حوار ساخن بين آدم و حواء ....

[إيقاع]

عمومًا، عني عن نفسي ما أسويها
قد يكون السبب إني ما أعرف هالشخص عدل ولا أضمنه كونه غريب
بس المشكلة إني بكون جاية حق أعرفه
وسرى الليل واحنا ما سرينا
- ولو إني أدري إن طبيعة الأهل لو لو لو بسويها ما تستوي -
فعندي أكتفي بالمقابلة وبالسؤال، ويمكن بالمعرفة من بعيد لبعيد بطريقةٍ أو بأخرى

لا تتخيلين إن بيتنا هم اللي بوافقون ههه.
كما قلتين سابقا عن العرف والشرع.
الشي مو معتاد أبدا في مجتمعنا فينظرون ليه وكأنه حرام وخطأ وعيب.. ووش بقولون الناس؟

 

[المهندس عبدالله]

بس فهمت < ما يحتاج الرد على السؤال القبلي.

هالشي ما يصير لأنّ مجتمعنا حياوي - إذا صح التعبير-
فأحيانًا يكون الرفض من الأهل < بدافع الخوف على الاثنين
أو يكون الرفض من الصبي < بدافع إن يمكن ينجرف لإشكالات شرعية وما يصير عقد
أو يكون الرفض من البنية << ما أقدر أعيد الكلام ههههه

ترا حتى المقابلة، بعض الأهالي ما تصك الباب على الاثنين صك كامل في المقابلة "تخلي فتحة صغيرة"، فما بالش بالطلعة وي بعض!

طبعًا هو مو حرام، بس فيه شبهة (في زمننا)
لأن الخطبة بهالشكل "البعض" يخليها تساوي الخلوة وتسقط أحكامها عليها، مو الكل ينظر ليها كأمر شرعي
أقصى شي بيسوونه حق إن يخلونكم وي بعض ويكون أحد من الأهل من بعيد..


عمومًا، عني عن نفسي ما أسويها
قد يكون السبب إني ما أعرف هالشخص عدل ولا أضمنه كونه غريب
بس المشكلة إني بكون جاية حق أعرفه
وسرى الليل واحنا ما سرينا
- ولو إني أدري إن طبيعة الأهل لو لو لو بسويها ما تستوي -
فعندي أكتفي بالمقابلة وبالسؤال، ويمكن بالمعرفة من بعيد لبعيد بطريقةٍ أو بأخرى..

بضبط، أتفق وياش

 

[رَحِيــلْ ،]

صلوا على النبي.. ترى مو لابسة عمامة أني .
كلامي كان من ناحية معرفة دينية بسيطة جدا، ومن ناحية عقلية منطقية.

شرعا العقد = الزواج.
عرفا العقد بما يترتب عليه بداية الأيام ويمكن أول ثلاث سنوات بعد = الخطبة .

بينما الخطبة تكون من دون عقد.. عاد يقولون لش لعدم الوقوع في الحرام بس يخطبون يعقدون .
انزين اوكي خلهم يعقدون.. هل ستبقى خطبة؟ قطعا لا.

انزين من يعقدون صار ده زواج له؟

الخطبة أني اللي أفهمها وأعرفها إن واحد يطلب إيد وحدة للزواج
من يعقد عليها خلاص صار زواج - صارت حلاله - بغض النظر عن إن العلاقة توها جديدة وسموها عرفًا.

 

[إيقاع]

حرااااام xD #أمزح
صح كلامش...
هني يجي سؤال: المجتمع ينظر نظرة سوداوية لمثل هل أشياء... يعني مو المفروض تكون مثل هل طلعات في أماكن بعيدة عن أنظار الناس(قدر الإمكان) عشان لا يصير قيل وقال ؟

** أفهم أنه المجتمع متخلف إلى حد معين وأنه ما بنقبض وياهم، بس أعتقد علينه نتعايش بطريقة أو بأخرى مع هذي الأعراف، مرة تكلمت مع شخص عن قضية لو أختي وياي في الجامعة هل أتجنب الإلتقاء بها في الجامعة عشان لحد يفهم غلط(ما يعرفون أنه أختي وظنونهم سوداء)؟؟

سبقتني بثواني بهالرد..
وأعرف كثير ناس يفكرون مثلك في سالفة إنه يسوي روحه ما يعرف وحدة من أهله عشان كلام الناس.
مجتمعنا تعبان جدا.. ويجبر الأوادم يسون أشياء ما يحبونها تجنبا للحجي والقيل والقال.

بضبط، أتفق وياش

الضحية البنية مسكينة.. تتزوجه ويطلع بخيل .
^ مجرد مثال.. وقريب من المزحة .

 

[رماديّة]

هالمجتمع الي تنفخ فيه جنّك تنفخ في "قِربة مثقوبة"

 

[المهندس عبدالله]

الضحية البنية مسكينة.. تتزوجه ويطلع بخيل .
^ مجرد مثال.. وقريب من المزحة .

لا فعلا كلامش صارت وواجد وفي أكثر من حالة!!، مو مزحة كلش

 

[إيقاع]

انزين من يعقدون صار ده زواج له؟

الخطبة أني اللي أفهمها وأعرفها إن واحد يطلب إيد وحدة للزواج
من يعقد عليها خلاص صار زواج - صارت حلاله - بغض النظر عن إن العلاقة توها جديدة وسموها عرفًا.

اي له ذا الحجي.. بالعقد يصير زواج.
الحين مو نقول الخطبة يتعرفون على بعض؟
إذا الخطبة فيها عقد وفيها ما يترتب على العقد من حقوق وواجبات.. وش الفايدة من إنهم بيتعرفون على بعض؟
لنفترض تعرفوا على أشياء ما تعجبهم وما يتقبلونها في بعضهم.. شلون يتصلح الأمر؟
بالطلاق؟ هذا أقسى الحلول وأصعبها قد ينظر إليه البعض فيستبعده نهائيا وهذا منطقي.
لكن بعد صعب تعيشين وي أحد تشوفين فيه أشياء ما تتقبلينها.. لكن خلاص انجبرتين.

 

[المهندس عبدالله]

+ البعض صار يختصر وسيدة زواج

 

[رَحِيــلْ ،]

لا تتخيلين إن بيتنا هم اللي بوافقون ههه.
كما قلتين سابقا عن العرف والشرع.
الشي مو معتاد أبدا في مجتمعنا فينظرون ليه وكأنه حرام وخطأ وعيب.. ووش بقولون الناس؟

يلا ما عليه، بتمشي أمورنا - إذا الله كتب - بدون هالشغلات..

 

[إيقاع]

لا فعلا كلامش صارت وواجد وفي أكثر من حالة!!، مو مزحة كلش

وبما أن البنت غالبا في هالمجتمع ما بتقدر تعرف هالشي.. الأهل لازم يسألون عن كرمه قبل السؤال عن وين يشتغل.

#أنقذوا_ضحايا_المجتمع
#البنات_المساكين
#عيشتن_قشرا

 

[إيقاع]

^ على سالفة الكرم والبخل.. أشوف بعض البنات بدل لا تاخذ " الطايح " وتجهز أغراضها بروحها - إذا هذا هو اللي يجهزون به يعني - ،
تطلع وياه ووياهم أحد من أهلها وأحد من أهله، عشان تختبر الوضع .. وفرصة تتعرف عليه أكثر.

بس برأيي الشي ليه سلبيات كذلك.

 

[رَحِيــلْ ،]

اي له ذا الحجي.. بالعقد يصير زواج.
الحين مو نقول الخطبة يتعرفون على بعض؟
إذا الخطبة فيها عقد وفيها ما يترتب على العقد من حقوق وواجبات.. وش الفايدة من إنهم بيتعرفون على بعض؟
لنفترض تعرفوا على أشياء ما تعجبهم وما يتقبلونها في بعضهم.. شلون يتصلح الأمر؟
بالطلاق؟ هذا أقسى الحلول وأصعبها قد ينظر إليه البعض فيستبعده نهائيا وهذا منطقي.
لكن بعد صعب تعيشين وي أحد تشوفين فيه أشياء ما تتقبلينها.. لكن خلاص انجبرتين.

إذا تبي تعرفه تعرفه قبل العقد قبل فوات الأوان ، عقب ما يفيد

بس إذا كانت المقابلة غير كافية، وما تقدر تسوي شغلات تثير الشبهة حواليها؟
فأما إنها ما توافق أو إنها مثلًا تكلمه تواصلًا - في حدود معينة - هالشي على الأقل مو الكل يرفضه..

 

[رَحِيــلْ ،]

مرة تكلمت مع شخص عن قضية لو أختي وياي في الجامعة هل أتجنب الإلتقاء بها في الجامعة عشان لحد يفهم غلط(ما يعرفون أنه أختي وظنونهم سوداء)؟؟

تدري وش الشيء الجيد السيئ، والجميل القبيح، والصالح الطالح في مجتمعنا - احنا البحارة بالخصوص - ؟ (بس ما أقول الكل طبعًا بس أحس الأكثرية جدي ابتداءً من أجدادنا)
إن احنا مجتمعنا غيوووووور على المرأة، بالذات المرأة اللي تصير ليه يصير غيور أكثر عليها: اختك، زوجتك، امك، عمتك، خالتك... إلخ
فبسبب هذا تجوف الرجل يمنع حدوث أي شغلة ممكن إنها تتحول إلى "ظن أسود" أو "فهم غلط"، ما يقدر يخلي شي ولو قليل جدًا يطعن في نتفة من سُمعَتها.

 

[aajaas]

- هل تقبل الارتباط بزوجة مصابة بالسكلر أو حامله له؟
[ مع افتراض إن ما تعرف هالشخصة، ولا تعرف مستوى أخلاقها و لا تعاملها ولا قابلتها ولا شي، بس انذكرت المواصفات هذي.. تتقدّم للأمام؟ أو لا؟ ]

- هل فارق السن (7 سنوات فأكثر) بين الزوج والزوجة يجيب نتائج إيجابية أو سلبية..؟
[ العمر مو في العمر بحذ ذاته، أقصد تأثير العمر على مستوى الفكر، نمط الحياة، طريقة العيش، الخبرة في الحياة، التجارب، الميول، الرغبات... إلخ. ]
طبعًا احنا نعرف إن هذا الشي يعتمد على الشخصيات نفسها فأحيانًا عادي وأحيانًا لا
بس اللي أقصده بشكل عام هذا الشي راجح أو غير راجح.

ج١ } قطعاً ما اقبل بفتاح حامل او مصابة بالسكلر ، لاني حامل للمرض للاسف وهذا يؤثر على الاطفال (انجاب اطفال مصابين) .

ج٢ } فارق العمر لازم يكون مو كبير جداً بحيث يكون تفكيرهم مختلف كانهم من اجيال اخرى ، احبذ فرق حتى ٥ سنوات على الاكثر و الافضل بين الشهور و الثلاث سنوات ..

 

[الفـيـلـسـوف]

- لو كان الزوج عمره 25 سنة تفكيره تفكير واحد عمره 19 سنة و البنت عمرها 18 و لكن تفكيرها تفكير بنية عمرها 23 سنة مثلًا ؟ شلون راح يتعايشون ؟

 

[رَحِيــلْ ،]

- لو كان الزوج عمره 25 سنة تفكيره تفكير واحد عمره 19 سنة و البنت عمرها 18 و لكن تفكيرها تفكير بنية عمرها 23 سنة مثلًا ؟ شلون راح يتعايشون ؟

احنا اللي نقصده إهني من السؤال: الحالات الطبيعية.. هل يكون توافق بينها إذا الفرق كبير أو لا؟
ما نقدر نحط احتمالات على شخص جدي وشخصة جداك
لأنَّ بشكل عام طبيعي تجي ليك حالات يختلف فيها يختلف من شخص إلى آخر
نبي الشي العام.. هل يكون توافق أو لا لما يكون (مثلًا - حسب مثالك) عمره 25 مثلًا وهي عمرها 19 ؟
بغض النظر عن هوية تفكير هذين الشخصين الخاصة..
يعني بصيغة ثانية إنك تاخذ أي شخصين بهالأعمار/ بهالفرق العمري في العالم هل أوكي أو لا..؟

الحالة اللي ذكرتها تعتمد على العمر العقلي للشخصين، وهذا يُكتشف بعد المقابلة مثلًا أو في أسوأ الحالات بعد الزواج..
أما الحالة اللي نقصدها تعتمد على العمر كعمر نفسه، واللي معروف من قبل المقابلة..

 

[Waffa]

لو كان المجتمع يسمح بالعلاقات ماقبل الزواج بصورة مفتوحة اكثر انجان نقدر نقول فرق العمر مو واجد مهم لان يمدي الوحدة او الواحد ياخدون وقتهم في التعرف على هالشخص الي بينهم وبينه فرق عمر ويتاكدون يناسبهم او لا، لان في الاخير ممكن شخص يناسبني يكون في عمري، او اكبر مني، او حتى اصغر مني

بس بما ان السؤال احسه محصور في نطاق الزواج بالطريقة التقليدية الي المجتمع يتقبلها فاحس المفروض قدر الامكان نقلل حجم المجازفة والشخص المقبل على زواج بهالطريقة يختار له شريك في نفس العمر، بس في الاخير اجوف السالفة فيها مجازفة ولازم يكون فيه تجهيزات اطول واوسع واكبر بدل مانختار شريك لحياتنا على اساس مقابلة او مقابلتين متناسين ان هالشخص في الاخير غريب واول مرة يمر علينا

اما عن المرض فاني اجوف مرضى السكلر الي فيهم مكفيهم عن ان احنا نجي ونتناقش "نرضى" فيهم او مانرضى فيهم وكأن احنه افضل من ناحية او ناحية ثانية.. احس ان الموضوع مهم ويستحق النقاش بس بطريقة حساسة اكثر لان الموضوع نفسه حساس وما احسها حليوة في حق اي احد مريض يجوف نقاش مفتوح عن من بيرضى فيه ومن مابيرضى فيه وليش وشلون، في الاخير حتى الناس السليمة في ناس بترضى فيها ومابترضى فيها لان في جوانب اخلاقية او شرعية الخ مايتفقون عليها مو معناته الشخص فيه نقص في الاخير العلاقات تستوي لما الطرفين يحسون بينهم اشياء تجمعهم اكثر من الي تفرقهم والوضع الصحي مشمول

 

[Blue Castle]

لو كان المجتمع يسمح بالعلاقات ماقبل الزواج بصورة مفتوحة اكثر انجان نقدر نقول فرق العمر مو واجد مهم لان يمدي الوحدة او الواحد ياخدون وقتهم في التعرف على هالشخص الي بينهم وبينه فرق عمر ويتاكدون يناسبهم او لا، لان في الاخير ممكن شخص يناسبني يكون في عمري، او اكبر مني، او حتى اصغر مني

بس بما ان السؤال احسه محصور في نطاق الزواج بالطريقة التقليدية الي المجتمع يتقبلها فاحس المفروض قدر الامكان نقلل حجم المجازفة والشخص المقبل على زواج بهالطريقة يختار له شريك في نفس العمر، بس في الاخير اجوف السالفة فيها مجازفة ولازم يكون فيه تجهيزات اطول واوسع واكبر بدل مانختار شريك لحياتنا على اساس مقابلة او مقابلتين متناسين ان هالشخص في الاخير غريب واول مرة يمر علينا

اما عن المرض فاني اجوف مرضى السكلر الي فيهم مكفيهم عن ان احنا نجي ونتناقش "نرضى" فيهم او مانرضى فيهم وكأن احنه افضل من ناحية او ناحية ثانية.. احس ان الموضوع مهم ويستحق النقاش بس بطريقة حساسة اكثر لان الموضوع نفسه حساس وما احسها حليوة في حق اي احد مريض يجوف نقاش مفتوح عن من بيرضى فيه ومن مابيرضى فيه وليش وشلون، في الاخير حتى الناس السليمة في ناس بترضى فيها ومابترضى فيها لان في جوانب اخلاقية او شرعية الخ مايتفقون عليها مو معناته الشخص فيه نقص في الاخير العلاقات تستوي لما الطرفين يحسون بينهم اشياء تجمعهم اكثر من الي تفرقهم والوضع الصحي مشمول

اتفق اياش في نقطة مرضى السكلر بس بالنسبة لأول الكلام لو كان المجتمع يسمح بالعلاقات ما قبل الزواج ... إلخ
هل تعتقدين واقعاً لو كان المجتمع يتقبل هذا الشيء و الشرع يسمح بهذا الشيء بكون هذا الحل ؟
لو بنطالع الواقع شوي على الرغم من ان المجتمع ما يسمح بهذا النوع من العلاقات ، لكن هذا النوع من العلاقات موجود ، فكم عدد الزواجات الناجحة الى طلعت من هاذي العلاقات ؟
و كم عدد العلاقات الي تبدأ و تنتهي و كان شيئاً لم يكن ؟
لو فرضنا جدلاً ان الشرع يسمح بهذا النوع من العلاقات ، و المجتمع متقبل هذا النوع من العلاقات شنو الي راح يصير ؟
ببساطة فلان يتعرف على فلانة يتعرفون على بعض فترة من الزمن عجبوا بعض تزوجوا ، ما عجبوا بعض كل واحد يروح في طريقه ، فلانه تتعرف على شخص ثاني و فلان يتعرف على انسانة ثانية و نستمر ندور في حلقة مفرغة من العلاقات من شخص الى اخر ، و حتى لو فرضنا انهم تزوجوا ، فالعلاقات الموجودة قبل الزواج كانت شيء عادي فليش بتكون مرفوضة من قبل المجتمع و الزوجين بعد الزواج ؟ ففي امكانية ان هاذي العلاقات تستمر حتى بعد الزواج انزين خلنا نتخيل ان الزوجة تتعرف على فلان و علان و الزوج مثل الشيء فأي أسرة سليمة بتتكون من هالزوجين ؟

في النهاية مع ان الخطبة التقليدية او الخطبة عرفاً ( العقد الشرعي ) صحيح له بعض الأضرار خصوصاً على المرأة في حال الانفصال ، بس هل الخلل في الشرع نفسه او الخلل فينا ؟
و لو بنطالع الفوارق فيما لو كانت الحياة الزوجية مبنية على علاقة قبل الزواج او ما نسميه خطبة تقليدية فاضرار الخطبة التقليدية بتكون اهون بواجد من ان تكون في علاقات قبل الزواج لغرض التعارف ، ففي النهاية سواء كان في تعارف بين الطرفين قبل الزواج او كانت خطبة تقليدية دائماً الطرفين يحاولون يظهرون افضل الصفات و الاطباع للطرف المقابل و في النهاية اطباع و تصرفات الشخص صعب تنعرف من شخص مو عايش وياه حياته اليومية ، ففي الحالتين شبه مستحيل التعرف على تفكير تصرفات ، اطباع الطرف المقابل بشكل كامل قبل ما يسكنون في بيت واحد .

 

[أمواج]

1- بالنسبة للعمر .. فارق السن مو معيار بقدر معيار التوافق بين الطرفين
بالنسبة ليي أفضل التقارب في العمر .. بين سنة و 5 سنوات .. وممكن 6 أو 7 بس مو مفضل .. لين زاد مبالغ فيه
بس مو معناها كل زواج بفرق كبير فاشل وكل زواج بفرق قليل ناجح .. توافق الاثنين الأهم

2- تعرفني رحيل اني من المؤيدين لفكرة اذا ما اخذت مريض السكلر و انت سليم من بيتزوج
مو معناها لازم أني .. بس كمعيار موافقة اذا السليم يرفض .. بيتزوج مو سليم مثلاً !
فما أأيد الرفض بسبب السكلر .. هو ما ليه ذنب .. والمعيار الأساسي للزواج الدين والخلق مو الصحة
دام انه انسان قادر يكون حياته ويمشي صح وخوش واحد .. مرضه مو حاجز عن موافقتي
البعض يقول انتين عاطفية وتبين تضحين بحياتش .. اني صح عاطفية بس ما اشوف في الموضوع تضحية
بعيوني أشوف ان هالانسان انسان عادي حاله بحال غيره .. وبالعكس لين داريته واهتميت له شي إيجابي يحياتي
وأعتقد ما فيه ضمانة ان السليم ما يمرض او يصيده شي بيوم .. ذيك الحزة أتخلى عنه !
شي ثاني اني احط نفسي مكان الشخص .. هل بقبل ان انرفض لسبب مرض ما لي ذنب فيه ولا يشكل عائق ليي ؟!
أأيد بعض النقاط والأسباب الي تميل للرفض بسبب السكلر بس ما أرجحها

 

[craZy Team 77]

1- العمر في الزواج مهم جداً اعتقد للطرفين .. بتكلم بشكل عام يعني اذا ابي اعبر اكثر بقول ان هناك قاعده عامه و شواذ للقاعدi , فرق العمر في بداية الزواج مابتحس بالفارق في البدايه بعدها بتلاحظ الفرق اكثر . مثال : اعرف اثنين تزوجوا و فرق العمر 8 سنوات حياتهم سعيدة في اول خمس سنوات ، بعد انجاب طفلين و تطور الحياة صار في فجوه بين الرجل و المرأه .. ستايل المرأه عصري بما انها مرأه و تحب كل شي جديد و تصير جميله و توها صغيره عمرها 26 او 27 و الرجل كلش ستايله و حياته قديييييمه وايد ، هني تبدي المشاكل الرجل ماراح يقدر شنو قاعده تسوي البنت الي حابة تواكب العصر و راح تصير مشاكل وايد .. بس مو معناته ان مافي ناس تزوجوا فرق العمر كبير وهم سعيدين واعتبرهم حالة شاذه .
العمر اعتقد اذا اكثر شي افضل 3 او 4 سنوات نفس الجيل و نفس الفهم .

بخصوص الزواج التقليدي و حجي كثير بخصوص العقد قبل و بعد ووووووو ، و ناس تقترح ان تكون الخطبة قبل العقد و خلها تطلع وتقعد وياه وووو . بس حبيت اقول ان الشرع تعلمناه من الرسول الاعظم و اهل بيته عليهم السلام مافيه عيوب المشكله تكون في الاشخاص الي تطبق هذا التشريع بشكل خاطئ، يعني بخصوص العقد هو الزواج خلاص مافي شي اسمه خطبه و زواج في شي اسمه عقد زواج وتصير حلال عليه المرأه . قبل لا يصير العقد في جلسات شرعية نفس المقابلة مره و مرتين و ثلاث حسب توافق الشخصين و سؤال الاهل عن الرجل ووووو هناك اشياء كثيره حق تعرف عن الشخص الي جاي يخطب


2- بخصوص السكلر او الامراض الوراثية اعتقد مافيها اشكالية اذا كان مابيأثر على الانجاب .