PHYCS الدراسة الجماعية وكل ما يتعلق بمقرر : ||PHYCS 101||

[Mohammed_13]

وماذا بعد؟!
هالمشكلة في هالنوعية من المسائل انه مافي جواب صحيح الا لما يتم تحديد نظام احداثي

يعني لو حددت في النظام ان اتجاه الاسفل سالب بعني تسارع الجاذبية بيكون سالب
واذا حددنا ان الاسفل موجب يعني تسارع الجاذبية بتكون اشارته موجبة

لان السالب والموجب ليس له اي علاقة بالزيادة او النقصان او له اي دلالة على ذلك

فهو امر يحدد حسب النظام فقط عشان تقدر تحدد شنو عكس شنو!

فاسألي دكتورك يمكن له وجهة نظر انا مو منتبه لها ..

دكتورنا قال لنا انه اشارة الجاذبية تعتمد على محور ال y ، اذا كان محور ال y للاعلى ف الجاذبية تصير بالسالب...، واذا كان محور ال y للاسفل تصير ب الموجب

 

[Mohammed_13]

[MENTION=22527]lilha7m3d[/MENTION]

لو سمحت اخوي ممكن اذا ماعليك كلافه تشرح لي درس القوى ، بدون الاحتكاك ، ومسامحه اذا ثقلنا عليك

 

[Lil-H]

شنو درس القوى اصلا ههه
خلصت هالمادة صارلي سنة فلو تحدد لي عن شنو تتكلم بالضبط عشان اعرف ..

وان شاء الله يكون عندي وقت لاني عندي تست بكرا من الصبح للاسف

 

[Mohammed_13]

[MENTION=22527]lilha7m3d[/MENTION]
ال weight و normal force و tension

يعني اذا ممكن بس تعطيني شوية خطوات يعني في المسائل اللي تتعلق فيهم شنو لازم اسوي اول

 

[Lil-H]

اخي كل مسائل القوى تنحل بفكرة واحدة فقط لا غير ..

ان مجموع القوى في اتجاه ما (محور ما ) يساوي الكتلة في التسارع في هذا الاتجاه (قانون نيوتن الثاني)

الليي هو هالقانون

... ((

يعني محصلة او مجموع ))

والله ما يهم كانت قوة عمودية ولا احتكاك ولا شد حبل ولا جاذبية ولا مركزية .. بتستعمل نفس المبدأ

وانصحك ترسم المسألة وتشوف كل قوة شلون بتكون
..

يعني مثلا هذه المسألة

بس شوف كل قوة واتجاهاتهم

يعني هنا اللي يهمك الاتجاه الرأسي لان هاي اللي بيكون فيه القوة العمودية Normal force
فمجموع القوى في الاتجاه الرأسي تساوي الكتلة في التسارع في الاتجاه الراسي

فشوف شنو كل القوى اللي تؤثر في الاتجاه الرأسي

عندك الجاذبية لاسفل والNormal force لاعلى والمركبة الرأسية من قوة شد الشخص

طبعا نعتبر اتجاه y لاسفل الاتجاه السالب فقوة الجاذبية بتكون اشارتها سالبة وباقي القوى اتجاههم لاعلى يعني اشارتهم موجبة

فــطبق المعادلة مجموع القوى يساوي التسارع في الكتلة

والاتجاه الرأسي بما ان الجسم ساكن في ما تتغير حركته لفوق او تحت يعني التسارع فيه صفر a[SUB]y[/SUB]=0 .. يعني الطرف الثاني من المعادلة صفر

وعوض عن كل قوة بما تساويه مع الانتباه للاشارات ( الاتجاهات ) فالجاذبية في الاتجاه السالب فبتعوض في قيمتها بسالب

طبعا في طرق اذكى واسرع في التفكير في الموضوع بدون تفاصيل نفس انك تشوف انه لازم القوة العمودية تكون الفرق بين قوة الجاذبية والمركبة الراسية عشان يكون في اتزان في المستوى الرأسي فتحل في خطوة واحدة .. بس هاي الفكرة العامة ان مجموع القوى ايا كانت يساوي الكتلة في التسارع
فبس شوف كل ااتجاه (او الاتجاه اللي يهمك) شنو القوى اللي تؤثر فيه وشنو محصلة التسارع الناتج عن تلك القوى

 

[Mohammed_13]

[MENTION=22527]lilha7m3d[/MENTION]
شكراً ، الله يوفقك يارب...

 

[إيقاع]

بالتوفيق للجميع..
والامتحان الساعة أربع له ؟ #اشتغل_الوسواس

 

[Mohammed_13]

بشروا ويش سويتون..؟

 

[إيقاع]

إذا شفت النتيجة بعرف وش سويت

بهالمناسبة تذكرت أيام المدرسة.. أطلع من الامتحان مستانسة، لازم أنقص
أطلع من الامتحان وأني على وشك أصيح، وأحيانا أصيح بعد.. أجيب علامة كاملة
شعاري: لا للوناسة بعد الخروج من الامتحان

وأنتم ؟

 

[Mohammed_13]

احس عندي اخطاء واجد...، وتراودني افكار انه اسوي دروب للمادة

 

[.:مغترب:.]

احس عندي اخطاء واجد...، وتراودني افكار انه اسوي دروب للمادة

لهالدرجة يعني؟!

هالمادة أسهل من أسهل مادة فيزيا في المدرسة.

على العموم، إذا اتحس صدق ما تقدر اتكملها وما عندك فرصه فيها؟ سو دروب، الأمر راجع اليك في النهاية.

 

[إيقاع]

الحين طول الوقت من طلعت من الامتحان وأني أفكر ليش الإجابة مش منطقية رغم كوني متأكدة 100% من خطوات الحل.
يوم جيت بنام عرفت ليش مو منطقية عشان تجيني حومة ويرتفع ضغطي وما أنام.. : تحبس الصيحة :
انزين جان باجر الصبح تذكرت يعني.. مي حالة ذي :tears:

 

[Mohammed_13]

لهالدرجة يعني؟!

هالمادة أسهل من أسهل مادة فيزيا في المدرسة.

على العموم، إذا اتحس صدق ما تقدر اتكملها وما عندك فرصه فيها؟ سو دروب، الأمر راجع اليك في النهاية.

لا ان شاء الله باواصل، الامتحان عليه 15 درجه يعني حتى لو نقصت اقدر اعوض..

شكراً على النصيحة

 

[Lil-H]

^^
من احد الاسباب ان الاختيارات احسن

 

[Mohammed_13]

المشكله اني انصميت بالنموذج اللي فيه كتابه

 

[إيقاع]

صار صخة الموضوع
يلا ادرسوا لتست 2

 

[Mohammed_13]

صح؟

 

[Mohammed_13]

هي بعد صح لو لا؟

 

[إيقاع]

الأول أعتقد 35
لأن الاحتكاك 30

 

[Mohammed_13]

الأول أعتقد 35
لأن الاحتكاك 30

هو السؤال طالب مقدار القوى اللازمة عشان يتحرك الجسم..، انا طلعت مقدار F2 ، المفروض ويش اسوي بعدين؟
يعني جيفه يصير 35