بقوليك شي خيي ،، الحجي واجد سهل تزعل يوم يومين عشرة ،، بس مو بسرعه اذا البنت انجرحت من شغله ترجع مثل قبل ...
انت وي ربعك اني وي بيتنا ازعل اضايق منهم مو بسهوله نرضى. اذا يصصير خلاف ،،
مو بعد وحدة تنصدم ان زوجها تزوج عليها ...
اني من قبل تناقشت وي الوالدد عن هالموضوع ،، وان ليش الامام علي عليه السلام تزوج دايركت عقب وفاة فاطمة الزهراء عليها السلام ،، هذي امور غيبيه ليها اسباب احنا مانعرفها. ...
اني ما اخفي اني اقتنعت بجزء من حجيك يوم ذكرت زوجات الرسول "ص" ،، لكن اخويي والله صعب ...
يعني البنت بشكل عام كائن حساس ،يتأثر بأقل شي ...
وليش الزوجه لازم تاخذ اي شي بصورة ايجابيه وبس هذي وظيفتها ف الحياة ،، ليش تاسيس البيت استقرار وهدوء ،، هذي وظيفخ مشتركة بين الزوجين ،، الشخص اذا تضايق ما ييصير عنده وعي للتصرفات اللي يسويها ...
احنا ما بنلتقي ف نقطة مشتركة شكلنا هع ،،
مارد لا تخلي دايماعقلك اللي يتكلم العاطفة ليها دور كبير جدا
ما انكر خيو بأن المرأة كائن حساس مرهف المشاعر ،ولكن الله سبحانه وتعالى لما خلق الخلق كرم بني البشر على سائر خلقه ،فأعطانا الشهوة والعقل ،بينما اعطى الحيوانات فقط الشهوة ،واعطى بالمقابل الملائكة العقل فقط !
فحتى لو كنت انسانه مرهفة المشاعر بس هذا ما يعني اني افقد عقلي بداعي اني بنت ومن حقي اكون حساسة ومن حقي ازعل ووو "وللاسف البعض يوصلون الموضوع للطلاق !"

وهو ابغض الحلال عند الله عز وجل
اخذ الامور بصورة ايجابية هذا مو شيء خاص بالزوجة فقط ،حتى احنا في حياتنا اليومية ليش لما يصيدنا شيء احنا ما نبيه ،نكرر بأن عساه عن صلاح ، ونردد الاية
(وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ) ،فحتى في الحياة الزوجية الانسان لازم يفكر بصورة ايجابية ،فلو ضليت اصيح ،وما ليي خلق زوجي واولادي ،وصرت ما اتحمل كلمة منه وو .. شنو راح تكون النتيجة ؟ هل راح يغير من الواقع شيء ؟ هل راح احس براحة نفسية ؟ هل بحس ان زوجي قريب مني ؟ هل بكون بيتي واسرتي مستقرة ؟ هل بكون راضية ربي ؟ هل هل ...الخ
لكن بالمقابل لو احترمته وقدرت موقفه وحاولت اتناسى هذا الموضوع ، راح يخف الضغط النفسي عليي ، راح احس بان زوجي ما زال جنبي "وهذا فن مو كل زوجة تتقنه" ،وعلى الاقل راح اكون مؤدية الا عليي تجاه زوجي من قِبَل الله عز وجل وهو الاهم
ليش خيو لما الانسان يتضايق يفقد السيطرة على نفسه ؟ وهل هذه حُجة ؟
لما الامام علي ع كان يحارب عمر ابن ود العامري وكان بينه وبين الموت شعره ،وبعد ما حس بالذل والاهانة من قومه ، شنو سوى ؟ بصق في وجه الامام !! >هذا مو سبب كافي حتى يغضب منه الامام ويفني حياته في ثانية ؟ ليش قام يفتر في الساحة لحد ما هدأت اعصابه وبعدها رجع وقتله ؟ ... لازم نتعلم خيو ان نسيطر على مشاعرنا وما نخلي مشاعرنا الا تسيطر علينا !!
ترى الغضب والغرور والتكبر والشهوة وحب الذات والغطرسة ووو كلها مشاعر !! بس احنا نتخلص منها لانها مشاعر سلبية ،شلون عرفنا ؟ لما استخدمنا عقلنا
الأئمة و الأنبياء وييين و رجال هالأيام ويييين
و بعد النسوان احين غير عن قبل
فلا تقارن ،
احين اذا البنية زعلت يعني زلزلت استقرار الاسرتين ؟؟؟؟؟
و كل مشكلة تصير تقع ع عاتقها هي ؟؟؟؟
ما هذا الكلام يا رجل !!!!
يعني تبيها تصير بلا احاسيس ؟ او تزعل يومين و عقب و لا كأن صار ش ؟؟؟
و الا اذا م سوت جي يعني قاعدة تخرب حياة الاسرتين ؟؟؟!!!!!
ليش هي لازم تفتكر ف الاستقرار و هي اللي تنلام عليه ؟
هو لما فكر ياخذ وحدة م كان يعرف العواقب ؟
م فكر ان لما يسوي جي هو قاعد يهدم بيته ب ايده ؟
ليش هو م يقكر ف استقرار الاسرة بينما هي لازم تفكر ف استقرار الاسرتين ؟!!!!!!
طبعا خيو ما اقدر اقارن اي شخص بمقام الانبياء والرسل والائمة صلوات الله عليهم جميعا ،لكن احنا نعتبرهم مثال في سائر شؤون حياتنا ونقتبس منهم
شلون يعني النسوان قبل غير والحين غير ؟ قبل كانوا يقصون عليهم يعني ؟ والا كانوا ماكلين حقهم وهم عايشين مع انبياء وائمة ؟ :mellow: >يا ريت توضحين ليي
انا بينت في كلاما سابقا ،بأن الزعل والحزن وو ... لها حد معين ،لكن لو زاد عن هذا الحد راح يعتبر سبب في عدم استقرار الاسرتين

،لا خيو مو كل مشكلة سببها الزوجة ،بالعكس في زوجات افضل من ازواجهم وهذه حقيقة ما نقدر ننكرها
مثل ما وضحت في ردي ^ الا فوق ... الزوجة لو وصل فيها الحد الى ان تعصب وتتهاوش مع زوجها ،وما تطيعه ،وتروح وتقعد في بيت اهلها ووو .. هذا كله ما راح يغير من الواقع ولا شي

،وحتى لو افترضنا جدلا بان الزوج طلق زوجته الثانية ... هل تتوقعين ان زوجته الاولى راح تتصرف بشكل طبيعي ؟ بعد راح توسوس وتقول ايه شنو الا يضمن ان ما رجعها بالسر ؟ شنو الا يضمن ليي انه مو متزوج غيري وغيرها اصلا واحنا كلنا خبر خير ؟ ... الخ من الافكار وساوس الشيطان !
لما فكر ياخذ وحدة ،اذا كان هذا يخالف شرع الله فهو غلطان ،اذا كان مو مطبق شرط واحد من شروط التعدد فهو غلطان ،اما غير هذا فلا > لا طاعة لمخلوق في معصية الخالق

والله سبحانه وتعالى لما شرع ان الزوج يقدر ياخذ 4 فهو اعلم واحكم مني ومنش ،وكلنا موقنين بأن الله ما امر بشيء فيه مضرة للانسان ،بل على العكس ... وكل الابحاث العلمية اليوم تثبت هالشي
