كلية الآداب أسهل كلية!

[قمَر]

طبعًا أني نقلت الردود عشان أكمل الهوشة
عفوًا #النقاش

أولًا: كنت أبي أقول شكرًا @رَحيل
ردودش بردت قلبي وكانت تمثل جزء كبير من آرائي
وأغلب الأشياء اللي كنت أبي أقولها قلتينها
فما بقتبس شي لأن لو بقتبس ما بخلّص

ثانيًا: @7aneen
ما أذكر وين كان الكلام إلا أبي أرد عليه
فبرد بدون اقتباسات..
1. أنتين سألتين في ناس حولوا من آداب إلى كلية غير؟
أني سمعت عن بنية -للأمانة ما أعرفها شخصيًا- حوّلت من تاريخ إلى رياضيات
أني ما أنكر إن في فئة كبيرة تحوّل تخصصها للآداب بسبب هذا المفهوم (إن الآداب الأسهل)
لكن هذا الشي ما يعني إن الكل هذا حالهم
2. بخصوص الناس اللي أشرتين ليهم كمثال وكنت أني من ضمنهم
أني ما بتكلم عن الباقيين، بتكلم عن روحي بس
أني بصراحة ما حوّلت لعربي لأن العربي في نظري سهل
بالعكس أني حوّلت وأني خايفة من هالخطوة لأني كنت علمي
وسويت هالشي بعد تردد كبيييير
حتى إني في البداية يوم نصحوني بالعربي وإن أني بتميّز فيه
ما رضيت أختار عربي، واخترت سي أس
وهم عطوني هالنصيحة لأني كنت أكتب وأعبّر واجد
ومن هالشي حسوا إن هالتخصص يناسبني
بينما أني في البداية ما فكرت فيه كلّش
وبعد ما حولت ظليت أول فصل كلّ خايفة إن أرسب وأنطرد
لكن الحمد لله، الله كتب ليي التوفيق في هالكلية

أني أحترم جميع الآراء اللي انطرحت
بس للأمانة حسيت طريقة كلامكم تجرح شوي
كأنكم تستهينون بالتعب والجهد اللي نبذله عشان نحقق اللي حققناه
وأني ما أقول إن أنتون ما تتعبون
ولكن هالشي ما يعني إن أحنا ما نتعب بعد
​

وهذا الرد أكثر ردّ يوضّح المتاعب اللي نواجهها في تخصصنا
وبعد أني أعتبره مجرد #فيض_من_غيض​

ما فيه شي أسهل وأصعب .
بس لأنّ السالفة فيها عملي في هالتخصصات وفيها رياضيات يعني أصعب ؟
وبس لأن إحنا نتعامل باللغة العربية يعني أسهَل؟
مثل ما قلت كل تخصص وإليه جُهدَه ،
وما فيه تخصص "مُتعب" بالمعنى الحرفي إلا تخصص الشخص نفسه . كلمن يتعب هذي طبيعة الجامعة
أني أجوف أختي تدرس للآيتي، عندهم متطلبات وأشياء، أدري إنّ فيه جهد ، طبيعة التخصص تحكم إن يكون جهد من هالنوع
مثل الشي تخصصنا إليه جهده الخاص، حتى لو ما عندنا أشياء مثل المعمل مثلًا والريبورتات وهالسوالف، بس عندنا أشياء ثانية تتطلّب
صار ليي حوالي 4 أيام على مادة وحدة ألخّص 8 ملازم لموضوعين ولازم ألخص كل موضوع في 6 صفحات بَس
ولأن في الملازم تشابك لازم أدمج ما بينهم.. يعني كلام متكرر بس بصيغة ثانية،
وبعض الحجي مو مفهوم لأنّه مو مشروح أصلًا ، الدكتورة عاطتنه الفكرة العامة فقط لا غير!
وخذيت وقت للين ما تيبتهم وخلّصتهم..
تبي تجوفين الملازم بجيبهم إليش!
وفوق هذا الـ 12 صفحة اللي سويتها بعدي ما درستها هاي شغلي لازم أدرسه من جديد للمنتصَف !
وَبس لأنّ شغلي يعتمد على القراءة وهذا فيعني أسهل؟ من قال إن القراءة ما تاخذ وقت وما يبا ليها وقت للين ما تستوعب؟
وبس لأنّ احنا ندرس دروسنا بطريقة الفهم والحفظ العادي يعني أسهل؟
وبس لأن جهدنا جهد مكتبي أكثر فيكون أسهل؟
على فكرة تخصصنا كل المقررات بدون كتب إذا انتونه عندكم كتب!
وأشياء واجد لازم احنا نروح ندرسها بشكل ذاتي ونطّلع عليها..


فلا تتكلمون عن السهل والصعب ؛ لأن بالفعل هالشّي ينرفز، #يرحم_والديكم من قلب أقولها
لما تقولون جدي اتحسسون كل طالب في الآداب إن جهده كلش قليل،
وإنه ما تعب ولا اجتهد ولا شي بسبب : التخصص بسيط وسهل وما يبا ليه شي في عيونكم !

أني اللي يخوفني إن المنتدى مفتوح، وما أمبي أتكلم عن صعوبات التخصص..
بس انتونه تحدّون الواحد بصراحة يتكلّم غصبًا عنه يذكر السلبيات!


​

 

[إيقاع]

من صدق فاتحين هالموضوع
ترى الحياة فيها أشياء صعبة ومعقدة ومتعبة أكثر من هالموضوع البسيط الذي لا يستحق حتى النقاش فيه
لا تضخمون كل شي وتعطونه أكبر من حجمه.. ما بتقدرون تعيشون على هالحالة


احترامي ومحبتي للجميع...
دعائي لكم بكل التوفيق.

 

[قمَر]

من صدق فاتحين هالموضوع
ترى الحياة فيها أشياء صعبة ومعقدة ومتعبة أكثر من هالموضوع البسيط الذي لا يستحق حتى النقاش فيه
لا تضخمون كل شي وتعطونه أكبر من حجمه.. ما بتقدرون تعيشون على هالحالة


احترامي ومحبتي للجميع...
دعائي لكم بكل التوفيق.

السالفة مو تكبير أو تصغير
السالفة مفهوم خاطئ يحتاج تصحيح
السالفة نظرة ظالمة لفئة معينة من الطلاب
وهالشي مو مقتصر على الناس اللي ردّوا وتناقشوا
في ناس واااجد ينظرون بهذي النظرة

واللي خلاني أنقل المشاركات للموضوع منفصل
هو إني بس أطلّع اللي في خاطري لأني صراحة تنرفزت من الكلام
ومو هدفي إني أتهاوش وي الأوادم أو أجبرهم يقتنعون برايي
يعني في النهاية كل واحد حر باللي يفكّر فيه
واللي يحس إن ما بيغيّر النقاش من وجهة نظره مو ضروري يعوّر راسه ويدش يتناقش

الزبدة: حطيت الموضوع حالة حال أي موضوع عادي ينحط في المنتدى
وما تقصّدت فئة معينة نهائيًا
واللي ضايقني هو الكلام، أو طريقة التفكير، أو النظرة اللي حاطينها البعض عنّا
موو الأشخاص اللي تكلموا سواء إبراهيم، أو حنين أو غيرهم
وما أعتقد إن في شي غلط إذا ناقشنا فكرة معينة
لأن النقاش فيه تلاقح أفكار ورقي، المهم إنه ما يتحوّل إلى عداوات أو نزاعات
يعني: #الاختلاف في الرأي لا يفسد للود قضية
وبقاء هذي الفكرة في أذهان البعض ما راح تغيّر شيء من الواقع إطلاقًا

ع العموم بس عشان أأكد إن مو قاعدة أهاوش
أتمنى تتقبلين وجهة نظري برحابة صدر ​

 

[Blue Castle]

من وجهة نظري كل كلية ليها متتطلبتها الخاص مو من حق أحد يتنقص من الكلية الثانية أو يقول لا هاذي أسهل و هاذي اصعب فكل تخصص له صعوباته و ما يعرفها الا الي يدرس فيه بغض النظر انه كان بالعربي أو بالانجلينزي يعني لو بنجي للكليات وحدة وحدة حسب معلوماتي البسيطة عن كل كلية :

# لو بنجي لكلية العلوم فمواد الفيزياء ، الكيمياء ، الأحياء لابات و تيتوريلات ، و هذا يعني وجود ريبورتات اسبوعية ، بالإضافة الى أمتحان فاينل مرتبط بالعملي و فاينل ثاني مرتبط بالنظري و بعض المواد فيها أكثر من امتحان عملي مو بس فاينل و ينحسب ليهم بس مواد اول سنة 4 ساعات بعدين مثل الشي بس ينحسبون 3 ساعات ، غير بعض مواد الرياضيات فيها تيتوريل ، و الأحصاء ما ادري فيه او لا

# نجي للهندسة ما اعرف الا نبذة بسيطة عنهم بس بتكلم بالي اعرفه موادهم فيها لابات بالإضافة الى الشغل الي اشوفهم يشتغلونه ، غير عندهم ثلاث مشاريع يسلمونها senior ، minor و الثالث ما ادري ويش اسمه ، بينما اغلب الكليات عندهم بس senior

# نجي للرياضة ، لأني تقريباً يومياً اطلع من الجاامعة متأخر بالغلط اذا ما اشوفهم يتمرون أو عندهم شي ، غير انهم ياخذون كل فصل 7 او 8 مواد و لا بعد بعض المواد ساعة تنحسب ليهم مع انهم يحضرونها mw او uth مثل ما نحضرها احنا و تنحسب لينا 3 ساعات ، غير بعض المواد يسوون فيها تقارير ، غير انهم يداومون يومين في المدارس

# نجي للأداب سواء كان عربي ، تاريخ ، اسلاميات أو باقي التخصصات ، اشوفهم احيانا يضطرون يشترون كتب من برا الجامعة لانها مو متوفرة ، بالاضافة الى هذا الأبحاث و التلخيصات الي تصيدهم و تاخذ من وقتهم واجد

# نجي للأيتي و لا مادة ما فيها لاب أو تيتوريل اللهم ال senior ، غير هذا اسايمنتات بشكل اسبوعي ، اضافة الى هذا فيسات لبروجكت المادة ، إضافة الى هذا لبروجكت الي بتقعد تشتغل عليه للفيسات الي سويتها اذا بعد في برزتيشن عاد تعال شوف الي اياك كل واحد يتدلع لينا انا ما بقوم استحي أو ما اعرف اتكلم قدام جماعة تضطر تقوم بداله مع انك اساساً مسوي معظم الشغل مع ان هذا الشي عليه ، و هالقروب يا زعم يا طلع اوكي و كلهم يشتغلون ، يا يفلتون كل الشغل على واحد و هم مبسطين ، غير الفاينل في بعض المواد جزئين نظري و عملي ، و متى تخلص و ترجع البيت و ترجع البيت و رد تشتغل على بروجكت او تراجع الي اخذته اليوم و بعد ساعات ما تلحق و بعض الأشياء المتعلقة بالبرمجة ساعات اتعلمها بروحي

في النهاية كل تخصص له صعوباته الي محد يعرفها الا اصحاب التخصص نفسه ، بالنسبة لمواد الاداب اخذت بس العربي و الدين كانوا سهلين و الدرجات فيها ممتازة مع اني ما كنت اراجع الا ليلة الإمتحان و يوم الامتحان الصبح ، لاني ما أطيق الحفظ ، بس العربي كنت افهم القواعد ما احفظ مجرد شرح الاية و ما ادري ويه احفظهم ، بس هذا ما يعني ان هالتخصصات سهلة شخصياً اعرف ناس في هالتخصصات و اشوفهم يتعبون عدل ، حتى انا ساعات البعض ستنقص من تخصصي الا كمبيوتر يأملون مثل المدرسة وورد و بوربوينت في النهاية ما يحس بالنار الا الي يلمسها

 

[رَحِيــلْ ،]

من صدق فاتحين هالموضوع
ترى الحياة فيها أشياء صعبة ومعقدة ومتعبة أكثر من هالموضوع البسيط الذي لا يستحق حتى النقاش فيه
لا تضخمون كل شي وتعطونه أكبر من حجمه.. ما بتقدرون تعيشون على هالحالة


احترامي ومحبتي للجميع...
دعائي لكم بكل التوفيق.

أنا في انتظار افتتاح مواضيع نقاشية للأشياء الصعبة والمعقدة والمُتعبة .

 

[قمَر]

من وجهة نظري كل كلية ليها متتطلبتها الخاص مو من حق أحد يتنقص من الكلية الثانية أو يقول لا هاذي أسهل و هاذي اصعب فكل تخصص له صعوباته و ما يعرفها الا الي يدرس فيه بغض النظر انه كان بالعربي أو بالانجلينزي يعني لو بنجي للكليات وحدة وحدة حسب معلوماتي البسيطة عن كل كلية :

# لو بنجي لكلية العلوم فمواد الفيزياء ، الكيمياء ، الأحياء لابات و تيتوريلات ، و هذا يعني وجود ريبورتات اسبوعية ، بالإضافة الى أمتحان فاينل مرتبط بالعملي و فاينل ثاني مرتبط بالنظري و بعض المواد فيها أكثر من امتحان عملي مو بس فاينل و ينحسب ليهم بس مواد اول سنة 4 ساعات بعدين مثل الشي بس ينحسبون 3 ساعات ، غير بعض مواد الرياضيات فيها تيتوريل ، و الأحصاء ما ادري فيه او لا

# نجي للهندسة ما اعرف الا نبذة بسيطة عنهم بس بتكلم بالي اعرفه موادهم فيها لابات بالإضافة الى الشغل الي اشوفهم يشتغلونه ، غير عندهم ثلاث مشاريع يسلمونها senior ، minor و الثالث ما ادري ويش اسمه ، بينما اغلب الكليات عندهم بس senior

# نجي للرياضة ، لأني تقريباً يومياً اطلع من الجاامعة متأخر بالغلط اذا ما اشوفهم يتمرون أو عندهم شي ، غير انهم ياخذون كل فصل 7 او 8 مواد و لا بعد بعض المواد ساعة تنحسب ليهم مع انهم يحضرونها mw او uth مثل ما نحضرها احنا و تنحسب لينا 3 ساعات ، غير بعض المواد يسوون فيها تقارير ، غير انهم يداومون يومين في المدارس

# نجي للأداب سواء كان عربي ، تاريخ ، اسلاميات أو باقي التخصصات ، اشوفهم احيانا يضطرون يشترون كتب من برا الجامعة لانها مو متوفرة ، بالاضافة الى هذا الأبحاث و التلخيصات الي تصيدهم و تاخذ من وقتهم واجد

# نجي للأيتي و لا مادة ما فيها لاب أو تيتوريل اللهم ال senior ، غير هذا اسايمنتات بشكل اسبوعي ، اضافة الى هذا فيسات لبروجكت المادة ، إضافة الى هذا لبروجكت الي بتقعد تشتغل عليه للفيسات الي سويتها اذا بعد في برزتيشن عاد تعال شوف الي اياك كل واحد يتدلع لينا انا ما بقوم استحي أو ما اعرف اتكلم قدام جماعة تضطر تقوم بداله مع انك اساساً مسوي معظم الشغل مع ان هذا الشي عليه ، و هالقروب يا زعم يا طلع اوكي و كلهم يشتغلون ، يا يفلتون كل الشغل على واحد و هم مبسطين ، غير الفاينل في بعض المواد جزئين نظري و عملي ، و متى تخلص و ترجع البيت و ترجع البيت و رد تشتغل على بروجكت او تراجع الي اخذته اليوم و بعد ساعات ما تلحق و بعض الأشياء المتعلقة بالبرمجة ساعات اتعلمها بروحي

في النهاية كل تخصص له صعوباته الي محد يعرفها الا اصحاب التخصص نفسه ، بالنسبة لمواد الاداب اخذت بس العربي و الدين كانوا سهلين و الدرجات فيها ممتازة مع اني ما كنت اراجع الا ليلة الإمتحان و يوم الامتحان الصبح ، لاني ما أطيق الحفظ ، بس العربي كنت افهم القواعد ما احفظ مجرد شرح الاية و ما ادري ويه احفظهم ، بس هذا ما يعني ان هالتخصصات سهلة شخصياً اعرف ناس في هالتخصصات و اشوفهم يتعبون عدل ، حتى انا ساعات البعض ستنقص من تخصصي الا كمبيوتر يأملون مثل المدرسة وورد و بوربوينت في النهاية ما يحس بالنار الا الي يلمسها

كلام سليم

أحب أضيف على كلامك هالنقطة:
في مواد مشتركة في الجامعة وأغلبها من الآداب (عربي - دين - تاريخ)
واللي شفته أني بعد ما حولت آداب إن هالمواد ما تعكس صورة الكلية الحقيقية
يعني أني أخذت دين مشترك بينا وبين تخصص الاسلاميات رمزه 114
مع إني كنت أحس دين 101 ما في أسهل منه إلا أني لاعت جبديييي من دة 114 :mellow:
هذا غير إني كنت ماخذتنه عند عبد الرحمن الحامد وهالدكتور مشهور إنه متساهل واجد وي الطلبة
فما بالك لو أخذته وي دكتور من الدكاترة المتشددين اللي يتطلبون ومادري وي
#يمكن كنت بنتحر! ​

 

[إيقاع]

أنا في انتظار افتتاح مواضيع نقاشية للأشياء الصعبة والمعقدة والمُتعبة .

للأمانة.. أنا كلما أشوف تعليقاتكم عن دراستكم أقول الحمد لله ما دشيت عربي.
صح أحب العربي.. وبحب أمتحن فيه أكيد أما تعالي لخصي وحضري ومادري شنو كلش مو من صوبي ولا طاقة لي بذلك.

ولهذا.. لسنا نريد بهذه المواضيع الصعبة زيادتكم تعبا فوق تعب

فيض محبتي ♡

 

[رَحِيــلْ ،]

للأمانة.. أنا كلما أشوف تعليقاتكم عن دراستكم أقول الحمد لله ما دشيت عربي.
صح أحب العربي.. وبحب أمتحن فيه أكيد أما تعالي لخصي وحضري ومادري شنو كلش مو من صوبي ولا طاقة لي بذلك.

ولهذا.. لسنا نريد بهذه المواضيع الصعبة زيادتكم تعبا فوق تعب

فيض محبتي ♡

ما أعتقد إنَّ هَدف الموضوع ما يقتصر على تخصص العربي بروحه ، حتى ولو تطرقنا إلينا مع الكلام سابقًا
ولا هدف الموضوع نبيّن " هذا التخصص أي قَد صعب ونخوّف النّاس منه "
هدفنا فقط على الفكرة الرئيسيّة وهي:
" لماذا هذا الاتهام المُوجّه إلينا وشوي ويقول لينا انتون ما تسوون شي..
فقط بحجة إن هم في رايهم يجوفونه سهل "
أساسًا احنا ما نحتاج نثبت لأحد تخصصي أو تخصص أي واحد من الآداب فيه صعوبة ،
إنما ندعو لاحترام الجهود لا أكثر ولا أقل ، وتصحيح الأفكار، ..
كلمة (سهل) و (أسهل) ليها تأثير ما أعرف أشرحه
بس يمكن تفهمين شعوري إذا مرّ عليش يومًا شيء مجتهدة فيه وتعبانة فيه،
وقال لش شخص حتّى مو مجربنه: دَه الشي سهل حده ما يبا ليه شي..

​

 

[قمَر]

ما أعتقد إنَّ هَدف الموضوع ما يقتصر على تخصص العربي بروحه ، حتى ولو تطرقنا إلينا مع الكلام سابقًا
ولا هدف الموضوع نبيّن " هذا التخصص أي قَد صعب ونخوّف النّاس منه "
هدفنا فقط على الفكرة الرئيسيّة وهي:
" لماذا هذا الاتهام المُوجّه إلينا وشوي ويقول لينا انتون ما تسوون شي..
فقط بحجة إن هم في رايهم يجوفونه سهل "
أساسًا احنا ما نحتاج نثبت لأحد تخصصي أو تخصص أي واحد من الآداب فيه صعوبة ،
إنما ندعو لاحترام الجهود لا أكثر ولا أقل ، وتصحيح الأفكار، ..
كلمة (سهل) و (أسهل) ليها تأثير ما أعرف أشرحه
بس يمكن تفهمين شعوري إذا مرّ عليش يومًا شيء مجتهدة فيه وتعبانة فيه،
وقال لش شخص حتّى مو مجربنه: دَه الشي سهل حده ما يبا ليه شي..

​

+100000000 ​

 

[إيقاع]

ما أعتقد إنَّ هَدف الموضوع ما يقتصر على تخصص العربي بروحه ، حتى ولو تطرقنا إلينا مع الكلام سابقًا
ولا هدف الموضوع نبيّن " هذا التخصص أي قَد صعب ونخوّف النّاس منه "
هدفنا فقط على الفكرة الرئيسيّة وهي:
" لماذا هذا الاتهام المُوجّه إلينا وشوي ويقول لينا انتون ما تسوون شي..
فقط بحجة إن هم في رايهم يجوفونه سهل "
أساسًا احنا ما نحتاج نثبت لأحد تخصصي أو تخصص أي واحد من الآداب فيه صعوبة ،
إنما ندعو لاحترام الجهود لا أكثر ولا أقل ، وتصحيح الأفكار، ..
كلمة (سهل) و (أسهل) ليها تأثير ما أعرف أشرحه
بس يمكن تفهمين شعوري إذا مرّ عليش يومًا شيء مجتهدة فيه وتعبانة فيه،
وقال لش شخص حتّى مو مجربنه: دَه الشي سهل حده ما يبا ليه شي..

​

أنا معك.. وما قلت منذ البداية شيئا يشي بغير ذلك.
كل طالب جامعي لازم بيتعب وإلا ما بكون اسمه طالب جامعي.. مو احنا اللي رايحين نشتري شهادات.. شهاداتنا منحصل عليها إن شاء الله بتعبنا وجدنا ♡


مجددا.. كل التوفيق للجميع.

 

[Noise-X]

وإذا بكون أكثر مصداقية وواقعية على قولتش، لماذا الآداب الأكثر تحويل إليها؟ - لأنها تكون متناسبة مع أكثر الحالات المُحوّلة .
إذا فيه سبب يخليني أقول إن الآداب يناسب أكثر الحالات المُحوّلة (أو حتى أقول إن أسهل ولو إني ما بقول) ، فبقول لأن أغلب الناس عندها خلفية عن تخصصات الآداب ، لذلك يكثر التحويل إليها مُقارنةً بالبزنز والعلوم اللي يتطلّب معرفة سابقة لأساسيات مُختلفة، في حين إن الآداب تخصصاتها أكثرها ما تحتاج إلى أساسيات اللهم إلا العربي اللي لازم المُحوّل إليه يكون عنده بعض الأساسيات النحوية والصرفية وما شاكل .

صراحة .. هذا لفت إنتباهي

كطلبة من المرحلة الإبتدائية ل 3 ثنوي ندرس مواد الأدبية بشكل عام
و بطبيعة الحال المواد الأدبية محتواها ثابت ما يتغير
على عكس بعض المواد الموجوده في كليات ثانية << عندنا كل فترة تطلع لغة برمجة جديدة.
يعني يصير عند الطالب خلفية عن المحتوى طوال فترة دراسته + المحتوى ثابت

فلما الطالب يوصل الجامعة ويتوهق في التخصص اللي ماخذنه ..
الحل انه يلتجئ إلى تخصص عنده خلفية فيه على أساس يقدر يمشي - اللي هو الآداب عادة -
ولكون الطالب ما قدر يمشي في التخصص القبلي و قدر يواصل في التخصص الجديد فيوصفه بالسهل.

عن نفسي مثلاً لو كنت أدرس في كلية الآداب او البزنز ونقلت إلى آيتي بقول عن الآيتي أنه تخصص سهل،
فهل هذا يعتبر أن تخصص الآيتي سهل ؟ أو ان كلية الآداب صعبة ؟

يمكن الكلام يختلف من طالب لآخر بس هذا اللي صاير عند الأغلبية.

 

[قمَر]

بما ان الموضوع للكل فرايي هو
ان ما في شي صعب
كل شي سهل
لكن لزمن جهد
اذا انت سويت شي وانت مستمتع بتكمله بسرعة
اهم شي الشخص الي يدخل تخصصه يضل يحبه بدون كسل
المشهور ان العربي سهل والريض صعب
لكن كل شخص ليه عقل مختلف
البعض يجد ان العربي صعب وغير مفهوم
البعص يجد ان الريض سهل ومفهوم
لكن في النهاية هذي مجرد فكرة انت حاطنها

كل انسان عنده عقل وهذا العقل يقدر يفهم كل شي

اعرف ناس يحبون الريض وشطار فيه لان معلمتهم كانت طيبة و تعرف تسرح

لكن انجي للطالب الي معلمتهالريض كل تعاقبه ما بتحب المادة
وبتحس انها صعبه

لكن هي كلها مجرد فكرة

ف كلية الااب مو اسهل من باقي الكليات
وباقي الكليات مو اسهل من الاداب

اصلا اني ما احب احد يقول عن تخصصي صعب
لاني اتمنى ان الكل يعرفه ويفهمه ويشوف الجانب ااجميل منه

ولا احب احد يسبني عبقرية بس لاني تخصص فيز
لان اعرف اني مو عبقرية والناس كلها تقدر تفهمه
بس هم ما جربوا يحبونه شلون تغهم شي انت ما تحبع ؟


احس اني رحت بعيد عن الموضوع

عمومًا كلامش سليم
أني أشوف مثلش
ما أحب أحد يقول العربي صعب
لأن العربي بحد ذاته شي ممتع بالنسبة ليي
ولا أحب أحد يقول العربي سهل ولا يبا ليه شي
وأني أجتهد وأتعب حالي حالهم

يعني أني متأكدة إن أني و [MENTION=22124]رَحيل[/MENTION] وكل طالب متفوق تخصصه عربي
ما حصّل هالتفوق بسهولة
ومو بس العربي، حتى الاسلاميات والتاريخ وغيره
في ناس واجد محولين تخصصهم للآداب وما تفوقوا
وفي ناس واجد في الآداب يعيشون في مرحلة الإنذارات والطرد والرسوب
بغض النظر عن التخصص عربي لو غيره

جت فترة الناس كلها منهدة على البزنس
وحتى في الثانوي الكل يقول التجاري سهل ومادري ويش
بس أني ما أحب هالنوع من المواد وما أحس إني بحقق تفوق فيها
ودشيت علمي في الوقت اللي تساوى العلمي بالتجاري ولا افتكرت
وحتى اليوم مو نادمة على اختياري.. لأني اخترت اللي يناسبني
وبالرغم من إن تخصصي الحين عربي، لكن ما أحس تخصص الأدبي كان بيناسبني​

 

[qassoomy]

ما في كلية سهلة وكلية صعبة
كل كلية لها ظروفها ومصاعبها
اما بخصوص ان البعض يقول كلية الآداب سهلة جربوا تدخلون تخصص التاريخ
واعتقد مقرر تاريخ المشترك خير المثال ان الكل يتهرب منه فما بالكم كل التخصص تاريخ
الدكاترة واوقات السكاشن في كوم والتخصص بكبرة بكوم ثاني

اتذكر صديقي دخل الهندسة ومعدلة فوق الــ 3 قال لي اذا كان داخل تخصص التاريخ يمكن يرسب ويطلع
لذلك لا تحددوا اي كلية بانها سهلة او صعبة

 

[7aneen]

طبعًا أني نقلت الردود عشان أكمل الهوشة
عفوًا #النقاش



هي تعتبرينها هوشه بالنسبه لش ؟
يعني احنا جهال مثلاً ؟ .. طفنا العشرين و قاعدين نتهاوش ..!

ثانيًا: @7aneen
ما أذكر وين كان الكلام إلا أبي أرد عليه
فبرد بدون اقتباسات..
1. أنتين سألتين في ناس حولوا من آداب إلى كلية غير؟
أني سمعت عن بنية -للأمانة ما أعرفها شخصيًا- حوّلت من تاريخ إلى رياضيات

لا ما سألت .. , و بنفس الوقت ما سألت بعد عن طلبه يغيرون من تخصصهم الحالي للآداب ..
بس هي الشي معروف ف الجامعه ..
ان اكثر الطلبه يهربون من صعوبه تخصصاتهم للآداب
لانهم يعتقدون ربما ان الآداب اسهل

أني ما أنكر إن في فئة كبيرة تحوّل تخصصها للآداب بسبب هذا المفهوم (إن الآداب الأسهل)
لكن هذا الشي ما يعني إن الكل هذا حالهم

اني اتفق وياش في النقطه , بس انتون بس شفتون ردي كلكم نهديتون عليي و على ابراهيم
كأن كنتون تحارسون اي لحضه عشان تنفجرون فوجهه اي طالب يقول ان جهد المبذول ف العلوم , الاي تي , البزنز اكثر من الجهد المبذول ف تخصصات كليه الآداب .

اذا كان الكل مترسخ في باله هالفكره ..
انتين ما تقدرين تجين تبدلينها الا بدليل

هل في طلاب ملتحقين بكليه الآداب انطردو من الجامعه بسبب هبوط المعدل ؟
هل نسبه المحولين من الكليات الي ذكرتهم اقل من نسبه المحلوين من الآداب الى كليات اخرى ؟
معدلات الطلاب في تخصص علم الاجتماع مثلا تُقارن بمعدلات الطلبه في كليه الآي تي ؟

لو بنجي نجاوب عن هالاسئلة بتعرفين شنو اني اقصد بالضبط
و شنو فكرتي عن تخصصات الآداب

على كل حال اني ما انتقصت من الجهد الي تبذلونه ,
و لا قلت ان معدلاتكم ف العربي مرتفعه لان العربي سهل



2. بخصوص الناس اللي أشرتين ليهم كمثال وكنت أني من ضمنهم
أني ما بتكلم عن الباقيين، بتكلم عن روحي بس
أني بصراحة ما حوّلت لعربي لأن العربي في نظري سهل
بالعكس أني حوّلت وأني خايفة من هالخطوة لأني كنت علمي
وسويت هالشي بعد تردد كبيييير
حتى إني في البداية يوم نصحوني بالعربي وإن أني بتميّز فيه
ما رضيت أختار عربي، واخترت سي أس
وهم عطوني هالنصيحة لأني كنت أكتب وأعبّر واجد
ومن هالشي حسوا إن هالتخصص يناسبني
بينما أني في البداية ما فكرت فيه كلّش
وبعد ما حولت ظليت أول فصل كلّ خايفة إن أرسب وأنطرد
لكن الحمد لله، الله كتب ليي التوفيق في هالكلية


أني أحترم جميع الآراء اللي انطرحت
بس للأمانة حسيت طريقة كلامكم تجرح شوي
كأنكم تستهينون بالتعب والجهد اللي نبذله عشان نحقق اللي حققناه
وأني ما أقول إن أنتون ما تتعبون
ولكن هالشي ما يعني إن أحنا ما نتعب بعد


وهذا الرد أكثر ردّ يوضّح المتاعب اللي نواجهها في تخصصنا
وبعد أني أعتبره مجرد #فيض_من_غيض

ما اعتقد كلامي يجرح او شي ,
لان اتكلمت باحترام بصراحه
و قلت وجهه نظري فقط _ #راي
او فقط اشرت للفكره المشهورة بين الطلبه ان #الآداب_اسهل_شي
+ محد هني انتقص من جهدش المبذول ,,




#سلام

​

 

[رَحِيــلْ ،]

هي تعتبرينها هوشه بالنسبه لش ؟
يعني احنا جهال مثلاً ؟ .. طفنا العشرين و قاعدين نتهاوش ..!

لا، بالطبع تقصد نقاش بس عن مزحة
هلوو.. ترا بعدي 19 حتى ما طفت العشرين

 

[رَحِيــلْ ،]

هل في طلاب ملتحقين بكليه الآداب انطردو من الجامعه بسبب هبوط المعدل ؟
هل نسبه المحولين من الكليات الي ذكرتهم اقل من نسبه المحلوين من الآداب الى كليات اخرى ؟
معدلات الطلاب في تخصص علم الاجتماع مثلا تُقارن بمعدلات الطلبه في كليه الآي تي ؟

بالنسبة للسؤال الأوّل ، يمكن ما سمعت للحين بالطرد
بس أقدَر فيي ويايي بنات "من ربعي" يفكرون يغيرون التخصص ،
وبعضهم ياخذون "فرعي" عشان بس يخففون من مقررات العربي
وبعضهم عندهم إنذار أوّل بَعَد
وأذكر أحد الأخوة هُنا في الموقع كتب قصته ومن ضمنها إن نازل ليه إنذارين واحتمال ينطرد إذا ما رفّع مُعدله .
أعرف البعض يعيد المواد بالمرّتين بسبب الرسوب ، والبعض ينسحب بعد من بعض المقررات بالمرّتين ..
وأتوقع هالأشياء أكيد إن كلها مو بس خاصة بتخصصنا ، ما يصير هالظواهر مو موجودة في الكُليّة !


السؤال الثاني: حتى لو كانت النسبة مرتفعة ، أدري بهالشي
ولكني فسرت سبب التجاء الطلبة لكلية الآداب..
وأسهم [MENTION=19089]Noise-X[/MENTION] في توضيحه بعد ..
في المشاركة التالية #52

وانتينه قلتين :

اذا كان الكل مترسخ في باله هالفكره ..
انتين ما تقدرين تجين تبدلينها الا بدليل

معناه هي: فكرة . لا أكثر ولا أقل ، والفكرة تحتاج إلى دعم
لكن انتين بعد ما تقدرين لمجرّد ظاهرة إن أكثر المحولين للآداب أكثر من غيرها إنش تقولين تخصصات هالكليّة أسهل .
قد يكون الأمر واضح وبَدَهي كدليل لأنش تعتقدين بهالفكرة، لكن مو هذا الواقع
يمكن هو يحوّل بدافع هالفكرة ، بس انتين ما تدرين وش يصير لكل فرد من بعد التّحويل هل تكون الفكرة بالضبط ما هو جافها أو يتضح العكس.
​

 

[Noise-X]

لا، بالطبع تقصد نقاش بس عن مزحة
هلوو.. ترا بعدي 19 حتى ما طفت العشرين

قدامنا مشوار

اذا كان الكل مترسخ في باله هالفكره ..
انتين ما تقدرين تجين تبدلينها الا بدليل

مثل ما ذكرتون الفكرة عند الاغلب .. صعب تغييرها بسرعه
تصير نوع المعتقد إذا عدد كبير من الناس يؤمنون بحاجه معينه .. على الأقل نحاول نوصل راينا بالموضوع

 

[رَحِيــلْ ،]

+ محد هني انتقص من جهدش المبذول ,,

بس في المعنى الباطني بشكل غير مباشر هذا الشي ينقال .
أرد أعيد كلامي:

كلمة (سهل) و (أسهل) ليها تأثير ما أعرف أشرحه
بس يمكن تفهمين شعوري إذا مرّ عليش يومًا شيء مجتهدة فيه وتعبانة فيه،
وقال لش شخص حتّى مو مجربنه: دَه الشي سهل حده ما يبا ليه شي..

​

 

[رَحِيــلْ ،]

قدامنا مشوار



مثل ما ذكرتون الفكرة عند الاغلب .. صعب تغييرها بسرعه
تصير نوع المعتقد إذا عدد كبير من الناس يؤمنون بحاجه معينه .. على الأقل نحاول نوصل راينا بالموضوع

لاحقين يعني

+ إذا احنا ما واجهنا الفكرة اللي صارت مُعتقد
عجل شلون يتخلّص المُجتمع منها .
​

 

[Noise-X]

لاحقين يعني

+ إذا احنا ما واجهنا الفكرة اللي صارت مُعتقد
عجل شلون يتخلّص المُجتمع منها .
​

المواجهة احد الحلول .. إلا اذا كان الشيء مصيري
و من طبيعي إذا احد يطرح فكرة تخالف معتقد تواجه اعتراض، سواء صح لو غلط << مثل سالفة الكرة الارضية كروية

أنا اشوف من جانب طرح ادله تدعم الفكرة واجد تمام ..
بس نقاش عشان الطرف الثاني يقتنع ماله داعي،
الهدف ايصال الفكرة و الطرف الثاني يقيسها في قرارة نفسه ويقرر