موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

حوار ساخن بين آدم و حواء ....

الموضوع انلخصه في علاقة الرجل الأجنبي مع المرأة الأجنبية , والمقصود بالأجنبي حتى أوضح المعنى الفقهي المستخدم في الكتب الدينية هو مالم يكونوا من المحارم , أما المعنى العرفي للأجنبي هو الغربي ( الغير العربي ) ..

المهم احنا الي نحتاجه المعنى الفقهي ..

الأختلاط حكمه حلال إلا إذا كان الإحتشام غير موجود , المرأة تكون محتشمة والرجل يكون محتشم مافي أي مشكلة .. غض النظر والبصر أصله حلال إلا عند الريبة والشهوة ..

الحين نتطرق لموضوع إنه الرجل يحادث المرأة , نفرض ان احنا في المحاضرة والسكشن كله بنات ومافيه إلا صبي واحد وفي يوم من الأيام غاب عن المحاضرة , الصبي راحت عليه خلاص المحاضرة يبي ياخذ النوتات شنو يسوي ؟ كل الطرق إستنفذها أن يحصل على النوتات , في هالحالة , ياخذ النوتات من أحد البنات بكل إحترام لو سمحتي ممكن أصور النوتات تعطيه النوتات يصورها شكراً انتهى الموضوع والعكس صحيح , لكن إنك تستغل الوضع كل مرة شي أنت فاهمه أتروح تسأل متقصد عشان اتوصل لشي , عند أهني أنقولك الي أتسويه خطأ .. هالنقطة من وجهة نظري ..
 
ادا على العادات والتقاليد فهي تتغير مع تغير الزمن، على سنوات اجدادنا كانت النفوس طيبة والاختلاط مو لهالدرجة معقدينه والناس متعودة تاخد على بعض وتلعب ويا بعض،
التفكير الي حرام حتى الاختلاط او التحدث مع الجنس الاخر هو الي خلى الصبي يتخزبق لما وحدة تتنفس صوبه، هالشي مو طبيعي تره كلها محاضرة ويدري مابيصير شي، ليش يكبرون السالفة؟
وبما ان حتى العادات والتقاليد تتغير والي اليوم غلط باجر عادي والي اليوم غلط امس عادي،
ثانياً ردي كان sarcastic والي قلتينه كله اعرفه
وش قصدش باخر جملة؟ شنو الشي الي انذكر هني الي خلاش تقولين الشي يحتاج قوانين والدنيا مو سايبة؟ كله عشان البنية الي تقعد صوب صبي في المحاضرة؟
تره ان ماقعدت صوبه بتكون في الاخير موجودة وياه في نفس المحاضرة وفي نفس الكلاس وفي نفس الحرم الجامعي،
يعني لين قعدت صوبه او بعيد عنه مابيصير تلامس فشلي يخلي هالشي عادي والثاني غلط؟
ماعتقد ان اسلوب نقاش كل واحد (ماقصدش طبعاً) ماعنده رد غير عادات وتقاليد، او السيدة زينب ماكانت تسوي (الي يسمع هو يعني هو كوبي بيست من سيدنا الحسين عشان يتجرأ يضرب مثل هالمثل) او طبعاً طبعاً الخيار الاخير الي مايحصل رد يقوم يضرب على الاسلوب

ردي ترا ما كان على سالفة الاختلاط!
كنت أتكلم بشكل عام،
الاختلاط شي نتعايش وياه في كل مكان! ده طبيعي عاد في المحاضرة لو غيرها..
واوردي دي مو عادات وهرار فقط، هذي غيرة وحياء من الصبي إذا استحى يقرّب صوب البنية، ومثل الشي البنية! فما فيها شي إذا تباعد أو قرّب.. كل الناس تتكلم وي بعضها ومن الجنسين وين المشكلة؟!!
هذا حتى في عهد النبي (ص) موجود، ما كان فيه نساء يروحون ليه ويسألونه، ما كان يساعد الرجال والنساء سواسية.. ؟!
المشكلة اللي قصدتها من ردي السابق الاختلاط غير الشرعي بين الصبي والبنية مو قصدي مال معاملة أو زمالة،

وكل كلامي طرحته بشكل عام! والأمثلة مجرد أمثلة وما ليها ارتباط بما سلف من الحديث عن قضية الاختلاط..

وإذا تبين رايي على الاختلاط أني عطيته من قبل على هالسالفة وقلت هذا يعتمد على طبيعة الرجل او المرأة إذا عادي عندهم أو لا ! ناس عادي عندها يفصلهم خمسة سانتي او حتى عشرة! ، وناس حيائهم هو الغالب لو تقعد قبالهم بنيّة ما يرتاحون..
هذي هي النفس البشرية جدي! الصبي يميل للبنية والبنية تميل للصبي.. هذي غريزة موجودة في كل نفس بشرية، ومو كل نفس بشرية تقدر تقاوم وبتقول عادي، هو فيه ناس فعلًا تقول عادي ولا تفرق عنده أو نفسها ماهي ميّالة.. والشباب اللي اعترضوا على القعدة صوب بنية او البنات اللي اعترضوا على القعدة صوب الصبي ما يبون تصير ليهم مواقف يرقعها بالغلط او يجوفها بنظرة مو زينة او او او، [ هم حاطين احتمال إنه هذا الشي " ممكن يسبب غلط" ، فعندهم الأرجح إنه نتباعد كليًا عن هذا المسبب.. ( وهذا فقط توضيح لوجهة النظر دي ) ]

احنا دايم نقول ناخذ العبرة والموعظة! حتى القرآن ينصح بأخذ العبر.. على سالفة حجة الزهراء أو حجة زينب عليهما السلام ، هالمرأة يُضرب بها المثل للغيرة والحشمة، وأعتقد اللي اتكلموا بهالحجة يبون يقولون : اقتدوا بهؤلاء وادرسوا قضيتهم اللي اتبنّوها من الأساس!
احنا ما نبي نعيش على عالم قبل تمامًا! ولكن الاقتداء في شي حسن شي زين.. والاقتداء بأحد في شي غلط فمو زين.. ( حتى ولو كان الشخص اللي بقتدي ابه شخص عادي )
مثلًا "على سبيل المثال"
واجد يجوف شخص متساعد ومتعاون ويه الناس، يقول اوه يلاا أنا بصير مثله!
مو لأنه يبي يصير نسخة منه لا! يبي ياخذ صفة مفيدة من عنده..
وإذا بنية تبي تقتدي بالسيدة زينب شي زين هههههه
او مثلًا على القدوة اللي مو زينة..
يعني قبل فترة من الزمن طلعت سالفة اللي يشققون أياديهم بأمواس وما أدري ويش! هذا وعلى ما أذكر كنت في المدرسة ( إعدادي ( وكانت منتشرة ثقافة الإيمو جنه، قولي على شكلهم هانت على راحتهم بس لمّا يشققون أياديهم هالشي مرفوض..! هي صدق أياديهم، بس الواحد ينتقدهم لأن واضح إنه الشي غلط وهم محاسبين إذا اتعمدوا يجرحون أجسادهم.. والجسد على ما يقولون أمانة وتُسأل عنها يوم القيامة.. وهم كانوا يواجهونه اتذكر بحجة إنه ما يعور وما نحس وعادي وإنه يخفف الألم النفسي!

ومن ضمن العموم آخر جملة ، ما قصدت غير إني أقول إنه كلشي ليه قواعد وأحكام!
وعلى كل حال ترا كلشي في الحياة "حلال" مالم يأتِ وجهُ التَّحريم..

أما الوشم قلته لأني سمعت عنه بالصدفة مرة في التلفزيون واتطرّق لهالقضية.. وما جبتها إلا مثال والله يشهد..
وأعتقد الوشوم أنواع ( إذا مو غلطانة معلوماتي ) ، لأن فيه نوع بيأذي ابه جسمه إذا بيسويه من جدي تحرّم .
واحنا مو بصدد تحريم وتحليل الوشم حاليًا، لأن النية كانت بكونه مجرد مثال لا غير !
 
المشكلة انها لو جفتين شخص او بنية مسوي وشم لا شعورياً you were probably going to judge them معنش ماتدرين ان بعض العلماء يحللون هالشي ولا من يقلد وغيره وغيره،
فهالشي يندرج تحت العادات والتقاليد الي ممكن تعيب اشياء اصلا مباحة

في ردي فوق ردي هني :P
أني سمعتها من شيخ وجبتها مثال..
وعلى ذمته إذا حرّم شي حلال وعلَّم الناس إبه ( أمثالي )

ومثل ما قلت قبل، أقول " احتمال " إنه القصد نوع معين من الوشوم..
 

يعني تبين الصبيان والبنات يلعبون ويابعض؟
مو كلشي سووه اجدادنا كان صح ولازم نتبعه ..
انه يتخسبق اذا بنت تتنفس صوبة مو لأنه مو متعود على الاختلاط .. في الواقع هو يتخزبق لأنه في هالمرحلة الاسلام قال بأن المقروض يعرس فيها .. وهالشي مو عبث طبعاً
ثانياً هاي حالات يتراوالي نادرة جداً هالأيام ...


وإذا واجد مُصرة على الموضوع بالنهاية انتي حرة محد بيهاوشج اذا قعتي صوب صبي مثلاً


+ عدد كبير منا مو عاجبته كل العادات والتقاليد الي في البلد بس في الي متقبل فكرة ( ان هذا هو المجتمع الي احنا عايشين فيه فـ لازم نتأقلم وياه) .. وفي الي مو متقبل, هالاشخاص انصحهم يسافرون برا البحرين عشان يرتاحون ويا البيئة الي تناسبهم ​

ترا الأخت وفاء على اللي فهمته منها..
اللي تقصده إذا هي قاعدة وهو قاعد وما فيه بينهم شي فليش صار الشي حرام؟!!

أما عن تخزبق الصبي، على وجهة نظرك، لأن يخاف يصير شي غلط.. على قولتهم ابعد عن الشر وغني له هههه في ردي اللي قبل القبلي فيه شرح لوجهة النظر دي

على قولة دكتورة عفيفة الله يذكرها بالخير : ما فيه مشكلة إذا صرت صح في زمن كله غلط !
وأني أقول ما فيها شي إذا تعففت في زمن قلَّ فيه الحياء ^^"
الإمام علي (ع) مجتمعه كان فيه اللي يعارضه! ولكنه وقف صح في طريق صح، اللي على حق ما يخاف من الناس..
واللي واثق من نفسه مو مسوي شي غلط بعد ما بيخاف.. ومثل الشي إذا بنية اضطرت تتعامل وي صبي..

وعلى قولة الوالدة الله يحفظها ما يحلها إلا أبو صالح ههه

وأمس مثلًا كنت وي رفيقتي بالاداب فوق اخر طابق جه صبي يدوّر بوكه مضيعنه سألنا بعد ويش يسوي مثلًا !
وصار ليي موقف هذاك الكورس في المكتبة واحد نسى يقفل حسابه في الكمبيوتر ! وكنت توني قاعدة لما انتبه جه كلمني على أساس أصكه من اسمه..
هل سوا شي غلط ؟! هل قللوا دلين احترامهم ؟! هذا بعد اختلاط ولكنه جائز..!
اللي يجوفهم ويطالعهم من بعيد بدون ما يدري وش صاير يقول : اوووه والله جوفوا دلين جه إليها وكلمها في المكتبة ! جه وكلمها في الاداب!!
والله بنيّة شرحت لصبي شي محتاج وما فيه غيره، سيده قالوا لااا هذا يحبها و...!

لحظة وش صاير، طلبة جامعة احنا المفروض هالشِّي يروح عن البال..

ومثلًا عن نفسي وحدة تقول ليي تتذكرين فلانة اللي كيت وكيت صارت مو زينة صارت تماشي صبيان!
سيده قلت ليها انتين تدرين بينهم شي ؟ تدرين هي مرافقتنه لو بس جدي زمالة.. تدرين وتدرين..
وفوق هذا قلت ليها مع احترامي ليش بس عيب تتكلمين عنها حتى لو فرضًا سوت هالشِّي! الله ساتر على عباده! يعني الله ساترنها وأني ما أدري.. فليش تعلميني ما أمبي أدري عن فلانة وعلانة !
وحتى لو ما أعرفها ما يحتاج تكلميني عنها، حجي فاضي ماليه داعي يصدّع الراس، أحب لأخيك ما تحبه لنفسك، أني لو لو في يوم اضطريت أوقف مع صبي كلمن بيطالع بهذيك النظرة اللي عيب عليش وويش مسوية!!!!! وهم ما يدرون ويش نيتي وويش نية الصبي !


^ مسامحة انفعلت واتطرقت لشي ثاني هههه
xD
 
هذي هي النفس البشرية جدي! الصبي يميل للبنية والبنية تميل للصبي.. هذي غريزة موجودة في كل نفس بشرية، ومو كل نفس بشرية تقدر تقاوم وبتقول عادي، هو فيه ناس فعلًا تقول عادي ولا تفرق عنده أو نفسها ماهي ميّالة.. والشباب اللي اعترضوا على القعدة صوب بنية او البنات اللي اعترضوا على القعدة صوب الصبي ما يبون تصير ليهم مواقف يرقعها بالغلط او يجوفها بنظرة مو زينة او او او، [ هم حاطين احتمال إنه هذا الشي " ممكن يسبب غلط" ، فعندهم الأرجح إنه نتباعد كليًا عن هذا المسبب.. ( وهذا فقط توضيح لوجهة النظر دي ) ]

بالضبط هذا الا كنت ناوية اقوله
رحم الله والديش

و على سالفة الاقتداء
احنا اكيد ما نقدر نقتدي بالسيدة زينب و الزهراء (ع) و الأئمة الأطهار في كل شي
لكن نحاول ناخذهم قدوة و نهج إلينا قدر المستطاع
مو لأن ما نقدر نقتدي بهم في كل شي نهمش أهميتهم كقدوة !
 
الموضوع انلخصه في علاقة الرجل الأجنبي مع المرأة الأجنبية , والمقصود بالأجنبي حتى أوضح المعنى الفقهي المستخدم في الكتب الدينية هو مالم يكونوا من المحارم , أما المعنى العرفي للأجنبي هو الغربي ( الغير العربي ) ..

المهم احنا الي نحتاجه المعنى الفقهي ..

الأختلاط حكمه حلال إلا إذا كان الإحتشام غير موجود , المرأة تكون محتشمة والرجل يكون محتشم مافي أي مشكلة .. غض النظر والبصر أصله حلال إلا عند الريبة والشهوة ..

الحين نتطرق لموضوع إنه الرجل يحادث المرأة , نفرض ان احنا في المحاضرة والسكشن كله بنات ومافيه إلا صبي واحد وفي يوم من الأيام غاب عن المحاضرة , الصبي راحت عليه خلاص المحاضرة يبي ياخذ النوتات شنو يسوي ؟ كل الطرق إستنفذها أن يحصل على النوتات , في هالحالة , ياخذ النوتات من أحد البنات بكل إحترام لو سمحتي ممكن أصور النوتات تعطيه النوتات يصورها شكراً انتهى الموضوع والعكس صحيح , لكن إنك تستغل الوضع كل مرة شي أنت فاهمه أتروح تسأل متقصد عشان اتوصل لشي , عند أهني أنقولك الي أتسويه خطأ .. هالنقطة من وجهة نظري ..

+1
أحسنت، تمامًا..!
 
ادا على العادات والتقاليد فهي تتغير مع تغير الزمن، على سنوات اجدادنا كانت النفوس طيبة والاختلاط مو لهالدرجة معقدينه والناس متعودة تاخد على بعض وتلعب ويا بعض، التفكير الي حرام حتى الاختلاط او التحدث مع الجنس الاخر هو الي خلى الصبي يتخزبق لما وحدة تتنفس صوبه، هالشي مو طبيعي تره كلها محاضرة ويدري مابيصير شي، ليش يكبرون السالفة؟ وبما ان حتى العادات والتقاليد تتغير والي اليوم غلط باجر عادي والي اليوم غلط امس عادي، ثانياً ردي كان sarcastic والي قلتينه كله اعرفه وش قصدش باخر جملة؟ شنو الشي الي انذكر هني الي خلاش تقولين الشي يحتاج قوانين والدنيا مو سايبة؟ كله عشان البنية الي تقعد صوب صبي في المحاضرة؟ تره ان ماقعدت صوبه بتكون في الاخير موجودة وياه في نفس المحاضرة وفي نفس الكلاس وفي نفس الحرم الجامعي، يعني لين قعدت صوبه او بعيد عنه مابيصير تلامس فشلي يخلي هالشي عادي والثاني غلط؟ ماعتقد ان اسلوب نقاش كل واحد (ماقصدش طبعاً) ماعنده رد غير عادات وتقاليد، او السيدة زينب ماكانت تسوي (الي يسمع هو يعني هو كوبي بيست من سيدنا الحسين عشان يتجرأ يضرب مثل هالمثل) او طبعاً طبعاً الخيار الاخير الي مايحصل رد يقوم يضرب على الاسلوب

على اي اساس ضمنتين ان وجود البنت بجانب الولد ما راح يترتب عليه اي سلبية ؟!

المرأة اشبه بالمغناطيس للرجل ،واذا حاجز الحياء انكسر بين الطرفين هني تكون بداية المشكلة وبعض البنات مو محتشمة بالشكل الشرعي المطلوب فتطلع مثلا من شعرها او تستخدم عطر قوي او حاطه ليها مكياج او لابسه سكني او فانيلة شفاف او ..الخ فهل كل الشباب بقدرون يقاومون هالاغراءات ؟!

وعلى قولت الشاعر ( نظرة .. فابتسامة .. فسلام .. فكلام .. فموعد .. فلقاء !!) وابليس لما يجي للانسان ما بقول له من البداية تعال روح افعل المنكر مرة وحده ،بجي ليه شوي شوي خطوة بخطوة لحد ما يستدرجه فلما الواحد يبتعد عن الشبهات يكون وقى نفسه من الوقوع فيها ومثل ما يقول المثل (ابعد عن الشر وغني له)
اما مقارنتش بان وجود المراة في الحرم الجامعي غير عن وجودها وياه في نفس السكشن غير عن وجودها وياه جنب بعض !! في فرق كبير في المسافة الفاصلة بينهم



اما ردش في الجزء الثاني فاظن اني المقصود بهالكلام ... لما نستشهد بالعادات والتقاليد او بالسيدة زينب ع فهذا نستخدمه كدليل لدعم حجتنا في الكلام مثل ما انتين تستخدمين حجة ( اوبن مايندد و كلوزد مايندد ) وهذا الشي اعتقد كلنا درسناه في التوجيهي في مقرر العربي -النص الحجاجي-
اما ان انا كوبي بيست من الامام الحسين فاكيد لا !! ما في وجه مقارنة بين امام معصوم وشخص عادي مثلي مليء بالذنوب ولكن المعصوم يكون قدوتنا في الحياة ونتعلم منهم ومن مواقفهم والانسان بطبيعته يسعى الى الكمال وواقعة الطف كل سنة تجدد مو بس حق نصيح !! انما هي ( عِبرة وعَبرة ) فتقدمت العِبرة حتى نتعلم ونستفيد بعدين يجي دور البكاء حتى نطهر انفسنا من الداخل

ونقطة الاسلوب فالاسلوب شي اساسي للحوار فان كان مبني على الاحترام المتبادل بين الطرفين ونية التعلم والاستعداد لتصويب الرأي فشي طبيعي راح يكون حوار ايجابي مثمر اما في حالة اني اتعصب واتلفظ بالفاظ ما تليق بشابة جامعية على مستوى عالي من العلم والثقافة فاكيد محد بيتقبل النقاش وياش -اتمنى تتقبلين كلامي بكل رحابة صدر- وفي النهاية هي مجرد وجهة نظر تعكس راي كل شخص يعني مو لازم كلامي صح والعكس صحيح
 
سالفة الاختلاط :smile2:( باختصار الاختلاط بكل مكان بالعمل بالدراسة بالشارع بالمجمعات بكل مكااان ) ..

سالفة السكشن انه غالبية الجامعه اللي يدرسون فيها بنات بمعنى الاغلبية بنات والصبيان فئة قليلة جدا جدا ...
ما اقصد البنات اشطر من الصبيان بس الاغلبية ...:RpS_tongue:

سالفة تقسيم السكشن فالمتعود عليه عرفا ً انة قسم للصبيان وقسم للبنات ..
بس هالايام صاير شلووون ؟؟!:RpS_wink:
البنات الله يحفظهم ويسلمهم مستحلين كل السكشن يعني موب كاعدين بطريقة منتظمة نص الجهة الايمن والباقي الجهة اليسرى ..
وتجوف كل وحدة كاعده او مستحلة صفة ولما ييون صبيان يطرون يكعدون بنفس الصفة اللي كاعده بيها البنت وبعدها
ايها الفتيات تكومون وتتحلطمون وتكولون للصبي ليش كاعد هنا وتبرطمون ..
وش فيها يعني ادا كعدتي مع صفة بنات (في وسط بنات )ما تعرفينهم بما اني ما اعرفهم بستحل صفة بروحي .. >>
والصبيان لين كعدو يتورطون ...

بعض الصبيان ما شاء الله عليهم صح السكشن فل وفية كرسي يم بنية مو تيي تقعد يمها الله يهديك
اسححب الكرسي واكعد جدامها ومو تكعد يمها الله يهديك ..:no:
صارت لي الحالة كنت جالسة وراء بالوسط يعني لا يمين ولا يسار اخر وحدة عشان محد يكول لي روحي مناك وتعالي مني وارتاح وراء وايد اكثر من جدام:99:
جاء واحد متاخر وقعد يمي وماكو شسمة كرسي فاضي خير ان شاء الله زين اسحب الكرسي واكعد جدامي موب مشكلة اما تكعد
يمي وانا كاني متجمدة لا قادرة اتحرك يمين او يسار او اخاف اسحب الكتااب وادعمه او ما شابة:RpS_huh: بعدين عطيتة النظرة الا تكول له
اتزحزح اسحب الكرسي واكعد قدامي بعدين فهمها وقام كعد قدامي .. يعني ييون لك نااس استغفر الله ما يعرفون الادب ..:RpS_mad:
:schmoll:
 
إنزين الحين سؤال حيّر الأجداد والأحفاد،

البحر لو كان صالونة جم قرص يبي ليه؟

يمكن هالسؤال يقرّب وجهات النظر بدل ما ينفّرها، الله يهديكم إلا يحاول يحط على البنات ترى كلنا عندنا أهل وفي النهاية بيتزوج بنية ما بيتزوج صبي، ومثل الشي البنات في النهاية عندهم أخوان وأهل من الشباب، وفي النهاية بيتزوجون شباب

تزوجوا وفكّونا يمكن تركدون
:RpS_tongue:
​
 
إنزين الحين سؤال حيّر الأجداد والأحفاد،

البحر لو كان صالونة جم قرص يبي ليه؟

يمكن هالسؤال يقرّب وجهات النظر بدل ما ينفّرها، الله يهديكم إلا يحاول يحط على البنات ترى كلنا عندنا أهل وفي النهاية بيتزوج بنية ما بيتزوج صبي، ومثل الشي البنات في النهاية عندهم أخوان وأهل من الشباب، وفي النهاية بيتزوجون شباب

تزوجوا وفكّونا يمكن تركدون
:RpS_tongue:
​

انت اول شي جوف بتكفينا جم يوم اول ؟ عشان نسوي خبز فرش كل يوم بيومه
ثانيا هالصالونة لحم والا دجاج والا سمج ؟؟
مو فالح الا في الهرار :RpS_lol:


ولا قرص، مالحة ما تنأكل! :DBD:
​
لا تخافين حجية رحيل بنزيدها ماي حلو من النهر :RpS_lol::tongue343:
 
انت اول شي جوف بتكفينا جم يوم اول ؟ عشان نسوي خبز فرش كل يوم بيومه
ثانيا هالصالونة لحم والا دجاج والا سمج ؟؟
مو فالح الا في الهرار :RpS_lol:

لا تخافين حجية رحيل بنزيدها ماي حلو من النهر :RpS_lol::tongue343:

خلاص لو يصير، بفتح ليي خبّاز..! :sly:

جم بحر عندكم؟ كل صوب شي.. :shiny:
أحين إذا خلطت ماي البحر وماي النهر تروح ملوحته :mellow: ؟!





​
 


خلاص لو يصير، بفتح ليي خبّاز..! :sly:

جم بحر عندكم؟ كل صوب شي.. :shiny:
أحين إذا خلطت ماي البحر وماي النهر تروح ملوحته :mellow: ؟!





​

عجل انا بشتغل في انتاج الطحين :tongue343:
البحرين ما فيها بحر فبنستعين بالجيران بس عاد لين تصالحوا :RpS_lol:
بنخفف نسبة الملوحه له ! فبتصير كمية الملح معتدله للصالونة .. لا تخافين خلي هالشغلة على الشيف :shiny:
 

يعني تبين الصبيان والبنات يلعبون ويابعض؟
مو كلشي سووه اجدادنا كان صح ولازم نتبعه ..
انه يتخسبق اذا بنت تتنفس صوبة مو لأنه مو متعود على الاختلاط .. في الواقع هو يتخزبق لأنه في هالمرحلة الاسلام قال بأن المقروض يعرس فيها .. وهالشي مو عبث طبعاً
ثانياً هاي حالات يتراوالي نادرة جداً هالأيام ...


وإذا واجد مُصرة على الموضوع بالنهاية انتي حرة محد بيهاوشج اذا قعتي صوب صبي مثلاً


+ عدد كبير منا مو عاجبته كل العادات والتقاليد الي في البلد بس في الي متقبل فكرة ( ان هذا هو المجتمع الي احنا عايشين فيه فـ لازم نتأقلم وياه) .. وفي الي مو متقبل, هالاشخاص انصحهم يسافرون برا البحرين عشان يرتاحون ويا البيئة الي تناسبهم ​

تفضل :RpS_huh:
اني ماقلتلك روح اقعد صوب بنية ولا قلتلك اني امبي اقعد صوب صبي، قاعدين نناقش الموضوع بما ان انفتح شوي كلش هاي طريقة اطفال في الرد انك تقوله اوكي روح سو الشي او جملتك الاخيرة = السفر؟ ادا بتسفرني على حسابك ماعندي مانع
الحين سؤال واحد، ادا وحدة دشت وجافت المحاضرة كلها full بس كرسي واحد صوب صبي فاضي، شنو تنصحها تسوي؟ هاده الجواب بينهي الموضوع من اخره لان اني هاده الي قاعدة اقوله وتعبت من تحوير المسألة الى سالفة عادات وتقاليد وانتين تبين تقعدين صوب صبي وغيره .. جاوب هالسؤال والي يرحم والديك
اما على نقطتك الاخيرة، يعني انته تقول انك في واجد عادات وتقاليد مو عاجبتنك بس لان مجتمعك فقاعدة تتعايش وياها غصب عنك والي مايبي يسوي هالشي ماله حل غير السفر؟ هدا كلام بالله عليك؟ اولا هي عادات وتقاليد مو احكام منزلة، ثانياً ادا شي احسه يقلل مني كإنسانة او كمرأة فمافي شي يجبرني اتبعه وفي الاخير هادي حرية شخصية واتوقع الله سبحانه وتعالى مايبيك تتبع قوانين الحياة الي انولدت فيها بدون ماتفكر فيها وتحلل وتعرف شنو الصح وشنو الغلط والي تحسه غلط تقرر انك ماتمشي عليه حتى لو الكل يمشي عليه، هاي من حق عقلك وايمانك عليك، الشي مو عيب،
ثانياً بما انك جبت مسألة الزواج احب اذكرك تره المرأة كائن حي وجزء من المجتمع وجد للتعايش مو بس للتزاوج فالصبي الي ينظر ليها نظرة جنسية فقط المشكلة فيه مو فيها سواء لابسة دفة لو بنطلون
 

يعني تبين الصبيان والبنات يلعبون ويابعض؟
مو كلشي سووه اجدادنا كان صح ولازم نتبعه ..
انه يتخسبق اذا بنت تتنفس صوبة مو لأنه مو متعود على الاختلاط .. في الواقع هو يتخزبق لأنه في هالمرحلة الاسلام قال بأن المقروض يعرس فيها .. وهالشي مو عبث طبعاً
ثانياً هاي حالات يتراوالي نادرة جداً هالأيام ...


وإذا واجد مُصرة على الموضوع بالنهاية انتي حرة محد بيهاوشج اذا قعتي صوب صبي مثلاً


+ عدد كبير منا مو عاجبته كل العادات والتقاليد الي في البلد بس في الي متقبل فكرة ( ان هذا هو المجتمع الي احنا عايشين فيه فـ لازم نتأقلم وياه) .. وفي الي مو متقبل, هالاشخاص انصحهم يسافرون برا البحرين عشان يرتاحون ويا البيئة الي تناسبهم ​

+ نسيت اقول،
لا مامبي الصبيان والبنات يلعبون ويا بعض :RpS_lol:
حاول ماتفهم الحجي بصورة سطحية مضحكة
 
يا جماعة الخير إذا كل من الصبيان والبنات محتشمين المشكلة انحلت ماله داعي كل هالكلام
 
ردي ترا ما كان على سالفة الاختلاط!
كنت أتكلم بشكل عام،
الاختلاط شي نتعايش وياه في كل مكان! ده طبيعي عاد في المحاضرة لو غيرها..
واوردي دي مو عادات وهرار فقط، هذي غيرة وحياء من الصبي إذا استحى يقرّب صوب البنية، ومثل الشي البنية! فما فيها شي إذا تباعد أو قرّب.. كل الناس تتكلم وي بعضها ومن الجنسين وين المشكلة؟!!
هذا حتى في عهد النبي (ص) موجود، ما كان فيه نساء يروحون ليه ويسألونه، ما كان يساعد الرجال والنساء سواسية.. ؟!
المشكلة اللي قصدتها من ردي السابق الاختلاط غير الشرعي بين الصبي والبنية مو قصدي مال معاملة أو زمالة،

وكل كلامي طرحته بشكل عام! والأمثلة مجرد أمثلة وما ليها ارتباط بما سلف من الحديث عن قضية الاختلاط..

وإذا تبين رايي على الاختلاط أني عطيته من قبل على هالسالفة وقلت هذا يعتمد على طبيعة الرجل او المرأة إذا عادي عندهم أو لا ! ناس عادي عندها يفصلهم خمسة سانتي او حتى عشرة! ، وناس حيائهم هو الغالب لو تقعد قبالهم بنيّة ما يرتاحون..
هذي هي النفس البشرية جدي! الصبي يميل للبنية والبنية تميل للصبي.. هذي غريزة موجودة في كل نفس بشرية، ومو كل نفس بشرية تقدر تقاوم وبتقول عادي، هو فيه ناس فعلًا تقول عادي ولا تفرق عنده أو نفسها ماهي ميّالة.. والشباب اللي اعترضوا على القعدة صوب بنية او البنات اللي اعترضوا على القعدة صوب الصبي ما يبون تصير ليهم مواقف يرقعها بالغلط او يجوفها بنظرة مو زينة او او او، [ هم حاطين احتمال إنه هذا الشي " ممكن يسبب غلط" ، فعندهم الأرجح إنه نتباعد كليًا عن هذا المسبب.. ( وهذا فقط توضيح لوجهة النظر دي ) ]

احنا دايم نقول ناخذ العبرة والموعظة! حتى القرآن ينصح بأخذ العبر.. على سالفة حجة الزهراء أو حجة زينب عليهما السلام ، هالمرأة يُضرب بها المثل للغيرة والحشمة، وأعتقد اللي اتكلموا بهالحجة يبون يقولون : اقتدوا بهؤلاء وادرسوا قضيتهم اللي اتبنّوها من الأساس!
احنا ما نبي نعيش على عالم قبل تمامًا! ولكن الاقتداء في شي حسن شي زين.. والاقتداء بأحد في شي غلط فمو زين.. ( حتى ولو كان الشخص اللي بقتدي ابه شخص عادي )
مثلًا "على سبيل المثال"
واجد يجوف شخص متساعد ومتعاون ويه الناس، يقول اوه يلاا أنا بصير مثله!
مو لأنه يبي يصير نسخة منه لا! يبي ياخذ صفة مفيدة من عنده..
وإذا بنية تبي تقتدي بالسيدة زينب شي زين هههههه
او مثلًا على القدوة اللي مو زينة..
يعني قبل فترة من الزمن طلعت سالفة اللي يشققون أياديهم بأمواس وما أدري ويش! هذا وعلى ما أذكر كنت في المدرسة ( إعدادي ( وكانت منتشرة ثقافة الإيمو جنه، قولي على شكلهم هانت على راحتهم بس لمّا يشققون أياديهم هالشي مرفوض..! هي صدق أياديهم، بس الواحد ينتقدهم لأن واضح إنه الشي غلط وهم محاسبين إذا اتعمدوا يجرحون أجسادهم.. والجسد على ما يقولون أمانة وتُسأل عنها يوم القيامة.. وهم كانوا يواجهونه اتذكر بحجة إنه ما يعور وما نحس وعادي وإنه يخفف الألم النفسي!

ومن ضمن العموم آخر جملة ، ما قصدت غير إني أقول إنه كلشي ليه قواعد وأحكام!
وعلى كل حال ترا كلشي في الحياة "حلال" مالم يأتِ وجهُ التَّحريم..

أما الوشم قلته لأني سمعت عنه بالصدفة مرة في التلفزيون واتطرّق لهالقضية.. وما جبتها إلا مثال والله يشهد..
وأعتقد الوشوم أنواع ( إذا مو غلطانة معلوماتي ) ، لأن فيه نوع بيأذي ابه جسمه إذا بيسويه من جدي تحرّم .
واحنا مو بصدد تحريم وتحليل الوشم حاليًا، لأن النية كانت بكونه مجرد مثال لا غير !

اني اخدت ردش وفهمته في سياق الحديث واعذريني لين فهمتش غلط :smile2:
سالفة الصبيان والبنات مابناقش فيها زود اخدت ازيد من حقها ورايي واضح ورايش واضح، بس جملة اخيرة الواحد ينظر الى نفسه ويصحح نفسه ادا مجرد قربه من بنية ممكن يجيب كل هالبلاوي في راسه فالغلط فيه اولاً والعالم مستحيل يمشي على مزاجه،
سالفة مثال اهل البيت ماجبتها بطريقة استهزائية واكره ان كلامي يناخد بصورة سلبية غير الواضحة،
القصد نفس ماقلتين، يجيبونه كأنما لازم نمشي بالقلم والمسطرة على زمنهم ولا كأن فيه الاف التغييرات الواضحة، يجيبونه كدليل وسند لرايهم، كدليل ان كلامه صح، "الشي لا يمكن تطبيقه في هالزمن لان جوفي زمن اهل البيت ماكان موجود فيه" .. هل تجوفين هالشي يدش المخ؟ هاده كان كل رايي
ما قلت مانقتدي فيهم او اني ماقتدي فيهم فحتى التنغيز ان هاده قصدي ما اسمح فيه،
ولا اني قلت خل نتناقش سالفة تحليل وتحريم الوشم، بس جبتين مثل ورديت عليه .. ماحاولت اطول الموضوع :smile:
 
على اي اساس ضمنتين ان وجود البنت بجانب الولد ما راح يترتب عليه اي سلبية ؟! المرأة اشبه بالمغناطيس للرجل ،واذا حاجز الحياء انكسر بين الطرفين هني تكون بداية المشكلة وبعض البنات مو محتشمة بالشكل الشرعي المطلوب فتطلع مثلا من شعرها او تستخدم عطر قوي او حاطه ليها مكياج او لابسه سكني او فانيلة شفاف او ..الخ فهل كل الشباب بقدرون يقاومون هالاغراءات ؟! وعلى قولت الشاعر ( نظرة .. فابتسامة .. فسلام .. فكلام .. فموعد .. فلقاء !!) وابليس لما يجي للانسان ما بقول له من البداية تعال روح افعل المنكر مرة وحده ،بجي ليه شوي شوي خطوة بخطوة لحد ما يستدرجه فلما الواحد يبتعد عن الشبهات يكون وقى نفسه من الوقوع فيها ومثل ما يقول المثل (ابعد عن الشر وغني له) اما مقارنتش بان وجود المراة في الحرم الجامعي غير عن وجودها وياه في نفس السكشن غير عن وجودها وياه جنب بعض !! في فرق كبير في المسافة الفاصلة بينهم اما ردش في الجزء الثاني فاظن اني المقصود بهالكلام ... لما نستشهد بالعادات والتقاليد او بالسيدة زينب ع فهذا نستخدمه كدليل لدعم حجتنا في الكلام مثل ما انتين تستخدمين حجة ( اوبن مايندد و كلوزد مايندد ) وهذا الشي اعتقد كلنا درسناه في التوجيهي في مقرر العربي -النص الحجاجي- اما ان انا كوبي بيست من الامام الحسين فاكيد لا !! ما في وجه مقارنة بين امام معصوم وشخص عادي مثلي مليء بالذنوب ولكن المعصوم يكون قدوتنا في الحياة ونتعلم منهم ومن مواقفهم والانسان بطبيعته يسعى الى الكمال وواقعة الطف كل سنة تجدد مو بس حق نصيح !! انما هي ( عِبرة وعَبرة ) فتقدمت العِبرة حتى نتعلم ونستفيد بعدين يجي دور البكاء حتى نطهر انفسنا من الداخل ونقطة الاسلوب فالاسلوب شي اساسي للحوار فان كان مبني على الاحترام المتبادل بين الطرفين ونية التعلم والاستعداد لتصويب الرأي فشي طبيعي راح يكون حوار ايجابي مثمر اما في حالة اني اتعصب واتلفظ بالفاظ ما تليق بشابة جامعية على مستوى عالي من العلم والثقافة فاكيد محد بيتقبل النقاش وياش -اتمنى تتقبلين كلامي بكل رحابة صدر- وفي النهاية هي مجرد وجهة نظر تعكس راي كل شخص يعني مو لازم كلامي صح والعكس صحيح
ادا بيترتب سلبية ولا مابترتب هالشي ممكن يصير في اي حالة، في الاخير لو ماقعدت صوبه اشقد المسافة الفاصلة بينهم؟ صفة صفتين في المحاضرة؟ سالفة النظرة فاعجاب فغيرها يعني ماممكن تصير في هالحالة؟ وواجد قاعدين تنسون ان احنه قاعدين نناقش هالشي لما يصير لما مايكون فيه حل ثاني متوفر ومافيه كراسي، فقط!!!! فماله داعي تحوير الموضوع الى مغازل وغيره لان اصلا مو هاي الي قاعدين نناقشه، ادا الواحد يبي يبتعد عن الغلط اكيد مايقعد صوب صبي، واكيد اني مابرتاح اقعد صوب صبي مني والطريق بدون اضطرار اصلا اني ماحب اقعد صوب احد لا صبي لا بنية ولا حتى ربعي، احب اركز في المحاضرة بدون ما اتشتت، اما لين مضطرة فماعتقد في لحظة الي البنية بتدش المحاضرة وبتجوف هالكرسي الفاضي بس بتفكر قاعدة صوب من وشنو ممكن يصير وابليس وغيره وهو يستحي او مايستحي (لان الكرسي تره مو ماله) بتفكر في دراستها ومحاضرتها وبس، خو الشي بيصير مرة وحدة مو كل يوم فحتى هالتحليلات المبنية عليه اصلا ماتدش العقل، هالاشياء ماتصير الا من شي متكرر ومن ثنين اصلا معجبين ببعض اما كلامك عن النص الحجاجي مافهمته، يعني ويش اني تحججت بموضوع (اوبن مايندد وكلوزد مايندد) اني اصلا ماجيب هالطاري واقسم الناس الي قدامي حسب الي يعجبني، هالكلام كتبه احد الاعضاء واني رادة بناء على كلامه لاني ماحبيت اسلوبه التقسيمي في الاستهزاء بان اي احد عكس رايه يعني طالع فيها واوبن مايندد .. رديت على شنو قصدي من سالفة اهل البيت على الاخت رحيل، تقدر تقرا الكلام وتعلق عليه وعلى اخر شي كتبته، لما الحوار بكبره يرتقي من سالفة اي احد عكس رايي بقعد انغز واشكك في دينه واحترامه وحشمته بطريقة مباشرة او غير مباشرة او موضة الي وحدة تجي رد عام في موضوع مطروح وارد عليها (اي روحي قعدي صوب صبي ادا تبين)
 
اهم شي الامثلة كلها على البنات
عشان تعرف مجتمعك الي عاجبنك وماتبي تغيره شقد يقط كل شي على راس البنية :smile2:

انا ما ادري على شنو معارضة :nosweat: !!!!!
كون الأمثلة غلط, ولا مافي مثال عن صبي :nosweat:

ماعتقد إذا صبي لبس فانيلة وردية بيشد الإنتباه بشكل ملفت بطريقة (مسيئة), الثياب و التعدل و التكشخ من صوب البنات يعني, دفات البات مان, و ميكب الجوكر:smile2: من صوب البنات يعني.

ولا اعتقد في كمية كبيرة من الصبيان إلي يلبسون ثياب غلط قد البنات يعني :RpS_unsure:.

تعتقديني متحيز و ادافع عن الصبيان مثلاً :whistling:, انا اتكلم عن المواضيع الحساسة في الجامعة و إلي واجهتني انا شخصياً :smile2:
 
كل واحد يسوي ويقول اللي مقتنع فيه ، لكن ارضاء النفس والذات مو اهو الغاية، الغاية تحكيم العقل والنية بما يرضي الله في كل الامور ..
اضطريت تقعد صوب بنية او تقعدين صوب صبي ، بتوشم او بتوشمين ، بتطلعين بدون العباية والا ابها او اي مثال اخر ، في الاخير انت مسؤول عن نفسك
اهم نقطه انك ماتتبع خطوات الشيطان ولا تقطع خطوط الاتصال بينك وبين الله (لا
تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا.)

وكلامي مو مقصود به احد ، لي وللجميع
​
 
التعديل الأخير:
عودة
أعلى أسفل