مُخربش .,

[d.e]

مدونتكـ من تأليفك أو فيها اقتباسات ؟؟
على كلٍّ ..
راقت لي هذي المساحة كثيرا

 

[Massat]

من طول الغيبآت ...
بس لآ تعيدهآ وتتغيب عن بيتك الثآني

لزمن نغيب ل ..
ولزمن نرجع بعد ..

عجيييييب
من زود ما هو حليو ومؤثر صحت

ليش جذي ؟؟
جبتها جيب
ع الوتر الحساس

الله كريم

تسلم ايدك
ودمت مبدع ان شاء الله

الله كريم ..

مدونتكـ من تأليفك أو فيها اقتباسات ؟؟
على كلٍّ ..
راقت لي هذي المساحة كثيرا

كل شيء هنا يعبّر عن واقع و خيال .. و حُلم ..

إذا كان فيه إقتباس , لازم بخلي نجمة أو شي من هالقبيل ..

 

[Massat]

"بالمنزل ظهراً"


- خاطري في أسكريم أو ذرة

روح إشتر لك

- بروح بشتري ذرة من مركز الأنوار في الليل ..
وبعدين بروح عند البحر , بقعد في السيارة نفس الرومنسيين الصدق يعني ..
جان زين انتين ويايّي ..

بصير وياك أدنات يوم ل

- ايي , بنشتري أسكريم وذرة وبنروح ..

الأسكريم حقي والذرة حقك ل

- لا , إثنينهم حقي , عشان أحرمصش

ما عليه , خله يجي الأدنات يوم وبنشوف -_-

- باكلهم وبسدح السيت وبنام , بخليش تهدرين بروحش xD

ما بخليك تنام , سيده بقعدك -_-

- بنجووف
برب دقيقتين وبجي ها , مو تقومين


: طافت دقيقتين , خمس , عشر دقايق :
:.... ساينت ....:

هيييييي
هييييييييييييي
شكلك نمت ل -_-

: سايلنت :


........
...........


//

"عند البَحر - ليلاً"

A River Runs Through It - Now playing

وحيداً آكل آخر كمجة من أسكريم أوريو ..

:......:

سدحت السيت وغمضت ,
وغفت عيوني ..
: Zzzzz :

(أحس أحد يهزهزني)
محمد ,
محممممد
محمممممممممد

- قعدت وعويناتي جدي -_-
وش السالفة , وش هست ..
O_O
منهي انتييين !!!

*أني مو قايلة لك ما بخليك تنام ل

(للحين مو مستوعب السالفة , أنا جاي بروحي وماكل الأسكريم والسيارة مقفلة بعد ,
لحظة !!! Oo
هادي سيارة ميين !!!
حقوييي هي ويايي !!!
حقوي ثيابي غيير !!
حقوي في صبعتي دبلة !!!
يعني غمضت وطاف الوكت بسرعة و ..... )

*وش فيك تهلوس ؟

- مو شي , أنا مستانس ... أحبش xD

*أني بعد أحبـ......

(السيارة تمشي بروحها !! أحس روحي مشلول !! ما أقدر أحرك شي !!خلاااص بنطيييح في البحر !!)
(قاعدة تنادييني , وتهز جتفي / مو حزاتش , بنطيييييح)

*محمد
محمممممد

- هاه ..

*قوم أكو أدّن المغرب
قوم صل

- أحين بقوم أماه ..

//​

كُل ما في الأمر أنّ كُل شيء ممكن حدوثه , سيحدث ..

​

: لـ الأمل : ♥​

 

[UOB-BH]

أعجبتني مساحتك .. طرح جميل

 

[Massat]

أعجبتني مساحتك .. طرح جميل

هلا بيك ..

 

[Massat]

.
.
.


- وش فيك ؟

- ما فيّي شي ..

//


كل ما في الأمر أنني إفتقدتكِ ,
ومهما حاولت أن أخفي ذلك عنكِ , لا أستطيع ..

وأعلم أن ذلك ربما يدلّ على الضعف عندما يصدر من ذكرٍ وليس من أنثى ,
لكنها الحقيقة ,
وأنا لا أخشى قول الحقيقة .




​

 

[zahra h]

.
.
.


- وش فيك ؟

- ما فيّي شي ..

//


كل ما في الأمر أنني إفتقدتكِ ,
ومهما حاولت أن أخفي ذلك عنكِ , لا أستطيع ..

وأعلم أن ذلك ربما يدلّ على الضعف عندما يصدر من ذكرٍ وليس من أنثى ,
لكنها الحقيقة ,
وأنا لا أخشى قول الحقيقة .




​

عجييييب
واحلى شي الحقيقه
بس الضعف صوبي يخوف من انثى
وليس من ذكر

تسلم ايدك ع الطرح
واعيدها لك
تجيب جيب
ع الوتر
ما ادري هي صدفه
او شعور مشترك

 

[Massat]

عجييييب
واحلى شي الحقيقه
بس الضعف صوبي يخوف من انثى
وليس من ذكر

تسلم ايدك ع الطرح
واعيدها لك
تجيب جيب
ع الوتر
ما ادري هي صدفه
او شعور مشترك

هولا أتودوس

 

[Massat]

.
.
.

ليس للكبرياء معنى أمامكِ ..
أحتاجكِ الآن وبهذا الصباح الباكر ..
وأحتاجكِ غداً .. وأحتاجكِ إلى الأبد ..

//

أكتب هُنا , حيث لن يمرّ قلبكِ ذات يوم ,
لِـكي لا تشفقي على قلبي !​

 

[Massat]

تتسلّلين لقلبي عمداً في الصباحات الباكرة ..

- أحبّك , تدري ل !

- أنا ما أحبّش

- ما عليه , لا تحبني

أصمت , لأنتظر منكِ عتاباً ..
تصمتين , لتُشعريني بالذنب , ويصمت قلبي ..
أكسر الصمت كالعادة , وأردّد الكلمة التي لطالما ردّدتها مراراً وتكراراً ..

- أحبّش أحبّش أحبّش ..

تضحكين ..
ويمتلئ قلبي بكِ , أكثر فأكثر ..

//

أحبّكِ ..
ولا وطَن لي غيرك ..

"ضياع ..​

 

[zahra h]

.
.
.

ليس للكبرياء معنى أمامكِ ..
أحتاجكِ الآن وبهذا الصباح الباكر ..
وأحتاجكِ غداً .. وأحتاجكِ إلى الأبد ..

//

أكتب هُنا , حيث لن يمرّ قلبكِ ذات يوم ,
لِـكي لا تشفقي على قلبي !​

واذا تواجد الكبرياء ؟!


بصراااااحه اشهد لك بالعشره وابصم لك
من احلى المواضيع اللي قريتها

 

[Massat]

.
.
.


أكره أن أقضي يوماً دون أن أمرّ ببضعة أحداث تافهة غير مهمة ,
أزيّنها وأعيد ترتيبها و(أبهّرها) وأضيف بعضاً من (الأكشن) عليها لأكتبها بالمدونة ,
لأكرّر بعد ذلك ضغطي لـ زر (أف5) بالكيبورد بكل دقيقة تمر عليّ وأنا أحتسي قليلاً من الشاي ,
لتكتمل عملية (الرفرش) و تظهر لي الإشعارات الجديدة بالصفحة وأرى ؛
"كم إعجاب حصلت على هذه الكذبة !"
"كم تعليق سأقرأ !"
"من سيضيّع وقته ويرد !"
"هل سيسألوني سؤالاً يتعلّق بتزويري للأحداث! وبماذا سأرد !"

وفجأتن ..
أزيح هذه الأفكار نتيجه (إنزهاقي) من صوت المكيّف الذي لا يلبث أن يكون صامتاً وهو يعمل لعدة دقائق إلا ويعاود الضجيج فجاة ..
وهذا بالضبط ما يجعل قلبي (يرقع) عندما أكون مستعداً للنوم وأكون في مرحلة ما بين أن أترك الهاتف وأغمض عيني وما بين النوم ..

المهم ..
أن المكيّف يزيح كل شيء يكون عقلي مشغولاً به ..
وتطرأ نافذة عقلية تجعلني أتسائل ؛
"كيف يعجبهم أصلاً أن يكونوا ضحايا لكذباتي المتكرّرة !"

أختار أن أتجاهل هذا التساؤل ..
وأفتح الفيسبوك .. والمدونة ..
وأجهّز المقادير التي سأزوّر بها الأحداث , وأبدأ الكتابة ..
تماماً كما بدأت الكتابة بهذا التدوينة ..


.
.

 

[Massat]

.
.
.

عابر السبيل الذي يحمل حُزمة أمنياتٍ كثيرة ..
تتساقط منه الأمنيات واحدة تلوَ الأخرى !

 

[zahra h]

.
.
.

عابر السبيل الذي يحمل حُزمة أمنياتٍ كثيرة ..
تتساقط منه الأمنيات واحدة تلوَ الأخرى !

و الحل !!
للأمنيات !؟


تسلم ايدك
طرح اكثر من رائع
من أكثر المواضيع او الموضوع الوحيد إللي أتابع جديده
دمت سالم

 

[Massat]

و الحل !!
للأمنيات !؟

إما أن يحتفظ بأمنية واحدة .. ويتشبّث بها ..
أو أنّه يبقى بمكانٍ واحد .. كي لا نسمّيه "عابر سبيل"

تسلم ايدك
طرح اكثر من رائع
من أكثر المواضيع او الموضوع الوحيد إللي أتابع جديده
دمت سالم

أهلاً بكِ أخيّه ..

 

[Massat]

( الطفل المفقود )​

بعد سماعي لهرن سيارة الصديق -عدة مرّات- عند البيت .. حملت التلفون وبسرعة طلعت برة ..
دخلت سيارة الصديق (جاسم) ..
وكالعادة , تبادلنا التحية:
- هاا
- ويش
-جان لا جيت بعد
("ها , ويش" هي إختصار للسلام وشحوال وكيف صحتك و و و ...إلخ)
وصلنا عند محطة البترول .. وبدأت أقول ليه السالفة ..

"البارحة في الليل الساعة وحدة ونص تقريبن كنت مبطّل دريشة الحجرة .. وقاعد آكل زيتون ..
عاد وأنا آكل , ما أجوف إلا جاهل صغير قاعد يتمشى عند البيت !! قعدت أطالع مستغرب !!
يعني معقولة أحد طالع وي ولده هالحزة ..
الجاهل قاعد يتمشى في الطريق , وأنا من الطابق الثاني أطالعه , أقول يمكن أحد يجي ليه أحين , طافت عشر دقايق وجفت محد جا ليه , وناديته .. قلت ليه : هييي , أوقف ..
أنا مادري عنه هو يفهم أو لا .. لأنه صغير وزين منه يعرف يمشي .. وهو وقف ..
المهم , قلت ليه , إصبر بجي بعطيك حلاوة .. وبسرعة نزلت وطلعت ليه ..
قعدت أطالع وجهه يمكن أعرف من بيت من أهو , بس ما عرفته , أول مرة أجوف وجهه ,
يعني وجهه مو مألوف ..
قعدت أسأله : وين الماما , وين البابا ! ما يرد عليّي ..
أنا قلت بجوده وبروح أتمشى وياه في الديرة , يمكن أجوف أهله أو أحد يدوّر عنه ..
حملته وقعدت أتمشى إبه , يوم وصلت عند المسجد جفت وحدة واقفة عند الخيّاط , عليها دفة , وحتى وجهها ما يبيّن , كانت متغشوية ..
أنا من جفتها من بعيد وقفت .. يعني بيني وبينك , خفت منها .. يعني الساعة وحدة ونص والديرة صخة , وظلام .. وقفت شوي .. وهي واقفة مكانها , مو متحركة وتطالعني ..
انزين ما أجوف إلا الجاهل قاعد يقول ماما وماما ..
وهو يبيني أخليه عشان يروح للمرَة .. قلت أكيد هادي أمه .. فخليته على الأرض وراح يركض للمرَة .. وصل صوبها , قام يطالعها .. ومشى عنها , راح جهة الزرنوق مال الخياط ..
وهي قامت تتمشى وراه .. أنا هني بعد خفت زيادة .. بس قلت بروح أطل بسرعة في الزرنوق ..
رحت وراهم بسرعة للزرنوق , وما جفت أحد ..
مستحيل هم وصلوا لنهاية الزرنوق .. لأن الزرنوق طويل وأنا رحت وراهم بسرعة ..
وقفت أطالع يمين يسار .. أحارس شي يصير يعني عشان أفهم وش السالفة ..
بس ما صار شي ..
رجعت البيت وأنا كحّين أتلفّت ورايي .. وبالغصب نمت ..
واليوم الصبح قعدت أسأل لين كان جاهل ضايع أو شي , والكل يقولون ما سمعوا بجاهل كان ضايع ..ولحد الآن أنا مادري بالسالفة ..
.........
رحنا تعشينا , والصديق يضرب أخماس في أسداس ويعطيني إحتمالات عن الجاهل -إحتمالات بعيدة عن كون الجاهل وأمه :كائنات مو بشرية: يمكن جدي , ويمكن جدي ..
وتالي يوم رجعنا ووصلنا عند البيت , يوم بنزل من السيارة .. قلت ليه ترة القصة شلخ ها ..
.............................................
/
القصة بالأعلى توضيح لهالنقطة ؛
*الطفل الذي رأيته بأحد الأيام بساعةٍ متأخرة من الليل لم يعُد مفقوداً ..
(قصصتها على صديق , وصدّقها)
من البوست : https://www.facebook.com/Mu5arbish/posts/245275935590305​

 

[قمَر]

عندك خيال خصب ​

 

[نجمة تشرين]

جمييل
بل رائع
قريت هالصفحات من البدايه لنهايه و لحين متشوقه للباقي
طرح ممتاز ...و فكر عجييب

بس تدري
الحوار بين هو و هي (( دائما يتراود لي وانا اقراه انها لجواد احد ابطال كل المنى انت احس مثل افكارة بجنونه بنهايمة لكن ناقص ان جواد ما كان عاقل و هني هالشخص فيه عقلانيه

تقبل مروري

 

[Massat]

عندك خيال خصب ​

جمييل
بل رائع
قريت هالصفحات من البدايه لنهايه و لحين متشوقه للباقي
طرح ممتاز ...و فكر عجييب

بس تدري
الحوار بين هو و هي (( دائما يتراود لي وانا اقراه انها لجواد احد ابطال كل المنى انت احس مثل افكارة بجنونه بنهايمة لكن ناقص ان جواد ما كان عاقل و هني هالشخص فيه عقلانيه

تقبل مروري

تُسعدني كلماتكِ أخية ..

(كُل المنى أنتِ ,قرأت هالرواية من ثلاث سنوات تقريباً .. لازالت الأحداث محفوظة بعقلي ..
بعد التفكير في أمر جواد , لا يشابهني ولا شي XO


أهلاً وسهلاً بكِ ..

 

[Massat]

رسالة لي , بعد عدّة أعوام ..


كعادتي .. دائماً ما أعيد قراءة ما أتفوّه به بهذا العالم ..
فكثيراً ما أجد نفسي أتصفّح منتدى قريتنا الذي كنت دائم المشاركة فيه ..
أقرأ المشاركات والمواضيع التي تعود إلى عدة أعوام مَضت ..
بها ما أفخر أنّني صاحب هذه الكلمات , وبها ما يخجلني ويجعلني أتمتم "وش ليّي كاتب جدي" ..




الآن .. أكتب رسالةً لي ,
وأنا على يقين أنّني سأقرأها يوماً ما بالمستقبل , بعد عدة أعوام ..
-إن كنت على قيد الحياة حينها-


ربما ستكون حياتي قد تغيّرت كُليّاً عن ما هي الآن ..
ربما لن تتغيّر حياتي عن ما هيَ الآن ..
مهما كان ومهما سيكون .. هي رسالة لي ويجب أن تصل ,
وسأكتبها بلهجتي التي أحبّها .. وربما سيكون بها بعض الأشياء التي لا يفترض بأحد أن يعرفها غيري ..


"هييي .. محمد ..
أو "حجي محمد" على إفتراض إنك رحت الحج وقرّعت , -مع إنك كنت كله تقول ما بتروح الحج وانته صغير-
شحوالك؟
شحوال "جواد" ولدك؟ ومرة ثانية -على إفتراض إن جواد بحضنك أحين وقاعد يغربلك ويصارخ
وإنته مستغرب جيفه أنا أحين عرفت إن جواد بحضنك ويصيح وعمره ما وصل سنتين ..
انزين ..
أنا محمد .. تعرفني خب .. يعني أنا اللي هو إنته بتاريخ
27 أغسطس 2012
يوم الإثنين
الساعة 11:33 في الليل ..
قاعد أكتب لك هالرسالة .. بهاليوم بالتحديد .. أكيد بتسأل ليش هاليوم ل؟
أنا مادري ليش .. هو أصلاً ما فيه سبب معيّن .. بس الشي حليو إن أنا يعني أكلمك
وإنته في زمن غير وحالة غير وجدي يعني ..
المهم , قاعد أكتب لك هالرسالة .. وما أدري وش الهدف منها ..
المفترض , إن يكون الهدف إن أجوف وش سوّيت في حياتي / حياتنا لوين وصلت من أحين مالتي "اللي هو حزة اللي أنا أكتب لك هالرسالة"
إلى أحين مالتك "اللي هو حزة اللي إنته تقرأ رسالتي"
المفترض أن أشياء واجد تغيّرت ,
يعني تذكر العيد اللي طاف وش صار ل؟
(يازعم إنستقرام وجهال وحنة و و و و ..)
لازم هالشي ما يتكرّر بعد ..
يعني حرام تضيع هاللحظات .. لأن بيجي يوم وبتتندم عليها عدل ..
دي فرص عشان تعتدل الحياة , ولازم تستغلها ..
ما امبي أصير لك دكتور فيل احين ..
فخل نغير الموضوع ..


إنزين ..
لعبة Boxo
لين نسيتها رد إلعبها .. بترجع ذاكرتك لهالأيام ..


بعد ..
بقولك كلمة مشفرة .. بس عشان تدكر موقف صار و وش صار هاليوم بالتحديد
الكلمة هي "كلابورن" .. تدكرت؟ xD


اممم ..
فيه كلام واجد .. مادري جيفه أقوله وجيفه أصيغه ..
المهم .. خلاص .. ما عندي حجي ..


هااا .. تعال .. سلّم على مرتك واجد ..
وبعد أمبي أقولك توصل ليها حجي بس أدري ابك بتزعل ..
فما بقوله .. عرفته ل؟


ايي .. وإسمع دي اللي في الرابط تحت ..
لأن اليوم من جيت من طلعتك وي جاسم وإنته حاط المايك في أدونك وكحّين تسمعها ..
http://soundcloud.com/user8515732/abnorkemiathanwya


وهالرسالة كاتبنها في عدة أماكن ..
يعني لين إنتهى عهد الفيسبوك أكيد بتحصلها بمكان ثاني ..


--
ولمن يقرأ هذه الرسالة بوقتٍ سيخلوا منّا ,
نسألك الدعاء ..
--




خلاص احين .. صق خلاص ..
إلى اللقاء ..
إلى اليوم اللي تقرأ فيه هالرسالة ..
بأمان الله ..


من : محمد
إلي : .....




/


-ويشو
*رسالة*
-هرّير