- تاريخ التسجيل
- 19 أبريل 2013
- المشاركات
- 1,638
- المجموعة
- ذكر
- الدفعة الدراسية
- 2012
- الكلية
- كلية تقنية المعلومات
- التخصص
- Computer Science
مجرد سؤال : متى قلت اذا جا احد طلب نوت أسأله عن قصة حياته ؟ او أسال ليش ما تحضر
شوف بشكل عام رغم ان هاذي قناعتي الشخصية بس امانةً تقريباً ما رفضت احد يطبع نوت او اعطيه نوت الا مرتين من دخلت الجامعة الى الحين لأسباب اشوفها مقنعة بالنسبة ليي على الاقل :
المرة الاولى في مقرر اخذته كان يقعد صوبي ما يكتب يحارس لين نخلص المحاضرة و بعدين يصور ، لا الدكتور شرحه سريع و لا الكتابة واجد و الدكتور يكتب و بعدين يشرح فتقدر تقول ليي شنو عذره ، ما يكتب لمجرد لانه ما يبغي يتعب روحه مثلاً
، تقريباً الى بعد اجازة المنتصف على هالحال بعدها رفضت انه يصور من عندي ، شخصياً ما عجبني الوضع عطني سبب مقنع يخليه ما يكتب ؟!! المرة الثانية طالب اعرفه طلب مني نوت لمادة سابقة ، بحكم معرفتي بهذا الشخص ادري انه اذا عطيته النوت الي يبغيه ما بيحضر المحاضرة خير شر ، خصوصاً ان دكتور المادة ما يسجل حضور ، و المادة تحتاج متابعة و شرح عشان تفهم بعض مواضيعها فرفضت ان اعطيه النوت لهذا السبب ، يمكن تقول انت مو مسؤول عنه اذا سوا هذا الشيء انت مجرد عطيته النوت ساعدته عشان يراجع و مالك دخل شنو يسوي هو حر في تصرفاته ، هذا الكلام لا غبار عليه ، بس ليش اكون سبب في الشيء ؟ ليش اساعده على الغلط ؟ صح انا مو وكيل ادم على ذريته و هو حر ، بس ليش اساعده على الغلط هو في النهاية صح بيضر نفسه بس ما احب اكون سبب في هذا الشيء .
بعيداً عن هالشيء الفصل الي طاف كانت عنيد محاضرة لظهر حضرت لأول جبتر ، الجبتر الي عقبه كان حضوري بدون فايده ، حسيت ان حضوري ماله معنى فما قمت احضر و درست باقي محتوى التست ذاتي ، ما اخذت نوت المحاضرات من عند احد مع العلم اني اعرف كذا شخص في السكشن ، انا نفسي اشوف ان مو من حقي اخذ النوت ، هذا تصرفي او بالأحرى خطئي و انا اتحمل مسؤوليته
