نقاش : معدل التخرج من الجامعة والوظيفة !

[ثعلب النار]

عفواً ،
تعرف كل شخص يتناقش هنا كم معدله ؟
أنا من المعدلات المرتفعة ومو مقتنع بـ تعظيمك للمعدل !

إذا بنمشي على اللي ما عندهم معدل بيقولون المعدل مو مهم
فّ بالحالة اللي عنده بس معدل ، بيقول الخبرة والنشاطات والاشياء الاخرى مو مهمة !

ابسطها لك يمكن تفهمني
ما يصير تقول 2 + 1 = 3
بس 1 + 2 ما يساوي 3

بالتوفيق !!​

انا ما اتكلم عن تخصصات البيزنز ولا لي شغل فيهم.

 

[sanabsy 15]

انتون تخرّجوا أول عقب تهاوشوا على الأشغال هههههههه

حالتكم حالة ي البحرينيين​

 

[حلم مذبوح]

شوفوا لي واسطة أحسن من الهوشة

 

[Remember Me]

بشكل عام الاجابة هي "لا"
قدمت على وظائف عديدة ودخلت مقابلات عديدة ولم يسأل أحد عن معدلي، اذا معدلك تمام اكتبه في الـC.V ممكن يفيدك واذا معدلك نازل لا تكتبه محد بيسألك عنه، المعظم يسال عن الشهادة فقط بغض النظر عن الدرجات، أيضا اللي معدلاتهم فوق الـ 3 أو 3.5 في محيط معارفي ما حصلوا على وظائف أفضل من اللي معدلاتهم 2

لكن في بعض الحالات تلاقي شركات تضع شروط، مثلا بابكو مؤخرا عرضت وظائف لمن معدلاتهم اعلى من 3 ووظائف لمن معدلاتهم أعلى من 2.75، يعني ما نقدر نقول المعدل مو مهم بشكل كامل، لكن من خلال نفسي ومن خلال أصدقائي وزملائي ومعارفي ماشوف المعدل مهم بدرجة كبيرة في التوظيف إلا في حالات معينة، لكن الايجابية اللي تكسبها من المعدل العالي هي كمية المعلومات والثقة بالنفس اللي راح تحتاجها في المقابلة والوظيفة وعشان الدراسات العليا وعشان أمور متعددة

الخلاصة، حط ببالك تحقق معدل عالي لأن راح يخدمك في جوانب عديدة لكن لا تحط ببالك عشان الوظيفة فقط.​

ما شاء الله ،
لخصت الفكرة اللي أبي أوصلها ..
+1,000,000 ​

 

[m.g.s]

و لو انه تخصصي مب IS بس اقدر ارد عليك، لكن بحتاج اكتب وايد و ما عندي وقت حالياً.
بس ترى PHP SQL HTML ذيله كلهم كورس واحد تتعلمهم و ما يبيلهم شي، فلا تعتبرها "خبرة".

بالنهاية ردي الأول بالموضوع بيظل ثابت.. الي ما عنده المعدل بيحاول يقنع نفسه بانه المعدل مب مهم.

مايبيلها شي ؟
و انا اقول ليش الكل مشقق لستة الدكتور من الفل مارك



لو تخصصك IS او تعرف شنو يدرسون او شلون يبون المتخرجين بتعرف شنو يعني الشخصية مهمه
و انا اقول ليش صارلك ساعة مب مهتم في الشخصية ... ماتعرف شي عن الـ IS


وايد تخصصات الحين لو تسأل الدكاترة يهتمون في الحياة الاجتماعية اكثر من قبل .. عندك جامعة شكبرها روح جيك اسألهم ​

 

[Remember Me]

انا ما اتكلم عن تخصصات البيزنز ولا لي شغل فيهم.

ليش أحنا تكلمنا عن التخصص الحين ؟
نصيحة أخوية : لما بتناقش أحد لا تشخصن المناقشة ..
ناقش في الاطار العام ولا تتعدا على غيركَ ..

موفق أخي الكريم ،
ومنها للأعلى .. ​

 

[ثعلب النار]

خبرة شخصية php html sql إلخ إلخ، كله كلام تخديري .. لو كان الشخص فلتة ليش ما يقدر يحصل معدل مرتفع عيل؟ اي صح لانه المعدل "مب مهم" فمن جي ما يتعب روحه و يحصله، لا؟
بعدين بصراحة ضحكتني شوي يوم يبت طاري الدرجات.. الحين توك من دقيقتين تقول المعدل مب مهم و بعدين تقول "ماحد ياييب فل مارك". بديت تعترف بالماركز؟ و الي معدلاتهم تحت و لكن عندهم خبرة وينها ما فادتهم؟

ليش أحنا تكلمنا عن التخصص الحين ؟

نصيحة أخوية : لما بتناقش أحد لا تشخصن المناقشة ..
ناقش في الاطار العام ولا تتعدا على غيركَ ..

موفق أخي الكريم ،
ومنها للأعلى .. ​

قصدي يا اخي بانه في فرق شاسع بين هندسة و ايتي و بين بيزنز. ما شخصنت شي.

 

[♥ Smile]

عجبي، من قال هالكلام و في وين..؟
اقول قولي ما عندج رد و بس..
عيل الشركات يدربون شخص ما عنده بكالريوس (او يفضلون شخص عنده بكالريوس بس معدله تحت - للحين ما وضحتي ردج) بس ما يدربون شخص معدله مرتفع!

ماوظحته لانه مايحتاج الى توظيح
يعني اسفه ماودي اشكك في قدراتك في الفهم واحترم قدراتك
بس عندك مشكله في الفهم او يمكن هلوسه " لانك شفت كلام ماهو مكتوب في ردي "
شي غريب لانك فجأه شفتني اتكلم عن الثنوي / وعن الشركات تدرب الي ماعندهم بي اس !
وهالكلام ماكان مكتوب !

على العموم طلبت التوظيح : لك التوظيح

واحد جامعي معدله 2.2
وواحد جاااااامعيي معدله 3.5

الي معدله2.2 الله وفقااه واشتغل اربع سنين في شركه خذته ودربته ووصار ميه ميه

انزين الحين هذا طلع من الشركه وراح ويه صاحبنا ابو معدل 3.5
قدموو على نفس الشركه

انزين الشركه عندها خيارين تاخذ ابو معدل عالي وتدربه ( يكلفها في التريننق وياخذ وقت علما يفهم الشغل )
والخيار الثاني وهو الاسهل لها ان تاخذ الي معدله اقل ولكن ماراح تدربه لان عنده خبره وهو الافضل لها من حيث التكاليف والتدريب والوقت

فبتفكر في مصلحتها ماراح تفكر في معدلاتهم فلذلك راح تختار صاحب الخبره

واذا كنت بتسالني من الي قال ؟ والمصدر
انا كنت صاحب الشركه واخترت صاحب الخبره وتنازلت عن المعدل p:
​

 

[ثعلب النار]

ماوظحته لانه مايحتاج الى توظيح
يعني اسفه ماودي اشكك في قدراتك في الفهم واحترم قدراتك
بس عندك مشكله في الفهم او يمكن هلوسه " لانك شفت كلام ماهو مكتوب في ردي "
شي غريب لانك فجأه شفتني اتكلم عن الثنوي / وعن الشركات تدرب الي ماعندهم بي اس !
وهالكلام ماكان مكتوب !

على العموم طلبت التوظيح : لك التوظيح

واحد جامعي معدله 2.2
وواحد جاااااامعيي معدله 3.5

الي معدله2.2 الله وفقااه واشتغل اربع سنين في شركه خذته ودربته ووصار ميه ميه

انزين الحين هذا طلع من الشركه وراح ويه صاحبنا ابو معدل 3.5
قدموو على نفس الشركه

انزين الشركه عندها خيارين تاخذ ابو معدل عالي وتدربه ( يكلفها في التريننق وياخذ وقت علما يفهم الشغل )
والخيار الثاني وهو الاسهل لها ان تاخذ الي معدله اقل ولكن ماراح تدربه لان عنده خبره وهو الافضل لها من حيث التكاليف والتدريب والوقت

فبتفكر في مصلحتها ماراح تفكر في معدلاتهم فلذلك راح تختار صاحب الخبره

واذا كنت بتسالني من الي قال ؟ والمصدر
انا كنت صاحب الشركه واخترت صاحب الخبره وتنازلت عن المعدل p:
​

نصج طويل وما يستاهل اقراه، مثل ما قلت .. كملت نقاشي وياج.
مرة ثانية كتبي باسلوب عدل اذا تبين تتناقشين.

 

[m.g.s]

اني اجووف ان الشخص اللي قدر يتحدى روحه و جاب معدل فوق ظ£،ظ¥ و حافظ على هذا المعدل فبكل تأكيد يقدر يتجاوز اي عقبه راح تمر عليه في حياته العملية ، الحياة الاجتماعية يقدر يعدلها في اي وقت

و شهادة التفوق قبل لا تكون شهادة دراسية فهي شهادة تشهد بأن هذا الشخص عنده واااجد قدراااات مهمه في وااجد من نواحي الحياة

يعني هذا الشخص ما جاب هذ المعدل الا لانه متميز و عنده نظرة بعيده و هذا الشي يساعد واااجد في الشغل


ليش اللي معدلاتهم اقل من ظ£ دايماً عندهم ان اللي معدلهم فوق ظ£ فاشلين حياتياً !!!! اللي قدر ينجح في حياته الدراسية بتفوق فهذا الشي يأكد على انه انسىااان ناجح
بس بصراحه في الجامعه الاشخاص اللي يشعرون بالفشل يترجمون هذا الفشل الا انه غيرهم الفاشل فيبدوون بتحبيطه يعني جد شهالموضوع مقارنه بين معدلات؟!!

دامكم كلكم مقتنعين ان الشخصيه اهم خلاص اللي معدله عالي احتمال ظ¨ظ*ظھ تكون شخصيته اقوى و انجازاته اكثر

مب كلمن يقدر يغير حياته الاجتماعية

مثلا عندج تخصص الطيران >> مب هندسة الطيران
اذا عندج احد في هالتخصص سئليه

حتى لو الاول على دفعتهم و ماعنده حياة اجتماعية يسوون له خيارين .. اما يودونه عند دكتور خاص في الشركة اللي يدرس فيها و يجوفون حل حق حياته الاجتماعية او يطردونه
و في وايد حالات يطردونهم لان مايقدرون يعدلون حياتهم


بالنسبة حق المعدل انا ماقلت ان اللي فوق كلهم بس قلت نسبة كبيرة منهم و خاصة في الايتي ماعندهم حياة اجتماعية و تقدرين تسألين دكاترة عن هالشي مب طلاب

و صح كلامج في ناس معدلاتهم تحت و يحسون بهالشعور و يقولون ان المعدل مب مهم

تقدرين تلاحظين ان ماجمعت في ردودي ... يعني في ناس و ناس


​

 

[ثعلب النار]

اي شركة ذي الي تهتم حق الحياة الاجتماعية مالت موظفينها!!! ما تبي تزوجهم بعد؟ :mellow:

يا جماعة ترى المعدل مب مهم .. المهم بانه يكون الشخص متزوج و عنده بنتين و ولد واحد!!

 

[رَحِيــلْ ،]

شوي وينقلب الموضوع لساحة حرب ، حاسبوا يا جماعة

ورآيي ، المعدل مودائمًا ولكن إذا ارتفع فالشي زين

المعايير واحد منها المعدل بس .. من ضمن هالمعايير المعدل ، الحياة الاجتماعية ، الثقة بالنفس ، .... إلخ
إذا كان المعدل يبلغ الأهمية القصوى والعظمى ، فليش يعورون راسهم بالمقابلات والسي في وما أدري ويش ! يكفي يعطيهم شهادته وبس !!

أما عن قصة الخبرة اللي مختلفين عليها ، الخبرة تكتسب من الاستمرار والمتابعة ،




​

 

[شمسه]

صار خاطري اعرف معدل الي شادين الظهر بمعدلهم

يمكن فووق هالوقعه عندهم انذار اول وينطرون الثاني هالكورس


​

دام المعدل عندكم مو مهم ليش اهتميتين وتبين تعرفين المعدلات؟







عندهم انذارات او بينطردون في الاخير ما ترجمو فشلهم ان فشل لغيرهم ً

 

[رَحِيــلْ ،]

اي شركة ذي الي تهتم حق الحياة الاجتماعية مالت موظفينها!!! ما تبي تزوجهم بعد؟ :mellow:

يا جماعة ترى المعدل مب مهم .. المهم بانه يكون الشخص متزوج و عنده بنتين و ولد واحد!!

من قال إنه الحياة الاجتماعية زواج هه!
احنا في المنتدى دي " حياة اجتماعية "
في الجامعة حياة اجتماعية
أي مكان فيه مجموعة من الناس ده اجتماع !

يا أخي المعاملة هي الحياة الاجتماعية =) !!
بتجي بتتوظف وما تعرف تتعامل وي الناس ما فيه فايدة معدلك ، لأن فيه أخلاقيات للعمل وفيه اختلاط بالناس بالموظفين والعمال ، وفيه تعاون وفيه وفيه !
كلها معاملات !




​

 

[حلم مذبوح]

اللي يهتمون بالمعدل العالي ومعدلاتهم عالية ممكن يقولون لنه شنو الخبرة اللي عندهم اياها في مجال تخصصهم ؟

 

[m.g.s]

إذا كان المعدل يبلغ الأهمية القصوى والعظمى ، فليش يعورون راسهم بالمقابلات والسي في وما أدري ويش ! يكفي يعطيهم شهادته وبس !!

+10000

 

[нɑηεεη]

بإختصار هذي ارزاق وربكم يقسمها بس بعد المعدل مو كل شي يعني ممكن يقبلون الشخص للوظيفه بسبب مظهره او عنده واسطة بغض النظر عن معدله وفي النهاية كل واحد ما ياخذ اﻻ رزقه

 

[THE BOSS]

الي حسيته من خلال كل الردود الي قريتها .. انه المقارنة كانت دائما ظالمة
يعني دائما يكون من المفترض انه الطالب الي معدله نازل يكون اجتماعي ومبدع وعنده نشاطات اجتماعية ..
وعلى النقيض تماما يكون الي معدله عالي يكون غبي ومايفهم
فبناءا على هالمقارنة .. كاننا قاعدين نفترض انه لو واحد شباب تسابق ويه واحد كبير في العمر .. بس الشاب راكب على جمل والشايب راكب فراري .. من بيفوز ؟!
طبعا ده بس شي لاحظته في النقاش .. بغض النظر عن رايي
فالمفروض تكون المقارنة .. انه لو ثنين تقدموا لوظيفة .. واحد معدله 3 و واحد معدله 2 وثنينهم ماعندهم خبرة .. من بياخدون ؟
هل يفرق المعدل ولا ؟ .. ناقشوا هالنقطة .. اما طريقة النقاش الحالية ما تأدي لأي شي مفيد​

 

[القبر المجهول]

يعتمد على الوظيفة ، بعض الوظائف تتطلب معدل محدد .
لكن بشكل عام المعدل ليس له قيمة كبيرة بالنسبة لكثير من الوظائف ، أحيانا يجيك واحد معدله مرتفع و ضعيف في الإنجليزي مسكين ، كلمتين على بعض بدون أخطاء ما يعرف يقول، شلون هذا بقبلونه اذا بكون في مركز حساس ؟ بالإضافة ان كثير من الشركات على علم بما يدور حول الكثير من الطلبة و معدلاتهم ، مو كل طالب معدله مرتفع يعني هذا يعكس أداءه الحقيقي ، في كثير من الطرق للتلاعب و تضخيم الدرجات ، و انا لا افضل ان ادخل بالتفصيل في هالنقطة بس أتوقع في ناس عرفوا انا وش قاعد أقصد من كلامي .
مو كل طالب معدله مرتفع يعني هذا من جراء جهد و إجتهاد و لا كل طالب معدله نازل معناتها ان هو أغبى من اللي معدله مرتفع . قد يكون صاحب المعدل الأقل لديه امكانيات افضل تهيمن على امكانيات صاحب المعدل الأعلى، و العكس صحيح .

 

[عالي مستواي]

الي حسيته من خلال كل الردود الي قريتها .. انه المقارنة كانت دائما ظالمة
يعني دائما يكون من المفترض انه الطالب الي معدله نازل يكون اجتماعي ومبدع وعنده نشاطات اجتماعية ..
وعلى النقيض تماما يكون الي معدله عالي يكون غبي ومايفهم
فبناءا على هالمقارنة .. كاننا قاعدين نفترض انه لو واحد شباب تسابق ويه واحد كبير في العمر .. بس الشاب راكب على جمل والشايب راكب فراري .. من بيفوز ؟!
طبعا ده بس شي لاحظته في النقاش .. بغض النظر عن رايي
فالمفروض تكون المقارنة .. انه لو ثنين تقدموا لوظيفة .. واحد معدله 3 و واحد معدله 2 وثنينهم ماعندهم خبرة .. من بياخدون ؟
هل يفرق المعدل ولا ؟ .. ناقشوا هالنقطة .. اما طريقة النقاش الحالية ما تأدي لأي شي مفيد​

قوة الشهاده والمقابله والسي في هاي اول 3 اشيه يحسبون حسابها