موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

حوار ساخن بين آدم و حواء ....

أحم أحم ..

اظن ما فيها شي لين زوجها حب أن يساعدها او مثلا يطبخ عنهاا
يعني ما فيها اي شي سوى اهي طبخت اهو طبخ فتعتبر مسااعده كل من الزوجين ..
بس أهي بعد مو تمصخها وشسمهه تخلية اهو اللي يكرف واهي يالسة يلس فوقها يني
لانة يعتبر هاي استغلال واصلا حلاوة البنت اللي تكوم وتطبخ لزوجها
بس اذا بيساعدها موب مشكلة او مثلا مريضة اهو يطبخ موب مشكلة بس اهو اللي يطبخ
والحجية يالسة يعني مدام متفقين ما علينا منهم بس العرف يكول الكم هنا ( ان المراءة تزوجت
عادتا اهي اللي تهتم بشئون المنزل من تربية وطبخ ووو .. ، والريال أهو اللي يكوم بالبحث عن مصدر
الرزق لاولادة ولامراءتة )) ملاحظة : حجية وفاء لا تعلقين على كلامي :bleh:
 
سؤال لتلطيف الجو

كَثُر العتب هذي الأيام على البنت الي توها متزوجه و ما تعرف تطبخ ..
شنو المشكلة لو صار آدم هو اللي يطبخ في المزل بدل حواء ؟ <<
على طول مو فترة زمنية :RpS_tongue:
اساسا استغرب ليش يقولون الطبخ لجنس معين الي هو المرأة
اني احس الطبخ هواية حالها حال باقي الهوايات مثل الرسم ، القراءة .. الخ
فمو لازم كل مرأة لازم تحب تطبخ و مو لازم كل رجال ميح ما يعرف يطبخ
و واجد رجال يطبخون و ياخدونه كمهنة بعد
فأني ما أجوف فيها شي ان الرجال يطبخ

اساسا ادا اثنين بيتزوجون مو لازم هم يعتبرون شركاء في كلشي؟
الي بيجون يتحججون أن الزوج وظيفته يشتغل و يصرف على البيت و المرأة وظيفتها تربي و تنظف و تطبخ
أقوليكم باختصار نفس ما المرأة في هالزمن تشتغل و تشارك زوجها في الصرف على البيت
< مع ان على قولتكم هدي هي وظيفته الاساسية
حتى الطبخ و التنظيف و التربية برأيي لازم الطرفين يتشاركون فيهم

السالفة مو سالفة المرأة خايبة ترا ابسط شي يقدرون يسوونه عشان يحلون هالخلاف انهم يجيبون شغالة تسوي كل الي انذكر فوق
بس عن نفسي ما اجوف هالشي ينتقص من الرجال بالعكس يكبر في عيوني الرجال الي يساعد مرته في البيت و يحسسها انه شريكها في كل شي

​
 
بشكل عام يستحب للزوج ان يشارك زوجته في اعمال المنزل...
 
سالفة المشاركة هذي محد يقدر يختلف فيها .. بل بالعكس العلاقة بينهم تزيد جدي

بس ان هي ما تعرف تطبخ اقوم انا اطبخ بدالها ، هذا اولا تواكل على الزوج لانها راح تستمر فيه و عادي بعدين تقوليه طبخك احسن من طبخ امي < امزح :bleh:

ثانيا ، المفروض انها من توصل مرحلة الزواج تكون عارفه واجباتها ، واقل الواجبات انها تكون عارفة تطبخ << كاسية العيون :RpS_lol:


اذا زوجش عسل لا تلحسينه كله
 
يفتقر للذوق والذرابة؟ من صدقش انتين؟ لاني قلتلش "مثالش مادري من وين جبتينه"؟ يعني اعتقد لو احد غير قايل نفس الجملة بتردين عادي بس واضح ان مو عاجبنش الرد مني شخصياً،
طبعاً اني ماوجهت لش كلام شخصي فماله داعي تطولين ردش بهالطريقة ادا ماعندش رد على الكلام الي وجهته لش في سياق الموضوع،
وماعتقد كلامش كان اصلا مو مباشر او فيه لبس عشان افهمه غلط، الي مكتوب قريته ورديت عليه،
وادا مصرة تخليني اشخصن الحوار، تره يعني مضحك انش تجودين على جملة عادية ولا كأنش معظم ردودش استهزائية،

ولأني انسانه متصالحه مع نفسي اقدم اعتذار حق شخصك
 
سؤال لتلطيف الجو

كَثُر العتب هذي الأيام على البنت الي توها متزوجه و ما تعرف تطبخ ..
شنو المشكلة لو صار آدم هو اللي يطبخ في المزل بدل حواء ؟ <<
على طول مو فترة زمنية :RpS_tongue:

في الواقع، الحين الزمن مو زمن إلي يدخل فيه الرجّال بيته ويتنحنح والكل من هالصوت يخاف، مو الزمن إلي الحياة تكون في إن الرجال يطلع من عقب صلاة الفجر يدور الرزق والمرة ما تطلع من بيتها كلش، فطبيعي يكون في ذاك الوقت المرة هي إلي تطبخ

كل شي تغيّر، ما يمنع إن كنت قادر على الطباخ أطبخ، وإن كنت قادر على الغسال أغسّل، باغسّل مواعين ويش يعني كلها ليفة لا والحين أهون من قبل الحين ألوان وأشكال في مال غسال المواعين ههههه << بس أنا خايب على كل حال :Ninja: أهم شي المبدأ هههه

بس هل الوقت يسمح؟

وعلى هالطاري .. عندي تساؤل بس الله يرحم والدينكم لحد يتّجه في الإجابة لشي بعيد، ولحد يدخّل الإسلام والفقه والشريعة والحديث والسيرة والعقيدة

أنا مو ضد عمل المرأة، وإذا بتقدّم لوحدة - ولو إنّي أفضّل إنها ما تشتغل أو تشتغل بس مو في مكان عام - ما بحط هذا عائق وبيكون القرار الأول والأخير خاص بها

الحين لمّا الرجل والمرأة في نفس الوقت عندهم دوامات، الصبح أو العصر أو الليل، وعندكم أولاد .. طبيعي ما بتخلونهم بروحهم، وين بتخلّونهم؟ عادي تخلّونهم مثلًا عند أخوانكم؟ الأولاد مو شرط يكونون رضّع .. 5 سنين أقل أكثر، يعني حركيين

ونفس الشي، هل بتقبلون تجودون أولاد أخوانكم مثلًا لمّا أمهم وأبوهم في الأشغال؟ طبعًا بيكون يوميًا الشي خب الشغل مو أسبوع وخلاص ..

خصوصًا لمّا تكون عائلة في بيت واحد

أطلب الإجابة للاستفادة (أبي أستفيد)

​
 
أنا مو ضد عمل المرأة، وإذا بتقدّم لوحدة - ولو إنّي أفضّل إنها ما تشتغل أو تشتغل بس مو في مكان عام - ما بحط هذا عائق وبيكون القرار الأول والأخير خاص بها

الحين لمّا الرجل والمرأة في نفس الوقت عندهم دوامات، الصبح أو العصر أو الليل، وعندكم أولاد .. طبيعي ما بتخلونهم بروحهم، وين بتخلّونهم؟ عادي تخلّونهم مثلًا عند أخوانكم؟ الأولاد مو شرط يكونون رضّع .. 5 سنين أقل أكثر، يعني حركيين

ونفس الشي، هل بتقبلون تجودون أولاد أخوانكم مثلًا لمّا أمهم وأبوهم في الأشغال؟ طبعًا بيكون يوميًا الشي خب الشغل مو أسبوع وخلاص ..

مادري ماصرت خاله ولا عمه ولا ام فمادري شنو راح ييصير لو صار هالشي p:
بس المتوقع ان راح يصيرون مع الجده ألا وهي أمي
لأن اكثر وحده راح اتطمن وارتاح ليها لانها ربتني فاعرف الطريقه والاسلوب الي راح تربي فيه عيالي
+ اعرف ان ماراح يكون ثقيل عليها على قولتهم ماا في اغلى من الولد إلا ولد الولد
ولو في حالة طفشت منهم بعد راح تاخذهم بعد مافي مفر :bleh:
واذا مارضت تاخذهم بس بقعد اكرر كلمه " عاد " اربع خمس مرات وبتوافق من جديد
 
سؤال لتلطيف الجو

كَثُر العتب هذي الأيام على البنت الي توها متزوجه و ما تعرف تطبخ ..
شنو المشكلة لو صار آدم هو اللي يطبخ في المزل بدل حواء ؟ << على طول مو فترة زمنية


قصدك في المنزل :RpS_tongue:

من وجهة نظري عادي
زين بعد يخفف العبء شوي :nosweat:

ما فيها عيب إذا الرّجال سوا كم شغلة في البيت..
ما دامت الحياة الزوجية قائمة على مركز التعاون فكلش عادي أحس :smile2:
​







لحين لمّا الرجل والمرأة في نفس الوقت عندهم دوامات، الصبح أو العصر أو الليل، وعندكم أولاد .. طبيعي ما بتخلونهم بروحهم، وين بتخلّونهم؟ عادي تخلّونهم مثلًا عند أخوانكم؟ الأولاد مو شرط يكونون رضّع .. 5 سنين أقل أكثر، يعني حركيين

ونفس الشي، هل بتقبلون تجودون أولاد أخوانكم مثلًا لمّا أمهم وأبوهم في الأشغال؟ طبعًا بيكون يوميًا الشي خب الشغل مو أسبوع وخلاص ..

بالنسبة لأولادي إذا فرضًا اضطريت بعطيهم خواتي أو أمي أو شخص يصير ليي، وحدة من خالاتي مثلًا أو بنات خالاتي، وأهم شي ضامنة بيتحمّل بهم..
واللَ 5 سنين دلين في الرّوضة ومن يصيرون 6 في المدرسة :bleh: > عاد هذي من ناحية إذا كان الدوام صباحي ههه :nosweat:

وبتقبّل عادي إذا أقدر باخذ جهالو خواتي، ما أجوف أي اعتراض يخليني أرفض..


​
 
بما اني اقلّد السيد جبت ليكم اقواله عن هالموضوع " المرفقات "

//

سنابسي ، جملة " ابغي استفيد " تثير الشك :bleh:

بس بالنسبة ليي انا ، مو شرط يبقى عند امي ، عادي عند اي وحدة من خالاتي او الي احسها فاضية و تحب الجهال .. اهلا و سهلا

البعض ما يرضى يخلي جهاله في بيت اهل زوجته لان ما يعجبه اسلوبهم " و رغم هالشي ما يصارح زوجته فيه بس يقول خليه في بيتنا احسن " :/

عاد احسن شي الي يجيبون اولاد و يفلتونهم ما يجون ليهم الا بعد ما يتعشون .. تبا لهم
 

المرفقات

  • IMG_4693.webp
    IMG_4693.webp
    112.8 KB · المشاهدات: 25
  • IMG_4694.webp
    IMG_4694.webp
    125.2 KB · المشاهدات: 22
  • IMG_4696.webp
    IMG_4696.webp
    116 KB · المشاهدات: 26
التعديل الأخير:
انزين اني عندي موضوع ابي اطرحه
الموضوع بشكل عام عن الاولاد و تربيتهم
هالسالفة في بالي من مدة و عقب ما جفت هالموضوع

https://www.uob-bh.com/forum/showthread.php?t=40746

قلت ليش ما اطرحه :RpS_tongue:

اول شي بالنسبة للأولاد و الانجاب بشكل عام اني برأيي مسؤولية مو سهلة!

يعني صدق استغرب من أن المجتمع تطور عندنا و للحين فيه أوادم عندها الموضوع عادي و سهل و اهم شي نجيب اولاد كأنه فرض و كأنه روتين حياتي و الي يقرر ما ينجب لجم سنة يعتبر شخص مو طبيعي و فيه خلل

يعني من الامثلة الي اجوف فيها استهتار في هالموضوع

اول شي الارتباط ، سواء البنت او الشاب مادري شلون بهالسهولة الطرفين يرتبطون خصوصا في الزواج التقليدي
بغض النظر عن الاعجاب و الارتياح عمركم فكرتون أن هالشخص الي بترتبط فيه بيأثر على تربية أولادك و شخصيتهم بشكل اساسي؟
يعني شلون فيه أوادم في فترة المقابلة بس تتكلم في أمور سطحية و تروح تحلل و خلاص تزوجوا!
فيه مواضيع أعمق و منها مثل ما قلت سالفة الأولاد ، شلون اسلوب التربية الي بيتبعونه اذا قرروا يجيبون
اني برأيي هالاشياء لازم الطرفين يتناقشونها بشكل عام في المقابلة و يخططون ليها بالتفاصيل فترة الخطوبة (الملجة او ايا كان) بدال ما كل مقضيين وقتهم هرار و طلعات!
اوكي ما قلنا لا تطلعون بس بعد لازم تخططون لمستقبلكم و يكون عندكم حس بالمسؤولية

ثاني مشكلة اجوفها و الي فكرت فيها عقب ما قريت الموضوع الي حطيت لنكه فوق
شلون شاب توه داش الجامعة يدرس يروح يتزوج؟ او بنت توها متخرجة من الثانوي تروح سيدة تتزوج؟
مثل ما قلت فوق خلنا نغض النظر عن كل شي سالفة التوافق و التفاهم و خلنا نركز على سالفة الاولاد
شي طبيعي اثنين متزوجين و هم صغار بيجيبون اولاد و ما اتوقع احد بينتظر 4 سنوات لين ما يتخرجون و لين ما يحصلون شغل! شخصيا ما اعرف احد سواها
الي لاحظته الاغلب يقررون يجيبون اولاد من اول سنة زواج ادا الله عطاهم
فالمهم شلون واحد أو وحدة بهالعمر يحطون روحهم في هالمسؤولية الي اني اجوفها كبيرة و مو سهلة بالمرة!
انت كشاب او بنت للحين ما كملتون ال 20 او في بداية ال 20 اني برأيي هالشخص نفسه توه طالع من مرحلة المراهقة
هالفترة الواحد يكون شخصيته و افكاره و مبادئه
شلون تروحون تحملون روحكم هالمسؤولية الكبيرة و تجيبون اولاد و حتى ما فيه فرق بين عمرك و عمر ولدك لو كبر
عمركم فكرتون ان الاولاد امانة و مو قرار سهل تتخذونه؟

و ثالث فئة الي بعد كلش ما افهم تفكيرهم!
يكودون اولاد و يجيبون واحد ورا الثاني و هم ما عندهم القدرة يربونهم كلهم!
يعني واحد وضعه المالي مو زين يروح يجيب 6 اولاد و فوق!
اثنين ما يفتكرون و مقططين اولادهم يلعبون في الشارع و يروحون يجيبون لك درزن
استغرب من الناس الي جدي و ما عندهم نظرة للمستقبل

و رابع شي موضوع شوي ماله شغل بـ الي قبل
لو جيت تقدمت لوحدة او واحد تقدم لش
هل عندكم شي مهم تعرفون عن الامراض النفسية؟
من قبل سمعت ان مثلا الوسواس القهري و بعض هالامراض تجي بالوراثة
هل تقبل او تقبلين بشخص يعاني من هالمرض؟
و هل انت او انتين كشخص عانيت من هالشي و جفت شقد يشيب الراس مستعد تجيب اولاد و تخليهم يعانون في المستقبل؟


يمكن البعض بيقولون ان اني ابالغ و كلها اولاد بس اني ما اجوفها بهالصورة
احس التربية شي مو سهل و الشخص الي يجوف نفسه مو كفؤ لازم يأجل الفكرة او يجيب اثنين او ثلاثة بالكثير أو ما يجيب بالمرة ادا يحس انه مو قد المسؤولية

سوري على الافكار الي مو مرتبة و اتمنى وصلت الفكرة
الي عنده رأي سواء مؤيد أو معارض او اضافة لا يتردد :RpS_tongue:
​
 
شالمشكلة لو تغيرت افكار الإنسان؟
المشكلة مو في تغيير الأفكار..المشكلة في الطريقة الا يدير بها الإنسان افكاره..
زوجتي تخالفني الراي..شالمشكلة؟اروح اطلقها؟ افكاري تغيرت و راح تتغير اذا صار عمري 40 سنة؟ اتزوج وحدة نفس افكاري؟..
الأمر كلش بسيط و ينحل بدون تعقيد تقدر تحله بالتفاهم خصوصا اذا كانت آرائك منطقية راح تقنعها او على الأقل تصيرون في منطقة وسطى.

انا ما تهمني افكار زوجتي..الا يهمني انها تكون انسانة مثقفة و تعرف شلون تحاور و تفكر..يعجبني انها تتمسك بآرائها حتى لو كانت مخالفة ليي..في نفس الوقت تتقبل النقاش.. على فكرة افكاري كلها منطقية :shiny:.. :bleh: محد يتحداني يعني..انا دكتاتور..

ما ادري احس تكلمت واجد في هالنقطة بس لازم ابينها لأن اجوف واجد مركزين عليها..

عمر 19 افضل عمر مناسب للزواج..و بالنسبة للأولاد بالعكس اولادي يكونون مثل اخواني و لا انهم يوصلون الجامعة و اموت عنهم..
بالعكس كلما قل الفرق افضل..
 
بالنسبة للأمراض النفسية..
انا انقهر لما اجوف شخص معقد نفسيا و يحاول يبين للناس عكس حقيقته..فما بالك انه يكون مريض نفسي؟
هذا الإنسان لازم يعالج نفسه و يتصالح معاها قبل الزواج..و لا ما راح ينجح في زواجه مؤكدا..
 
شالمشكلة لو تغيرت افكار الإنسان؟
المشكلة مو في تغيير الأفكار..المشكلة في الطريقة الا يدير بها الإنسان افكاره..
زوجتي تخالفني الراي..شالمشكلة؟اروح اطلقها؟ افكاري تغيرت و راح تتغير اذا صار عمري 40 سنة؟ اتزوج وحدة نفس افكاري؟..
الأمر كلش بسيط و ينحل بدون تعقيد تقدر تحله بالتفاهم خصوصا اذا كانت آرائك منطقية راح تقنعها او على الأقل تصيرون في منطقة وسطى.

انا ما تهمني افكار زوجتي..الا يهمني انها تكون انسانة مثقفة و تعرف شلون تحاور و تفكر..يعجبني انها تتمسك بآرائها حتى لو كانت مخالفة ليي..في نفس الوقت تتقبل النقاش.. على فكرة افكاري كلها منطقية :shiny:.. :bleh: محد يتحداني يعني..انا دكتاتور..

ما ادري احس تكلمت واجد في هالنقطة بس لازم ابينها لأن اجوف واجد مركزين عليها..

عمر 19 افضل عمر مناسب للزواج..و بالنسبة للأولاد بالعكس اولادي يكونون مثل اخواني و لا انهم يوصلون الجامعة و اموت عنهم..
بالعكس كلما قل الفرق افضل..
مادري انت تقصد موضوعي او لا
لأن استغربت انك تعمقت في موضوع الزواج و اني بشكل اساسي كنت اتكلم عن الاولاد

بالنسبة لتغير الافكار اول شي انت فاهم فكرتي غلط
اول شي سالفة انك كل ما تكبر تتغير افكارك اني بقولك الي في بالي

وقت الي تكون طفل للمرحلة الابتدائية معظم الافكار الي بتاخدها بتكون من البيئة الي انت عايش فيها و غالبا "ما بتكون عندك افكارك الخاصة"
مثال على هالشي: وقت الي تعيش في اسرة متدينة بتكون متدين و وقت الي تعيش في اسرة متفتحة تفكيرك بيكون متفتح
عقب وقت الي تصير مراهق طبعا بتكون لك افكارك و مبادئك الخاصة
و لو بتلاحظ كل ما تكبر سنة عن سنة بتحس ان تفكيرك قاعد يتغير
و نفس الشي يستمر لين ما تصير شاب بس التغيير تبدي تقل نسبته سنة عن سنة
لأن خلاص غالبا الواحد افكاره و معتقداته تبدي تثبت و يمشي على منهج واحد < طبعا ما اعمم بس غالبا جدي

انت وقت الي تقول ان واحد عمره 19 هالسن على حسب الي اعرفه للحين مراهق
يعني شي طبيعي افكارك بتتغير 180 درجة لما توصل نص او نهاية العشرينات
و اني ما اتكلم عن تغيير بسيط لا اتكلم عن مبادئ و هالاشياء
و هالشي كله يأثر على اختيارك للبنت الي تبي ترتبط فيها

يعني بعطيك مثال الواحد لما يكون صغير يكون تفكيره سطحي < و اني منهم :RpS_lol:
مثلا لما يسألونا شنو تبون مواصفات الشخص الي تتزوجونه اكثر شي نفتكر فيه هو الشكل
الحين اضحك على روحي لما اتذكر اني كنت افكر بهالطريقة لأن الحين الشكل ما يعني ليي و لا 90%
عرفت قصدي؟

يعني تخيل واحد عمره 19 عنده مواصفات معينة نظرا انه مراهق و تزوج وفقا لهالمواصفات
بس لما يكبر يكتشف انه تفكيره كان غلط و سطحي ، الحين وش الحل بالله عليك؟ يروح يطلقها؟

و النقطة الثاني الي ذكرتها ترى من قالك ان توافق الافكار يعني ان افكارنا متطابقة 100% !!! :nosweat:
الشي معناته ان اني اتقبل افكار الشخص الثاني بس مو بالضرورة افكاره نفس افكاري

يعني لما واحد فري يتزوج وحدة ملتزمة ابي اعرف وين التوافق؟
بس لما واحد خلنا نقول وسط يتزوج وحدة ملتزمة هني فيه توافق بس مو تطابق

يعني فيه اشياء ممكن الواحد يتغاضى عنها و مو مهمة و فيه اشياء مصيرية و تحدد فشل أو نجاح الزواج
اساسا وين الواحد بيحصل شخص يطابقه في الافكار؟
و ثانيا الاختلاف حلو ، شلون اروح اتزوج واحد نسخة مستنسخة مني؟


و مسامحة على الاطالة بس ما عرفت اوضح لك فكرتي في سطرين
:whistling:

​
 
19 مراهق؟:nosweat:
عيل الشباب متى؟
سن 19 قمة الشباب و النشاط و القوة...

مثل ما قلت لج..الأهم ان الإنسان يكون عقله متفتح..الزواج مثل الكيكة..انت تشكل القالب مثل ما تبي..
فرضا ان انا ركزت عالشكل في الزواج و بعدين عرفت ان في اشياء اهم من المظهر..هل هذا يعني زواجي خطأ.. لا..

لازم الإنسان يتكيف مع الظروف و يتقبل الشخص الا معاه بأخطائه و مميزاته...و كل إنسان قادر ان يطور نفسه و يزرع الإيجابية في الآخرين..

كلامي ما ينفي ان الإنساان لازم يحرص في اختياره..بالعكس..بس الإنسان مو معصوم..
 
19 مراهق؟:nosweat:
عيل الشباب متى؟
سن 19 قمة الشباب و النشاط و القوة...

مثل ما قلت لج..الأهم ان الإنسان يكون عقله متفتح..الزواج مثل الكيكة..انت تشكل القالب مثل ما تبي..
فرضا ان انا ركزت عالشكل في الزواج و بعدين عرفت ان في اشياء اهم من المظهر..هل هذا يعني زواجي خطأ.. لا..

لازم الإنسان يتكيف مع الظروف و يتقبل الشخص الا معاه بأخطائه و مميزاته...و كل إنسان قادر ان يطور نفسه و يزرع الإيجابية في الآخرين..

كلامي ما ينفي ان الإنساان لازم يحرص في اختياره..بالعكس..بس الإنسان مو معصوم..
19= NineTEEN
من 13 ل 19 مراهق

و بالنسبة لباقي الرد ما عندي اضافة على اللي قلته فوق
و طبعا هدا رايك و أنت حر فيه
:smile2:​
 
يعني لما واحد فري يتزوج وحدة ملتزمة ابي اعرف وين التوافق؟
بس لما واحد خلنا نقول وسط يتزوج وحدة ملتزمة هني فيه توافق بس مو تطابق



هذي النقطة ما علقت عليها..

في ناس يتغيرون بعد الزواج..كان مطوع اخذ مطوعة...تالي عقب الزواج تغيرت افكاره..يبدل زوجته؟ لو يخليها تتوافق معاه؟

انا ما اؤمن بشيء اسمه مطوع او مو مطوع..هالأشياء كلها نتيجة البيئة الا عاش فيها..
اهم شي عقل الإنسان و مستواه الثقافي..و العادات و المظاهر سهل تغييرها اذا اكتشف الإنسان انها مجرد مظهر..او انها كانت غلط..
 
اهم شي ما تاخذ واحد متشدد..هذول صعب تغييرهم:RpS_lol:
لكن اذا كان الإنسان عقله متفتح فما تهمنى العادات الا يمشي عليها..
سواء يربي اللحية او يحلق اللحية.. يصلي جماعة او بروحه..
هذي مجرد مظاهر..عقل الشخص و مستوى تفكيره اهم:smile:
 
يعني لما واحد فري يتزوج وحدة ملتزمة ابي اعرف وين التوافق؟
بس لما واحد خلنا نقول وسط يتزوج وحدة ملتزمة هني فيه توافق بس مو تطابق



هذي النقطة ما علقت عليها..

في ناس يتغيرون بعد الزواج..كان مطوع اخذ مطوعة...تالي عقب الزواج تغيرت افكاره..يبدل زوجته؟ لو يخليها تتوافق معاه؟

انا ما اؤمن بشيء اسمه مطوع او مو مطوع..هالأشياء كلها نتيجة البيئة الا عاش فيها..
اهم شي عقل الإنسان و مستواه الثقافي..و العادات و المظاهر سهل تغييرها اذا اكتشف الإنسان انها مجرد مظهر..او انها كانت غلط..

المشكلة ان اني قاعدة اكلمك عن تغيير طبيعي في حياة كل انسان كل ما كبر
و انت قاعد تكلمني عن شي احتمال يصير و احتمال ما يصير :nosweat:

ما اقولك لا الواحد ما تتغير افكاره مثل المثال الي انت قلته ان مطوع و تتغير افكاره
بس هالشي عشان نكون صريحين نادر يصير

و فرضا لو صار ما فيه مفر منه و بضطر اتعامل ويا الموقف و اجوف هل اقدر اتقبل هالتغيير او لا
بس في الوقت الحاضر اني ما اعلم الغيب عشان ادري ان هالشخص الي تقدم ليي (على اساس انه مطوع) بيتغير في المستقبل او لا

بس الي اعرفه ان لو واحد صغير عمره 18 او 19 يجي يتقدم ليي
بالمنطق و بالعقل و لو احللها و اقلبها في مخي
احتمال كبير انه يتغير ادا كبر
​
 

المشكلة ان اني قاعدة اكلمك عن تغيير طبيعي في حياة كل انسان كل ما كبر
و انت قاعد تكلمني عن شي احتمال يصير و احتمال ما يصير :nosweat:

ما اقولك لا الواحد ما تتغير افكاره مثل المثال الي انت قلته ان مطوع و تتغير افكاره
بس هالشي عشان نكون صريحين نادر يصير

و فرضا لو صار ما فيه مفر منه و بضطر اتعامل ويا الموقف و اجوف هل اقدر اتقبل هالتغيير او لا
بس في الوقت الحاضر اني ما اعلم الغيب عشان ادري ان هالشخص الي تقدم ليي (على اساس انه مطوع) بيتغير في المستقبل او لا

بس الي اعرفه ان لو واحد صغير عمره 18 او 19 يجي يتقدم ليي
بالمنطق و بالعقل و لو احللها و اقلبها في مخي
احتمال كبير انه يتغير ادا كبر
​
رديت عليش مسبقا.. ان التغيير مو محصور في عمر العشرينات..
مو معناه اذا وصل عمر 25 راح يكون عقله كامل.. مرحلة النضج 40 عام...
و عمر 19 مو جاهل:nosweat:..راشد نسبيا و مرحلة مناسبة جدا للزواج..

اذا هلون بنخلي الزواج 30 سنة و بنيتم الجهال على صغر سنهم:RpS_wink:
 
عودة
أعلى أسفل