نقاش : معدل التخرج من الجامعة والوظيفة !

[UOB-DESIGNER]

بس انا جبت ليش حقيقة مو إشاعة

المشكلة إن إمتحاناتها طويلة حتى ما مداني اكمل
مو لكونه صعب

 

[MA.Bahrani]

أهلاً
النقاش محتدم ,,

قبل فترة وجيزة التقيت برئيس لاحدى اكبر الشركات على مستوى الشرق الاوسط في مجال تخصصها, الحديث الذي دار حول اختيار الموظف للشركة, جل حديثه كان يتمحور حول ال Communication skills ومدى تأثير الشخص على لجنة المقابلة ومن ثم مدى تأثيره بمحيط عمله بمهاراته الاخرى, ولكنه لم يغفل عن المستوى الاكاديمي ففي خضم حديثه كان يرثي موضوعه بآراء ذوي حملة الدكتوراة الذين كانو متواجدين في مجلس الحديث.

الخلاصة: في وضعنا الحالي فرص العمل تعتمد كثيراً على ال soft skills, ولكن المعدل مهما كان, هو له تأثيره و لايجب تهميشه وتذكر أن الجزاء من جنس العمل ; فمهما اجتهدت نلت التوفيق من الله.

نقطة هامشية # :
المعدل ليس "المقياس" بل يعتبر أحد ادوات القياس.

حفظكم الله ​

 

[Mahmoodx]

.

أكيد يأثر إذا صدق يعني الطالب مو معقد او طبل بياخدون الي معدله أكثر
بس يتراوى ليي الشي سبجكتف عندنا هني أكثر من ما هو سستمتك

 

[حلم مذبوح]

أشكر الجميع على المشاركة

 

[حلم مذبوح]

بس لحين محد جاوب على سؤالي اذا الشركات ( القطاع الخاص ) أغلبها لا تهتم بالمعدل أكثر من اهتمامها بالقطاع الخاص .. هل الوزارات الحكومية نفس الشي ؟

 

[محمدونا]

بس أحس مو كل شي نرميه على الحظ ، إذا من هالمنطق كلنا بنقعد في البيت وبننتظر حضرة السيد حظ يجي هههه

لازم الواحد يسعى في الدنيا ، ويتوكل لا يتواكل

دائمًا نسأل الله التوفيق ، لأن بتوفيق الله تمشي جميع الأمور ..



​

أكيد مو كل شي ولو فعلا " كان الحظ يجي لنا " كنت انتضرته !!

لا تحاولون تقنعون أنفسكم ان الحظ ماله شغل ،، وانه مو موجود ،، هذا كلام مأخوذ خيره

وعلى سالفة التوكل و التواكل .. صحيح ان رب الجلاله مقسم الأرزاق بس ما قام قسمها الا لأنه عرف شنو انت سويت

بما معنى : أنت اجتهدت ( ما اختلفنا عليه ) لكن فوق اجتهادك سويت فعل ( . ) الي نتيجته : هدر لجهدك الي سويته

فبالنهايه السالفة سالفة ميزان .. رجح اجتهادك و افعالك بعدين احكم !

الحظ موجود في افعالنا كل يوم و ما تقدرون تنكرون

ولو ما الحظ ما انوجد الحسد الي فينا

الدراسة و الوظيفة هم اكبر نطاق شفت فيهم الحظ​

 

[Waffa]

أكيد مو كل شي ولو فعلا " كان الحظ يجي لنا " كنت انتضرته !!

لا تحاولون تقنعون أنفسكم ان الحظ ماله شغل ،، وانه مو موجود ،، هذا كلام مأخوذ خيره

وعلى سالفة التوكل و التواكل .. صحيح ان رب الجلاله مقسم الأرزاق بس ما قام قسمها الا لأنه عرف شنو انت سويت

بما معنى : أنت اجتهدت ( ما اختلفنا عليه ) لكن فوق اجتهادك سويت فعل ( . ) الي نتيجته : هدر لجهدك الي سويته

فبالنهايه السالفة سالفة ميزان .. رجح اجتهادك و افعالك بعدين احكم !

الحظ موجود في افعالنا كل يوم و ما تقدرون تنكرون

ولو ما الحظ ما انوجد الحسد الي فينا

الدراسة و الوظيفة هم اكبر نطاق شفت فيهم الحظ​

الشغل يمكن، اما الدراسة لا
لو الدراسة حظ جان الحين الخايس والخنين عنده PhD
تره الناس تتعب على شهايدها، لا تقللون من قيمة هالتعب

 

[مارد المصباح]

فعلا النقاش محتدم وسااخن جدا !!
رايي لقيته في كذا رد بس مجزء كل فكرة في رد احد الاخوة الاعضاء
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اعتقد ان الفكرة الا كل طرف حاب يوصلها للطرف المقابل :
ان بعض الاشخاص من خلال مسيرة 12 سنة دراسية في التعليم الاساسي وسنوات الجامعة لنفترضها 4 كمتوسط عمر البكاليورس فالحصيلة تكون 16 سنة وخلال هذه المدة يكون الشخص مكرس كل جهده ويومه للدراسة فتلاحظ ان تواصله الاجتماعي مع الاخرين محدود السبب ان الطالب الشاطر عادة ما يفوت جزء في الكتاب او في ملخص او تست بنك مثلا من دون ما يمر عليه ويدرسه وهالشي بالتاكيد راح ياخذ وقت كبير من يومه فيبقى شي بسيط لحياته الاخرى (الشخصية-الاجتماعية-الرياضية–الدينية...) وفعلا هالشي الكل يقدر يلاحظه ولكن موجودة فئة قليلة من هالمتفوقين يقدرون بجهد اقل انهم يفهمون ويحفظون المطلوب منهم فهالشي يسمح لهم بممارسة الجانب الاخر من حياتهم بوقت اكبر فيكون الطالب متفوق اكاديما وناجح اجتماعيا ولكن الاغلب يكون قليل الخبرات في جوانب الحياة الاخرى وطبيعة شخصيته تكون غير اجتماعية للاسباب السابقة ! و95% من الاعمال تتطلب اعمال جماعية او اتصال مباشر مع كستمرز وغيره!
بينما الطلاب الا معدلاتهم نازلة شوي او نقول معتدله 2-3 فأغلبهم يدرسون بس مو بالشكل المطلوب وعادة يكون بسبب عدم توافر الوقت لانشغاله بأمور اخرى بس شنو هاللي يشغله ؟ هذه موضوع ثاني. بس الا متفقين عليه اغلب الاعضاء ان الشخص كونه شباب وعصب المجتمع وكونه جامعي يعني يمتلك قدر كبير من الحس بالمسؤولية والفهم فيخصص جزء مساوي تقريبا لدراسته الاكاديمية في اشياء تكسبه خبرة في الحياة العملية فبعضهم يوفق انه يتوظف ويدرس نفس المجال وهالشي يعطيه لمحة من الاحتياجات الاساسية ويسهل عليه واجد دراسته ويعطيه ملخص واضح عن طبيعة عمله الدائم مستقبلا ،وبعضهم يهتم بامور في مجال تخصصه من دون ما يشتغل وفي هالحالة كونه يختلط بالناس راح يكتسب خبرات تواصل اجتماعي بصورة غير مباشرة ومعلومات اخرى من خلال النقاشات او المواقف الا تمر عليه فوقت ما يتخرج ويقدم السي في يشوفون ان هذا الطالب صاحب المعدل المعتدل يمتلك خبرات او تجارب في مجال عمله فيتم اختياره

وجامعة البحرين ما تقبل اي طالب!! تختار اصحاب المعدلات المرتفعه فهذا دليل على ان الطلاب في جامعتنا كلهم يمتلكون قدرات اكاديمية مرتفعه

ولو كان المعدل هو سر اختيار الشركات او الدوائر الحكومية الوحيد لموظفينهم فما كان داعي لوجود (مقابلة) يقيم فيها المتقدم للوظيفية !!ولا ذكر بيانات في السي في غير اكاديمية ( مهني (خبرات) ،هوايات ،مهارات عامة ،لغات ) لكن هالشي ما يعني ان المعدل غير مهم ! بالعكس فهو احد النقاط الا تقيم المستوى للاختيار لهذه الوظيفة . الخلاصة: ان لا المعدل بروحه ولا الخبرات او المهارات الاخرى لوحدها تكون سر الحصول على الوظيفة.



وفي النهاية سياسية التوظيف تختلف من مكان لآخر فبعضهم يطلب معدلات عالية ،وبعضهم يطلب خبرة في مجال العمل (موظف سابق) مع شهادة الخبرة من الشركة السابقة ،وبعضهم يهتم بالمظهر الخارجي ،وبعضهم يختار الا ما يمتلكون شهادات عالية ولا خبرات سابقة حتى تكون اجورهم (رواتب) زهيدة وهذا اغلب حال الشباب في ديرتنا رواتب على 200-250 !! وطبعا هالشي يعتمد على الوظيفة نفسها فمتطلبات المهندس غير عن كيشر غير عن كول سنتر ..الخ والارزاق بيد الله سبحانه وتعالى

*اما الهدف من الدراسة فاحد الاخوات كانت تقول ان لا يكون الهدف من الدراسة هو الوظيفة ! فشنو الهدف الا الانسان يسعى اليه من دراسته ؟

 

[رَحِيــلْ ،]

الحظ موجود في افعالنا كل يوم و ما تقدرون تنكرون

ولو ما الحظ ما انوجد الحسد الي فينا

الدراسة و الوظيفة هم اكبر نطاق شفت فيهم الحظ

ما أخالفك خيي في المعنى أني ما أنكر وجوده
أختلف في المصطلح

الحظ غلط نسميه حظ ، الأولَى نسميه توفيق !
ساعات الواحد الله يوفقه في امتحان - مثلًا - ويجيب درجة فوق ويمكن هو مو دارس كثر غيره
وواحد ثاني يكرف بس ما يتوفّق ، فما يجيب الدرجة اللي هو طامح إليها .

احنا هني نقول عليه حظ والثاني حظه طايح ، بس في الأساس كلها توافيق!

أصلًا لو فكرت فيها .. الحظ هو النصيب ( كمعنى كلمة )
الحظ هو نفسه من وينَه يجي ؟ " ما من موجود إلا وله واجد إلا وجه الله "

يُفضل ما نتناقش بعد في هالنقطة ، حسيت بالابتعاد عن محور الموضوع
​

 

[Narcissist]

أكيد مو كل شي ولو فعلا " كان الحظ يجي لنا " كنت انتضرته !!

لا تحاولون تقنعون أنفسكم ان الحظ ماله شغل ،، وانه مو موجود ،، هذا كلام مأخوذ خيره

وعلى سالفة التوكل و التواكل .. صحيح ان رب الجلاله مقسم الأرزاق بس ما قام قسمها الا لأنه عرف شنو انت سويت

بما معنى : أنت اجتهدت ( ما اختلفنا عليه ) لكن فوق اجتهادك سويت فعل ( . ) الي نتيجته : هدر لجهدك الي سويته

فبالنهايه السالفة سالفة ميزان .. رجح اجتهادك و افعالك بعدين احكم !

الحظ موجود في افعالنا كل يوم و ما تقدرون تنكرون

ولو ما الحظ ما انوجد الحسد الي فينا

الدراسة و الوظيفة هم اكبر نطاق شفت فيهم الحظ​

عن نفسي ما اؤمن بسالفة الحظ
خصوصا في الاشياء الكبيرة في حياتنا مثلا دراسة ، شغل ، زواج ، علاقات اجتماعية
يمكن احنا نستخدم الكلمة واجد و اني ما انكر استخدمها
و يمكن ساعات اؤمن فيها في الاشياء الصغيرة في المواقف اليومية
لكن اذا اجي للصدق ما اخذ الحظ مبدأ في حياتي

لو بتقول توفيق من الله أو شخص متفائل و يحصل الي يبيه (قانون السر مثلا مع ان ما يدش مخي 100%) هني ممكن نبلعها
اما تقول الدنيا قايمة على الحظوظ!

يعني فرضا شخص دش امتحان مو دارس شي هل لأنه محظوظ بيحصل فل مارك!
شخص مثلا متخرج بزنس و ينجح بالدز و لا يدري بشي
حتى لو الله وفقه و اشتغل
هل تتوقع انه يشتغل في شركة كبيييرة و اسمها معروف؟!
و لو اشتغل في شركة كبيرة هل بيكون منصبه كبير مثلا مانجر او CEO ؟!
هل يستوي الذين يعلمون و الذين لا يعلمون؟!

في سالفة الزواج و العلاقات طبعا بيكون فيه توفيق من الله
بس بعد هذي تجارب في الحياة و مو بالضرورة اذا فشلت هالعلاقات معناته ما عندك حظ
من ناحية الصداقة ممكن تظل طول حياتك من صديق لصديق و ما تعرف صديقك الحقيقي الا اذا شيبت

و بالنسبة للزواج مثلا بنت جاي يخطبها واحد هي لازم تعمل بالاسباب
مثلا تقابله و تقعد وياه و تجوفه يناسبها او لا ، ارتاحت له او لا ، هل يناسب فكرها و شخصيتها
فرضا طلع كلشي اوكي و الفحص اوكي
بعد هذا مو كل شي
انهم متوافقين ويا بعض مو معناته الباقي يعتمد على الحظ

لازم اثنينهم يحاولون قد ما يقدرون عشان ينجحون العلاقة
واجد ناس مثلا كلشي يكون اوكي في البداية بس بعدين يصير تقصير من واحد من الطرفين و يهدون بعض
اكو فيه ناس يحبون بعض و ما يواصلون ويا بعض
مو بعد اثنين تزوجوا تقليدي
هالشي ان دل يدل على ان الحب و التوافق مو كلشي
لازم الاثنين يحاولون يخلون هالعلاقة تستمر

و اما عن سالفة الحسد هذا موضوع ثاااني وكلش ماله علاقة بالحظ
باختصار الحسد هو انك تجوف الي عند غيرك و تتمناه يكون لك
انزين ليش بالضرورة تفترض ان هالشي الي عند غيرك مبني على حظه؟
مثلا واحد يشتغل في وظيفة و مركز قوي
و فيه ناس جت تحسده
شدراك ان هالشخص ما دبح روحه في الدراسة لين ما وصل هالمنصب؟!

طبعا احترم رايك بس انصحك تعيد التفكير في سالفة الحظ ​

 

[Narcissist]

فعلا النقاش محتدم وسااخن جدا !!
رايي لقيته في كذا رد بس مجزء كل فكرة في رد احد الاخوة الاعضاء
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اعتقد ان الفكرة الا كل طرف حاب يوصلها للطرف المقابل :
ان بعض الاشخاص من خلال مسيرة 12 سنة دراسية في التعليم الاساسي وسنوات الجامعة لنفترضها 4 كمتوسط عمر البكاليورس فالحصيلة تكون 16 سنة وخلال هذه المدة يكون الشخص مكرس كل جهده ويومه للدراسة فتلاحظ ان تواصله الاجتماعي مع الاخرين محدود السبب ان الطالب الشاطر عادة ما يفوت جزء في الكتاب او في ملخص او تست بنك مثلا من دون ما يمر عليه ويدرسه وهالشي بالتاكيد راح ياخذ وقت كبير من يومه فيبقى شي بسيط لحياته الاخرى (الشخصية-الاجتماعية-الرياضية–الدينية...) وفعلا هالشي الكل يقدر يلاحظه ولكن موجودة فئة قليلة من هالمتفوقين يقدرون بجهد اقل انهم يفهمون ويحفظون المطلوب منهم فهالشي يسمح لهم بممارسة الجانب الاخر من حياتهم بوقت اكبر فيكون الطالب متفوق اكاديما وناجح اجتماعيا ولكن الاغلب يكون قليل الخبرات في جوانب الحياة الاخرى وطبيعة شخصيته تكون غير اجتماعية للاسباب السابقة ! و95% من الاعمال تتطلب اعمال جماعية او اتصال مباشر مع كستمرز وغيره!
بينما الطلاب الا معدلاتهم نازلة شوي او نقول معتدله 2-3 فأغلبهم يدرسون بس مو بالشكل المطلوب وعادة يكون بسبب عدم توافر الوقت لانشغاله بأمور اخرى بس شنو هاللي يشغله ؟ هذه موضوع ثاني. بس الا متفقين عليه اغلب الاعضاء ان الشخص كونه شباب وعصب المجتمع وكونه جامعي يعني يمتلك قدر كبير من الحس بالمسؤولية والفهم فيخصص جزء مساوي تقريبا لدراسته الاكاديمية في اشياء تكسبه خبرة في الحياة العملية فبعضهم يوفق انه يتوظف ويدرس نفس المجال وهالشي يعطيه لمحة من الاحتياجات الاساسية ويسهل عليه واجد دراسته ويعطيه ملخص واضح عن طبيعة عمله الدائم مستقبلا ،وبعضهم يهتم بامور في مجال تخصصه من دون ما يشتغل وفي هالحالة كونه يختلط بالناس راح يكتسب خبرات تواصل اجتماعي بصورة غير مباشرة ومعلومات اخرى من خلال النقاشات او المواقف الا تمر عليه فوقت ما يتخرج ويقدم السي في يشوفون ان هذا الطالب صاحب المعدل المعتدل يمتلك خبرات او تجارب في مجال عمله فيتم اختياره

وجامعة البحرين ما تقبل اي طالب!! تختار اصحاب المعدلات المرتفعه فهذا دليل على ان الطلاب في جامعتنا كلهم يمتلكون قدرات اكاديمية مرتفعه

ولو كان المعدل هو سر اختيار الشركات او الدوائر الحكومية الوحيد لموظفينهم فما كان داعي لوجود (مقابلة) يقيم فيها المتقدم للوظيفية !!ولا ذكر بيانات في السي في غير اكاديمية ( مهني (خبرات) ،هوايات ،مهارات عامة ،لغات ) لكن هالشي ما يعني ان المعدل غير مهم ! بالعكس فهو احد النقاط الا تقيم المستوى للاختيار لهذه الوظيفة . الخلاصة: ان لا المعدل بروحه ولا الخبرات او المهارات الاخرى لوحدها تكون سر الحصول على الوظيفة.



وفي النهاية سياسية التوظيف تختلف من مكان لآخر فبعضهم يطلب معدلات عالية ،وبعضهم يطلب خبرة في مجال العمل (موظف سابق) مع شهادة الخبرة من الشركة السابقة ،وبعضهم يهتم بالمظهر الخارجي ،وبعضهم يختار الا ما يمتلكون شهادات عالية ولا خبرات سابقة حتى تكون اجورهم (رواتب) زهيدة وهذا اغلب حال الشباب في ديرتنا رواتب على 200-250 !! وطبعا هالشي يعتمد على الوظيفة نفسها فمتطلبات المهندس غير عن كيشر غير عن كول سنتر ..الخ والارزاق بيد الله سبحانه وتعالى

*اما الهدف من الدراسة فاحد الاخوات كانت تقول ان لا يكون الهدف من الدراسة هو الوظيفة ! فشنو الهدف الا الانسان يسعى اليه من دراسته ؟

اني عجبني أغلب ردك بصراحة

بس مثلا في الي حددته لك بالأحمر
حسستني انك مو عايش في ديرتنا "البحرين"

اني ما انكر فيه عدد من الطلاب يدرسون و يشتغلون مثل الي انت كتبته بالاحمر
بس بصراحة انت محسسني أن الكل (وحط الف خط تحت كلمة الكل) ان معدلاتهم نازلة لأنهم قاعدين يشتغلون و يسوون اشياء بناءة للمجتمع و مادري ويش
و ان معدلهم أنزل من غيرهم لأنهم قاعدين يشتغلون و يدرسون مثلا

بصراحة ما اتفق ويا هالشي
و اني مو قاعد اقلل من قيمة أحد
بس الي اجوفه في المجتمع حولي شي غير عن الي انت قاعد تقوله

واجد اعرف اوادم معدلاتهم عادية و محتكة فيهم سواء اهل أو اصدقاء أو زملاء
و من كلامي وياهم او معرفتي فيهم
أغلبيتهم ما اجوف عندهم ديك الانجازات الي تذكر
و ما اجوف ان مستواهم قاعد يتدنى لأنهم مشغولين في اشياء ثانية
اسباب تدني المعدل او ان المعدل يكون عادي
ممكن يكون ان الشخص عنده قدرات بس ما يبي يتعب روحه و يطلع هالطاقات الي عنده و هو راضي عن مستواه
يمكن شخص مستواه عادي و دراسته عادية لهالسبب معدله عادي
و يمكن شخص يدبح روحه من الدراسة بس بعد لسبب من الاسباب معدله نازل

لحد ياخد كلامي personally
و في النهاية مثل ما اتفق الكل ان الي له رزق بياخده مهما كان معدله
بس طبعا لازم نوضح بعض الأمور

و ملاحظة بسيطة
بالنسبة للي حددته لك بالازرق عن سالفة القبول في جامعة البحرين
تراك غلطان
جامعة البحرين تقبل الي معدله في المدرسة 70 و فوق
و قليليييين الي ما ينقبلون في جامعة البحرين
لهالسبب تجوف كل سنة آلاف الطلاب ينقبلون بالذات في كليتنا
و ويا نهاية السنة الأولى نصهم يطلعون في الجامعة
و اذا تبي تتأكد دش موقع الجامعة و جوف شروط القبول


​

 

[مارد المصباح]

اني عجبني أغلب ردك بصراحة

بس مثلا في الي حددته لك بالأحمر
حسستني انك مو عايش في ديرتنا "البحرين"

اني ما انكر فيه عدد من الطلاب يدرسون و يشتغلون مثل الي انت كتبته بالاحمر
بس بصراحة انت محسسني أن الكل (وحط الف خط تحت كلمة الكل) ان معدلاتهم نازلة لأنهم قاعدين يشتغلون و يسوون اشياء بناءة للمجتمع و مادري ويش
و ان معدلهم أنزل من غيرهم لأنهم قاعدين يشتغلون و يدرسون مثلا

بصراحة ما اتفق ويا هالشي
و اني مو قاعد اقلل من قيمة أحد
بس الي اجوفه في المجتمع حولي شي غير عن الي انت قاعد تقوله

واجد اعرف اوادم معدلاتهم عادية و محتكة فيهم سواء اهل أو اصدقاء أو زملاء
و من كلامي وياهم او معرفتي فيهم
أغلبيتهم ما اجوف عندهم ديك الانجازات الي تذكر
و ما اجوف ان مستواهم قاعد يتدنى لأنهم مشغولين في اشياء ثانية
اسباب تدني المعدل او ان المعدل يكون عادي
ممكن يكون ان الشخص عنده قدرات بس ما يبي يتعب روحه و يطلع هالطاقات الي عنده و هو راضي عن مستواه
يمكن شخص مستواه عادي و دراسته عادية لهالسبب معدله عادي
و يمكن شخص يدبح روحه من الدراسة بس بعد لسبب من الاسباب معدله نازل

لحد ياخد كلامي personally
و في النهاية مثل ما اتفق الكل ان الي له رزق بياخده مهما كان معدله
بس طبعا لازم نوضح بعض الأمور

و ملاحظة بسيطة
بالنسبة للي حددته لك بالازرق عن سالفة القبول في جامعة البحرين
تراك غلطان
جامعة البحرين تقبل الي معدله في المدرسة 70 و فوق
و قليليييين الي ما ينقبلون في جامعة البحرين
لهالسبب تجوف كل سنة آلاف الطلاب ينقبلون بالذات في كليتنا
و ويا نهاية السنة الأولى نصهم يطلعون في الجامعة
و اذا تبي تتأكد دش موقع الجامعة و جوف شروط القبول


​

بينما الطلاب الا معدلاتهم نازلة شوي او نقول معتدله 2-3 فأغلبهم يدرسون بس مو بالشكل المطلوب وعادة يكون بسبب عدم توافر الوقت لانشغاله بأمور اخرى بس شنو هاللي يشغله ؟ هذه موضوع ثاني. بس الا متفقين عليه اغلب الاعضاء ان الشخص كونه شباب وعصب المجتمع وكونه جامعي يعني يمتلك قدر كبير من الحس بالمسؤولية والفهم فيخصص جزء مساوي تقريبا لدراسته الاكاديمية في اشياء تكسبه خبرة في الحياة العملية فبعضهم يوفق انه يتوظف ويدرس نفس المجال وهالشي يعطيه لمحة من الاحتياجات الاساسية ويسهل عليه واجد دراسته ويعطيه ملخص واضح عن طبيعة عمله الدائم مستقبلا ،وبعضهم يهتم بامور في مجال تخصصه من دون ما يشتغل وفي هالحالة كونه يختلط بالناس راح يكتسب خبرات تواصل اجتماعي بصورة غير مباشرة ومعلومات اخرى من خلال النقاشات او المواقف الا تمر عليه فوقت ما يتخرج ويقدم السي في يشوفون ان هذا الطالب صاحب المعدل المعتدل يمتلك خبرات او تجارب في مجال عمله فيتم اختياره

وجامعة البحرين ما تقبل اي طالب!! تختار اصحاب المعدلات المرتفعه فهذا دليل على ان الطلاب في جامعتنا كلهم يمتلكون قدرات اكاديمية مرتفعه

انا ما قلت اختي بأن كل ولا حتى اغلب الطلبه مخصصين جزء للشغل ! قلت ان في شي يشغله عن دراسته بس شنو عاد اللي يشغله ؟
هذا السؤال بروحه يحتاج موضوع ثاني للإجابة عليه وترجع الاسباب الى مستوى ذهنية الشخص ،طبيعته ،وضعه المادي والاجتماعي ...الخ ، لكن الا لمسته من اغلب ردود الشباب مسبقا وكانهم يقصدون هذه الفئة الا مستغلة وقتها في شي مفيد مو الفئة الا مقصرة في دراستها ومضيعه وقتها على امور لا تسمن ولا تغني من جوع !!

النقطة الثانية بصراحة انا من دفعة 2012 ولما كنت املي الاستمارة كان هذا الشرط موجود فيها ان لا يقل المعدل التراكمي عن 70%
إلا اذا تغير هذا النظام حاليا يجوز

 

[محمدونا]

لا أختلف معكم خصوصا مع الأخت رحيل ..

انا الي أزعجني بالنقاش هو ذكر بعض الزملاء سالفة التفرقة بين الطلاب حسب المعدل

يعني ان فلان اجتهد و جاب معدل 3 فهو يستاهل الوظيفة اكثر من الي معدله 2.2

اذا راح نتكلم عن " الي يستحق " :

* ممكن ان هذا الطالب ظروفه ما كانت تسمح له بالمذاكره مثلك و رغم هالظروف حقق معدل انت ما تقدر توصل له لو كنت مكانه .
* من الطبيعي انك تكون جايب معدل 3 من الغش مو من ذاكرتك المبروكة و الي جايب 2.2 تاعب عليها تعب " من صدق " .
* اذا انت معدلك 3 بس طبل في الـcommunicating فما اعتقد انك تستاهل الوظيفة لاني اشك في معدلك صراحة !
* عادي تلاقي لك شخص كان في الثانوي معدله 80 وفوق وحاليا بالجامعه من جماعة الـ3 لان الانسان تعب على روحه رغم ان ذلين أقليّة بالجامعه
بس هم الي يستاهلون فعلا الوظايف
* الي يستحق الوظيفة ( هو الي تعب بمجهوده ) مو ( الي تعب بأساليب الغش عشان يوصل الـ3 )​

 

[رَحِيــلْ ،]

النقطة الثانية بصراحة انا من دفعة 2012 ولما كنت املي الاستمارة كان هذا الشرط موجود فيها ان لا يقل المعدل التراكمي عن 70%
إلا اذا تغير هذا النظام حاليا يجوز

ما اتغير..

​

 

[رَحِيــلْ ،]

بس لحين محد جاوب على سؤالي اذا الشركات ( القطاع الخاص ) أغلبها لا تهتم بالمعدل أكثر من اهتمامها بالقطاع الخاص .. هل الوزارات الحكومية نفس الشي ؟

الحكومية أعتقد ولا أجزم بالقول
إنها تهتم إنه يكون المعدل فوق الـ 2
بس بعد تاخذ وياه مقاييس أخرى
على ما أظن بعد تسوي اختبار ومقابلة ..
​

 

[Narcissist]

لا أختلف معكم خصوصا مع الأخت رحيل ..

انا الي أزعجني بالنقاش هو ذكر بعض الزملاء سالفة التفرقة بين الطلاب حسب المعدل

يعني ان فلان اجتهد و جاب معدل 3 فهو يستاهل الوظيفة اكثر من الي معدله 2.2

اذا راح نتكلم عن " الي يستحق " :

* ممكن ان هذا الطالب ظروفه ما كانت تسمح له بالمذاكره مثلك و رغم هالظروف حقق معدل انت ما تقدر توصل له لو كنت مكانه .
* من الطبيعي انك تكون جايب معدل 3 من الغش مو من ذاكرتك المبروكة و الي جايب 2.2 تاعب عليها تعب " من صدق " .
* اذا انت معدلك 3 بس طبل في الـcommunicating فما اعتقد انك تستاهل الوظيفة لاني اشك في معدلك صراحة !
* عادي تلاقي لك شخص كان في الثانوي معدله 80 وفوق وحاليا بالجامعه من جماعة الـ3 لان الانسان تعب على روحه رغم ان ذلين أقليّة بالجامعه
بس هم الي يستاهلون فعلا الوظايف
* الي يستحق الوظيفة ( هو الي تعب بمجهوده ) مو ( الي تعب بأساليب الغش عشان يوصل الـ3 )​

اولا ما يصير على كيفك تحور الكلام الي احنا نقوله و تاخذ هالكلام المحور و تبي تمسكه ضدنا
متى قلنا ان الي معدله 2 ما يستاهل يشتغل!

باختصار الموضوع عبارة عن سؤال: من الي له فرص مهنية أكثر الي معدله 2 أو 3
مو من الي يستاهل يشتغل!
اذا عندك مشكلة بعد في قراءة صيغة السؤال هدي مو مشكلتنا

اذا على اللي يستاهل برايي الكل يستاهل
لأن كل واحد تعب و درس و تخرج يستاهل يحصل نتيجة تعبه
و اتمنى كل الخريجين يحصلون وظايف

ثانيا اهم شي انك جازم ان الي معدله 3 غاش
يعني لهالدرجة محد في الكون يقدر يجيب 3 الا بالغش!
لهالدرجة الجامعة يبيلها عبقرية و حتى لو جابوا عباقرة اليابان ما يقدرون يتخرجون الا اذا غشوا
حشى مو جامعة البحرين سويتونها لينا هارفارد او ستانفورد
و حتى هارفرد على فكرة ناس يتخرجون ب 4

حتى لو كان الي معدله 3 يغش
مستحيل تصيب له في كل مرة
و مستحيل في كل مرة ما يصيدونه
و مستحيل كل مرة يكون المراقب متساهل
و مو في كل مرة تسلم الجرة

لو بيغش مرة مرتين اوكي اما تبي تقنعني واحد مو تعبان و لا 1% في معدله و كله من الغش لا اسمح ليي الشي مو منطقي

و اذا انت مندهش من معدل 3 أحب أقولك 3 و لا شي و فيه ناس تجيب 4
لا تقول ليي بعد هديلين طبول و اغبياء و الدكتور علموهم الاسئلة قبل كل امتحان

و لحد الحين ابي اعرف السر ورا ان الكل يقولون ان طلاب ال 3 و 4 ما عندهم كومنيكشن سكلز
مجودين لينا هالشماعة
مادري ليش محسسيني طلاب ال 2 كلهم مقطعين السكلز و ما فيه نفسهم
فيه بعضهم كلمتين على بعض ما يعرفون يحاجون الدكتور

ياخي مثل ما فيه طالب 3 و 4 ما عنده الكومنيكشن سكلز و ممكن يكون طبل على قولتك
فيه طلاب 2 ماعندهم كومنيكشن سكلز
ما ادري ليش تعممون
التعميم لغة الجهلاء​

 

[درازية]

احنا كليتنا تطبيقي
6 مقررات فيهم لاب ووكله عملي مكروسفت اوفس وحتى الستات فيه لاب
حلوو نص نظري ونص عملي
احسن من كله نظري
مثلا اني يوم منت بزنس كله ادرس نظري واخره مرة استخدمت برنامج للاب من ايام ثانوي
بس يوم كنت تطبيقي عرفت شغلات ماكنت اعرف لها لا ف بزنس ولاثانوي
برنامج جدد في هالحاله بتكون عندي خبره ف برنامج دي وداك وغيره
اني اقول لو يغيرون مقررات بزنس يحطون عل الاقل 7 مواد عملي يعني كل كورس لازم ماده فيه لاب بيكون احسن بتكون عندكم خبرة

من وجهه نظري الشخص نفسه ف خبرته وذكائه بستخدام عملي ناس يعرفون بدون مايتعلمون وناس لازم يتعلمون

ماايد المعدل 3 وفوق
ولا2
احتمال يكون شخص 3 دكي وتاعب عل روحه بس بسبب تخصصه لي مافيها عملي والغلط مو من طلبه من جامعه

احتمال ليى معدله2 يكرف روحه لانه مايقدر
الله خلق الناس قدرات مو كلنا نفس شي
وتعالو بعد حق جانب العملي وش يعرف وش مايعرف

 

[محمدونا]

شوفي الردود و بتلاحظين ان الكلام متحور حول أحقية الوظيفة للي معدلهم 3
انا ما اقوّل احد ولا اجيب من جيسي

و الي قالش ان مو كل مرة تصيب في الغش فاظن للحين ما شفتين طبيعة الجامعه هههه
80% من الطلبة و الطالبات يغشون ومافي امتحان مافيه غش هذا شي مو مختلف عليه
و اي انا اشوف ناس واجد كميونيكيشن عنده زفت وهو 3 وشوي
بالعكس انا مو منبطه جبدي الكل اتمنى 3 و 4 يحصلون بس لا تقارن روحك بشخص عنده قدرة وجايب 2

ثانيا الظاهر معدلش 3 فماخذة الكلام " تعميم " لان وصلش تجريح بكلام حق
اتمنى ان يكون موازنتش للكلام كلمة بكلمة ،، تظليل بعض الكلام واستخدامه في النقد هو الجهل ..
لاني ما عممت اختي ..

< طلعنا من الموضوع الحين رحيل بتخفي المشاركة هههه
بالتوفيق جميعا .. ( من يحب لأخيه ما يحب لنفسه ) ..
آخر رد بالموضوع​

اولا ما يصير على كيفك تحور الكلام الي احنا نقوله و تاخذ هالكلام المحور و تبي تمسكه ضدنا
متى قلنا ان الي معدله 2 ما يستاهل يشتغل!

ياخي مثل ما فيه طالب 3 و 4 ما عنده الكومنيكشن سكلز و ممكن يكون طبل على قولتك
فيه طلاب 2 ماعندهم كومنيكشن سكلز
ما ادري ليش تعممون
التعميم لغة الجهلاء​

 

[Narcissist]

شوفي الردود و بتلاحظين ان الكلام متحور حول أحقية الوظيفة للي معدلهم 3
انا ما اقوّل احد ولا اجيب من جيسي

و الي قالش ان مو كل مرة تصيب في الغش فاظن للحين ما شفتين طبيعة الجامعه هههه
80% من الطلبة و الطالبات يغشون ومافي امتحان مافيه غش هذا شي مو مختلف عليه
و اي انا اشوف ناس واجد كميونيكيشن عنده زفت وهو 3 وشوي
بالعكس انا مو منبطه جبدي الكل اتمنى 3 و 4 يحصلون بس لا تقارن روحك بشخص عنده قدرة وجايب 2

ثانيا الظاهر معدلش 3 فماخذة الكلام " تعميم " لان وصلش تجريح بكلام حق
اتمنى ان يكون موازنتش للكلام كلمة بكلمة ،، تظليل بعض الكلام واستخدامه في النقد هو الجهل ..
لاني ما عممت اختي ..

< طلعنا من الموضوع الحين رحيل بتخفي المشاركة هههه
بالتوفيق جميعا .. ( من يحب لأخيه ما يحب لنفسه ) ..
آخر رد بالموضوع​

اني بعد اقدر اقول هذا اخر رد ليي في الموضوع
مع ان مو من طبيعتي أكتب في موضوع نقاشي "هذا آخر رد ليي في الموضوع"
لأن أعتبره تهرب
بس أحس السالفة مصخت و عطيناها أكثر من حجمها
+ هالنقاش تحول لنقاش بيزنطي

جوف اولا بما انك دخلتني في السالفة و دخلت معدلي في الموضوع
< مع ان اني كلش ما دخلت شخصك الكريم في الموضوع فما ادري ليش قاعد تدخلني في السالفة
بس عموما مهما كان معدلي 3 أو 2 أو 1
لا تفكر مجرد تفكير أن أنت أو غيرك في الموضوع بتقلل ثقتي بنفسي اذا قلت اي كلام

لو كان معدلي 2 ما بتأثر فيني الردود الي تقول ان الي معدلهم 2 فرصهم أقل في الشغل
و لو كان معدلي 3 بعد ما بتأثر فيني الردود الي تقول أن الشطار طبول و ما عندهم كومنيكشن سكلز او سوشيل لايف

و لا تفكر ان اني قاعدة أدافع عن فكرة معينة لأنها تمثلني أو لأن الشي متعلق فيني
اني مجرد ما احس النقاش مو منصف أكتب رأيي سواءاً كان في أي موضوع

في واجد مواضيع من قبل انطرحت و من امثلة على هالمواضيع
موضوع وحدة تلبس عباية و وحدة ما تلبس
اني عن نفسي البس عباية بس ردودي كانت تدافع عن الي يلبسون ثياب
يعني مو تروح تقول هدي دافعت معناته هي ما تلبس عباية
بس هدا رأيي و مو بالضرورة ادافع عن الشي بس لأنه يمسني
المشكلة واجد اعضاء ما عندهم هالثقافة و واجد ياخدون الموضوع بصورة عاطفية
يعني اني البس ثياب بروح بدافع عن روحي في الموضوع
او اني البس عباية بروح اسب الي يلبسون ثياب في الموضوع

و أني هالشي لمسته في هالموضوع
أغلب الردود ما كانت منصفة فيه
من جدي كنت ارد هني و انت رحت قلت ان اني ادافع عن نفسي
يعني خلنا نقول 80% من الردود في الموضوع كانت تقول أن الي معدلهم 2 ليهم فرص وظيفية أكثر
أوكي على أي أساس؟!
بس لأنهم يفترضون أن الي معدلهم 2 عندهم كومنيكشن سكلز + انشطة اكثر من الي معدلهم 3
أني ما أجوف هالشي منصف لأن باختصار مثل ما قلت لك و برد بعيد
مو كل الي معدلهم 2 مقطعين السكلز و الانشطة
و مو كل الي معدلهم 3 ما يعرفون الا الدراسة و فاشلين في باقي مجالات حياتهم

بالنسبة للغش أحب أقولك أني سنة 3
و خذت مواد من كل اللفلات و من أغلب الكليات
و مو تحسبني freshmen ما ادري وش صاير في الجامعة

أدري أنه فيه غش و أدري أن المراقبين واجد يطوفون
بس في نفس الوقت أعرف واجد أوادم سواء كانوا 3 أو 2 أو حتى 4 ما يغشون
مو معناته انك جفت الاغلبية يغشون يعنية الكل غش
حط في بالك الأغلبية مو معناتها الكل

واجد ناس ما يغشون يمكن لأن يخافون أو عندهم مبدأ في الحياة ما يغشون

و اني عن نفسي أقولها لك و مو هامني اذا صدقت أو لا
اني ما أغش في الجامعة
و حتى لو كنت ابي اغش طبيعتي دايما اخلص على حزة الحزة فما يمديني + عندي مبدأ بدال ما اقعد اخطط لطرق الغش بروح بدرس احسن ليي + ما أثق في اجابة غيري
و بعد ما اجوف انه it's worth it ان اروح اغش و يصيدوني و يسوون ليي سالفة كلها على سؤال

و أعرف ناس واجد من الي معدلاتهم 3 و فوق و الي انت اتهمتهم انهم كلهم يغشون
أعرف أن هم ما يغشون
و يمكن يغششون بس ما يغشون

و بالنسبة لسالفة طلعنا عن الموضوع
احنا في موضوع نقاشي و شي طبيعي بنتطرق لأكثر من جانب عشان نوضح الصورة
​

 

[Waffa]

شوفي الردود و بتلاحظين ان الكلام متحور حول أحقية الوظيفة للي معدلهم 3
انا ما اقوّل احد ولا اجيب من جيسي

و الي قالش ان مو كل مرة تصيب في الغش فاظن للحين ما شفتين طبيعة الجامعه هههه
80% من الطلبة و الطالبات يغشون ومافي امتحان مافيه غش هذا شي مو مختلف عليه
و اي انا اشوف ناس واجد كميونيكيشن عنده زفت وهو 3 وشوي
بالعكس انا مو منبطه جبدي الكل اتمنى 3 و 4 يحصلون بس لا تقارن روحك بشخص عنده قدرة وجايب 2

ثانيا الظاهر معدلش 3 فماخذة الكلام " تعميم " لان وصلش تجريح بكلام حق
اتمنى ان يكون موازنتش للكلام كلمة بكلمة ،، تظليل بعض الكلام واستخدامه في النقد هو الجهل ..
لاني ما عممت اختي ..

< طلعنا من الموضوع الحين رحيل بتخفي المشاركة هههه
بالتوفيق جميعا .. ( من يحب لأخيه ما يحب لنفسه ) ..
آخر رد بالموضوع​

1- اني مو فاهمة ويش مشكلتك بالضبط
2- شفيك مقهور من الي معدلهم 3+؟
3- من الي سوا هالاحصاءات في ردك؟ اني ماعمري غشيت وحتى لين الاحظ فيه غش مو بهالنسبة الي تقول عنها؟ وتخصصي كله نمتحن في classrooms مع مراقب او مراقبين، فشلون بنغش بالضبط؟
4- ليش تفرض الي معدله 3 "بينجرح" من كلامك؟ الحين هو معدله احسن منك، ينجرح حقوي؟ والله محد غيرك المجروح لمن جيت وسطرت هالرد الي فوق الي ما اخدنا منه لا حق ولا باطل غير انك فيك حرة على الي معدلاتهم عالية
5- الي معدلتهم في ال2 يغشون بعد تره، للمعلومية فقط، الغش مو محكور على الي معدلاتهم عالية بس، واصلا الي دارس وواثق من نفسه مابيدش وبيحاول يغش وبيحط دراسته في ورقته امبدل مايضيع وقت
6- تعليق خارج الموضوع، مادري شسالفة الي يحطون (اخر رد ليي في الموضوع) عجل حقوي تناقش؟ يعني اصلا شالهدف dramatic exit?