب_اسهل_شي
+ محد هني انتقص من جهدش المبذول ,,

وما قلنا أحنا أنكم تكلمتون بدون احترام
إنما هذي الفكرة هي اللي تجرح وتنتقص من قدر طلاب الآداب
وفي كلام قالته @رَحيل في الردود اللي قبل
قالت بما معناه:
تخيلي إن تسوين شي وتتعبين فيه وتجتهدين
ويجي أحد مو مجرب التعب اللي تعبتينه
ويقول لش هالشي حدّه سهل ولا يبا ليه شي
أو يقارن بينه وبين شي ما في مجال للمقارنة بينهم
يعني نمط الدراسة في كل كلية مختلف فما أحس إن المقارنة سليمة
والصعوبة والسهولة تعتمد على الشخص فقط
والجهد المبذول هو المقياس
يعني يمكن الآداب تخصصاتها أيسر حسب وجهة النظر العامة
لأسباب ذكرتها فوق (اللغة، التعود على مناهجها الثابتة، الحفظ)
لكن مو معناه إن النجاح فيها شي يجي بالساهل وببساطة
والنجاح في باقي الكليات مستحيل أو بعيد المنال
ولا يعني إن ما في متطلبات صعبة وتحتاج جهد في تخصصات الكلية
ولا يعني إن الدكاترة كلهم #زي_الفل

في النهاية أحب أقول كلام أشرت إليه قبل
أني ما تقصدتش أو تقصدت @EBRAHIM-ABDULAAL بهالموضوع
إنما أني نقلت المشاركات في موضوع مستقل للنقاش فقط لا غير
لنقاش هذي الفكرة اللي توّلد عنها رأيين (معارض وموافق)
وكل شخص ليه وجهة نظر مختلفة
ومو معناة هالشي إن أني أقول تعالوا غصب اقتنعوا بكلامنا
وأعتذر من جديد إذا كنتون اعتقدتون إنكم المقصودين
وأكرر #الاختلاف_في_الرأي_لا_يفسد_للود_قضية
وتبقون أخوة أعزّة ​

 

[نجمة تشرين]

موضوع وش كبره علی سهل و صعب
هذا منظور ذاتي كل شخي يختلف فيه عن الشخص الاخر

خله يولي حتی لو سهل اهمشي تحصلون شهادة و تتخرجون و عقب تقولون وين الماستر

 

[رَحِيــلْ ،]

موضوع وش كبره علی سهل و صعب
هذا منظور ذاتي كل شخي يختلف فيه عن الشخص الاخر

خيو مو كل واحد يقول لش هذا منظور ذاتي يختلف فيه عن الشّخص الآخر
إنما يفرض الشيء كقاعدة: تخصصات الآداب أسهل من غيرها .

ومن جدي وقفنا على القضيّة، فَلو فيه ناس تؤمن بالفكرة اللي قلتينها أكثر من إيمانها بالفكرة الثانية.. جان ما احتجنا أساسًا نتناقش في الموضوع ولا نتكلّم فيه ولا نفتح هالموضوع حتّى..!
​

 

[c o d e]

عادي جدا . كل واحد ووجهة نظره
مابقدر اغير فكرة فلان عن تخصصي
على قولتهم ( عمرينو ما يرضى )
اهم شي اني وين موقعي من الإعراب !
كل من قال لي رأيه استحمق وابط جبدي ، لو اطنش وكأنه العيد .

 

[رَحِيــلْ ،]

عادي جدا . كل واحد ووجهة نظره
مابقدر اغير فكرة فلان عن تخصصي
على قولتهم ( عمرينو ما يرضى )
اهم شي اني وين موقعي من الإعراب !
كل من قال لي رأيه استحمق وابط جبدي ، لو اطنش وكأنه العيد .

كل شي زايد عن حدّه ينقلب ضدّه
هو مو على شخص أو شخصين ، على فئة كبيرة من النّاس
وهو صحيح الواحد ما بيفتكر فلان وش قال وعلان وش قال
بس طبيعي ما بنحب إنه يُنظَر إلينا كَطلبة أقل مستوى من غيرنا .
​

 

[c o d e]

كل شي زايد عن حدّه ينقلب ضدّه
هو مو على شخص أو شخصين ، على فئة كبيرة من النّاس
وهو صحيح الواحد ما بيفتكر فلان وش قال وعلان وش قال
بس طبيعي ما بنحب إنه يُنظَر إلينا كَطلبة أقل مستوى من غيرنا .
​

أقولش عاد , أني أول مادخلت الجامعة ماعندي ولا صورة عن التخصصات السهلة
بس مرات أشوف ناس تغير من العلوم وتروح العربي وبلسانهم يقولون لأنه سهل
عقبها حطيت هالصورة في راسي لمدة من الزمن .
عقب من المنتدى بس , شفت شلون في ناس فخورين بتخصصهم ويحبونه مثلش ومثل قمر~ وقاسم في التاريخ
راحت هالصورة من بالي نهائيا , بالفعل العربي يبي له ناسه , ومو أي أحد يدخله
كفاية تتأملين في قصيدة (لأبو القاسم الشابي مثلا لأني أحبه ) وشوفي من وين يجيب هالحجي المصفصف
والطبيعة اللي تسحر ! شلون يركب وينسج الكلمات على بعض , هذا بروحه يبي له واحد مبدع ومخه كبير .

طوفي ياختي , اللي يبي يوقف عند فكرة هو حر .
>>> المفروض انشحتين إيجابية خلاص , قومي استثمريها ودرسي

 

[Prince.11]

ماراح اتكلم بصفتي طالب في هذا التخصص ..
او بصفتي طالب في هذه الكلية او تلك، راح اتكلم كطالب جامعي ..

جامعة البحرين بشكل خاص والمرحلة الجامعية بشكل عام ..
لا يوجد فيها شيء ينطوي تحت مُسمى سهل او راحة ..

جميع التخصصات تحتاج الى عمل، مثابرة، جهد، تعب ..
وهذا شيء منطقي وشيء ما فيه أي غبار اتوقع ..

المرحلة الابتداية تعبها و جهدها وصعوبتها راح يختلف ..
عن المرحلة الاعدادية ، والاعدادية عن الثانوية والثانوية عن الجامعة ووو ..

هذا الشيء انا في اعتقادي هو سِمة التعليم في كل العالم وليس في البحرين ..
و اعتقد خاطئ من يعتقد بهذا الاعتقاد، راح يدمّر مرحلته الدراسية ..

اذا أتيّنا الى صلب هذا الموضوع وحديث الساعة ..
كثير من الطلاب فعلاً، هذا منطقهم وهذا نهجهم ..

المشكلة مش في الاداب او البسنز او العلوم او او ..
المشكلة في الطالب نفسه .. لا اعتقد الاداب وتخصصاتها راح تكون ..

اسهل وامتع من التطبيقي كمدة دراسة وككميات اقل ووو ..
ولكن هذا لا ينطبق علينا كمنطق طلاب جامعيين ..

كُل تخصصات الجامعة تحمل معاناتها وتحمل كمياتها ..
صعوبة البسنز تختلف عن صعوبة الاداب عن صعوبة الاي تي مثلاً ..

ولكن في النهاية كل شيء صعب، كل شيء يبي له تعب ..
اذا تسأل طالب بسنز يشكي الحال ومثله طالب الاداب والهندسة ووو ..

انزين شنو النتيجة هُنا .. النتيجة انّ كل التخصصات فيها تعب ..
وكل شخص على ميولة .. طالب اللغة العربية يستمتع بدراستها ويتحمل ضغوطها ..

في المقابل طالب الاكاونت لا يتحمّل دراسة اللغة العربي فصل واحد ..
انزين شنو المنطق هُنا؟ المنطق ان كل طالب يتحمل التخصص على تحملاته العقلية ..

وهذا ما ينتج عنه ان فلان يقول هذا التخصص سهل وهذا صعب ..
وهو في الاساس السهولة والصعوبة ناتجه عن شنو؟ عن قدرات الطالب ..


ففي النهاية الي ابي اقوله .. لا يوجد شيء صعب في المرحلة الجامعة بشكل عام ..
هناك اختلافات في قدرات الطلاب .. فنشوف طالب يتحمل الاكاونت وطالب آخر لا يتحمله ..
وينتج عن ذلك شخص يقول الاكاونت سهل والشخص الاخر يقول الاكاونت صعب ..
و هو في الاساس جميع الخصصات في هذه المرحلة تحتاج الى جهد وتعب ومذاكرة ومثابرة ..


#وجهة_نظر ​

 

[رَحِيــلْ ،]

#وجهة_نظر

أحسَنت.

 

[MA.Bahrani]

تباين الآراء حيال التخصصات الجامعية يرجع الى كثير من الأسباب، منها: التراكمات السابقة حول التخصص - مرحلة المدرسة و المجتمع المحيط به وغيرها من العوامل التي تزرع التوجه أو التخصص في عقل الفرد بالإضافة الى طريقة تفكير الشخص، هناك من تجده ميال الى المواد الأدبية والآخر ميال الى المواد التقنية وهناك من يجمع بينهما.

#لفتة_ورأي​

معظم الناس تحاول جذب قرصها نحو النار؛ فتستنقص أو تتساهل - ان صح التعبير - من بعض التخصصات لتلمع تخصصها أو لتبرر فشلها في تخصصها.

مع احترامي لكل من استسهل التخصصات الأدبية مقارنةً مع تخصصه في هذا الموضوع، لم أجد الدليل الكافي المقنع .. معظم الآراء كانت تصب في تجارب شخصية ومقارنات من حيث متطلبات التخصص من تقارير وغيرها.

دمتم بود
جمعة مبـــاركة ​

 

[yagmur]

بس حبيت أنقل النقاش اللي صار في موضوع الحالة النفسية هني:









جه على بالي هالكلام بخصوص تعليق أستاذ إبراهيم "بحوثكم سهلة أوردي"
في مفهوم خاطئ ماخذينه الأوادم عن تخصص العربي
وتخصصات الآداب مثل الدين والتاريخ واللي من هالطخّة
وهو إن هي تخصصات سهلة وما تتطلب مجهود مثل باقي التخصصات
وتشوف اللي متوهّق بعمره يجي يحول آداب لأن سهل
بس ترى في الجامعة ما في شي سهل!
يمكن الشي الوحيد السهل في كلية الآداب هي إنها بالعربي
وترى واجد من ولاد ميري ما يحبون العربي وبعد يقولون بالعربي يعني سهل
بينما متطلبات الكلية متعبة، يعني حالها حال باقي الكليات
وترى عندنا ناس عندهم إنذارات في الكلية، وفي ناس معدلاتهم نازلة
السهولة والصعوبة تعتمد على الميول والرغبة
لأنك لين حبيت الشي بتهون عليك مصاعبه
#عطني_فاصل #بطيتوا_جبدي ​

++++++1
صح لسانش ,
أستغرب أني قبل يوم اسمع يقولون كلية الآداب سهلة ,
لا مو سهلة بالعكس وتخصص اللغة العربية تخصص صعب أصلا!!
مو كل من يقدر يتخررج بهالتخصص لان يحتاج لمهارات و قدرة خاصة في الطالب ... =) ,

اني راييي أن كل تخصصات الجامعه مو سهلة .. مافي شيء سهل في جامعه البحرين ... لأن أعرف بنية في كلية العلوم تخصص رياضيات معدلها 3.5 مع ان أني اجوف هالتخصص جدا صعب - هي تجوفة سهل و حليو في صعوبة اكيد بس دام عندها رغبة و ميول اكيد بتقدر تواصل وتتفوق
وفي ناس تخصصهم سياحة ومعدلهم نااااازل !! مع ان معروف هالتخصص سهللل .

اعرف بنية في التطبيقي ومعدلها تحت ال 1 و عندها اندارين - و أعرف وحدة تطبيقي ومعدلها قريب ال 4
يعني الشيء يعتمد على الطالب و مستواه - و ادا طالب ما بيدرس بكون أصعب

أني صراااحة ما اراجع اول باول ... كله حزة الحزة من جدي ما اجيب درجات كلها عالية اجيب بعض المواد زين والبعض لا
لان لو براجع و بدرس بجيب درجات ومعدل عاللللي ... تخصصي لا صعب و لا سهل بعد يحتاج لاهتمام و قراءه وتحليل ودراسة حالة حال أي تخصص في الجامعه ...

أني كنت أقول أن كلية الأداب أفضل للمعدل من البزنز لاني ما حبيت تخصصات البزنز وما أميل ليها ... لكن ماعتبرت أن الكلية سههلللة لان أعرف عدل ان تخصصات الأداب اصلا بعضها تحتاج لجهد واهتمام اكثثثر من البزنز ...
دام ددخلت تخصص مقتنعه فيه واحبة اكيد برفع معدلي عن قبل واكيد بنجح وبجيب درجات وبجوفة حليييو وسهل بس ما يعتبر سهلل.. في ناس عندها اندرات و ناس تنطرد .. هدا ما يدل أن تخصص سهل .

تخصص اللغة العربية -أو - ادب انجليزي , يحتاجون لدراسة حالهم حال أي تخصص آخر ..