اني الصراحة ارفض اني اصدق ان مقابلة مدتها جم بتكون، ربع ساعة؟ نص ساعة؟ بتخليني ارتاح واعرف واقدر اقرر الشخص ممكن ارتبط فيه ويناسبني ولا لاء!
مستحيل، الزواج قرار مصيري شلون اقدر اقرره في هالوقت القصير،
يعني لمن يتقدمون حقي واقول اني مامبي اتزوج بهالطريقة تقول ليي الي قاعدة تخطب (بس فيه مقابلة) يعني انتين ليش تقولين اني ماعرفه، اكو فيه مقابلة؟
يعني جنه المقابلة هي الي بتحل كل المشاكل وبتقرب كل شي، واصلا حق نكون صريحين، الواحد لمن بيقعد ويا شخص ممكن يتزوجه اكيد بيحاول يخليهم يعجبون فيه بكل الطرق فاخد واعطي من المثاليات في هالقعدة، كل واحد بيطلع روحه ملاك وعقب الزواج بتطلع البلاوي
وممكن ثنينهم يكونون طيبين وخوش اوادم، بس مايتفقون في اشياء معينه وبالتالي الزواج مابيكون ناجح، مو شرط واحد منهم يكون مو زين الخ الخ
اممم ما اتفق وياش بتاتا
يمكن لان للحين ما جربتين
بالعكس ما قلنا ان الشخص زين يعني خلاص تاخذينه كلش لا
الشخص زين او لا بينعرف من السؤال عنه انتين المفروض داشه مقابله مع شخص يقينا ان زين عقب طلع كلامهم جذب هذا ذنبهم على الله
و ذه الارتياح شي فطري طبيعي
يمكن كنت اقول نفسش مستحيل في مقابله ام ساعه او نص ساعه بعرف ان مرتاحه و هالشي بيصلح
بس عقب اكتشفت العكس
شوفي حتى لو كان زين اذا مو نصيبش تحسين انكم مو متوافقين فكريا او ممكن في توافق بس امم ترفضينه ما تحسين براحه ما عليش ن هرار الا اول وحده ووافقي لصبي زين ذه هرار و لا تسمعين كلام احد
ذه عش انتين بتبنينه لازم تفكرين عدل
اول سؤال يخطر على بالش هالشخص ويش ما بتكونين بيكون اياش انتين متقبله هالشي
عقب فكري في كلامة نقطه نقطه و الشي الا تحسينه غامض قسميه على احتماليين ما بيجيش شخص كامل لكن لازم الايجابيات تغلب على السلبيات و لا تنسين ان هالسلبيات حتى لو قليلة لازم تكونين متقبلتنها
يعني لو كان زين و كله ايجابيات بس فيه سلبيه وحده و هالسلبيه لو الموت ما تتقبلينها ارفضي
شي ثاني ان هالشخص عقب ما يروح المفروض كلما تتذكرينه تبتسمين تحسين روحش تبين تكلمينه مرة ثانيه تبغين تشوفينه
تحسين ان قلبش فرفح ليه
و على فكره ان قلبش يصيده ذه الشي ذي اهم نقطه في الموضوع
و بالعكس توافق الافكار ينعرف في اول لحظة لا انتين تحسين روحش اذكى منه و لا هو اذكى منش و بعد تقولون اشياء اثنينكم في نفس اللحظة يعني ذه تفكيير
اكتبي في ورقه و قلم ويش هي الاساله المصيريه
و نجاح الزواج هذا عقب يعتمد على حسن تدبيرش لان القول يختلف عن الفعل
و الا بتبني حياة سعيده تقدر تبنيها ويا اي شخص
لان هني في الواقع حتى لو ارتحتين لا تنسين ان كل شخص جه من بيئه غير عن الثانيه
مو محتاجين تفرضون و ترجحون وحده على الثانيه لازم تدمجونهم عشان تهيئون عش لاولادكم اثنينكم ترضونه
و المقابله هي افضل شي يحدد
لا تنسين ان بعد الفحص عندش فرصه تكلمين لصبي مو في الخرابيط لا بتحتاجون وقت تتفقون على امور الزواج من اسلوبه و تفكييره عندش فرصه تقولين ستوب بعدش على البر و ذي فرصه اختيار و اكبر غلط انش تواصليين و انتين حسيتين بشي مو حليو

اعتبريها نصيحه مني